مايله الهزله | الملا علاء التميمي | عزاء الناصرية المركزي | هيئة ٣١٣ الح...
https://youtube.com/watch?v=6LdYkh2d2mg&si=8bjYeDsc8BXzhvDo
https://youtube.com/watch?v=6LdYkh2d2mg&si=8bjYeDsc8BXzhvDo
YouTube
مايله الهزله | الملا علاء التميمي | عزاء الناصرية المركزي | هيئة ٣١٣ الحسينية
قصيـــدة : مايلـــه الـــهــزلــــه |
اداء الملا : عـــــلاء التـــمـيـمي |
كــلمــات : عــبـــدالله الشويلي |
كــلـمـات : علي هادي الخزعلي |
الذاكـــــر : احــــمــد عـــــلــــي |
مجلس استشهاد حبيب الله محمد (ص) 2022م ١٤٤٤ه
عزاء الناصرية المركزي _ هيئة…
اداء الملا : عـــــلاء التـــمـيـمي |
كــلمــات : عــبـــدالله الشويلي |
كــلـمـات : علي هادي الخزعلي |
الذاكـــــر : احــــمــد عـــــلــــي |
مجلس استشهاد حبيب الله محمد (ص) 2022م ١٤٤٤ه
عزاء الناصرية المركزي _ هيئة…
الليلة اتموت مرتين .. زينب
ونعشها ايريد الاحسين.. زينب
يجيها اشلون حاير .. التشيّع بالحوافر
••••••••••
مثل جثة احسين اجنازة ام عون
ناس اشگد تمرها وما يشيعون
متن الرادته ايشيعها .. بالخيل
صار اتراب من گد اليسحگون
اتريد اجتاف الاجنازة.. واخوها اجتافة مسحوگه
ويا ماي اليغسلها .. الاديها بخيمة محروگه
الماعده اهل هم واحد بحالة
غريبة والغريب ايعاتب اخيالة
تعالوا لزينب الشام انترس شمات
ومطروحة الجنازة وماكو شيالة
التموتها الخرابة .. زينب
تشيّعها الترابة .. زينب
وبعيد اعليها صاير .. التشيّع بالحوافر
••••••••••••••••••>>>
تابوت المحنة اتشيعه الاحنان
يريد اربع اجتاف وكلهم اخوان
روحك شيلها امن الخيل يحسين
وجيب اخوانك و صيرلها دفّان
اختكم طاحت ابوادم .. تكره طاري المرّوه
تشيعها الغرب يحسين .. الما عدها چتف خّوه
علي السجاد صاح وصوته من گلبة
الحيهم ترست اذن الوادم الغربة
اليموته الشام ما يرجع يشيعه الشام
التموته الغربة بيش المگبرة اتطلبة
غريبة وماكو جناز .. زينب
بحسرة وادم اعزاز .. زينب
تريد المالة ناصر .. التشيّع بالحوافر
••••••••••••••••>>>
زينب گاضيه امن الشام والناس
بكل شتمة تطلّع شيبة بالراس
عيد الشام ذاك امّوت ام عون
وما تتشيّع الما عدها عباس
التحب الله وسترها ابساع ..اعيون السوگ تكتلها
وما يدفنها اي اتراب .. إلّه اتراب من تلها
دفّانة رقية اتريد دفّانة؟؟
زينب ماتت اعله الخّوة عطشانة
الما يمه اخو امن ايموت ما مرتاح
و يرد دمه اعله وجهه اليّمة خوّانة
يهل زينب سبوها .. زينب
امنين اتجيب اخوها .. زينب
يجي بس ماهو گادر .. التشيّع بالحوافر
•••••••••••••••••>>>>>>
السبي ايخلّي السبية امسلمة للموت
ويگّعدها ابخرابة بنت الابيوت
اللمت ولد الاحسين امن الاخيول
هم يگدر ايلمها الليلة تابوت
الما طاحت عبايتها .. عبايتها التچفنها
المدفونة بتراب الطف .. هم يحتاج ندفنها
وينك يخو زينب إترس الجربة
وغسلها اعله چفك چفك اتحبة
وجيب محمد وعون البزر مريود
و سوو الفاتحة امن الشام للكعبة
تريد الاخو ملثم .. زينب
وچادرها المخيّم .. زينب
وتمنت عطره حاظر .. التشيّع بالحوافر
••••••••••••••••••>>>>
بقة التابوت محّد گالة شبيك
وبقت يمك علي وزينب تحاچيك
علي شيل الجنازة انترست اعيون
اعتبر زينب دخيلة ودخلت اعليك
يتعطل نعشها اشلون .. العدها اسبعطعش زلمة
بس ذولة الزلم برماح.. صاروا سبحة ملتمة
التموت انگول عنها ماتت ارتاحت
و ماترتاح زينب حتى لو ماتت
علي بتك سبية وتعبت امن النوگ
ما طايب متنها امنهد ما طاحت
شبعت ضيم واصياح .. زينب
هلبت هسه ترتاح .. زينب
وتشوفة اعليها داير ... التشيّع بالحوافر
••••••••••••••>>>
علي هادي الخزعلي
ونعشها ايريد الاحسين.. زينب
يجيها اشلون حاير .. التشيّع بالحوافر
••••••••••
مثل جثة احسين اجنازة ام عون
ناس اشگد تمرها وما يشيعون
متن الرادته ايشيعها .. بالخيل
صار اتراب من گد اليسحگون
اتريد اجتاف الاجنازة.. واخوها اجتافة مسحوگه
ويا ماي اليغسلها .. الاديها بخيمة محروگه
الماعده اهل هم واحد بحالة
غريبة والغريب ايعاتب اخيالة
تعالوا لزينب الشام انترس شمات
ومطروحة الجنازة وماكو شيالة
التموتها الخرابة .. زينب
تشيّعها الترابة .. زينب
وبعيد اعليها صاير .. التشيّع بالحوافر
••••••••••••••••••>>>
تابوت المحنة اتشيعه الاحنان
يريد اربع اجتاف وكلهم اخوان
روحك شيلها امن الخيل يحسين
وجيب اخوانك و صيرلها دفّان
اختكم طاحت ابوادم .. تكره طاري المرّوه
تشيعها الغرب يحسين .. الما عدها چتف خّوه
علي السجاد صاح وصوته من گلبة
الحيهم ترست اذن الوادم الغربة
اليموته الشام ما يرجع يشيعه الشام
التموته الغربة بيش المگبرة اتطلبة
غريبة وماكو جناز .. زينب
بحسرة وادم اعزاز .. زينب
تريد المالة ناصر .. التشيّع بالحوافر
••••••••••••••••>>>
زينب گاضيه امن الشام والناس
بكل شتمة تطلّع شيبة بالراس
عيد الشام ذاك امّوت ام عون
وما تتشيّع الما عدها عباس
التحب الله وسترها ابساع ..اعيون السوگ تكتلها
وما يدفنها اي اتراب .. إلّه اتراب من تلها
دفّانة رقية اتريد دفّانة؟؟
زينب ماتت اعله الخّوة عطشانة
الما يمه اخو امن ايموت ما مرتاح
و يرد دمه اعله وجهه اليّمة خوّانة
يهل زينب سبوها .. زينب
امنين اتجيب اخوها .. زينب
يجي بس ماهو گادر .. التشيّع بالحوافر
•••••••••••••••••>>>>>>
السبي ايخلّي السبية امسلمة للموت
ويگّعدها ابخرابة بنت الابيوت
اللمت ولد الاحسين امن الاخيول
هم يگدر ايلمها الليلة تابوت
الما طاحت عبايتها .. عبايتها التچفنها
المدفونة بتراب الطف .. هم يحتاج ندفنها
وينك يخو زينب إترس الجربة
وغسلها اعله چفك چفك اتحبة
وجيب محمد وعون البزر مريود
و سوو الفاتحة امن الشام للكعبة
تريد الاخو ملثم .. زينب
وچادرها المخيّم .. زينب
وتمنت عطره حاظر .. التشيّع بالحوافر
••••••••••••••••••>>>>
بقة التابوت محّد گالة شبيك
