﷽
" رَبِّ إشْرَحْ لِي صَدْرِي ۝ وَيَسِّرْ لِي أَمْرِي "♥️.

تعبت بس حنكمل ✅
صعب بس مش مستحيل ✅
ضعفت بس حنقوى ✅
تاخرت بس حنوصل ✅
مليت بس مش حنوقف ✅
تباعدت بس حنقرب اكثر ✅
فتره صعبه بس حتمشي ✅
يأست ، بس ثقتي ف الله كبيره✅🤍✨

•خليك قدها و ح توصل👌🏻

تخيلي أن فيه شخص يفتح صورتك كُل يوم ويديرلـها زوم ويتأملك لا يرقـد 💜؟.

‏امـتى الشوارع تجمع زوز صُـدفه ؟

مهما بلغ جمال الوجه ، القلب دديما يميل للروح الحلوة .

يا رب حقق الدعوة التي طال إنتظارها

- مانبيش قلب يحبني، نبي عقل يفهمني ويتفاهمني !.

الشخصية الحساسة 💙

* بتخاف ترفض لشخص طلب حتي لو حيكون علي حساب نفسها ، الشخصية هدي اكتر شخصيه تظلم نفسها وتقعد ديما ف قلبها صراع داخلي واضحي هلبا على مصلحتها ع خاطر الناس وتكسرش بي خاطرهم.

* لما شخص يزعلها و تفكر انها تعاتبه و يزعل هو من عتابها ترجع تزعل من نفسها انها عاتبت علي الرغم ان معاها حق

* متريحش نفسها .....
لانها ببساطة بتزعل و تفضل تكتم الي ف قلبها لحد ما تقرر انها متتعملش مع حد او لما تفكر تتعامل تقسي هلبا ع روحها

* الفراغ بالنسبة ليها مصدر سلبي لأي حاجة وحشة ، لان ابسط موقف يصير بتفضل تقعد مع نفسها وتفكر فى كل المواقف الصعبة اللي تعرضت ليها.

ا*لشخصية الحساسة هي اكتر شخصية تعطى الحب بدون مقابل ،، و اكتر شخصية ممكن تكره الحب هدا لو كان سبب في اضعافها

*التعامل مع الشخصيات الحساسة ليه ميزه و عيب

ميزه ،، انهم قلبهم طيب وحنين جدا عكس مبيظهروا و بيسامحوا اوقات هلبا

عيب ،، بيدققوا في التفاصيل هلبا ، يبو معاملة من اللي قدامهم زي اللي بيعاملوا بيها ، و هدا بسبب ليهم مشكلة اكتر لما يتعاملوا مع شخصيات مختلفه عليهم لانهم للاسف ميلاقوش نفس المعاملة الي يراجو فيها منهم

ويسامحوا مرة و اثنين و ثلاثة بعد هدا لما يقلبوا بيكونو شخصيات تانية عصبية جدا وشخصية غامضة ،

*الشخصية الحساسة ،، بتكتم الي ف قلبها و تحاول تراعي مشاعر غيرها و هدا مايكونش ضعف منها ،، هي بس باقية علي العشره ، لي ان لما بتقلب متعرفش ترجع زي م كانت

*نصيحة قدروا وجود الناس هدي في حياتكم لان وجودهم سند حقيقي لأنهم اكتر ناس ممكن يهتموا بجد و اكتر ناس لما تزعل بتبعد بجد
حاولوا لو هتتعاملوا مع شخصية حساسة معاش تتعبوهم لأنهم بيتعبوا لوحدهم بسبب طريقة تفكيرهم 👌🤷‍♂️

الانسان ما يقدرش يحب في أسبوع ولا في شهر ولا حتى في سنة ..
الحب يبي مشاكل ، يبي أزمات ، يبي تعب ، يبي فترات سيئة و مواقف بشعة ، يبي عشرة طويلة عشان يكون حب ..
يعني باختصار
"الحب يبدأ عندما ينتهي الحماس"

ما تقدرش تقول انك تحب البحر و انت واقف ع الشط .. لازم تخش البحر ، تعوم فيه ، تضربك الموجات ، تبلع ميه مالحة ، تجرح رجلك بالصخر ، تشوف الظلام اللي فالقاع .. لما ترجع ع الشط حتشوف البحر بشكل مختلف ، مش حتشوفه مثالي ، انت شفت عيوبه و ظلامه و غضبه ، يا أما حتكره البحر ، يا أما حتقعد تحبه بكل حاجه فيه

لهفة البدايات مش حب
و اللي ما غاصوش في البحر .. ما حبّوشي !

