جيت أبكرهك طاح القلب عشب وحمام
والتوى طفل يبكي في طرف ثوبي

زعلي يتجسد في رحيلي، لأن وجودي هو أثمن ما أقدمه.

و الله إن عذرك سمين ورد عذرك والم
و إن مواطيها على قلبي مواطي ريشة

دامها ماهيب فالشكّات راسك سالم
أخير من الخوض في موضوعنا تطنيشه

مقدر أصخي بك سوا مظلوم و لا ظالم
أمحق أرضٍ تفقدك و أمحق حياه و عيشة.

لا أحد منا يعرف طريقة يتفادى بها الأيام السيئة، ولكننا ننجو

كنت احسبك سكر ايامي وملح سنيني
واثر لك وجهين وجه أبيض ووجه مشوّه
.ㅤ
كيف أبادر بالعطا لك وانت ما تعطيني؟
وبرقك اللي دايم اخيله ما يصدق نوّه
.ㅤ
وانت تعرفني قنوع ادناة مايرضيني
بس تبخل في عطاك وفي غلاك تموّه
.ㅤ
وانا فيني من لظى الأشواق ما يكفيني
وادري اني معك لاحولٍ ولا لي قوّه

أخذ الحياة بكبرها وأرحل بعيد
وصادق من تصادق وحب اللي تحب

امّا انا بحاول أبدا من جديد
وأتقبّل الفرقى بكل صدرٍ رحب

لأني الوحيد اللي يحبّك والوحيد
اللي انسحب وهو ماودّه ينسحب

تستكثر القصيد ماتدري القصيد
من أبسط حقوق المُّحب على المحب

لا ترخص الدمعة وأنا منّك وفيك
لا ضاق صدري من سواياك من ليّ ؟

مكتوب أحبّك وأتحفّى طواريك
لو كان لك طبعٍ ماهو جايْزلّي

ماني مخلّي محلَّي لذعذاع النسيم
الزعل ضيفٍ مقدَّر، وأنا راعي محل

ماذقت من الكلام ألذ من كلمة صباح الخير
‏مْن اللي ينطفي نور الصباح إن ما قعد بدري

جالس لحالك وكرسي الخشب يحتويك
وتمرّك الريح ، وتشاورك تلحينها

تمرّك العابرين وما تسلم عليك
إلا غريبٍ طوته الأرض بسنينها

قال: أنت جالس لحالك تنتظر من يجيك؟
قلت : انتظر روحي اللي مااعرف وينها

‏لو أنه زجاج لكسرته ولو أنّها ورقة لمزّقتها لكنّهُ قلبي

‏انا حسب عرِفي وفهمي وتفكيري
‏ما ودك ان الحبيب يكون متسارع

‏صح اني اخطيت في حقك بتاخيري
‏لكن ما توصل تقط الورد فالشارع !

مصير الأحزان تنسـاني وتفتكره
‏ماكل الأيام بيض و سمحة محيّا
‏ِ
‏ ياليتني لابغيت أكره قدرت أكره
‏لكن قلبي ليا جيت أكرهك عيّا ،

ماقلت لي شي وش خليت ماقلته
‏اسكت وخل الكلام لجرحي الدامي
‏
‏لوغيرك اللي يسولف ماتحمّلته
‏لكن علشان عينك هانت ألامي

‏مع إنك بعيد لكن بقى التذكار
‏ليا شافته عينيِ تتسابق مدامعها

‏دفنت الغرام بـ خافقي والقلوب أسرار
‏مشاعر هقت إن الليالي تضيعها

‏جحدت الغلا لين أمتلى بـ الخفوق وثار
‏قصايد عساها اليوم تطرق مسامعها

‏يقولون "ما ودّعك" قلت الفراق و صار
‏والإنسان روحه تنسلب مايودّعها

‏- متعب التركي

‏من أبسط حقوق الكلام إنّه يْضيع
‏الواقع أصدق من يقيني .. وشكّي

‏لا تنتظر منّي .. عبارات توديع
‏ما عندي ألّا الضحكة اللي تبكّي

‏- عبدالله السراهيد

غديرٍ عليه الناس صادر وورّادي
أعيفه لو إنه من زلال المطر يسقى
.
ٰ"أنا غايتي ومُناي ودواي ومرادي
مذاقٍ على غيري صعيبٍ ولا يلقى"

"السفر ماغيّرك .. غيّر بلادي
‏ضعت فيه.. وكنت أدل أربع جهاته

‏فيه حبيتك وحبيت المبادي
‏والمبادي موت ، والحب إستماته

‏لاتخليك السنين تصير عادي
‏في عيون اللي يقاسمك أمنياته

‏ونادني .. لو لا حياة لمن تنادي
‏اسمي بصوتك -حياة- بحد ذاته"

"روّح مع الشارع اللي قلبي يحبّه
‏من حب راعيه.. ولا هو ترى شارع"

أحدٍ اجيه اضيّع الوقت وياه/ وأحدٍ ليا ضيّعني الوقت.. جيته