‏"مرحبا بك والمشاعر لو تشوف أقصاها
‏تدري إن جيّتك عندي ماهي بعاديه"

أنتم تحبون السوالف .. وحنّا
لو نملك أدنى حاجة ، تبين فينا

تحسب معانا مال قارون ، لأنّا :
حنا ، نبيّن : ( نعمة الله علينا )

جيت أنافس كل عذرا تفتخر في خلها
‏ كل خل غير خلي راح مرواح القطا

لك على السطح القمر تسعين سلم
ما يهمك مستوى كل البناااااتي💞

‏عيني تخطت جميع الخلق ماشافت
‏إلا أنت يالي شمخت بناظر عيوني

‏أنتظر عمرٍ تناسته .. الليالي
‏عمر يرمي شرهة أيامي خلافه

‏ليلةٍ ماجابت الحاجه لصوتك ماتراعي
‏راوغت وانا صباحاتي من ارزاقي عقيمه!
‏ٰ
‏كِنّها مرّت على عمري كذا من دون داعي
‏زايده على الحياه، وفطرة النفس السليمه
‏ٰ
‏والدروب اللي تودي عنك؟ ملويه مساعي
‏والدروب اللي ترجعني لـ قربك مستقيمه

( والنفسُ تعرفُ من عيني محدّثها
‏إن كان من حِزبها أو من أعاديها )

مامعي إلا أحبك عالقه في فمّي

أنا عمري فداك ولا غدى لك - حاجبٍ معقود
‏أبيعه في رجا بسمة شفاك ولا أحسب حسابي

"من دخل غيبوبة احلام حبك ما صحى
كثر خيري كانني منك ما رحت مهبول"

من لا تقهواها على فكّة الريق
اليا شبع! لا عاد يشفق عليها

فكني من مفردات ، أسلوبك التشكيكي
انت تدري بي ما احب الأنفس المنعاجه

لا تسوي نفسك أذكى الناس يالمتذيكي
من يسوي نفسه الأفهم ما يفهم حاجه

على انّي املك خاطرٍ أدنى ما حسّه من كلام !
‏الاّ ان لي نفس ٍ ماهوب أدنى ما فوّر دمها
‏
‏من اولٍ تهمّها الذكرى أشد الاهتمام
‏واليوم حتى صانع الذكرى معاد يهمها

مرّني طاريك وأحرجني شرودي
‏بالوجيه اللي تسائل وش تفكّر ؟

‏عاقد أحلامي على دعوة سجودي
‏في رجاء ربٍ لـ عبده ماتنكر

‏كيف أبرضى وأبتعد يا أجمل قيودي
‏وأنت قربك ريح هيل، وطعم سكر

‏ياوجودي، كان مايفرق وجودي
‏في عيونك ياصفى البال المعكّر

تظلّ السنة وأغلى التواريخ محض أرقام
‏لكن ما يخلّدها .. سوى ما جرى فيها !

يا العفيف اللي غلاك اغمض من رسوم الخريطة
الليالي لا تشيّمنا من الفرحة خذتها

البنادم مستحيل له غناة من محيطه
والمواقف تفحص الاصحاب وتطيح اقنعتها

ابتسم واسند لي همومك ترا الدعوة بسيطه
لا تزود بسمتك والحزن يقطع سالفتها

أنت لو تبغي العراق تشد وتروح لـ شبيطه
قلت أكيد انه مشدّدها يدوّر مصلحتها

لا تضيق وينتثر دمعك وانا فوق البسيطه
اذخره لا سمعوك اسمي وانا قدني تحتها

حبيبي يا ليت العمر منا إلين أنهيه
مثل ضحكتك لا قلت شيءٍ ما صدقته

ما تقدر تقول إن فاقد الشيء ما يعطيه
وأنا أعطيك ضحكٍ لي سنة يوم فارقته

لقاك أسرع من الحلم مع فارق التشبيه
لو تسابقه الأحلام ماهيب سابقته

أنزّه محبتْك الشريفة من التشويه
وأنا العاشق اللي رغبة النفس مرهقته

ما طلت العنب لكن والله ما أعذرب فيه
أشوفه وأعرف إنه حلو ما بعد ذقته :)

- علي آل صبيح

بعض الوجيه اللي تمرّك في الحياة
‏ما الله خلقها الا عشان ( تحبّها )

أحاسيسي بعض الأحيان تذهلني
‏و بعض الأحيان ودي إني بدون إحساس

‏أعرف الناس كثر ما الناس تجهلني
‏و هذا اللي وقف بيني و بين الناس