#tavsiya
Shu jadvalga amal qilmagunimcha samaradorlik juda past edi.
P.s. Grafikni tushunish uchun matematikadan eng kamida 3 olgan bo’lishi kerak…)

Imom Shomil rus generalidan so‘radi: "Bizning yurtga nega bosqinchilik bilan keldingiz?"

General javob berdi: "Biz siz yovvoyilarga madaniyat va sivilizatsiya olib keldik".

Shunda Imom Shomil o‘z askarlaridan birini chaqirib, etigini va oyog‘idagi poytavani yechishni buyurdi. Kuniga 5 mahal yuviladigan oyoq top-toza edi. Keyin esa rus askaridan shunday qilishni so‘radi. Rus askarining oyog‘i kir edi va badbo‘y hid uzoqdan ham sezilardi. Shunda Imom Shomil rus generaliga qarab: "Sizlar bizga shu madaniyatni olib keldingizmi?" - dedi.

Imom Shomil nafaqat jangda, balki hozirjavoblikda ham ancha usta edi.

Shogirdim bilan suhbat

— Alloh har kimni biror maqsad uchun yaratgan bo‘ladi. Xo‘sh, o‘sha maqsadni qanday bilib olsak bo‘ladi?

— Alloh o‘sha ishni bandaga oson va yoqimli qilib qo‘yadi.

Xulosa:
Qilayotgan ishingiz sizga mushkul va yoqimsizmi, demak bu siz uchun emas!

Ertadan yangi o’quv yili boshlanadi. O’quvchilarga ustozlar tomonidan aytilganlarga amal qilishni tavsiya qilaman

1. O‘zgalarning siz haqingizdagi fikrlari ularning qarashlari xolos. Buni voqelikka aylanishiga yo‘l qo‘ymang. Kimdir sizni omadsiz desa, bunga o‘zingiz qaror bermaguningizcha bu fikr haqiqatga aylana olmaydi. Qanotingizni kesishlariga yo‘l qo‘ymang!

2. Moziyni o‘zgartirib bo‘lmaydi. Ammo undan foyda olish mumkin. Moziyda yashash kelajakni barbod qilishdir. Undan ibrat olish sizni kuchli qiladi. Shuning uchun o‘tgan sahifani yoping, ammo dars olishni unutmang!

3. Kishilarning narsalar haqidagi fikrlari, bizga narsalar haqiqatidan ko‘ra ko‘proq o‘sha kishilarning aslini fosh qiladi. Shuning uchun kishilarni anglash uchun ularga yaqinlashish shart emas. Ozgina e’tiborli bo‘lsangiz yetadi. Kishilar har bir beradigan fikri bilan zamirlaridagi noaniq tomonlarni aniqlashtirib borishadi!

4. Baxt yuqumlidir. Tashvish ham shunaqa. Negativ kishilardan yiroqlashib, pozitiv insonlarga yaqinlashing. Eynshteyn shunday deydi:
"Pozitiv insonlarda har muammoning yechimi bor. Negativlar esa har yechimda muammo ko‘rishadi!".

5. Baxt imkoniyat emas, aslida sizning qaroringizdir. Moddiylikni kamsitmoqchi emasman. Moddiy narsalar hayot g‘ildiragidir. Ammo shuni unutmaylik, ular hayotning o‘zi emas, g‘ildiragidir. Bizni baxtli qiladigan ko‘p narsalarni sotib olib bo‘lmaydi. Shuning uchun saodatimiz ham, tashvishlarimiz ham ichimizdan balqib chiqishini unutmasligimiz kerak!

6. Biz yiqilganimizda omadsiz hisoblanmaymiz, balki to‘xtab qolganimizda muvaffaqiyatni yo‘qotamiz. Shuning uchun inglizlar: "Qiynalganda to‘xtama, balki yetib borganda to‘xta!", deyishadi. Tomas Edison lampochkani ixtiro qilishdan avval minglab tajribalar o‘tkazgan, ammo omadi kelmagan. Edisonni bu narsa to‘xtata olmagan. U shunday degan edi: "Urinishlarim bekor ketmadi. Men endi lampochka yasab bo‘lmaydigan minglab yo‘llarni bilaman!".

