👨‍💻GSSSB Various Post Exam Date Declared

#GSSSB

*મોર્નિંગ મ્યુસિંગ્સ :*
"ન્યૂરોટ્રાન્સમિશન એટલે એવી પ્રક્રિયા જેમાં એક ન્યૂરોનમાંથી ન્યૂરોટ્રાન્સમીટર રિલીઝ થાય અને બીજા ન્યૂરોન કે સેલ્સ સુધી જાય છે. નર્વસ સિસ્ટમ અને બાકી શરીર વચ્ચે સંદેશાવ્યવહાર માટે ન્યૂરોન્સની આ પ્રક્રિયા મહત્વની છે. ન્યૂરોટ્રાન્સમીટર્સ મુખ્યત્વે મગજ અને સેન્ટ્રલ નર્વસ સિસ્ટમની અંદર બને છે, પણ તેના ઉત્પાદનમાં આંતરડા (ગટ્સ)ની પણ નોંધપાત્ર ભૂમિકા હોય છે (ન્યૂરોટ્રાન્સમીટર્સ એક કેમિકલ મેસેન્જર છે, જે ન્યૂરોન્સ અને સેલ્સ વચ્ચે સંદેશાની આપલે કરીને વિવિધ શારીરિક પ્રક્રિયાઓને અંજામ આપે છે).
"તેનો અર્થ એ થયો કે મગજ અને આંતરડા વચ્ચે ઘનિષ્ઠ હિસ્સેદારી છે. મગજ આંતરડાની પ્રક્રિયા પર અસર કરે છે અને આંતરડા મગજની પ્રક્રિયાને પ્રભાવિત કરે છે. આપણી માનસિક અને શારીરિક સુખાકારી માટે ન્યૂરોટ્રાન્સમીટર્સનું સ્તર જળવાય તે જરૂરી હોય છે અને તે કામ મગજ અને આંતરડાની જુગલબંધીમાં થાય છે. શરીરની સૌથી લાંબી વેગસ નર્વ, ન્યૂરોટ્રાન્સમીટર્સ, હોર્મોન્સ અને ઇમ્યૂન સિસ્ટમ મોલેક્યુલ્સ મારફતે મગજ અને આંતરડા વચ્ચે લગાતાર સંદેશાઓની આપલે થતી રહે છે.
"ધારો કે મનમાં ગભરામણ કે ઉચાટ થાય ત્યારે, પેટમાં દુ:ખવા લાગે અને સ્ટ્રેસ વધી જાય તો ડાયેરિયા કે વોમિટ થઈ જાય. એવી જ રીતે, આંતરડામાં માઇક્રોબ અને બેક્ટેરિયાના કોમ્પોઝિશનમાં ગડબડ થાય તો મગજની પ્રક્રિયાને અસર થાય, ન્યૂરોટ્રાન્સમીટર્સને ખોરવી નાખે અને ઇન્ફ્લેમેશનને પેદા કરે.
"આંતરડામાં ૫થી ૧૦ કરોડ સેલ્સ કામ કરતા હોય છે- એટલા જ કરોડરજ્જુમાં સક્રિય હોય છે- જે શરીરનાં બીજાં અંગો કરતાં આંતરડાને સૌથી વધુ તાકાત આપે છે અને મગજની બરાબરી કરવા સક્ષમ બનાવે છે. આપણે જેને "ગટ ફીલિંગ" કહીએ છીએ તે મૂળભૂત રીતે આંતરડાનું મગજ છે. આંતરડા આપણી માનસિક અને શારીરિક તંદુરસ્તી માટે બહુ જ નિર્ણાયક હોય છે. તે પેટ કેવી રીતે કામ કરે તે જ ધ્યાન નથી રાખતું, મગજ કેવી રીતે વ્યવહાર કરે છે તે પણ જુવે છે. આપણે વર્તમાનમાં જેવા પણ છીએ, બીમાર કે તંદુરસ્ત, તે મગજ અને આંતરડાની જુગલબંધીનું પરિણામ છીએ."

