_حيدر قاسم المالكي 💚


وصلت
المرحله من الخوف أنام وشابگ الحافي ..
.

_حيدر قاسم المالكي 💚


مرني شبگه
استاحشيتك

وگودني بليلك ذنب ..

وغيم
شما بيك وامطر
يبتسم للماي ويناغي الشلب ..

وحبني
أحب روحي من أحب .. .
.

_حيدر قاسم المالكي 💚


والله لوو
بيه تدري
شگد احبچ
أمي چا غارت عليه ..

المشكله
شگد إنه احبچ
انتي ما تدرين بيه .. .

_حيدر قاسم المالكي 💚



وأنه يايوم اطخ راسي
اذا شفت النهر مو زين .. اتيمم .

_حيدر قاسم المالكي 💚



گلتله .. العيد موعدنه .
ونسيت العيد مو.عدنه

أنه ليليه أحبك .. واستحي من الناس اغني .


_حيدر قاسم المالكي 💚
.

_حيدر قاسم المالكي 💚


وصلت المرحله
مااحب

ورسايل
ادز للمجهول
اشدهه برجل حذافي ..

وصلت المرحله

من الخووف
انام وشابگ الحافي ..

وصلت المرحله وكافي .. .
.

_حيدر قاسم المالكي 💚


يالن بيه
وكاحة شووگ
لو مابيه ماجيتك .. .

يبعد اطوايفي
شمدريني .. حبيتك ..

واجيلك
من عطش ضامي
واچرفح ماي ساجيتك ..
.

أبالي الموت
بس ما جايه الفرصه ..

وفكرت انتحر
بس ماعرفت ابيش

اعذروني
بعدني اجديد ع القصه .. .

_حيدر قاسم المالكي 💚

لو ميته الرساله هناك
ولا متمشيه للساعي ..

اتريد اتروح
الله وياك
حچي الموزين مادااعي .. .

وإنه المفروض
من انعاف
مشابگ يسبگ اوداعي ..

_حيدر قاسم المالكي 💚
.

_حيدر قاسم المالكي 💚


هواي شكراً ياحبيبي
علمتني
شلون اعرف مااحب ..

وعلمتني الليل للفاگد ذنب ..

وعلمتني
بثلج ردك
شلون تطفه النار ماترجع تشب ..

وعلمتني ع الرسايل
وكلمة الكلش احبك تنمسح من تنكتب ..

ياحبيبي
وحيل شكراً ياحبيبي
العلمتني ع الرخص .. ما ينعتب ..

ويا حبيبي چان عشگك مو چذب .. رب الچذب .. .
.

_حيدر قاسم المالكي 💚

انكساري
وحيرتي
وچويات الايام
وجسد منهك وبي سبعين ثلمه ..

وضياعي
وخلگي
والما ادري
واشلون
التخلي انسان يبچي وهو زلمه ..

وصفنتي
ورچفت ايدي
وصم الگطوف
وصور البالي من اتصير زحمه ..

وسؤال أبالي
ما لاگيله تفسير
مثل شمعة احترگت ابغرفة اعمه .. .

وعرف عطشان
چفه الماي بالگاع
لا اگدر اشربه ولا المه ..

وانه بكلهن بعدني برأس مرفوع
الهوه لو مال واحد ما اشمه ..

ومثل طير المهاجر جيت محد يفتهم نوعي .


_حيدر قاسم المالكي 💚

_حيدر قاسم المالكي💚

تكتلني
وانه المفروض
اغازل بيك وبسيفك ..

وتتركني شوكت متريد
ماحاچيك
اظل ساكت..بدون اعتاب..انام وانتظر طيفك ..

وانه المفروض
افرح بيك
ويحسدوني ..

يحسدوني على المامش .. يهنيالي بسواليفك ..

وعشت لمن لگيت اشراع
بس غشاك
غلط تشمر مجاديفك ..

امگير ياعشگ چذاب باچر ينوخذ حيفك ..

وعاشت ايدي من عفتك .. ماخليتك بكيفك .. .