7. Hayotingizni o‘zgartirmoqchi bo‘lsangiz avvalo fiklashingizni o‘zgartiring. To‘g‘ri, Abu Bakr roziyallohu anhu Bilol roziyallohu anhuni ozod qildi, ammo bundan oldin Bilol roziyallohu anhu Allohga iymon keltirib nafsini ozod qilgan va o‘z-o‘ziga xo‘jayin bo‘lgan edi!

8. Dunyo charxpalakdir. Zamon esa aylanib turadi. Nima qilsangiz shuni ko‘rasiz. Ichadigan joyingiz shirin bo‘lsin uchun kishilarni chiroyli uslubda sug‘oring. Qachonlardir siz yaxshilik qilsangiz Alloh uni zoye qilishdan pokdir, odildir. Bugun yaxshilik taqdim qilsangiz bu o‘zingiz uchun kelajakda yaxshilikla uzatiladigan qo‘ldir aslida. Alloh istasa sizni hech kimga muhtoj qilmaydi. Siz o‘zgalardan yengillatgan dard ila Alloh sizni mubtalo qilmaydi inshaalloh

9. Tashvishlar xuddi tebratma kursiga o‘xshaydi. U sizni turgan joyingizda qimirlatishi mumkin, ammo bir qadam ham oldinga siljita olmaydi. Kelajakning rejasini qiling, o‘zingizni hozirlang, ammo unutmangki, ertangiz Alloxning qo‘lida. Siz Allohga o‘z ishingizni topshirganingizda U sizni dunyoga topshirib qo‘ymaydi, dunyo sizni o‘yin qilishiga yo‘l qo‘ymaydi!

10. Boshqalar bilan masofa saqlang. Birdaniga o‘zingizni ular hayotiga tashlamang. Tajribali haydovchilar yo‘lda masofa saqlashni tavsiya qilib buni "omonlik masofasi" deb nomlashadi. Buzilgan mashinani tuzatish mumkin. Ammo buzilgan qalbni tuzatadigan ustani topa olmaysiz. O‘zingizdan o‘zingizga joy qoldiring!

Bugun avtobusda uyga qaytdim. Yo’l-yo’lakay bir yo’lovchiga joy berdim. Birozdan so’ng menga ham joy berishdi.

Xulosa: Qaribmiz…)

"O‘SPIRINLIK" YOLG‘ONI.

Hozirda 14 yoshdan 20 yoshgacha bo‘lgan yoshlarni " o‘smirlar" deyiladi. "O‘smirlik" bu g‘arbga oid termin bo‘lib yoshlarning beboshligini haspo‘shlash maqsadida o‘ylab topilgan. Islomda esa buyuklikka erishish uchun yosh cheklanmagan. Ummatimiz yoshlariga boqing, ular nelar qilishmagan:

1. Abdurrahmon Nosir. 21 yosh.

Uning asri Andalus davlatining oltin davri edi. U boshidan ko‘p iztiroblarni o‘tkazdi. Bunga qaramay o‘z davrida eng qudratli davlat barpo qilib ilmiy uyg‘onishga ham erishdi. Yevropa qo‘mondonlari unga havas ila boqishar edi.

2. Muhammad Fotih. 22 yosh.

Vizantiya poytaxti Konstantinopolni fath qildi. O‘sha paytgacha ne-ne katta yoshlilar uni fath qilishga urinishmagan deysiz.

3. Usoma ibn Zayd. 18 yosh.

Abu Bakr va Umar roziyollohu anhumo kabi katta sahobalar bo‘la turib yer yuzining eng katta qo‘shinlaridan biriga qarshi musulmonlar qo‘shinini boshqargan.

4. Muhammad Qosim. 17 yosh.

O‘z davrining malakali qo‘mondonlaridan bo‘lgan. Sindni fath qilgan.

5. Sa’d ibn Abi Vaqqos. 17 yosh.

Alloh yo‘lida birinchi bo‘lib kamon otgan inson. Olti sho‘ro sohiblaridan. Rasululloh sallollohu alayhi va sallam unga ishora qilib: " Bu mening tog‘am. Sizlar ham menga tog‘angizni ko‘rsating" , degan edilar.

6. Arqam ibn Abil Arqam. 16 yosh.

Ketma-ket o‘n uch yil uyini Rasululloh sallollohu alayhi va sallamga qarorgoh qilib bergan.