وبقت يمك علي وزينب تحاچيك
علي شيل الجنازة انترست اعيون
اعتبر زينب دخيلة ودخلت اعليك
يتعطل نعشها اشلون .. العدها اسبعطعش زلمة
بس ذولة الزلم برماح.. صاروا سبحة ملتمة
التموت انگول عنها ماتت ارتاحت
و ماترتاح زينب حتى لو ماتت
علي بتك سبية وتعبت امن النوگ
ما طايب متنها امنهد ما طاحت
شبعت ضيم واصياح .. زينب
هلبت هسه ترتاح .. زينب
وتشوفة اعليها داير ... التشيّع بالحوافر
••••••••••••••>>>
علي هادي الخزعلي
لمولاتي السيدة زينب "ع"
مذبوحه مو مثل حسين.. انه بقصر مذبوحه
والميت بذاك الشام .. مسبيه تطلع روحه
واليوصل الشام بهزل .. تتجف انفاسه بحبل
ومسبيه تطلع روحه
————————-
ميته اشكثر بس مامتت
بس هسه من شفت القصر .. عذراً گلت لأنفاسي
صوت الضحك لمن عله
بعيوني فزّت كربله .. وفزت خيم باحساسي
من شفت الحسين بطشت
صح راسي مو مثل الكمر .. بس انه دخّن راسي
أنه الذبحو عشيرتها ويصيحون
ظلت زينب تدور عشيرة
أنه اللميت اخوتي وما التميت
آنه اللمت الخير بحصيرة
شافوا خيالي الما چان .. حتى انه هم ماشوفه
روحي اطلعت عالعباس…بس عدلتني چفوفه
الميتله كافل مو عدل .. تتجتف انفاسه بحبل
ومسبيه تطلع روحه
————————
اول مره تموت اشكثر
واول اميره ابلا قصر .. والدنيا كلها اعليها
شماتي شام وكربله
وذيچ الخرابه ابلا ستر .. يوميه اموتن بيها
مجبوره ما چنت انكسر
وآنه برگبتي اشچم مره .. مكسوره ما خليها
الشام ايطلع الروح امن الاعيون
اتخيل شمتوا بينه الحياطين
كل بيت النمرله ايذب حچي وماي
ويصيّح ها يزينب مات الاحسين
لو ذبو الماي انموت.. واحدنه يوگف گلبه
يعله اشكثر رمح احسين .. كلما نريد انشربه
الجاي بسبي وما ينكتل .. تتچتف انفاسه بحبل
ومسبيه تطلع روحه
_______________
انه اليموتني الحچي
واحچاية الشامت رمح .. واشگد حچي بذاكرتي
ايجيب الشمر يمي السهم
ذاك الطفه عيون الگمر.. ويگلي زينب شفتي
ما طيحوني بكربله
واشگد مواقف صادفت .. بس القصر فاتحتي
هزوا رمح الاحسين وصحت لا
ما يتحمل الطيحه اعله الاحجار
صلبو راس الاحسين اعله الجذوع
ودم الجبهة سد اعيونه الاكبار
راح العمر شام بشام .. ولا ساعة شفت الراحة
اتموت اوي اخوك بلا موت..من تمشي وي ذباحة
المذبوحه اخوته وينسأل .. تتچتف انفاسه بحبل
ومسبية تطلع روحة
——————
كلما نطب سوك اختنگ
اتشاهد واگطع نفس .. حد ما اشم سكينه
چني الزچية ابلا كسر
وذاك ابن اخوي المنچتف .. چنه علي مچتفينه
وادم عدوها المستحه
ومن سمعو بجية الضعن .. الاعمه طلعت عينه
الحبل شمسوي بيد الما يلوحون
رقيه تلوح بالگوه العبايه
اليگول احسين وين تسحگه الاخيول
انگطع حتى النِفس عن السبايه
موتنه باب الساعات .. محد يغّض اعيونه
ومن السطح ماي الحار .. يحمونه ويذبونه
اليسمع حچي الما ينحمل.. تتچتف انفاسه بحبل
ومسبيه تطلع روحه
————————-
لو غمضت تطلع صور
راس وحبس نِفسه الرمح .. وكلساعه طايح يمي
ويطلع نهر ما مستحي
ونخلة انغدر بيها الضوه ..وچفه انگطع بي اسمي
وتطلع خرابه امهدمّه
وكل العِلاوي بحزتي .. وذاك السگف ما يحمي
كلما غمّضت يطلع طشت موت
و لهسه الشهگه بذني المن رقية
وكلما غمّضت ما اشوف الاحسين
ملامح وجهه موش الاوليه
زينب بعد راح تموت .. ولهنانه يوگف عمري
دخيل الله من اهل الشام .. يسبوني حتى بگبري
العند الغرب گبره نزِل .. تتچتف انفاسه بحبل
ومسبيه تطلع روحه
————————
علي هادي الخزعلي
مذبوحه مو مثل حسين.. انه بقصر مذبوحه
والميت بذاك الشام .. مسبيه تطلع روحه
واليوصل الشام بهزل .. تتجف انفاسه بحبل
ومسبيه تطلع روحه
————————-
ميته اشكثر بس مامتت
بس هسه من شفت القصر .. عذراً گلت لأنفاسي
صوت الضحك لمن عله
بعيوني فزّت كربله .. وفزت خيم باحساسي
من شفت الحسين بطشت
صح راسي مو مثل الكمر .. بس انه دخّن راسي
أنه الذبحو عشيرتها ويصيحون
ظلت زينب تدور عشيرة
أنه اللميت اخوتي وما التميت
آنه اللمت الخير بحصيرة
شافوا خيالي الما چان .. حتى انه هم ماشوفه
روحي اطلعت عالعباس…بس عدلتني چفوفه
الميتله كافل مو عدل .. تتجتف انفاسه بحبل
ومسبيه تطلع روحه
————————
اول مره تموت اشكثر
واول اميره ابلا قصر .. والدنيا كلها اعليها
شماتي شام وكربله
وذيچ الخرابه ابلا ستر .. يوميه اموتن بيها
مجبوره ما چنت انكسر
وآنه برگبتي اشچم مره .. مكسوره ما خليها
الشام ايطلع الروح امن الاعيون
اتخيل شمتوا بينه الحياطين
كل بيت النمرله ايذب حچي وماي
ويصيّح ها يزينب مات الاحسين
لو ذبو الماي انموت.. واحدنه يوگف گلبه
يعله اشكثر رمح احسين .. كلما نريد انشربه
الجاي بسبي وما ينكتل .. تتچتف انفاسه بحبل
ومسبيه تطلع روحه
_______________
انه اليموتني الحچي
واحچاية الشامت رمح .. واشگد حچي بذاكرتي
ايجيب الشمر يمي السهم
ذاك الطفه عيون الگمر.. ويگلي زينب شفتي
ما طيحوني بكربله
واشگد مواقف صادفت .. بس القصر فاتحتي
هزوا رمح الاحسين وصحت لا
ما يتحمل الطيحه اعله الاحجار
صلبو راس الاحسين اعله الجذوع
ودم الجبهة سد اعيونه الاكبار
راح العمر شام بشام .. ولا ساعة شفت الراحة
اتموت اوي اخوك بلا موت..من تمشي وي ذباحة
المذبوحه اخوته وينسأل .. تتچتف انفاسه بحبل
ومسبية تطلع روحة
——————
كلما نطب سوك اختنگ
اتشاهد واگطع نفس .. حد ما اشم سكينه
چني الزچية ابلا كسر
وذاك ابن اخوي المنچتف .. چنه علي مچتفينه
وادم عدوها المستحه
ومن سمعو بجية الضعن .. الاعمه طلعت عينه
الحبل شمسوي بيد الما يلوحون
رقيه تلوح بالگوه العبايه
اليگول احسين وين تسحگه الاخيول
انگطع حتى النِفس عن السبايه
موتنه باب الساعات .. محد يغّض اعيونه
ومن السطح ماي الحار .. يحمونه ويذبونه
اليسمع حچي الما ينحمل.. تتچتف انفاسه بحبل
ومسبيه تطلع روحه
————————-
لو غمضت تطلع صور
راس وحبس نِفسه الرمح .. وكلساعه طايح يمي
ويطلع نهر ما مستحي
ونخلة انغدر بيها الضوه ..وچفه انگطع بي اسمي
وتطلع خرابه امهدمّه
