ضع نصب عينيك هذين الهدفين :

/ أن لا يصل رمضان إلا وأنت عندك نصيبٌ من الأعمال فوق ما كُنت عليه في رمضاناتك السابقة.

/ أن تجعل الهدف استمرارك على هذه الأعمال حتى بعد رمضان .. لذلك إبدأ في غير رمضان

رمـضـان_زاد_القلـوب

‏

الصيام يا أهل الريان 🫧

• قال أبو الدرداء:
"إن خيركم الذي يقول لصاحبه، اذهب بنا نصوم قبل أن نموت".

صيام الشتاء الغنيمة الباردة💙
نذكركم بصيام غدًا الخميس.. ذكروا غيركم ..
الدال علي الخير كفاعله🌻

صيام_الخميس
باب_الريان
ذكر_غيرك

حكم رفع الأيدي أثناء دعاء الخطيب يوم الجمعة

2️⃣
رمضان آخر روقان 🎆🌜

يا ترى يا شباب إيه اللى ممكن يكون مضيع فرحتنا وإحساسنا بالعبادة في رمضان ⁉️

يا ترى ليه بندخل رمضان وبنخرج منه من غير ما نتغير مع إننا بنتعبد فيه وبزيادة كمان ⁉️

لو تأملنا هنلاقي إن أساس المشكلة وأصل الحكاية من البداية هو:
عدم فهمنا الصحيح لصحة العبادة

يعني إيه ؟؟ يعني العبادة للأسف الشديد في نظرنا ما هي إلا مجرد حركات بنعملها وكلمات بنقولها من غير ما يصاحبها أي روح أو معاني ..بدون أي استشعار لعظمة الله والتذلل والانكسار والاستسلام له ، بدون أي استشعار للثواب والعقاب اللي مترتب عليها ‼️

وعلشان كده اتحولت عباداتنا إلى طقوس وعادات، فأصبحت الصلاة مجرد تمارين رياضية والزكاة كأنها ضريبة من الضرائب💰 بندفعها .. والصيام نوم بالنهار وأكل بالليل ! أما الحج ففرصة علشان نتصور سيلفي مع الكعبة🕋 !!

فأصبحت النتيجة المؤلمة اللي كلنا شايفينها قدام عنينا وبنشتكي منها:
إنسان بشخصيتين متناقضتين ‼️
تلاقيه مش بيبطل صلاة وصيام وصدقة وحج وعمرة وبيحفظ قرآن ومع ذلك تلاقيه مش أمين وبيغش ويكذب ويرتشي ويسب ويلعن
ومعاملته أسوأ ما يكون مع أهله وزوجته والناس كلها !

وأي حد هيحاول بس يدقق لثواني في القرآن والسنة ، هيشوف وهيعرف من الآيات والأحاديث إن المقصد من العبادة ليس فقط أداؤها من الناحية الشكلية اطلاقاً ، بل المهم والأهم هو أداؤها بطريقة تحقق هدفها والغاية اللي أرداها الله لنا من فرضها علينا .

وعلشان كده هنلاقي ربنا قال في القرآن في مواضع عديدة :
{وَاللهُ يُحِبُّ المُحْسنينَ﴾ ، ﴿وَاللَّهُ وَلِيُّ الْمُتَّقِينَ}
{إن اللهَ مَعَ الصَّابِرِينَ ﴾ ، ﴿وَاعْلَمُوا أَنَّ اللَّهَ مَعَ الْمُتَّقِينَ}
فربنا لم يَقُل (مع المُصلِّين) أو (مع الصائمين) أو (مع المُعتمرين)
وده لأن معية ربنا  مش هتكون لواحد مجرد أدى الصلاة كحركات ،أو صام كام ساعة عن الأكل والشرب وخلاص ، أو دفع فلوس علشان يسافر مكة كام يوم ويرجع تاني ، لأ دي هتكون للي وصل لهدف العبادة وحصل الثمرة اللي ربنا يريدها ، فحقق من وراها التقوى والاحسان والصبر .. وساعتها هيفوز بمعية الله

صحة العمل أمر مختلف تماما عن قبول العمل، يعني مش أى صلاة ربنا بيقبلها ! لازم تكون صلاة بقلب مقبل إلى الله وعقل مركّز، مش سرحان ولا عارف بيقول إيه!مش أى صيام ربنا هيقبله ! لازم يكون صيام قلبك وصيام عينك👀 ولسانك، مش مجرد معدتك وفرجك !!