7. Talha ibn Ubaydulloh. 16 yosh.

Arablarning eng oliyjanob kishilaridan. Uhud g‘azotida Rasululloh sallollohu alayhi va sallamga o‘lim uchun bay’at qilgan. U zotga kelayotgan nayzani qo‘li bilan qaytarib qo‘li ishlamay qolganida gavdasi bilan u zotga qalqon bo‘lgan.

8. Zubayr ibn Avom. 15 yosh.

Islomda birinchi qilich yalang‘ochlaganlardan. U Rasululloh sallollohu alayhi va sallamning havoriylari edi.

9. Amr ibn Kulsum. 15 yosh.

Tug‘lab qabilasini boshqargan. U qabila haqida: " Agar islom kelmaganida Bani Tug‘lab insonlarni yeb qo‘yar edi" , deyishgan.

10. Muoz ibn Amr ibn Jamuh. 13 yosh va Muavviz ibn Afro. 14 yosh.

Badr jangida Abu Jahlni o‘ldirishgan. Abu Jahl o‘shanda mushriklar qo‘shini qo‘mondoni edi.

11. Zayd ibn Sobit. 13 yosh.

Vahiy kotibi bo‘lgan. O‘n yetti kunda suryoniy va ibroniy tilini o‘rgangan va Rasululloh sallollohu alayhi va sallamga tarjimonlik qilgan. Allohning kitobini yod olgan. Qur’onning jamlanishida katta hissasi bor.

12. Itob ibn Usayd. 18 yosh.

Nabiy sallollohu alayhl va sallam uni Makkaga voliy qilib qo‘yganlar.

13. Molik inb Anas. 17 yosh.

Ana shu paytdan fatvo bera boshlagan. U zot: " Meni fatvo aytishim uchun Madinaning yetmishta ulamosi guvohlik bermagunicha fatvo uchun o‘tirmaganman" , degan.

14. Abdulhay Laknaviy. 17 yosh.

Bu yoshda sarf, nahv, maoniy, bayon, mantiq, hikmat, tib, fiqh, ilmi kalom, hadis, tafsir va boshqa ilmlardan forig‘ bo‘lgan. Sabiylik vaqtidayoq "Imtihanut talaba fiy siyag‘il mushkila" , " Tibyon fiy sharhil mezon" nomli kitoblarini yozgan. U zot 110 ta kitob yozib 39 yoshida vafot etgan.

Agar bu ro‘yxatni davom ettiraversak sizlarni zeriktirib qo‘yamiz.

Endi " bu hali yosh, tajribasi yo‘q, bu o‘spirin" kabi iboralarni lug‘atimizdan olib tashlab yoshligidan farzandlarimizga diniy va dunyoviy bilimlarni (aslida ilmni diniy va dunyoviyga bo‘linmaydi) o‘rgatib boraylik. Ana shunda inshaalloh ularni buyuk insonlar bo‘lganini ko‘rib " hali yosh, o‘smir, o‘spirin, sal ulg‘aysin " kabi so‘zlar farzandlarimiz kelajagini barbod qilayotgan so‘zlar ekanini ko‘ramiz.

Kecha maktabimizga bir katta amaldor akamiz farzandlari bilan yangi o’quv yiliga shartnomanani uzaytirgani keldilar. Biroz suhbatlashdik. Kuzatib qo’ydim. E’tiborimni torgan vaziyat ish kuni bo’lishiga qaramay shaxsiy mashinalarida kelibdilar. Odatda xizmat mashinasida yurardilar.
Nega bunday qilganlarini so’radim. Javoblari esa meni ham hursand qildi, ham ajablantirdi.

Nima deb o’ylaysiz, qaysi voqeani eslatdilar…?

Zamonaviy maqol

Bilagi zo’r mingni yengar
Bilimi zo’r birni yengar

P.s.
Sport olimpiadasiga 200 ming $
Bilim olimpiadasiga 10 ming $

Robototexnika va AyTiga ixtisoslashgan Robbit akademiyasi filiallar sonini kengaytirmoqda

Shayx Muhammad Sodiq Muhammad Yusuf hazratlari hayotida uchragan bir voqea menga juda qattiq ta’sir qilgan. Bir kuni hazratga o‘xshasin deya do‘stlari o‘g‘illarining ismini Muhammad Sodiq qo‘ygan ekanlar, lekin do‘sti hazratga o‘xshamasdan sho‘x, ilmga e’tibor qaratmayotganligini aytib sababini so‘ragan vaqtlarida, hazrat juda ajoyib javob berganlar. "O‘g‘lingiz Muhammad Sodiq bo‘lishi uchun, otasi Muhammad Yusuf bo‘lishi kerak" degan ekanlar.