وكل العِلاوي بحزتي .. وذاك السگف ما يحمي
كلما غمّضت يطلع طشت موت
و لهسه الشهگه بذني المن رقية
وكلما غمّضت ما اشوف الاحسين
ملامح وجهه موش الاوليه
زينب بعد راح تموت .. ولهنانه يوگف عمري
دخيل الله من اهل الشام .. يسبوني حتى بگبري
العند الغرب گبره نزِل .. تتچتف انفاسه بحبل
ومسبيه تطلع روحه
————————
علي هادي الخزعلي
#لمولاي_موسى_بن_جعفر_الكاظم "ع"
جبت روحي الصَبورة .. أسد بغداد ازورة
••••••••••
روحي تريد ملگه اويـه اليعرفـلها
الصبر علّه و امامي اعيونه تندلها
زيارة موسى وين ويمته احجّلهـا
من واحد رجب ضلـيت اعدلــها
الى الروحة غيورة .. أسد بغداد ازورة
••••••••••••••
ابـن جـعفر مضيـفة العـامر بـنارة
مـلوك اتشـوفهم مو ناس خــطّارة
ما يرضاها اعرفه العـالي مگــدارة
الحمام ايزورة و انه بعيد عن دارة
بخت حتى بطيورة .. أسد بغداد ازورة
•••••••••••••••
انعم الله اعله الاحسين وسيدي الكاظم
الــوادم تحـترمــني اتصيــحلي الخـادم
امن الــلا شيء اجـيـــت لسيـد الــوادم
عـــارف حـــقـــه لكـــن الله بــي عالــم
ترس چف عيني نورة .. أسد بغداد ازورة
••••••••••••••
يم موسى بن جعفر دمعتي اغرسها
تخـظـرلي بمـحرم بـس يــلامــسها
وكت بي ناس ما تـكرم محـابـسـها
الـكاظم ينطي ناسه وما يحسـسها
الحمد لله وشكورة .. أسد بغداد ازورة
•••••••••••
إلى من عنده حاجة اتعجّز الفكرة
دگ باب الحوائج تنگـضي بنظـرة
الكاظم بس تحلفة بشيلة الزهـرة
اذا تطــلب ضـوه ينزلّـك الگـمرة
اشكثر لامِس حظورة .. أسد بغداد ازورة
••••••••••••••
اجيت انـكت اهمـومي الـهوّه عـارفها
وافتش روحي والگه اذنوبي حاذفها
ابشــباچـة المَــلَه اتقـبّـل شفــايفــهـا
وانه ابشباچة حالف روحـي انشـفّـها
الظَهر للدنيا ادورة .. أسد بغداد ازورة
•••••••••••••••
شليل اذنوب عندي و رايد اشمرهن
و اريد الكاظـم ايعـاونّـي واعبرهـن
واريدة ايوفّـق النشـفن بصــايرهـن
يشوفن حُجة الله اشلون يحظرهن
تمنيت ابظهورة .. أسد بغداد ازورة
••••••••••••
علي هادي الخزعلي
جبت روحي الصَبورة .. أسد بغداد ازورة
••••••••••
روحي تريد ملگه اويـه اليعرفـلها
الصبر علّه و امامي اعيونه تندلها
زيارة موسى وين ويمته احجّلهـا
من واحد رجب ضلـيت اعدلــها
الى الروحة غيورة .. أسد بغداد ازورة
••••••••••••••
ابـن جـعفر مضيـفة العـامر بـنارة
مـلوك اتشـوفهم مو ناس خــطّارة
ما يرضاها اعرفه العـالي مگــدارة
الحمام ايزورة و انه بعيد عن دارة
بخت حتى بطيورة .. أسد بغداد ازورة
•••••••••••••••
انعم الله اعله الاحسين وسيدي الكاظم
الــوادم تحـترمــني اتصيــحلي الخـادم
امن الــلا شيء اجـيـــت لسيـد الــوادم
عـــارف حـــقـــه لكـــن الله بــي عالــم
ترس چف عيني نورة .. أسد بغداد ازورة
••••••••••••••
يم موسى بن جعفر دمعتي اغرسها
تخـظـرلي بمـحرم بـس يــلامــسها
وكت بي ناس ما تـكرم محـابـسـها
الـكاظم ينطي ناسه وما يحسـسها
الحمد لله وشكورة .. أسد بغداد ازورة
•••••••••••
إلى من عنده حاجة اتعجّز الفكرة
دگ باب الحوائج تنگـضي بنظـرة
الكاظم بس تحلفة بشيلة الزهـرة
اذا تطــلب ضـوه ينزلّـك الگـمرة
اشكثر لامِس حظورة .. أسد بغداد ازورة
••••••••••••••
اجيت انـكت اهمـومي الـهوّه عـارفها
وافتش روحي والگه اذنوبي حاذفها
ابشــباچـة المَــلَه اتقـبّـل شفــايفــهـا
وانه ابشباچة حالف روحـي انشـفّـها
الظَهر للدنيا ادورة .. أسد بغداد ازورة
•••••••••••••••
شليل اذنوب عندي و رايد اشمرهن
و اريد الكاظـم ايعـاونّـي واعبرهـن
واريدة ايوفّـق النشـفن بصــايرهـن
يشوفن حُجة الله اشلون يحظرهن
تمنيت ابظهورة .. أسد بغداد ازورة
••••••••••••
علي هادي الخزعلي
لمولاي علي الاكبر عليه السلام
جمالة .. حِلالة .. نزل من الله كامل
شحلاته .. بصفاته .. مطر وبحرگة نازل
المطر محد يردة .. الشمس شامة اعله خدة
~~~
اليشبه وجه جدة
غيمة ضوه بخدة
اسم علي بزندة .. علي علي
شمس مغرب عله اخدودة وگمر طاح ابحظنها
حرف راء بإسم حيدر حواجب عينة چنها
حُظَن سيفة وبقة يبوسة حَظِن ام اعله ابنها
المرة الجابت علي الاكبر الف رحمة اللبنها
بخيالة .. وكمالة .. امير الطف تكنّه
يحبّن .. يوكرن .. العصافير اعله متنه
الحنان بگلبة شدة .. الشمس شامة اعله خدة
~~~
الله العلي رادة
قائد عله القادة
سيد وابن سادة .. علي علي
بشر وجه اوگفه يضوّي الضوة اعله اعيونه شمرة
نهار اتسوي ليل الله فقط لمعة إظفرة
وسيعة اعيونه وايشوف الگمر بعيونة قطرة
جميل وكل بشر امّي يظل يم وجهه يقرة
دخيلة .. بشليلة .. ورد من الله خضّر
محمد ..تجدد .. اعله هيئة وجه الاكبر
الجمال اشگد يحمدة .. الشمس شامة اعله خدة
~~~~
شمس ظهر ضاوي
عله الحرب ناوي
اول عطش راوي .. علي علي
طلع و اسم الله بعيونه مثل طلعة حمامة
ترة الحومة بحر من دم سفينتها ابتسامة
الفضول ايكتلة الابعيد اللمح طولة بخيامة
يشد اگلادة لو گاعد يشد وصلة لثامة
اليشوفة .. بچفوفة .. كواكب مو محابس
مقاتل ..يعادل .. سبعمية فوارس
عدد محّد يحدّة ..الشمس شامة اعله خدة
~~
زفة الحرب گايل
تربية الكافل
شارة وبخت شايل .. علي علي
اعله گاع الطف رجع خيبر شفت مشهد تكرر
مثل مرحب واجه لحيدر إبن غانم والاكبر
جحاجيح العرب كلها الوضع عدهم تغيّر
گُبَل بالعشرة بصمولة إلاكبر هوّة الامهر
الهواشم .. يوادم .. فخر واشرف قبيلة
تحدي .. توّدي .. الثگيل اعله الثگيلة
ملك طبها وتحدة .. الشمس شامة اعله خدة
~~~~~~
شهم سبع قادم
يگضي الحرب قاسم
وارث بني هاشم .. علي علي
هوه بشبچة اشيلزمونة وحرز امة بذراعة
نيازك تجدح بسيفة وعِمَة الگمرة بشعاعة
الحرب گامت توضتلة وسمع سمعاً وطاعة
شحلاهن لمة ارموشة صلاة وبالجماعة
ابدلالة .. وخصالة .. الگطن يم لونة اسود
اعله عينة ..ويمينة .. قروا سورة محمد
النجم شافة وتبدة .. الشمس شامة اعله خدة
~
