الطور بدوي
.
.
ريض بهونك يمن تحدي الضعن
شافن عيوني شكثر ضيم ومحن
.
ريض بهونك يحادي لو سريت
مرني بالكافل اكلله مشيت
وخلي اكلله عليش اتعطليت
ليش جفينك يخويه اتكطعن
.
ريض بهونك تمرني اعله الكفيل
مرني للعباس ابو درع الثجيل
ادري مايقبل على دمعي يسيل
خلي اودعنه ولم جسمه بجفن
.
ريض بهونك يحادي اعله الهزل
ناكه عرجه و خاف كفالي زعل
عفيه كلبه اشلون عباس احتمل
من خواته وي غرب لمن مشن
.
ريض بهونك و نصي كلمتك
ولو سمع عباس يكطع ركبتك
انته بايعها الشهامه و غيرتك
انته لو تعرفني ياهي وبت امن
.
ريض بهونك يحادي انطي صبر
ناكه عرجه وخاف بالممشه تعثر
ومن اطيحن اشتكي يم الكمر
انطي اسمك وانته دبرلك مفر
ادري تشرد ما اشوفك خاطبن
.
ريض بهونك و راجع قصتي
عل شريعه ودعت كل اخوتي
ضلي ما ينشاف شافو دمعتي
عتبي موش اعليك اعتب عالزمن
.
حسن صالح العيساوي

علم الله رفيع الشان الصادق ماخلف وعده
الطيب من نسل طيبين معروف النبي جده
.
عظم اجر ابو الزهراء بالصادق بهل لليله
مجلس سوه هذا اليوم وام حسين تنعيله
العالم ناح لمصابه املاك الكون تبجيله
علم الفلك و القران المحد عرف تحليله
امام ومن نسل طيبين مات ودمعته بخده
.
على امصابه علي الكرار محزن ليله ونهاره
يبجيله بدمع فاكد و عينه ادموم تجاره
تبجي وياه كلها اليوم كل اصحابه وانصاره
زينب بت علي يا ناس هذا اليوم محتاره
يجي كل موالي اعليه وكلمن حبه ويوده
.
الله يساعد الكرار على الصادق على فراكه
يوميه فجيعه تصيره الروح شكثر مشتاكه
احاه يا فركت الغالي و نار الشوك حراكه
لو مثل البعض يا ناس جاساوه الجبل راكه
محد يشبه ال البيت الصادق محد بكده
.
هايه قدرت الجبار وكلمن ساعته ويومه
ولو صلت الدنيا اعليه تون بروح مالومه
اليهل ادموم دمع العين منكم محد يلومه
باجر الحشر موجود يحضر يشفع الكومه
ياخذ بيده و يجازيه ويحميه بضغط لحده
.
بالمجلس يفوز الراح يفوز اليلطم بصدره
يلكه حاضره الزهراء وتبجي وياكم بعبره
هاي النعمه بس الكم خصها الباري بقدره
اليشكر صاحب النعمه تزيد اعليه بل مره
تزيد النعمه يوم بيوم كونك تكثر بحمده
.
.
حسن صالح العيساوي

.

الصادق ماخلف وعدة.