Brainwashed by Your Gut: The Secret Link between Food and Mood
by Dr. Manjari Chandra

*મોર્નિંગ મ્યુસિંગ્સ:*


તમે જ્યારે કોઈ વ્યક્તિની ટીકા કે કુથલી કરો છો ત્યારે, એમાં તે વ્યક્તિનો ઓછો, તમારો પરિચય વધુ થાય છે.

તમે અંદરથી જેવા હશો, તમારી ટીકા એ પ્રમાણેની હશે. દરેક અભિવ્યક્તિ આખરે જે તે વ્યક્તિની માનસિકતાનું પ્રતિક છે.
તમારો અભિપ્રાય તમારા મનમાં શું ચાલી રહયું છે, તમારી અસલામતી કેવી છે, તમારી અપેક્ષાઓ શું છે અને તમે કેવી રીતે તે વ્યક્તિને તમારી સાથે સરખાવો છો, તેનું પ્રતિબિંબ છે.

બીજા વિશેના મોટાભાગના અભિપ્રાયોમાં તમે તમારી છબી ચમકાવાનો પ્રયાસ કરો છે. બીજી વ્યક્તિ તમને એ અવસર પૂરો પાડે છે કે તમે કેટલો સારા છો તે સાબિત કરી શકો.
એટલા માટે, કોઈની ટીકા કરવાનું જેટલું આસાન છે, તેટલું તેની સરાહના કરવાનું નથી.

ટીકામાં ગુરુતાનો ભાવ હોય છે, સરાહનામાં તમારે બીજી વ્યક્તિને તમારા કરતાં ઉપર મૂકવી પડે છે.

ઇમર્સન નામના વિચારકે કહ્યું હતું, "લોકોને એ ભાન નથી હોતું કે દુનિયા વિશેનો તેમનો અભિપ્રાય તેમના ચરિત્ર્યનો પણ એકરાર છે."

તમે બીજા લોકોને એવી રીતે જ જુવો છો, જેવા તમે અંદરથી છો.

*Happy Morning*

*મોર્નિંગ મ્યુસિંગ્સ:*


પ્રત્યેક અંત એટલો ખુબસુરત હોવો જોઈએ કે એક નવા પ્રારંભ માટે જગ્યા બની રહે. અતીત અથવા કોઈ ચીજ, જે પરિચિત અને અનુકૂળ છે પણ હવે બિન ઉપયોગી બની ગઈ છે, તેને એવી રીતે ન પકડી રાખવી જોઈએ કે પ્રગતિને અનુરૂપ નવી સંભાવનાઓ અને અનુભવોથી આપણને વંચિત રાખે. ચાહે કોઈ સ્થિતિ હોય, આદત હોય અથવા સંબંધ હોય, તેનું પ્રયોજન સમાપ્ત થઇ ગયું હોય, પછી તે એક તાજગીસભર શરૂઆત માટે સ્પ્રિંગ બોર્ડનું કામ કરવો જોઈએ.

ફિલ્મોમાં, ફેડ-આઉટ અને ફેડ-ઈનની ટેકનિક હોય છે; એક દ્રશ્ય ક્રમશ: ઓઝલ થાય (ફેડ-આઉટ) અને તેની જગ્યાએ બીજા દ્રશ્યનો ક્રમશ: ઉદય થાય (ફેડ-ઈન). વાર્તા આ રીતે જ આગળ વધે. જીવનમાં પણ એવું હોવું જોઈએ; દરેક "દ્રશ્ય" વાર્તાને આગળ ધપાવતા બીજા "દ્રશ્ય" માટે જગ્યા કરી આપતું હોવું જોઈએ. આરંભ અંતનો વેશ બદલીને આવવો જોઈએ.