زار العلم يلّة
وتوكل اعله الله
يم العرش صلّة .. علي علي
بشر صوته اذا يحچي يبيّن من وريدة
تحبة الحومة حب قاتل تگلة انت الاريدة
صگر والجو الك كلة وتجيب ابعد طريدة
يزرقاء اليمامة انت وتموت اعله البعيدة
قسمها .. حسمها .. يسويهم گناطر
خزرتة ..وسطرتة .. مثل ثگل الحوافر
تهزة احچاية وحدة .. الشمس شامة اعله خدة
~~~~
علي هادي الخزعلي
جمالة .. حِلالة .. نزل من الله كامل
شحلاته .. بصفاته .. مطر وبحرگة نازل
المطر محد يردة .. الشمس شامة اعله خدة
اليشبه وجه جدة
غيمة ضوه بخدة
اسم علي بزندة .. علي علي
شمس مغرب عله اخدودة وگمر طاح ابحظنها
حرف راء بإسم حيدر حواجب عينة چنها
حُظَن سيفة وبقة يبوسة حَظِن ام اعله ابنها
المرة الجابت علي الاكبر الف رحمة اللبنها
بخيالة .. وكمالة .. امير الطف تكنّه
يحبّن .. يوكرن .. العصافير اعله متنه
الحنان بگلبة شدة .. الشمس شامة اعله خدة
الله العلي رادة
قائد عله القادة
سيد وابن سادة .. علي علي
بشر وجه اوگفه يضوّي الضوة اعله اعيونه شمرة
نهار اتسوي ليل الله فقط لمعة إظفرة
وسيعة اعيونه وايشوف الگمر بعيونة قطرة
جميل وكل بشر امّي يظل يم وجهه يقرة
دخيلة .. بشليلة .. ورد من الله خضّر
محمد ..تجدد .. اعله هيئة وجه الاكبر
الجمال اشگد يحمدة .. الشمس شامة اعله خدة
شمس ظهر ضاوي
عله الحرب ناوي
اول عطش راوي .. علي علي
طلع و اسم الله بعيونه مثل طلعة حمامة
ترة الحومة بحر من دم سفينتها ابتسامة
الفضول ايكتلة الابعيد اللمح طولة بخيامة
يشد اگلادة لو گاعد يشد وصلة لثامة
اليشوفة .. بچفوفة .. كواكب مو محابس
مقاتل ..يعادل .. سبعمية فوارس
عدد محّد يحدّة ..الشمس شامة اعله خدة
زفة الحرب گايل
تربية الكافل
شارة وبخت شايل .. علي علي
اعله گاع الطف رجع خيبر شفت مشهد تكرر
مثل مرحب واجه لحيدر إبن غانم والاكبر
جحاجيح العرب كلها الوضع عدهم تغيّر
گُبَل بالعشرة بصمولة إلاكبر هوّة الامهر
الهواشم .. يوادم .. فخر واشرف قبيلة
تحدي .. توّدي .. الثگيل اعله الثگيلة
ملك طبها وتحدة .. الشمس شامة اعله خدة
شهم سبع قادم
يگضي الحرب قاسم
وارث بني هاشم .. علي علي
هوه بشبچة اشيلزمونة وحرز امة بذراعة
نيازك تجدح بسيفة وعِمَة الگمرة بشعاعة
الحرب گامت توضتلة وسمع سمعاً وطاعة
شحلاهن لمة ارموشة صلاة وبالجماعة
ابدلالة .. وخصالة .. الگطن يم لونة اسود
اعله عينة ..ويمينة .. قروا سورة محمد
النجم شافة وتبدة .. الشمس شامة اعله خدة
زار العلم يلّة
وتوكل اعله الله
يم العرش صلّة .. علي علي
بشر صوته اذا يحچي يبيّن من وريدة
تحبة الحومة حب قاتل تگلة انت الاريدة
صگر والجو الك كلة وتجيب ابعد طريدة
يزرقاء اليمامة انت وتموت اعله البعيدة
قسمها .. حسمها .. يسويهم گناطر
خزرتة ..وسطرتة .. مثل ثگل الحوافر
تهزة احچاية وحدة .. الشمس شامة اعله خدة
علي هادي الخزعلي
مَهْديُنا .. مَهْديُنا .. مَهْديُنا.. عجّل
_____
حي الله يا تاج الضوه
وتاج اعلى راس النور .. مولاي
يالنرجسك جابت قمر
بيك النجوم اتزور .. يالجاي
كاروكك اغيوم السمة
وتلولي بيك الحور .. بهداي
عطشانك وجاي انتظر
عطشة ظهر عاشور .. للماي
كل ورد الله عطره ازداد .. من شم ريحة الميلاد
لخاطر نرجس المهدي.. النرجس يوگف استعداد
يا شمسنا.. يا شمسنا.. يا شمسنا.. فاقبِل
مهدينا.. مهدينا.. مهدينا.. عجّل
————-
يالعسكريّك مبتشر
ويهني بي جبريل.. ويگول
قَدْ جَاءَكَ الحَقُ الذِيْ
بدمه كلام انجيل .. منزول
يالمهدي هيّلت الحچي
وبسمك حچي الترتيل .. معسول
سامره فرشتلك ورد
وترصعّت إكليل .. مشتول
طشينه الورد والياس .. وچكليت الفرح عالراس
الينشد هذا مولد من؟ .. مولد نسخة العباس
قرآننا .. قرآننا .. قرآننا .. رتِّل
مهدينا.. مهدينا.. مهدينا.. عجّل
—————-
يا فدوه كون لشوفتك
يا ادعج العينين .. وصفوك
تتراوه بس لفاطمه
وزينب واخوها حسين.. شافوك
من ماي ابو فاضل حرز
اهلك يماي الدين .. وضّوك
لوجه الله ، عباس الشهم
وزعلكّ الچفين .. مبروووك
فيّك ما يجيبه افياي.. هاشم حرزّوك اهواي
بيوم اخمسطعش شعبان.. ذبحولك شمس عالماي
يا جوونا.. يا جوونا.. يا جوونا.. شمّل
مهدينا .. مهدينا .. مهدينا .. عجّل..
————-
بهالمولد انبدله الشمع
نشعل شمس للثار.. حيّاك
وگالو هديتك من علي
هاديلك الفقّار.. و الواك
يمگمّط بشيلة خدر
يالشمرة الكرار .. يمناك
امن اول دقايق مولدك
من تحچي حچيي اكبار.. شفناك
مو بس عيسى يتكلم.. بأول مولده وسلّم
انت بمولدك صارت.. نرجس سيدة مريم
يا وحيُنا .. يا وحيُنا .. يا وحيُنا .. نزِّل
مهدينا .. مهدينا .. مهدينا .. عجّل
————
علي هادي الخزعلي
_____
حي الله يا تاج الضوه
وتاج اعلى راس النور .. مولاي
يالنرجسك جابت قمر
بيك النجوم اتزور .. يالجاي
كاروكك اغيوم السمة
وتلولي بيك الحور .. بهداي
عطشانك وجاي انتظر
عطشة ظهر عاشور .. للماي
كل ورد الله عطره ازداد .. من شم ريحة الميلاد
لخاطر نرجس المهدي.. النرجس يوگف استعداد
يا شمسنا.. يا شمسنا.. يا شمسنا.. فاقبِل
مهدينا.. مهدينا.. مهدينا.. عجّل
————-
يالعسكريّك مبتشر
ويهني بي جبريل.. ويگول
قَدْ جَاءَكَ الحَقُ الذِيْ
بدمه كلام انجيل .. منزول
يالمهدي هيّلت الحچي
وبسمك حچي الترتيل .. معسول
سامره فرشتلك ورد
وترصعّت إكليل .. مشتول
طشينه الورد والياس .. وچكليت الفرح عالراس
الينشد هذا مولد من؟ .. مولد نسخة العباس
قرآننا .. قرآننا .. قرآننا .. رتِّل
مهدينا.. مهدينا.. مهدينا.. عجّل
—————-
يا فدوه كون لشوفتك
يا ادعج العينين .. وصفوك
تتراوه بس لفاطمه
وزينب واخوها حسين.. شافوك
من ماي ابو فاضل حرز
اهلك يماي الدين .. وضّوك
لوجه الله ، عباس الشهم
وزعلكّ الچفين .. مبروووك
فيّك ما يجيبه افياي.. هاشم حرزّوك اهواي
بيوم اخمسطعش شعبان.. ذبحولك شمس عالماي
يا جوونا.. يا جوونا.. يا جوونا.. شمّل
مهدينا .. مهدينا .. مهدينا .. عجّل..
