زارعني بأمل وگاطع عليه الماي
إذا مالك خلك چا ليش تزرعني.

چلمه حبيبي انتهت شختار الك چلمه
وانتَ ابحلاتك شعر وابمشيتك نغمه
امشي على نبض الگلب يالزحمتك رحمه.

يا جوري طرز الدرب واشبچ اعله العبره
بلچت يمر الترف وعن حالتي اتخبره
گلّه الليالي زهن بربوعنه الخضره
ينشد عليك النهر والليل والگمره.

بعد المن ؟ اشكي المن ؟ احچي المن ؟
اول الاحباب انتَ ، آخر الاحباب انتَ
المن عيوني يضّون ، وبعدك المن يحبن ؟

يَحلو الطول يبيض ياغزالي
يَمن بالكون غيرك ماحلالي
إذا صفيت بالك ولك صفي بالي
بعد مااعرف دربي من خيالي
نسيت الدنيا ونسيت اعتدالي
مِن شفتك طاح حجيي واحتمالي،
حجو عنا وگالو هالحب خيالي
بس حُبك بعيوني مثالي
تعبت اوصفك ماكو بجمالك مثالي يالوجهك بدر وعطرك ناصع خيالي.

شنهي اطيَب من أذيتك؟.

أَبقى احبك لو يشتلونَك گِزازة بمجرى دَمي.

و اذا محترگ تلگاني و بأديك الماي
اغسل بيّ ضميرك لا تطفيني.

رِدت چم مرة اطلعك؟
كلبي مابي باب
دورتة على كيفي وكل كتر درتة؟
وتعلمت كلشي في سبيل أنساك
بس فراگ وجهَك ماتعلمتة.

گتلي من تعطش تَرويك الچفوف
وهذا أنة العطشان وين چفوفك
وگتلي من تستاحش بنص روحي طوف، شو عَلي شحيت حتى طيوفك، عادي يابذات لو رايد تعوف، عوف، بس تنكر تعض چفوفك، صار ملگانة اسطوانة على الرفوف، وَحبنا مات استشهد إعلى چفوفنا.

لاچن اشبيدي وگلبك المتعوب ما عنده فكر
يا حيف بشفافك بعد ما انذكر
ماريد احنن گلبك بهاي القوافي والشعر
ولا اريد اگلك تحت ضلعي چم كسر ما ينجبر

مل مني بريد الشوگ
وچفّت رسايلي بلا رد،
صرت أراسل هاجس گليبي،
وآخذ من تنهيدة الوجد
يا غايب بليل الغربة
دليلي ظل يضيع بخطاك،
أشوفك حلم بسهراتي
وأصحه يبرد حضن ذكراك
يا ريت الهوى يرحم
ويشيل العتب من عيني.

عرگ چيدك زمزمي.

امل منك؟ اصد عنك؟
چذب من گال اعوفنك
لو حَطو بدربي النّار
بدمع عيني لأطفيها
وادگ بابك وأشوفنّك
وافلش حاجز المبني
وأحيلة عنك وعني
وأحجيلك وتحاجيني
واسمعنك.

وجهة منا