أداء علي النهيراوي

كلمات حسن صالح العيساوي

لفاركله زين بهل لوكت كسره جبيره
شلون لو اذا الكمر اكبر مثل للغيره
كلبه نكسر يالهل ناس    بفراك اخيه العباس
شيخ العشيره   شيخ العشيره  
••••
الدنيا ما بيها طعم يل فاركت خوانك
احذر اذا جار الوكت ضليت محد عانك
الزين بالشده درع سيفه بوسط ذرعانك
عباس فاركني الامل هجمو علي عدوانك
واتشمتو يا عيناي   ضهري نكسر يارجواي
من شافه مكطوع الراس  بفاراك اخيه العباس
بعيني البصيره    شيخ العشيره
•••••
هوه الاخو من ينفكد معناها فاكد روحك
تبقى بحزن طول دهر مابطلت من نوحك
عدنا لحسين اكبر مثل يمه قليله اجروحك
وعباس من طب النهر يا زلمه يلي يلوحك
ضلمه اصبحت كل دنياي  اتفكر الرايح جاي
راح الامل والفه الياس   بفراك اخيه العباس
   ضايك زفيره    شيخ العشيره
•••••
ليلي اخلصه بالدمع وانهاري ضلمه اعليه
و عاتبت عباس الكمر من سلبو الترجيه
شلون لو زينب مشت فوك الهزل مسبيه
لو صبر ايوب امتلك  ذرت صبر ما بيه
اصبر وخوتي مطاعين  بنص الخيم بس ونين
جان اعله زينب حراس    بفراك اخيه العباس
حيره ويه حيره      شيخ العشيره
•••••
حسين كلبه مو حجر من شاف اخيه كباله
ماعنده حيله ولا كدر يرجع لخويه وشاله
و من كله يا خويه ضعن زينب منو  كفاله
يتلوه مكسور الضهر من هجمت الخياله
تهجم عليه الصوبين   الحيله قلت بحسين
حيره وفقد ماينقاس    بفراك اخيه العباس
شنهي مصيره       شيخ العشيره
•••••
يطبك سماها عل ارض من حركته لبجبده
والجان طحتاطه الزلم هسه يقاتل وحده
والجان باخوان و كمر واليوم محد سنده
يمكن يهل و ادم كرب لحسين يوم وعده
وي الدمع صب ادموم   حسين اصبح مهموم
اتصورها زين باحساس  بفراك اخيه العباس
  وعينه بصيره     شيخ العشيره
•••••
يراد يا عالم درس حت انعرف الموضوعه
شلون من زينب بقت بخيمتها يل مفجوعه
شافت اجفوف العباس والخيل فوك ضلوعه
وحسين كل جسمه نبل وتصور انته الوعه
زينب جبل لا اكبر   من تمشي ما تتعثر
بت الفحل رفعت راس  بفراك اخيه العباس
ادموعه غزيره      شيخ العشيره
••••••••••••
حسن صالح العيساوي

لسان حال السيدة زينب عليها السلام

طور بدوي
.
.
ليلة اوداع الغوالي شثكلها
حدت الفرسان بيها اسيوفها
.،
تسمع الحره العقيله بدارها
اجتمعو اكبار الارض بشيوخها
جمعو القاده الاصيله اسيوفها
الموقف يبين عبد من حرها
باجر تشوف النجوم بضهرها
.
حسين كللهم يربعي بالضلام
انتفضو وكلوله لا لاه شهل كلام
امرا و طاعه يبن سيد انام
نموت دونك باجر ودون الخيام
احنه ارجال الصعيبه و كدها
.
اسمع العباس حضر لامته
اول السيف و بعدها بربته
كل لبو سجاد سمعو صحبته
بسمي كام يصيح جانت نخوته
افكس عيونه النضر لخيامها
.
انه انضر عن بعد كل الحديث
اندب الرحمن سترك يا مغيث
باجر الوليان صرعه و الخبيث
بيده و الخيمه يشب نيرانها
.
باجر بناكه الهزيله و سلسله
تركب اياة الطهر و البسمله
الشمر باجر يحادي القافله
تمشي صوب شام من طف كربله
مورم امن السوط زينب متنها
.
.
حسن صالح العيساوي

الشاعر الموفق والمبدع حسن صالح العيساوي بصوت حسين عدنان الكوبعي

الشاعر الحبيب حسن العيساوي

بصوت ستار الصالحي

.
اجتماع الليله هام صرح القائد العام
انطه للكافل الرايه حصت العلكمي ومايه
سور سوي للخيام
.
.
وزع القاده مناصب ابو فاضل عل شريعه
علي الاكبر عن شماله بيهم تغص الوسيعه
اهل بيت ال الرساله كلمن بدوره جميعه
امرا و طاعه ابو الاكبر انته قائدنا ونطيعه
الرمح هزه ونتفض . شيخ الانصار اعترض
كله احنه بالبداي . حصت العلكمي ومايه
كفو منك يا همام
.
.
كلمن بدوره صحبته شيخ الانصار ابن ظاهر
كله لازم احنه الاول ندخل بوسط العساكر
سيدي انته القياده و ما نعوفك تبقى حاير
و انه عمك للشدايد تدري ما هاب البواتر
صاح مغضب ورتجز . غير اهز الحومه هز
اعداك تلكاهم ضحايه .حصت العلكمي ومايه
باجر نحوله ضلام
.
.
قسموها الخطه كلها و اتفاق اعله القتال
اتفقو بنيه السليمه النيه جانت جن زلال
لا تفكر لحضه اعوفك والله يا عمي محال
باجر تشاهد فزعتي خيل اركب عل رجال
كون باجر بس تشوف .مزارك الخيل وسيوف
نحمي خيمات الولايه . حصت العلكمي ومايه
نعلن اليوم انتقام
.
.
مغلق اجتمعو سويه و النتايج موجبات
الك فدوه كلشي غالي يا عمرنه و الحياة
احنه هم مثلك علينه ينحرم شط الفرات
احنه اصحابك نضحي يا قتيل العبرات
حسين يفداك العمر ماي عيني والنظر
عندي غالي للنهايه حصت العلكمي ومايه
الك كلشي مايرام
.
.
هاي صحبه ماكو منها ابد ما صار ويصير
صاحو بكلمه سويه حسين ما غيرك امير
حسين جنه الله هوه حسين يمه ماتحير
حبه وي النفس عايش حبه عايش بالظمير
اليحبك عنده حض حسين عايش بالنبض
ماكو غيرك عنده غايه حصت العلكمي ومايه
الك نركع بحترام
.
.
حسن صالح العيساوي