————-
بهالمولد انبدله الشمع
نشعل شمس للثار.. حيّاك
وگالو هديتك من علي
هاديلك الفقّار.. و الواك
يمگمّط بشيلة خدر
يالشمرة الكرار .. يمناك
امن اول دقايق مولدك
من تحچي حچيي اكبار.. شفناك
مو بس عيسى يتكلم.. بأول مولده وسلّم
انت بمولدك صارت.. نرجس سيدة مريم
يا وحيُنا .. يا وحيُنا .. يا وحيُنا .. نزِّل
مهدينا .. مهدينا .. مهدينا .. عجّل
————
علي هادي الخزعلي
هـلا بـمهــدينه و بميــلادة
اجه التتباها بسمه السادة
------
شمع شاعل اله .. وضحكتي مهيله
اجه البي كربله .. ترفع الراس
انولد سر قل هوه .. وشرح صدر الهوه
و خجل منه الضوه .. ونوره ينباس
احبه بفطرتي .. حبيبي و كشختي
و اشوفة بفكرتي .. المهدي عباس
وريث الغيرة هاي اعيادة
اجه التتباها بسمه السادة
•••••••••••
اجت نرجس اله .. تلوليله بهله
يكشخة كربله .. و جايب الثار
تگمطه برايته .. وتبوسه بگصته
طفل بس يمنته .. بيها فقًّار
جماله اليوسفي .. اشوفه بمصحفي
دخيله اشگد وفي .. وگلبه جمّار
الورد واگف قصاص و نادة
اجه التتباها بسمه السادة
•••••••••••
ضحكتي امعلّمة .. اطشها اعله السمة
اجه البي فاطمة .. بوجهه ترتاح
افرحي و شمّلي .. يروحي وهلهلي
فرحتي بگد علي .. وتسوه الافراح
هلا من كل گلب .. الى من اسمه حُب
اترسله الدرب .. كله قدّاح
احب المهدي حب ازيادة
اجه التتباها بسمه السادة
•••••••••••
انتظرته وانتظر .. الى شيب الكبر
و انه اتمنه الگبر .. بيته بي باب
احس بي لو ظهر .. حبيبي المنتظر
واسمعه بمحتظر .. اسمي ينجاب
واگله اتشيبت .. وسفيرك بي همت
ورسايل خضرت .. وگلبي سرداب
گلب عندي وظهورك رادة
اجه التتباها بسمه السادة
••••••••••
علي هادي الخزعلي
اجه التتباها بسمه السادة
------
شمع شاعل اله .. وضحكتي مهيله
اجه البي كربله .. ترفع الراس
انولد سر قل هوه .. وشرح صدر الهوه
و خجل منه الضوه .. ونوره ينباس
احبه بفطرتي .. حبيبي و كشختي
و اشوفة بفكرتي .. المهدي عباس
وريث الغيرة هاي اعيادة
اجه التتباها بسمه السادة
•••••••••••
اجت نرجس اله .. تلوليله بهله
يكشخة كربله .. و جايب الثار
تگمطه برايته .. وتبوسه بگصته
طفل بس يمنته .. بيها فقًّار
جماله اليوسفي .. اشوفه بمصحفي
دخيله اشگد وفي .. وگلبه جمّار
الورد واگف قصاص و نادة
اجه التتباها بسمه السادة
•••••••••••
ضحكتي امعلّمة .. اطشها اعله السمة
اجه البي فاطمة .. بوجهه ترتاح
افرحي و شمّلي .. يروحي وهلهلي
فرحتي بگد علي .. وتسوه الافراح
هلا من كل گلب .. الى من اسمه حُب
اترسله الدرب .. كله قدّاح
احب المهدي حب ازيادة
اجه التتباها بسمه السادة
•••••••••••
انتظرته وانتظر .. الى شيب الكبر
و انه اتمنه الگبر .. بيته بي باب
احس بي لو ظهر .. حبيبي المنتظر
واسمعه بمحتظر .. اسمي ينجاب
واگله اتشيبت .. وسفيرك بي همت
ورسايل خضرت .. وگلبي سرداب
گلب عندي وظهورك رادة
اجه التتباها بسمه السادة
••••••••••
علي هادي الخزعلي
جرحك حبيبي .. حيّر طبيبي
ميت بعد يومين
گوم بسلامة .. حاچي اليتامة
بوية انتچي اعله احسين
تدعيلك العين .. طيّب يبو حسين
•••••••••••••••••>>>
بالدنيا ياروحي وهلي
ماعندي بس الله وعلي..دير اعله راسي الطبرة
يالطولك ولاية ضوه
كوم اوگف ورد الهوه .. اعليك بمعزة الزهره
يالروحي روحك .. فدوه لجروحك .. هذا الراس
حرموني اشمك .. خافني الچمك .. من تنباس
مو وكته موتك .. منتظرة صوتك .. اذن الناس
اطيني يمنتك .. تچّي يسرتك .. عالعباس
اسم الله اعله راسك ..مشتاكه ناسك
تشتم اديك اتعيش
رجع وگفتك .. لاكن طبرتك
تنزف نشدها ابّيش
مامنك اثنين .. طيب يبو حسين
••••••••••••••••••••••>>
يمنوّم الليل بهمس
ما طلعت اعليك الشمس .. بس هسه طلعة غفلة
انه ابنك وزودك الي
چنت اشبع بشوفة علي .. غير انته خير امن الله
الله وكيلك .. حيلي اعله حيلك .. خل يندار
بس امشي يمي .. وسميني بسمي .. وانسه الصار
ابنك واحبك .. گلبي اعله گلبك .. صاير نار
حيدرنه رايح .. طلعت ملامح .. عالفقار
فتحة فقارك ..سداها ثارك
بس جفني مامسدود
صحت بعبرتي .. من گد صدمتي
مو طبرة اظن محسود
شيطيّح الدين .. طيّب يبو حسين
••••••••••••••••>>>
يوجعني گلبي امن الجرح
يالباقي گاعد للصبح .. تتگلب امن آلامك
مو طبعك ايلزمك وجع
من يومك الهم ما طلع .. واحد يشوف ايتامك
گوم اطني ايدك .. خليني افيدك .. وامشي وياي
بوية انه عونك .. فدوه لعيونك .. هاي وهاي
عالفقرة نفتر .. گللهم اگدر .. الكم جاي
وجهك گمرهم .. ايخضر عمرهم .. مثل الماي
ناسك تريدك .. يالعدهم ايدك
خبزة اعله چف جوعان
كلش تحبهم .. وگفاتك الهم
حفظتهن البيبان
يلگونك امنين .. طيّب يبو حسين
••••••••••••••>>>
شنجيب الك واترد عدل
مثل امي مانلگه شكل .. وايرد حنانك بيها
روحك عله امنه امعلمة
والطبرة تشفة بفاطمة .. بس حط اسمها اعليها
امنه الحنينة .. هلبت تجينه .. بعازتها
دمعك تمنعة.. وحيلك ترجعة .. بريحتها
روحك تردها .. والطبرة شدها .. بشيلتها
تحبها نعرفك .. خلي اعله چفك .. سبحتها
تعرف غلاتك .. زهرة حياتك
تلزم اديك اتطيب
لو هيه اجتك .. مو بس طبرتك
مايبقه حته الشيب
ترجع ضحكتين .. طيّب يبو حسين
••••••••••••>>>>
انه ابنك الراح انذبح
محتاجك ابدال الرمح .. ردتك ترد ذباحي
بالطف كشختي بوگفتك
ترجع حياتي بشبگتك ..موش اشبگ اعله ارماحي
يالتدري بية .. بالغاضرية .. ما أرتاح
وبذاك عمري .. خيل اعله صدري .. وچم ذباح
اصهيل وحوافر .. واخيامي باچر .. كلها اصياح
وماشوفة دربي .. والگه اعله گلبي .. دم وارماح
واختي الچبيرة .. اتدور حصيرة
اتلم صدري من الگاع
اركض عليها .. بروحي اشتريها
لو عازتك تنباع
شتسوي الاسنين .. طيّب يبو حسين