يتبع،،

3⃣

رمضان آخر روقان 🎆🌜

ربنا بيقول{ ليبلوكم أيكم أحْسَنُ عَمَلاً }، ربنا لم يقل (أكثر عملاً )، لأن العبرة بحُسن العمل مش كثرته !

و كان من دعاء النبي ﷺ : (وأسألك شكر نعمتك وحسن عبادتك )، وأيضاً : ( اللهم أعني على ذكرك وشكرك وحسن عبادتك ) ..
شوف إنت ممكن تكون قلت الدعاء ده كام ألف مرة قبل كده وماخدتش بالك من كلمة "حسن" دي خالص ..‼️

فالنبي ﷺ قال (حسن عبادتك) ، مش (كثرة عبادتك) ! النبي ﷺ قال (حسن عبادتك) ، مش مجرد (عبادتك) فقط !

وده لأن العبادة اللي الواحد بيعملها أي حاجة لمجرد اسقاط الواجب عنه ملهاش أي لازمة !!

وده اللي بيتّضح بصورة صريحة جداً جداً في حديث الرجل اللي دخل المسجد وصلى بسرعة وقام ، فالنبي ﷺ شافه وقال له :
(ارجع فصل ، فإنك لم تُصَلّ)متفق عليه

تخيل بقى كام واحد فينا النبي لو شافه بيصلي هيقوله :( ارجع فَصَلِّ ، فَإِنَّك لم تُصَلِّ )

وفي حديث تاني بيوضح نفس المعنى ، قال النبي ﷺ:(تلك صلاة المنافقين ، يجلس أحدهم حتى إذا اصفرت الشمس ، قام فنقر أربعاً ، لا يذكر الله فيها إلا قليلاً ).رواه مسلم

أصبح هدفنا وتركيزنا على "الكم" وليس "الكيف" ! وهو ده للأسف اللي بيخلينا نشوف الخناقة المشهورة اللي بتحصل على مواقع التواصل في رمضان كل سنة :
هو إيه أحسن ؟؟ أختم القرآن أكثر ولا أقرأ بتدبر أحسن ؟؟

لو فهمنا الكلام اللي فات ، هنعرف كويس أوي إن "مارثون الختمات" و "مارثون الصلاوات مش بيغيّر سلوك ولا بيأثر في القلب ولا بيجيب أي نتيجة !! والدليل الواضح إنك بعد كل اللي بتعمله في رمضان بترجع لنفس حالتك قبل كده !

كلنا جربنا قبل كده القراءة بسرعة، وكان هم الواحد مننا هو ختم القرآن أكتر من مرة ، بس هل فيه أي استفادة حقيقية استفدناها من كده ⁉️

إيه اللي القرأن غيّره فينا ⁉️
إيه التحسن اللي حصل في أخلاقنا ومعاملاتنا من كترة القراءة باللسان والحناجر فقط⁉️

❎ ومش معنى الكلام ده الزهد في الأجر والثواب المترتب على أداء العبادات ، بل المقصود هو إحسان وإتقان العبادة أولا، مع الاجتهاد في حضور العقل وتفاعل القلب معها، ثم بعد كده كثر منها زي ما إنت عايز، وبكده تكون جمعت بين الأمرين وتنال ثوابهم مع بعض، الإتقان و الإكثار ...

✅ يعني نوازن ما بين "الكم" و "الكيف" بقدر الاستطاعة.

يتبع،،،