Qush uyasida ko‘rganini qiladi deganlaridek, ota ham o‘g‘ilga har taraflama o‘rnak bo‘la olishi kerak. Shu jumladan farzandlarini yoshligidan ilmga bo'lgan muhabbatini oshirish, xalqqa, dinga manfaati tegadigan qilib tarbiyalash ham ularning mas'uliyatidadir.

Ayni shu masalada, yaqinda o‘z faoliyatini boshlagan Robbit akademiyasini sizlarga maslahat beraman. Robbitda 8-15 yosh oralig‘idagi bolalarga robototexnika va AyTini o‘rgatish orqali kreativlik, ixtirochilik va mantiqiy fikrlash qobiliyatlarini shakllantiradi. Ayni vaqtda Robbit akademiyasining 3 ta filiali mavjud bo‘lib, ular Toshkent shahrida ikkita va Farg‘ona shahrida joylashgan. Qolaversa, yaqin kunlarda Xorazm, Samarqand viloyatlarida ham filial ochishni rejalashtirgan. Barcha filiallarida qabul davom etmoqda. Batafsil ma'lumot olish uchun quyidagi havola orqali ro'yxatdan o'ting.

Ro'yxatdan o'tish

📞 78-777-3-777 | @robbituz

Robbit haqida

Akanı yutuqlariga xurmat saqlagan holda ba’zi izohlarni (raddiyalarni) keltirsam


1. Natijalar

Gap natija haqida ketganida, raqamlar buni isbotlashi kerak:

- Olipiada o’yinlarida - 18 ta oltin medal (1996-2024 - yillar)

Endi fan olimpiadalardagi natijalarga e’tibor bering:

- IMO (matematika)
(1996-2024 - yillar)
Oltin medal - 0 ta

- IPho (fizika)
(1996-2024 - yillar)
Oltin medal - 0 ta

- IOI (infarmatika)
(1996-2024 - yillar)
Oltin medal - 0 ta


2. Homiylik

Ilm-fan homiyliksiz rivojlanmaydi. Bunga tarix guvoh: IX-XV orasida “oltin davr” ni eslang, dunyoga ustoz bo’lganimizni eslang. Biz fahrlanadigan ajdodlarimiz aynan shu davrda ijod qilishmagan edimi?!


3. Ajratilgan sarmoya

Shu birgina oxirgi yozgi olimpiada o’yinlariga tayyorgarlik ko’rish uchun ajratilgan mablag’ 50 mln dollardan ortiq edi. Bunga hali mukofot uchun ajratilgan sovg’alar kiritilmagan.

Fan olimpiadasiga ajratilgan mablag’ esa bundan anchaaaa kam, judaaaa kam.
(Tahminimcha 400 ming $, ammo aniq dalilim yo’q bunga)

4. Mokofot pulları haqida:

- olimpida o’yinida g’olib bo’lsa:
200 ming $ + avtomobil + xonadon ≈ 400 ming $

- fan olimpiadasida g’olib bo’lsa:
187 mln ≈ 15 ming $
(BHM ni 500 barovari)


5. E’tirof

- olimpiada g’oliblari qanday kutib olingani-yu, davlat rahbari tomonidan qanday unvonlar bilan taqdirlanganidan hammaning xabari bor. Xatto sportchilarimizni ism-familyasigacha yodlab oldik.

- kim birorta fan olimpiadasida ishtirok etganni taniydi?


6. Inertsiya

18 ta oltin medaldan 10 tasi Rio olimpiadasidan (2016-yil) so’ng qo’lga kiritilgan, ya’ni mukofot uchun vada qilingan katta summa ortidan qo’lga kiritilgan. Balki buni ham ta’siri bo’lgandir.


7. G’oliblikdan so’ng ta’minot

Olimpiadada g’olibi bo’lgan sportchimizni gapiga ishonadigan bo’lsak, g’olib larga har oyda 40-60 mln so’m to’lab boriladi.