•••••••••••••••••>>>
علي هادي الخزعلي
ميت بعد يومين
گوم بسلامة .. حاچي اليتامة
بوية انتچي اعله احسين
تدعيلك العين .. طيّب يبو حسين
•••••••••••••••••>>>
بالدنيا ياروحي وهلي
ماعندي بس الله وعلي..دير اعله راسي الطبرة
يالطولك ولاية ضوه
كوم اوگف ورد الهوه .. اعليك بمعزة الزهره
يالروحي روحك .. فدوه لجروحك .. هذا الراس
حرموني اشمك .. خافني الچمك .. من تنباس
مو وكته موتك .. منتظرة صوتك .. اذن الناس
اطيني يمنتك .. تچّي يسرتك .. عالعباس
اسم الله اعله راسك ..مشتاكه ناسك
تشتم اديك اتعيش
رجع وگفتك .. لاكن طبرتك
تنزف نشدها ابّيش
مامنك اثنين .. طيب يبو حسين
••••••••••••••••••••••>>
يمنوّم الليل بهمس
ما طلعت اعليك الشمس .. بس هسه طلعة غفلة
انه ابنك وزودك الي
چنت اشبع بشوفة علي .. غير انته خير امن الله
الله وكيلك .. حيلي اعله حيلك .. خل يندار
بس امشي يمي .. وسميني بسمي .. وانسه الصار
ابنك واحبك .. گلبي اعله گلبك .. صاير نار
حيدرنه رايح .. طلعت ملامح .. عالفقار
فتحة فقارك ..سداها ثارك
بس جفني مامسدود
صحت بعبرتي .. من گد صدمتي
مو طبرة اظن محسود
شيطيّح الدين .. طيّب يبو حسين
••••••••••••••••>>>
يوجعني گلبي امن الجرح
يالباقي گاعد للصبح .. تتگلب امن آلامك
مو طبعك ايلزمك وجع
من يومك الهم ما طلع .. واحد يشوف ايتامك
گوم اطني ايدك .. خليني افيدك .. وامشي وياي
بوية انه عونك .. فدوه لعيونك .. هاي وهاي
عالفقرة نفتر .. گللهم اگدر .. الكم جاي
وجهك گمرهم .. ايخضر عمرهم .. مثل الماي
ناسك تريدك .. يالعدهم ايدك
خبزة اعله چف جوعان
كلش تحبهم .. وگفاتك الهم
حفظتهن البيبان
يلگونك امنين .. طيّب يبو حسين
••••••••••••••>>>
شنجيب الك واترد عدل
مثل امي مانلگه شكل .. وايرد حنانك بيها
روحك عله امنه امعلمة
والطبرة تشفة بفاطمة .. بس حط اسمها اعليها
امنه الحنينة .. هلبت تجينه .. بعازتها
دمعك تمنعة.. وحيلك ترجعة .. بريحتها
روحك تردها .. والطبرة شدها .. بشيلتها
تحبها نعرفك .. خلي اعله چفك .. سبحتها
تعرف غلاتك .. زهرة حياتك
تلزم اديك اتطيب
لو هيه اجتك .. مو بس طبرتك
مايبقه حته الشيب
ترجع ضحكتين .. طيّب يبو حسين
••••••••••••>>>>
انه ابنك الراح انذبح
محتاجك ابدال الرمح .. ردتك ترد ذباحي
بالطف كشختي بوگفتك
ترجع حياتي بشبگتك ..موش اشبگ اعله ارماحي
يالتدري بية .. بالغاضرية .. ما أرتاح
وبذاك عمري .. خيل اعله صدري .. وچم ذباح
اصهيل وحوافر .. واخيامي باچر .. كلها اصياح
وماشوفة دربي .. والگه اعله گلبي .. دم وارماح
واختي الچبيرة .. اتدور حصيرة
اتلم صدري من الگاع
اركض عليها .. بروحي اشتريها
لو عازتك تنباع
شتسوي الاسنين .. طيّب يبو حسين
•••••••••••••••••>>>
علي هادي الخزعلي
وصيتة وكتبها .. مشه وروحي شبها
بعد ليلة ماشوف .. مشيته الاحبها
مو دم نزفت الطبرة
نزف تسبيحة الزهرة
علي الدمة غالي .. علي الدمة غالي
•••••••••••••••••>>>
الله اكبر ليلة موت .. انگطعت بيها احبال الصوت
اوگف يا علي وخل اشبع اشباگ
مو بس روحي اتخاف اعليك .. حتى الطير امچلب بيك
تره الموت البطيء انشوفه الافراگ
لا تروح امرورة الدنيا بگفاك
انت مو حامي الحمه انه بحماك
انت اجيته الموت مو هو الاجاك
وچم تعال ارجع علي انطشت وراك
تعال الحگ النه .. يشيخ اعله اهلنه
بعد بيه واهواي .. اطلبك محنّه
راسك بي حچي الفقرة
نزف تسبيحة الزهرة
علي الدمة غالي .. علي الدمة غالي
••••••••••••••••••••••>>>
اطفي اعيوني ولاتندار .. بثوبك چلب جم بسمار
عرضلك كلشي مو بس البسامير
من اشتاگ بشوگي الحار .. تگضي امشابگ عالفقار
واذا اشتاگ صوتك امشي للبير
اله اطفيهن بچي هاي اعله هاي
الموت ياريته سره وگبلك سراي
گطرة گطرة ايخلصن واكتل ضواي
هاي موش اعيوني لا ناگوط ماي
طلعتك علامة .. ابد مو سلامة
بعد ياهو ترتاح .. اعله چفه اليتامة
يجرحك بي عطر حظرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>>>
انفل اوزارك يم الباب .. شراح يصير اعله المحراب
مشيت وگلبي بزني و اصبر اعليه
أذّن صوتك وارتاحيت .. بصوتك كزبر جلد البيت
گلت ابخير ابوي وكلشي مابيه
بوجهي من طلعة علي بان الصفار
گمت واتوضيت بس مشتعله نار
كضني گلبي وگلبي يم حجرته اندار
گبل طبتي الحجرة دخّن ذو الفقار
انگلب لونه احمر .. صحت الله يستَر
علي سيفه حسّاس .. بحجرته وتفطّر
دره وانفطرت الشفرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>>>
بوية اسم الله وصحت ادخيل .. الصوت الطالع من جبريل
اشرب ماي جاي ومنه غصيت
هز بيت الله بصوته الصاح .. حيدر طاح وبيتك طاح
مو الاركان بوية اتهدم البيت
يا من ايجيب الحسن و اعرف خبر
ما مصدگه ، الما يلاگونه انطبر ؟؟
شلون گلبه انطاه وابن ملجم عبر
وانه ابوي الكاتب اسمي اعله الظهر
احبه ويحبني .. اعله ظهرة كتبني
الطبر راسه بالسيف .. اشعجب ماطبرني
دمّه الواصل لظهرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>
التچّة السبعه بهامة راس .. رد يتچّه اعله العباس
رد واعمامتة امن الطبرة نصّين
فرگة واحد يسوه الكون ..ينراد الها فصوص اعيون
موش اتموت بوية اعليك الاحسين
سبحة امنه انجيبلك موش الطبيب
هي طبره كلها چم يوم وتطيب
انه زينب گلي موتي ولا تغيب
ايكبر وداعك علي و غرگني شيب
صفه امچانه شمعه .. ابوي شيرجعه
أذان الفجر حيل .. اموت امن اسمعه
مات وماتت العشرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>
علي هادي الخزعلي
بعد ليلة ماشوف .. مشيته الاحبها
مو دم نزفت الطبرة
نزف تسبيحة الزهرة
علي الدمة غالي .. علي الدمة غالي
•••••••••••••••••>>>
