_حيدر قاسم المالكي 💚

ومثل لف الجگاره اعليك حيل التف ..

وعذرني
من الح وياك

يل طبعك طبع چكليت
اخاف اعليك لا تتلف ..

وبعد گلي شلحگ بيك
مطره بهور ما تنشف ..

وعذرني من الح اوياك وأنه اعرف ..

وعذرني من اخافن لا ...
اخافن لا يجرحونك واظل أنزف .. .
.

يا بعييييد العاش بينه



_حيدر قاسم المالكي 💚 .
.

وبعدنه
انحير الدكتور . ما نندل وجعنه منين .


_حيدر قاسم المالكي 💚

_حيدر قاسم المالكي 💚

غبشه صارت
وفزت الطيره الرزقها

وأنه صاحي
إبلا وعي ..

وستحيت من الله من ردت اندعي ..

والتعب
صوغت چريم
شكبره تعبي ..

وليلي
ما يطفى بچكاره
اگلاص چاي وشعر شعبي .. .
.

_حيدر قاسم المالكي 💚

عشگك
مو عشگ چذاب
اطلابة معدنه ماضنها بيه اتفض ..







واذا مجنون ليلى اتسودن اعله هواه .
مانه اعليك متمرض ..
.

_حيدر قاسم المالكي 💚 .


وبعدنه
اندلي بالوادم
ندلي الناس ومتيهين ..
.

وبعدنه انروح .. ومتانين


_حيدر قاسم المالكي 💚 .
.

_حيدر قاسم المالكي 💚



اذا بچاچ
واذا مل وبدهء يخونچ ..

عليچ الله
ارجعيلي .. واصيرن كحله بعيونچ .
.

_حيدر قاسم المالكي💚

ومن اجيتچ
گلبي نورس .. ليش ما صرتي نهر

امنية العميان تحلف بالنظر ..

وما خسرتچ
خاف حسبالچ خسرتچ
گلبي يربح لو مثل گلبچ خسر .. .
.

_حيدر قاسم المالكي💚



_ إنه وحدي اثنينه .
.

_حيدر قاسم المالكي 💚

اجابك النه
غيمه حزن ارواحنه وتطلگ مطر ..

شلون مرينه اعله بالك ..؟
واحنه منسيين بدروب الفكر ..

نسكت وتحچي المحنه
ونضحك وتبچي الصور ..

اجابك النه ..؟
وأحنه والحرمان رفجه من الزغر

واحنه حنظل
وانته احلى من الشكر ..

وانته
ما جاسك عطش
وصيام أكثر من شهر

ولو ردت طاسة ماي .. يفدولك نهر

لا طول خلگ بينه
ديره مال اشباح والدنيا غروب
لا تحاول .. تتعب وما تستقر
.

_حيدر قاسم المالكي 💚




انته ما تسوه العتب .. بس سوله أعاتب
.

_حيدر قاسم المالكي 💚


تغثوني
شني واشتاگ

الكرامة
أوله
واذا احبكم ..

وخاف
ابالك مشغول
ترى أنه كلشي ماعندي
واظل اسبوع يله افتح رسايلكم .. .
.

حلوه اشفايفچ تنحط على الحمره .





_حيدر قاسم المالكي 💚
.

شلون
أمنع روحي لو رادت تشبگك وانته امام .




_حيدر قاسم المالكي 💚

شلون ماشيلك وابوسك
وانته نعمه وأنه اخاف من الحرام .. .




_حيدر قاسم المالكي 💚
.

رسـالـة لـك:

‏يجب أن تُحب وليس أن تقع في الحب، فكل شيء يقع ينكسر، بين الفهم والوهم حرف، وبين الحب والحرب حرف، وبين الداء والدواء حرف، وعلينا أن نختار طريقنا، حتى نكون مؤهلين لخوض معركة الحياة.
هما طريقان لا ثالث لهما، إما حُبٌ أو حرب، وإما فهمٌ سليم أو وهم سَقيم، وإما دواءٌ مُحيي أو داء مُميت.

تسودنت يمكن
جاي أكثر الصفنات
ومن الصبح لليل أظل بالغرفه ..

مادري يمتى
تخلص ومنها ارتاح
ومادري شنهي البيه هم ماعرفه ..

اشعل جگارة
وهيه تبدي الحسبات
وانسه الجكارة بچفي حد ماتطفه .. .

_حيدر قاسم المالكي 💚
.

_حيدر قاسم المالكي 💚


حدر
گطوات احط رأسي
مگفافة شتاء
وبليل
يلچمني الدفو واطره ..

وينث
ذاك الندى الغافي
وگطرة تعاند بگطره ..

افك ذاني
واهيس صوت البروحي رشگ مطره ..

ظلمة
ويستحي الفانوس
اسد جفني واظلن بالچفوف اقره .. .

_حيدر قاسم المالكي 💚

يلوموني
ويلومونك ..

ويرف گلبي
ويگرصة الخوف
لا يفلان لا تعشگ يكتلونك ..

بس تهوى .. يصير اوداع .. .
بس تحتج .. اتموت بساع ..

هاي الناس
مابيهم ترافة ووشوگ

غصبن ع الگلب ينباع ..
.