*Happy Morning*

▪️ List of Candidates who have been Shortlisted to be called for Document Verification
etc. for preparation of SELECT LIST for Direct Recruitment to the post of Deputy
Section Officer on the establishment of the High Court of Gujarat

#HC #DV #List

Adv - ૩૨૧/૨૦૨૫૨૬, જુનીયર ફાર્માસીસ્ટ, વર્ગ-૩ સંવર્ગની સ્પર્ધાત્મક કસોટીનો વિગતવાર અભ્યાસક્રમ..

#GSSSB

📌HC DEPUTY SECTION OFFICER FINAL ANSWER KEY FOR HIGH COURT OF GUJARAT STAGE-II EXAM HELD ON 18.05.2025

#HC #FAK

મોર્નિંગ મ્યુસિંગ્સ:

"જિંદગીમાં બનતી ઘટનાઓ પાછળ કોઈ તર્ક કે આયોજન હોય છે, કે બસ તે બને છે અને આપણે તેના અર્થ કાઢવાના વ્યર્થ પ્રયાસ કરીએ છીએ?"

જીવનનો અર્થ છે કે નહીં તે સદીઓ જૂનો પ્રશ્ન રહ્યો છે અને તેનો કોઈ એક, સર્વસામાન્ય જવાબ નથી. અમુક લોકો માને છે કે જીવનનું એક નિહિત પ્રયોજન છે. પ્રકૃતિએ અથવા પરમ સત્તાએ નિશ્ચિત હેતુ સાથે મનુષ્ય જીવનનું સર્જન કર્યું છે. અર્થાત્, તેનો દૈવી અથવા આધ્યાત્મિક અર્થ છે, અને વ્યક્તિએ તે દૈવી મૂલ્યોને શોધીને તેને અનુકૂળ જીવવા પ્રયાસ કરવો જોઈએ.

બીજા લોકો માને છે કે દરેક વ્યક્તિ પોતે અર્થનું સર્જન કરે છે. જીવનનો અર્થ અત્યંત નિજી અને આત્મલક્ષી (subjective) બાબત છે. વ્યક્તિ તેના સંબંધો, કામ, શોખ, માન્યતાઓ, સેવા જેવાં પાસાઓમાંથી અર્થ ખોજે છે. એટલે બે વ્યક્તિ ના અર્થ એકસરખા નથી હોતા. એ દૃષ્ટિએ, જીવનની ઘટનાઓ સ્વત: અર્થપૂર્ણ નથી, આપણે આપણા દૃષ્ટિકોણ, મૂલ્યો, અનુભવો અને માન્યતાઓ અનુસાર તેમાંથી અર્થ કાઢવા માટે સ્વતંત્ર છીએ. જીવન અથવા ઘટનાઓ આકસ્મિક (random) હોય છે, પરંતુ તે વ્યક્તિગત વિકાસ માટેનો સ્રોત પણ હોય છે, એટલે આપણે તેમાં અર્થ જોઈએ છીએ. વૈજ્ઞાનિક દૃષ્ટિએ, માનવ જીવન પૃથ્વી પર ઘટેલી આકસ્મિક ઉત્ક્રાંતિના પરિણામે સર્જાયું હતું. આપણે જન્મીએ છીએ અને પછી મૃત્યુ પામીએ છીએ તે એક પ્રાકૃતિક પ્રક્રિયા છે. તે એક નિરર્થક ઘટમાળ છે, તેનાથી પ્રકૃતિને કોઈ ફરક નથી પડતો, પરંતુ આપણે નિરાશ ન થઈ જઈએ, નકારાત્મક ન થઈ જઈએ, આત્મઘાતી ન થઈ જઈએ એટલે તે નિરર્થકતામાંથી અર્થ શોધતા રહીએ છીએ, જેથી જીવન જીવવા લાયક બની રહે. આપણે ઘટનાઓનો અર્થ કાઢીએ છીએ એટલું જ નહીં, પ્રસંગોપાત અર્થમાં બદલાવ પણ કરીએ છીએ. જીવન અર્થપૂર્ણ નથી, આપણે તેને અર્થપૂર્ણ બનાવીએ છીએ.

*Happy Morning*