الله اكبر ليلة موت .. انگطعت بيها احبال الصوت
اوگف يا علي وخل اشبع اشباگ
مو بس روحي اتخاف اعليك .. حتى الطير امچلب بيك
تره الموت البطيء انشوفه الافراگ
لا تروح امرورة الدنيا بگفاك
انت مو حامي الحمه انه بحماك
انت اجيته الموت مو هو الاجاك
وچم تعال ارجع علي انطشت وراك
تعال الحگ النه .. يشيخ اعله اهلنه
بعد بيه واهواي .. اطلبك محنّه
راسك بي حچي الفقرة
نزف تسبيحة الزهرة
علي الدمة غالي .. علي الدمة غالي
••••••••••••••••••••••>>>
اطفي اعيوني ولاتندار .. بثوبك چلب جم بسمار
عرضلك كلشي مو بس البسامير
من اشتاگ بشوگي الحار .. تگضي امشابگ عالفقار
واذا اشتاگ صوتك امشي للبير
اله اطفيهن بچي هاي اعله هاي
الموت ياريته سره وگبلك سراي
گطرة گطرة ايخلصن واكتل ضواي
هاي موش اعيوني لا ناگوط ماي
طلعتك علامة .. ابد مو سلامة
بعد ياهو ترتاح .. اعله چفه اليتامة
يجرحك بي عطر حظرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>>>
انفل اوزارك يم الباب .. شراح يصير اعله المحراب
مشيت وگلبي بزني و اصبر اعليه
أذّن صوتك وارتاحيت .. بصوتك كزبر جلد البيت
گلت ابخير ابوي وكلشي مابيه
بوجهي من طلعة علي بان الصفار
گمت واتوضيت بس مشتعله نار
كضني گلبي وگلبي يم حجرته اندار
گبل طبتي الحجرة دخّن ذو الفقار
انگلب لونه احمر .. صحت الله يستَر
علي سيفه حسّاس .. بحجرته وتفطّر
دره وانفطرت الشفرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>>>
بوية اسم الله وصحت ادخيل .. الصوت الطالع من جبريل
اشرب ماي جاي ومنه غصيت
هز بيت الله بصوته الصاح .. حيدر طاح وبيتك طاح
مو الاركان بوية اتهدم البيت
يا من ايجيب الحسن و اعرف خبر
ما مصدگه ، الما يلاگونه انطبر ؟؟
شلون گلبه انطاه وابن ملجم عبر
وانه ابوي الكاتب اسمي اعله الظهر
احبه ويحبني .. اعله ظهرة كتبني
الطبر راسه بالسيف .. اشعجب ماطبرني
دمّه الواصل لظهرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>
التچّة السبعه بهامة راس .. رد يتچّه اعله العباس
رد واعمامتة امن الطبرة نصّين
فرگة واحد يسوه الكون ..ينراد الها فصوص اعيون
موش اتموت بوية اعليك الاحسين
سبحة امنه انجيبلك موش الطبيب
هي طبره كلها چم يوم وتطيب
انه زينب گلي موتي ولا تغيب
ايكبر وداعك علي و غرگني شيب
صفه امچانه شمعه .. ابوي شيرجعه
أذان الفجر حيل .. اموت امن اسمعه
مات وماتت العشرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>
علي هادي الخزعلي
يبوية .. يبوية .. حيل ابنك تهده
يبوية .. يبوية .. لا تتوضه گعده
يبوية .. يبوية .. جرحك بيش اشده
———————
گوم ابداعة العباس .. شنهي الطبرة وتگعدك
وانت التربة ما ترتاح.. اله بگصتك وخدك
رديت الشمس مرتين .. رد العافية بولدك
گلي منين بويه نجيب .. حيدر ثاني ويردك
يغالي .. يغالي.. كون الطبرة طاحت
يغالي.. يغالي .. بابنك روحي صاحت
يبوية .. يبوية .. ظهرك خل اسنده
————————
علي يالهيأتك قرآن .. بهاي الليلة معراجك
حاوطنه السرير اعليك.. كعبة واحنه حجاجك
انت الما ترد محتاج .. وانه احسين محتاجك
المثلك تاجه فوك الراس.. وانت عمامتك تاجك
رحيلك .. رحيلك .. اخذ روح اليتامة
رحيلك .. رحيلك .. ذبح راس السلامة
يبوية .. يبوية .. يتيمك ذاب خدّه
———————-
المسجد يبچي دم اعليك … الناس افتقدت آذانك
"الاشهد إنّ" تسوه الكون.. تطلع بويه بلسانك
سولف يا امير الماي.. كلش گلبي عطشانك
الطبرة الطاحت براسك.. وصلت راس قرآنك
نسمعه .. نسمعه.. الفجر ميت امانه
نسمعه .. نسمعه .. طعم ماكو بأذانه
يبوية .. يبوية .. صوتك بذني بعده
—————————
كون العوز يملك راس .. بذو الفقارك اتگصه
الدنيا الطلگتها اعناد.. هسه اغتنمت الفرصه
علي انت وعلوّك ذاك .. لو مو طبرة ما ينصه
طبرتك ما يلمها اضماد … وصلت لآخر الگصه
يعالي..يعالي.. يالطبرو حنانك
يعالي .. يعالي .. الكوفه ابلا امانك
يبوية .. يبوية .. ما ظل بيها ورده
———————-
سماحة حيدر الكرار .. .. انت النحلف ابطوله
الدين اختل يريد ايطيح .. وراسك صار شاهوله
الصلاة البيها اسمك فاح .. تحسها امن الله مقبوله
العگده الما تحلها شيوخ .. بيدك بوية محلوله
حبيبي .. حبيبي .. يخيّر وابن خيّر
حبيبي .. حبيبي .. يالبخيرك تتطشر
يبوية .. يبوية .. يذچرك سوره وَحدة
——————
بليلة جرحك القرآن .. اطيور وطارن آياته
ونزلن فوك راسك ماي .. يمسحن لون شيباته
كسره ايهدّم الاسلام .. الكسرت هبل عصّاته
ظل يتوضه گعده شلون .. الترست عيني وگفاته
اريدك .. اريدك .. يوگفاتك چبيرة
اريدك .. اريدك.. يـ ألماس العشيرة
يبوية .. يبوية .. يبير امن الموّده
———————-
علي هادي الخزعلي
يبوية .. يبوية .. لا تتوضه گعده
يبوية .. يبوية .. جرحك بيش اشده
———————
گوم ابداعة العباس .. شنهي الطبرة وتگعدك
وانت التربة ما ترتاح.. اله بگصتك وخدك
رديت الشمس مرتين .. رد العافية بولدك
گلي منين بويه نجيب .. حيدر ثاني ويردك
يغالي .. يغالي.. كون الطبرة طاحت
يغالي.. يغالي .. بابنك روحي صاحت
يبوية .. يبوية .. ظهرك خل اسنده
————————
علي يالهيأتك قرآن .. بهاي الليلة معراجك
حاوطنه السرير اعليك.. كعبة واحنه حجاجك
انت الما ترد محتاج .. وانه احسين محتاجك
المثلك تاجه فوك الراس.. وانت عمامتك تاجك
رحيلك .. رحيلك .. اخذ روح اليتامة
رحيلك .. رحيلك .. ذبح راس السلامة
يبوية .. يبوية .. يتيمك ذاب خدّه
———————-
المسجد يبچي دم اعليك … الناس افتقدت آذانك
"الاشهد إنّ" تسوه الكون.. تطلع بويه بلسانك
سولف يا امير الماي.. كلش گلبي عطشانك
الطبرة الطاحت براسك.. وصلت راس قرآنك
نسمعه .. نسمعه.. الفجر ميت امانه
نسمعه .. نسمعه .. طعم ماكو بأذانه