‏الشاعر الموفق حسن العيساوي


بصوت ستار الصالحي

علي الاكبر ع
.
بطل كله بساله علي ياهو بجماله
نزل بالطف يجوله
شمر ذوله اعله ذوله
.
علي الاكبر مثل حيدر نزل بيها و فناها
نزل صايم ذخر هاشم عيون الكل عماها
لزم سيفه الحرب كيفه ارض من دم رواها
السلم شارد خبر وارد الوسيعه و زلزلاها
توسط وسط الميدان
تخرس مايحجي انسان
تدرب عل بطوله
شمر ذوله اعله ذوله
.
نزل غاضب نسل طالب العساكر رجفاها
علي الثاني هتف اني المعالي تصدراه
لبس درعه شهم طبعه وخيم زينب حماها
مثل جده الوفه بوعده وفه العمته ورباها
اهلأ يا عالي الشان
ابن القاده الفرسان
شحدهم ما دنوله
شمر ذوله اعله ذوله
.
يمن تسأل تريد الحل كلف مامش مثيله
علي مدرب علي مجرب عله الصعبه وثجيله
السأل عنه علي جنه نزل حامي دخيله
اعله ابن غانم لزم صارم و لزومن ينحنيله
الاكبر مو ياهو الجان
وينه الكال انه فلان
علي كدها الرجوله
شمر ذوله اعله ذوله
.
شمر هدمه اندعت امه جمر ينزل دمعها
اندعت يرجع تهل مدمع تناديله و سمعها
صكر يفتر على العسكر يطشرها وجمعها
اسد بالكر يروي البر علي الاكبر وجعها
يسطر جفه العدوان
و لازم بيده البرهان
علي اصل البطوله
شمر ذوله اعله ذوله
.
نضر عينه لبو سكينه برز وسط العساكر
حنه ضهره يحير امره بقه حسينه يكابر
الولد غالي شكثر غالي عمه حسين النواضر
قسم بالطف يصفهم صف ولا يشفي الخواطر
يطلب ماي وعطشان
ضل الوالد حيران
ابوه وامه اندعوله
شمر ذوله اعله ذوله
.
حسن صالح العيساوي

موفقين ان شاء الله

فرت اكبار الكوم طب ليها مسلم
.
.
صاح ابو الغيره وهجم
ابخدر زينب قسم
كفو تربات الزلم
بيها ضل يردم ردم
كل جيوش ال زياد لازم تسلم
فرت اكبار الكوم طب ليها مسلم
.
.
الله يستر من نزل
لمع بعيونه الزعل
وسطت الجيش ارتجل
الكوفه وكفت تك رجل
اليوم وينه مزوان جا وينه ملجم
فرت اكبار الكوم طب ليها مسلم
.
.
الكوفه توكف بالسره
الشبل قالع حيبره
جيش تطلب معذره
طوعه جانت تنضره
تصيح حي الله الزود بجفوفك ارجم
فرت اكبار الكوم طب ليها مسلم
.
.
وينهم اهل الكتب
صاح ابو الغيره وغضب
النار ذب ليها الحطب
شافو اليوم العجب
شنهي صاير يا ناس بس الله يعلم
فرت اكبار الكوم طب ليها مسلم
.
.
صاح وين اهل الغدر
اليوم ما منها مفر
راح يحجيها الدهر
و رفع رايات النصر
لوحه كضها فنان ضل بيها يرسم
فرت اكبار الكوم طب ليها مسلم
.
.
مثله ما صار ويصح
بلسم ايداوي الجرح
نصر من الله فتح
سيف ميهاب و رمح
سكتت بذاك اليوم محد تكلم
فرت اكبار الكوم طب ليها مسلم
.
.
حسن صالح العيساوي