Fan olimpiadachilariga, agar ustozlik qilishsa oyliklariga 150% ustama beriladi.

Endi sizga savol: bularni bilgan yoshlar ko’proq qaysi biriga intiladi?

P.s. Bu post sportchilarga ajratilgan mablag’ga g’arizlik bilan qarash prinsipida emas, balki natijalar
bevosita raqamlarga va e’tiborga bog’liq ekanligini asoslash uchun yozildi.

Yuqoridagi postda aytmoqchimanki, agar ilm famga ham sportdagi kabi e’tibor, homiylik va e’tirof qilsak, ishonamanki yaxshi natijalar bo’ladi.

Ya’ni, yoshlarga qarata, agar sen fan olimpiadsida g’olib bo’lsang 200 ming dollar, emg zo’r avtomobil va xonadon beramiz, kamiga bir umr katta miqdorda (40-60 mln so’m) oylik olasan deb aytilsa, tasavvur qiling yoshlar qanday harakat qiladi.

Bu nima uchun kerak?
Ilm-fan rivojlanoshi davlatga ham qancha foyda keltirishini bilasizmi?

Kecha Zakovat o’yini bo’yicha o’quvchilarimiz tuman bosqichida qatnashib 1-o’rinni qo’lga kiritishdi.

Ammo o’tgan yıldagi kabi bu yil ham tuman ta’lim boshqarmasi vakillari (rayano) bizni ishtirok etishimizni xohlashmadi.

2 ta kulguli sabab bilan
1-si: Xususiy ta’lim bo’lganimiz uchun;
2-si: biz baribir chempion bo’larkanmiz

Yana bir qiziq gap aytishdi biz “Zakovat”ga ixtisoslashtirilgan maktab ekanmiz.

Qiziq, garchi Nizomda umumiy barcha maktablar nazarda tutilgan bo’lsa ham, buni tan olgisi kelmadi.

Hatto o’quvchilarmizni o’yin bo’ladigan zalga kiritishmadi.

Yaxshi ham Zakovat NNT mas’uli turib bermaganida qatnasha olmas edik.

Xullas hali ham ba’zilarda xususiy ta’limga begona ko’z bilan qarash mavjud. Meni nazdimda shular haqiqiy ta’limga adashib kirib qolgan shaxslardir.

Undan ko’ra bu maktab nega doim yutyapdi, qanday tayyorgarlik ko’ryapti deb qiziqsa yaxshi bo’lar edi.

O’ylashadiki, bular kuchli bolalarni yig’ib olgan, shuning uchun yutadi, aslida ham shundaymi?

Bu savolga maktabimizda har juma tashkil qilinadigan Zakovat to’gariga qatnashgan inson to’g’ri javob bera oladi.

Va nihoyat

Uzoq tanaffusdan so'ng Matematikadan yana dars o’tishni reja qilyapman. Faqatgina bitta guruh ochishga imkoni bo’lar ekan.
Darslar “Sodiq school” binosida bo’ladi.
Qatnashish istagida bo'lganlar ushbu forma ni to'ldirishlari kerak bo'ladi

O'lim asli go'zaldir, parda ortidan xabar.
Go'zal bolmasa vafot etarmidi Payg'ambar.

O'lim aslida bayram,
Boshqa bayramni unut.
Kelajak Azroilni pokiza xolingda kut.

Eshikma eshik yurib, so'ng eshikda o'lim bor.
Xar ostonada yig'lab oxirida kulish bor.

Kechagi maktabdagi bir kun haqida:

1. 2 ta yangı ustoz bilan suhbat qildik.

2. 2 ta yangi o’quvchi bilan suhbat qildik.

3. 3 ta ota-ona bilan suhbat qildik.

4. 4 soat dars o’tdim;

5. 5 ta sobiq o’quvchilar maktabga kelishgan ekan, ular bilan suhbatlashdim;

6. Barcha 11-sinflar bilan faollar zalida suhbat qildim

7. 9-sinf o’quvchilar bilan bir masalani gaplashib hal qildik.

8. 4 ta o’quvchi bilan xos masalada har biri bilan alohida suhbat qildim;

9. 7-8 - sinf barcha o’quvchilari bilan suhbat qildik.