أنا بخيّر لأنني لا أقارن حياتي بحياة أحد ، ولم أنظر يومًا إلى جيب غيري أو رزقِه ، ولم أبحِر يومًا في نوايا من هُم حولي ، أنا بخيّر لأني حمدت الله 💛

منقول عجبني الكلام♥️.


"سبب إنفصالنا الاساسي، إنشغاله الدائم ب خدمته بالإضافة لـ حاجات تانيه.
في بداية تعارفنا و في كل مرة كنت نسأل فيه (فاضي) نتكلموا، للمشي لـ مكان، باش نتلاقوا.... كان يرد ديما ب (نفضالك).
ف البداية حسيته إنه يقول فيها ديما و للجميع حاجه ماشية في كلامه! لكن لاحظت بعد زواجنا إنه مايقولش فيها لحد غيري! نذكر إني راقبته لمدة أسبوع كامل في كل تعاملاته و نسمع فـ مكالماته، لكن ما قالهاش!
لو سأله حد فاضي يرد ب مشغول، عندي خدمه، مش توا، إلا معاي! يجاوبني ديما ب نفضالك. وبعدين يفرغ من وقته فعلاً عخاطري.
بصرت معاه مرة بأنه مايقولش فيها لحد غيري! جاوبني بدون ما يرفع عينه ع أوراق خدمته بأني اني بس نستاهل أنه (يفضى عشانها).
و لكن إنفصلنا على أيا حال. و نسيت كل هذا.
بعد عامين من الإنفصال طحت في مشكلة انجبرت ان نتصل بيه، بين الكلمات و بدون ما نحس زل لساني بكلمة ( لو فاضي).. سكت لدقيقة كاملة لين نحسابه أن الخط انقطع! بعدين قال (نفضالك).
اي، رجعنا و اليوم نحتفلو بعيد زواجنا العاشر."♥️💍

أنا مش رافضه ان انا ننخطب و لا حاجه أنا رافضه الاستعجال ..منبيش نعيش فـ عادات و تقاليد اللي ماليهاش اساس ولا معنى اللي نفرضت علينا لمجرد ان ما تخرجت لازم نتزوج ..
هو لا قرآن و لا حديث ولا الدين قال هڪي ..
انا لما نلقى الشخص المناسب الى يتقي ربِ فيا ويعرف قيمتي يڪون سندي بعد هلي يڪون يستاهل ان نمشى من حوش هلي ونبعد عليهم وانا متاڪده انه مش حـ يخليني نرقد زعلانه ف يوم .. ويڪون بوي وخويا وصاحبي وحبيبي اللي منخافش ان نبان طفله قدامه يتقبلني ف ڪل حالاتي سوا ڪنت حلوه ، شينه ، سمينه ، رقيقه ، مهتمه بنفسي او هملتها شويه لفتره ڪوني مريضه ، ويتقبلني لما نمرض ..
حد منندمش ان تزوجته ومنقولش في يوم ياريت لو يرد بيا زمان مڪنتش حـ نوافق عليه نبي يڪون ويقعد احلى واجمل اختيار فـ حياتي الحاجه الصح لـ في حياتي يڪون هو ..
أنا عايشه ف حوش هلي معززه مڪرمه لقيت الـ يقدر وجودي ويتقي ربِ فيا حـ نتزوج ، ملقيتش قاعده فـ حوش هلي ، وعمري ما شفت ولا حسبت ان زواج له سن معين وعايشه بمبدأ الزواج رزق ولقاء نصيب والزواج اختيار اول مايجي وقتها ونلقى الشخص المناسب حـ نوافق .. أنا ضد الاستعجال لانه اسوء حاجه تصير للبنت وماحد يتحمل نتيجه الاستعجال هذي غيرها هي الى تعيش وتشوف وتنحسب عليها
ربِ يرزقنى ويرزق ڪل بنت بالزوج الصالح ❤️.

وللمرة الألـف . .
لما الشخص اللي قدامك يكرر نفس الحاجة يلي تضايقك، يبدا مافيش داعي للعتاب.