Esingdami
meni sog’inmagan damlaring,
hech qachon uchrashmaganimiz esingdami?

Esingdami
bizsiz huvillagan ko’chalar,
birga yashamagan uyimiz esingdami?

Esingdami
meni topolmay yig’laganing,
eshitmaganing ismim esingdami?

Esingdami
yolg’iz-yolg’iz yurganimiz,
baxtli bo’lmaganimiz esingdami?

Esingdami
senga yozmagan xatlarim,
xatlarimning har bir so’zi esingdami?

Men esa
seni eslaganim-eslagan –

birga kechirmagan
umrimizning
har bir lahzasi
yodimdadir.

📘 Usmon Azimning “Bir parcha osmon” kitobidan

P.s: “Bir parcha osmon”ni o’qiydigan havo bo’lyapti-a?

💙 @ikar_factor – 𝐈‌𝐥𝐤 𝐊𝐚𝐭𝐭𝐚 𝐀𝐝𝐚𝐛𝐢𝐲 𝐑𝐞𝐳𝐨𝐧𝐚𝐧𝐬!