يبوية .. يبوية .. صوتك بذني بعده
—————————
كون العوز يملك راس .. بذو الفقارك اتگصه
الدنيا الطلگتها اعناد.. هسه اغتنمت الفرصه
علي انت وعلوّك ذاك .. لو مو طبرة ما ينصه
طبرتك ما يلمها اضماد … وصلت لآخر الگصه
يعالي..يعالي.. يالطبرو حنانك
يعالي .. يعالي .. الكوفه ابلا امانك
يبوية .. يبوية .. ما ظل بيها ورده
———————-
سماحة حيدر الكرار .. .. انت النحلف ابطوله
الدين اختل يريد ايطيح .. وراسك صار شاهوله
الصلاة البيها اسمك فاح .. تحسها امن الله مقبوله
العگده الما تحلها شيوخ .. بيدك بوية محلوله
حبيبي .. حبيبي .. يخيّر وابن خيّر
حبيبي .. حبيبي .. يالبخيرك تتطشر
يبوية .. يبوية .. يذچرك سوره وَحدة
——————
بليلة جرحك القرآن .. اطيور وطارن آياته
ونزلن فوك راسك ماي .. يمسحن لون شيباته
كسره ايهدّم الاسلام .. الكسرت هبل عصّاته
ظل يتوضه گعده شلون .. الترست عيني وگفاته
اريدك .. اريدك .. يوگفاتك چبيرة
اريدك .. اريدك.. يـ ألماس العشيرة
يبوية .. يبوية .. يبير امن الموّده
———————-
علي هادي الخزعلي
السلام على ولي الله ووصي رسوله
السلام على يعسوب الدين
علي ياروح الله .. علي ياسر الله
—————-
انت تمشي ابلا حمايه مو لأن قلة حرص
ايحط حمايه اباب بيته بس الي يحس بالنقص
انت ماي بوكت حته الگصه تنباع ابرخص
انت ما عدك مقرب واليتيم اقرب شخص
ياعلي المثلك حماياته وراه
ولو مشه بشارع يدنگله الضوه
وانت وحدك تمشي ربك بالشهود
وما مشه بظهرك گبل حتى الهوه
ياهو مثلك يفطر ابيت الفقير
ايوكله بيده وظل يفلسله النوه
هالتواضع محلاه .. علي يا سر الله
—————
الدنيا وگفتلك زليخة وانت يوسفها الچبير
وبيتك البلكوفه هذا لكل ملك ذمه وضمير
ياهو شد ابطنه صخره وخشنه ايده ومو حرير
وهذا يا مسؤول يرضه ايمشي ابنه اويه الفقير
وهسه مسؤول الشعب لازم ثگيل
وولده ما يمشون وي باقي البشر
وكله حراس وخدم حسب الاصول
وشبعو بروس الشعب نوم وسفر
وانت ولدك تفتر اعله المسلمين
اعيونه متغيره الحسن من السهر
وانت تطلع وياه .. علي يا سر الله
———————-
انت ربيت التواضع نخله وتربي الرطب
وانت قتّال التكبر وانت قتال العرب
بكل حرب سيفك محنّك وشكثر دم انطلب
اليكتب الزهره اعله سيفه ما اظن يوم انغلب
انت من گد الضمير البيك چان
نومة اعيونك تحس بيها انتقاص
بالحرب ما كترت اهلك ، چبير
الكل تقاتل لا عوام ولا خواص
وانت ما لابس درع ضد السهام
وهسه سيارة حمد ضد الرصاص
ماكو مثلك بالجاه .. علي يا سر الله
———————-
معركة احّد خيانة والطمع چان الخلل
وهسه چم خالد نشوفه التف علينه امن الجبل
و بطمع لم الغنايم ينتصر خلو هبل
وچم زبير وطلحه ضدك هسه مو بس بالجمل
ياعلي المدولك چفوف السلام
تلگه حرحارات اديهم مجرمه
الناكثين اتلاگوا اويه المارقين
ورادو يطيحون عرشك بالدمه
وانت سليت الحسن مو ذو الفقار
وميثم التمار سوه المحكمه
هيجي صاحب حياه .. علي يا سر الله
——————
ثوبك الينشگ ترگعه طلگت دنيا العبيد
وذاكه لو لثگه اعله ثوبه امن الغرب يطلب جديد
نوّمت ولدك بغرفه قصر يلمع ما تريد
بهالوكت عاش السياسي ياعلي ومات الشهيد
عايش اعله برودة الگاع وعظيم
وغيرك اقصور وڤلل ومكدره
بهالزمان الما مسيس ما يعيش
روحك تحزبها لو ترجع وره
اعله السياسه نريد ياحيدر هرير
حتى تمشي الناس مثل المسطرة
والله عدلك عشناه .. علي يا سر الله
———————
علي هادي الخزعلي
السلام على يعسوب الدين
علي ياروح الله .. علي ياسر الله
—————-
انت تمشي ابلا حمايه مو لأن قلة حرص
ايحط حمايه اباب بيته بس الي يحس بالنقص
انت ماي بوكت حته الگصه تنباع ابرخص
انت ما عدك مقرب واليتيم اقرب شخص
ياعلي المثلك حماياته وراه
ولو مشه بشارع يدنگله الضوه
وانت وحدك تمشي ربك بالشهود
وما مشه بظهرك گبل حتى الهوه
ياهو مثلك يفطر ابيت الفقير
ايوكله بيده وظل يفلسله النوه
هالتواضع محلاه .. علي يا سر الله
—————
الدنيا وگفتلك زليخة وانت يوسفها الچبير
وبيتك البلكوفه هذا لكل ملك ذمه وضمير
ياهو شد ابطنه صخره وخشنه ايده ومو حرير
وهذا يا مسؤول يرضه ايمشي ابنه اويه الفقير
وهسه مسؤول الشعب لازم ثگيل
وولده ما يمشون وي باقي البشر
وكله حراس وخدم حسب الاصول
وشبعو بروس الشعب نوم وسفر
وانت ولدك تفتر اعله المسلمين
اعيونه متغيره الحسن من السهر
وانت تطلع وياه .. علي يا سر الله
———————-
انت ربيت التواضع نخله وتربي الرطب
وانت قتّال التكبر وانت قتال العرب
بكل حرب سيفك محنّك وشكثر دم انطلب
اليكتب الزهره اعله سيفه ما اظن يوم انغلب
انت من گد الضمير البيك چان
نومة اعيونك تحس بيها انتقاص
بالحرب ما كترت اهلك ، چبير
الكل تقاتل لا عوام ولا خواص
وانت ما لابس درع ضد السهام
وهسه سيارة حمد ضد الرصاص
ماكو مثلك بالجاه .. علي يا سر الله
———————-
معركة احّد خيانة والطمع چان الخلل
وهسه چم خالد نشوفه التف علينه امن الجبل
و بطمع لم الغنايم ينتصر خلو هبل
وچم زبير وطلحه ضدك هسه مو بس بالجمل
ياعلي المدولك چفوف السلام
تلگه حرحارات اديهم مجرمه
الناكثين اتلاگوا اويه المارقين
ورادو يطيحون عرشك بالدمه
وانت سليت الحسن مو ذو الفقار
وميثم التمار سوه المحكمه
هيجي صاحب حياه .. علي يا سر الله
——————
ثوبك الينشگ ترگعه طلگت دنيا العبيد
وذاكه لو لثگه اعله ثوبه امن الغرب يطلب جديد
نوّمت ولدك بغرفه قصر يلمع ما تريد
بهالوكت عاش السياسي ياعلي ومات الشهيد
عايش اعله برودة الگاع وعظيم
وغيرك اقصور وڤلل ومكدره
بهالزمان الما مسيس ما يعيش
روحك تحزبها لو ترجع وره
اعله السياسه نريد ياحيدر هرير
حتى تمشي الناس مثل المسطرة
والله عدلك عشناه .. علي يا سر الله
———————
علي هادي الخزعلي