10. Bir o’quvchimizni sinfdoshiga nisbatan xurmatsizlik qilgani uchun maktabdabdan haydadik. Otasini bilan ham suhbat qildik

11. 2 ta o’quvchimga keyingi jumagacha tugatish sharti bilan yangı kitob berdim.

12. Zakovat to’garagida sinflardan 35 ta jamoa ishtirok etdi.

Eslolganlarim shu bo’ldi…
Qarasam tayinli ish qilmabman…)

O’glim Muhammad Usmonni yo’tali kuchaygani uchun shifokorga olib bordik. 3 kunda 3 tasiga. Qizig’i uchchala shifokorni ko’rsatmasi uch xil). Bir-birinikini to’ldirdi, ba’zan inkor qildi.

O’ylab qoldim, bunga sabab tibbiyotdagi ta’lim saviyasidami yoki bu soha o’zi shundaymi?

Eng yomoni, qaysi biriga amal qilishni ham bilmay qolarkan odam…

P.s. uchchalasi ham tajribali va o’ta talabgir shifokorlardan…

Buni bekorga yozmadim.
Har bir vaziyatni tafakkur qilsangiz Ibrat olasiz (40:54)

Bitta “yo’l”ni tutmagan odamga 3-4 xil yechim bildirilsa dovdirab qoladi.

Shu oddiy masalada qiynalgan inson, “oqibat”ini hal qiladigan oliy maqsadida bir “yo’l”ni mahkam tutmasa, bir “ustoz”ga ergashmasa oxiri nadomat qiladi.

Zamonamizda, mutaxassis gapiga amal qilmay farzandini o’zi bilganicha davolayman deyotganlar kabi “firqa”lar ovozi ham eshitilmoqda. Eng yomoni ularga ergashayotganlar ham borligidir. Bunga sabab faqatgina “Johil”likdir.

To’g’ri, (Destination) oxirgi nuqta bitta, ammo unga oboradigan yo‘llar xar xil. Faqat bu yerda nozik jihat bor: bu yo’lga yo’lboshchisiz (ustozsiz) chiqilsa, yo’lda adashib qoladi.

P.s. Novdadan uzilgan bargni shamol kimsasiz joyga eltadi.

Rahbarlik

Beforasat, johil va kitob o’qimagan inson rahbar bo’lsa, yo’lning oxiri shunday bo’laveradi. Eng yomoni bundan faqat jamiyat yutqazadi.

Hazrat Umar savdo fiqhini bilmaganni savdoga qo’ymaganlar.

Savdo fiqhiga ko’ra, oylikni o’z vaqtida berish bu adolat hisoblanmaydi, balki burch hisoblanadi.

ASL Adolat esa budir.

Rahbarlarga hodimning qoni, joni va obro’si omonat hisoblanadi. Bundan so’ralamiz. Omonatga hiyonat esa nima ekanligini hamma biladi.

40:54

"Mo‘g‘ul-tatarlar yo‘lboshchisi Hulakuning qizi Bag‘dod ko‘chalarini aylanib yurgandi, odamlar bir kishining atrofida to‘planib turishganini ko‘rdi. Uning kimligi haqida so‘ragan edi, musulmon olimlardan biri, ekanini aytishdi. Uni oldiga chaqirtirdi va kelganida o‘rtalarida quyidagicha savol–javob bo‘lib o‘tdi:

– Allohga iymon keltirganlardanmisan?

– Ha.

– Alloh ustingizda bizni g‘olib qilmadimi?

– Ha, g‘olib qildi.

– Bu bizning sizlardan ko‘ra Allohga sevimliroq ekanimizni bildirmaydimi?

– Yo‘q!!!

– Nega?

– Qo‘y boqadigan podachini bilasanmi?

– Ha.

– Podasida itlar bo‘lishini-chi?

– Ha.

– Ba’zi qo‘ylar daydib qochsa va itoatdan bo‘yin tovlasa podachi nima qiladi?

– Ularni itoatga qaytarish uchun itlarini qo‘yvoradi.

– Itlar qo‘ylarni qancha muddat quvadi?

– Mudom ular daydir ekan, quvaveradi.

– Sizlar Allohning zamindagi itlarisiz. Modomiki, Allohning yo‘li va toatidan tashqarida ekanmiz, bizni quvaverasiz. Bu holat to Alloh azza va jallaga qaytgunimizcha davom etaveradi".

Qishlpqlar hali ham shundaymi?