تستّر بضحك وجهك وأمسح اهدابك
في وجهك الحزن لـه يومين .. متبـرّج

اولى بي أنساك وأنت ظروفك أولى بك
مـوضـوعنا فـات .. ليه نزيـد و نعـرّج

ذاك الزمن راح يوم الحزن لا جابك
ما ترجع إلا وهمّ الصـدر .. متـفرّج

ظهرت مـن ذمـتي في ذمـة أحبابك
أنا مـن اليـوم مثل النـاس .. متفـرّج
- عبدالله آل لزيوح

يا مذاق العافية لا ذاقها القلب المريض
كل حبٍ غير حبّك.. حب ما فيه ثمره"

‏عشرتك صارت مثل ردف المضيفه
‏مافي كوع مسسافر .. إلا لمسّها :)

أسافر على متن السحَابة، وأدفّ الريح
‏ورى غربتك وآخر منازلك، وبلادك

‏وأمر الليالي بـ الطواريق والتجرّيح
‏لا جاد الزمان بكل طعنة، ولا جادك

‏عسى ليلةٍ فيها من الشكّ والتبريح
‏فدا ليلةٍ فيها مجيّك ومعوادك

"ضاق المكان اللي من أوّل أحبّه وأجيه
‏مدري هو الدرب وإلا الصدر مابه سعه

‏كم مرّت وجيه في عمري وعدّت وجيه
‏ومافيهم اللي بقى لي أو خذاني معه

‏ياعابرين الحياه أحتاج -قلبٍ نزيه
‏عفويتي .. قابلتها قلوب متصنّعه

‏القلب مافيه أحد يستاهل يعيش فيه
‏رفعتهم فوق لكن طاحت الأقنعه"

أعرف
‏مامعنى أن تنظر لأشيائك نظرة الرجاء قبل وداعك الأخير

أخذ الحياة بكبرها وأرحل بعيد
‏وصادق من تصادق وحب اللي تحب
‏
‏امّا انا بحاول أبدا من جديد
‏وأتقبّل الفرقى بكل صدرً رحب
‏
‏لني الوحيد اللي يحبّك والوحيد
‏اللي انسحب وهو ماودّه ينسحب
‏
‏تستكثر القصيد ماتدري القصيد
‏من أبسط حقوق المُّحب على المحبه

مشاعري .. يوم ابينها وكنّي"مابيك"
اكذب من البسمه اللي في نهار العزا

" خالي من الناس و إن مروا خلاله ثقيل
مايقبل إلا أنت . . تستولي على خلوته "

" إليّا زعلتوا فأزعلوا لين ترضون
وإن ما رضيتوا جعل فالأمر خيره

ما يلحق الواثق مشاريه وظنون
ولا به كبيرٍ . . يلتفت للصغيره . . "

‏بتقفي بك الدنيا يا حبيبي وأنا بتقفي بي
لين ما عاد نعرف عن بعضنا إلا هزايمنا .

الشمال البارده هبّت و خاوتها الهبايب
‏من برودتها ليان الغصن ما عاد يتثنّا

‏َعلم اللي يحتسون البرد عاد البرد غايب
‏هي كذا ولا كذا نقدر نرد البرد عنا

‏َكل شي الا البرود اللي يجي بين الحبايب
‏هذي اللي شغلها منّا وشغل البرد منّا

هلا يا أول خريطة للفرح في رحلة اللي ضاع
قبل جرة غـلاك بعالم الخذلان ودروبه

سقى غيثك صحاري قلبي وقلبي؟ بدويّ اطباع
يرحبّ بالمطر حتى ولو بلّ المطر ثوبه

أنا ما كنت أخاف الشوق ولا والله أخاف وداع
ولا كانت ليالي العمر في دنياي محسوبه

ألين إني لقيتك! يا بعد منهو شرآني وباع
وعرفت أن العمر لحظات والأيام مهيوبه

كثر ما ازعلني الهجر وكثر ما أبكتني الأوجاع
حمدت الله يا شور الله بأن الأقدار مكتوبه!

ولو قلبك عليّ التاع، أنا كلّي عليك التاع
كأن غيرك ذنوب! وكنّك الغفران والتوبه

"ما كان ودّه يبللك المطر يا جميل
‏لكن يبي يحس كيف إليا نزل يرتقي"
__سعد علوش.

‏جبين ولا بدر ذا خشم ولا حدب ؟
‏يا بنت من دون مجده ماحدٍ هيبه

‏الله من الزين والعفه وكثر الأدب
‏و الكلمه الطيبه و النيه الطيبه

‏السنافي والخوي وأغلى الجماعه
‏في نظرهم كنّي القصر الرئاسي

‏والرفيق الي متاعي من متاعه
‏كن ربي خالقه يجلى عماسي

‏يا بعد من قلت له سمعًا وطاعه
‏وألتفت يمي وبادلني حماسي

‏من كثر ماني أحبّه عن قناعه
‏لو عطاني ثوبه بيطلع مقاسي

‏رميت وجهي على كتفك شوي وغفيت
‏والغفوة اللي ثواني فوق كتفك عُمر

‏لو إنك من أول الدنيا معي ماشكيت
‏مافاتنا نستحقّه بس ما الله أمر

‏لو مرّ عمري معك برد وسلام اكتفيت
‏هذا وجنبك ربيع العمر عيّا يمر

‏دامك معي لايهمّك لو ضحكت أو بكيت
‏كتفك لحاله يكفّي لين يقضي العمر

و أقفيت وأنا اكبر من التبرير والعذر السمين
حتى لو اني خاطري ما كلّ شيء يصبّره

القلب يكسره اللسان.. ولا تجبّره اليدين
ماهوب عظمً كل يوم .. تكسّره وتجبّره

ما عاد عندي فرصةً تهدر مْن العمر الثمين
واللي بينشدها من أسباب الفراق تخبّره

ما غاض منها الشامتِين .. الا جمال الشامتين
اللي حداها عن حداها .. فارقه ومعبّره

من حقّها تنثر مدامعها وزان الصورتين
تعلّق الذكرى على بروازها وتكبّره

(حيث انه اول شخص يسقط من عيوني مرّتين
وأنا عيوني من سقط منها .. ما عاد تعبّره )

- صالح النشير

ياسليلة مفني الكوم والدنيا دهر
‏تقصر اشناب الرياجيل عن هيبة حماك
‏ㅤ
‏لا تقولين انتهينا ترى يومي شهر
‏الحقيني ركب الأحلام لجل الحق مداك
‏ㅤ
‏ما لقيت الطيّب اللي يشد به الظهر
‏ومالقيت الكلمة اللي تعبّر عن غلاك
‏ㅤ
‏لو نضمت سنين عمري على جيدك مهر
‏ماتساوي دمع عينك ولا ضحكة شفاك