سد الخط واني سويت روحي ما مهتمة
_ شكو ؟
_ تريد اوصلها وارجعها .
_ سايق بيت الخلفوها ، احم اقصد اي خلي جــود احسن .
_ ههههههههه الخاطر خاطرچ ما اصير سايق غيرچ .
_ وين اكو منك .

وصلني دخلت لكل المحاضرات بعني اريد أدخل الأخيرة
واتصل عليَّ جاوبته واني بالممر اريد افوت
_ اني بالباب .
_ شكو .
_ سلامتچ اني بالباب طلعي .
درت ورجعت للكراج اشرت من بعيد شكو فتح الباب
صعدت بدون سابق انذار ومو طلب بلغة امر حجاها
_ ترجعين ويايَّ لبيتنا .
_ بس .
_ بدون بس طفح صبري  .

بقيت ساكتة اريد احجي يسكتني وصلنا نزلت اني وياه
سلمت على عمي كاعد على ميز بصف المطعم
بس دخلت جــود مد راسه ورفع ايده
من الممر الي يوصلني على بيتنا
جــود : رجعت المسعدة .
سيف الدين : رجعت لمدلله .
جــود : رجعت الفايخة .
سيف الدين : رجعت المحظوظة .

ورفع ايده يأشر بالهوا وبيده وصلة مسح وصلة
سيف الدين : عمي نسوان تالي وكت يأمرن وينهن .
علي الآكبر: واضح تريد احودك حود .
سيف الدين : فوكاهاااااا انووووب نظفنا بيتكم .
علي الآكبر: اشتغل وانت ساكت .

اشر علي الآكبر بيده بقيت نظراتي عليهم واضحك
فتت للبيت عمتي بالمطبخ من شافتني ضحكت وكفت باستني
ورجعت تنظف بالخضرة ، وريمان وبتول غصباً عنهن سلمن
اجت فلك من الغرفة تلف بالشال ضحكت بوجهي
_ هاي منو موجود فدوة دُر .
سلمت عليها وعمتي صاحتني
_ دُر يمه غسلي وتعالي ساعديني حتى نفرش السفرة .

رحت على مغسلة اغسل وخابرت حُــرة حجيت الها جاوبتني بـ
_ يلة بلشي بالخطة الثانية شهد طلعيها .
سديت الخط ورجعت للمطبخ ، ساعدتها وفرشت السفرة اني وفلك
نعدل بالمواعين والأكل نقلنا بدون ما احجي وياها بس هيَّ  تصفن
بوجهي بدون ما تنتبه ، كلنا على اكل موجودين بس شهد ماكو
عفتهم بحجة اغسل وصعدت فتحت بال غرفة جــود
شفتها نايمة وداير ما داير عيونها صايرة حمرة دم
من البجي والقهر كعدت يمها لزمت ايدها من شافتني بجت
دُر : لا تبجين وعد والله وعد تطلعين من هل مصيبة والحزن
واني وياج والله ايدي بيدچ لا تبجين يا كلبي لا تبجين .
شهد : لج راح يبطلوني حتى الاجازه خلصت بعد شنو حجتي .
دُر : صبري هل بومين صبري .

ردت انزلها تخاف من عمتي ما قبلت نزلت وحدي
كعدت بصف علي الآكبر ياكل تمر ، اريد ابنسم لو اكل بعد
ما اكدر انسدت نفسي من كلشي قبلهم كلهم خلصت وعمتي تسألني
ام حسن : ها يمه ما اكلتي شني الأكل مو طيب .
دُر : عاشت ايدچ الدولمة طيبة والدجاج هم بس شبعت .

سعدتهم بالمواعين وللنص اخذت جنطتي من شفت
علي الآكبر اخذ استكان الجاي وطلع بالكراج يشرب جاي وجگارة
عبرت منه بدون ما احجي شفت جــود بعده يمسح ويضب بالبراغيم
مال شباك وسيف الدين ماكو ابتسمت من شفت وجهه تعبان
_ تعبتك اسفة .
_ تستاهلين ولووو اختي انتِ .
_ ما زعلان مني ؟
_ لا والله ابد اني ماحب اشيل بكلبي
على انسان فما بالچ روحه لعلي الآكبر .

خجلت منه اكثر صرت قريبة فتت ذبيت الجنطة وكملت كلامي
_ بس اني خليتكم تتعاركون .
_ عادي الإخوان يتعاركون وحقچ بكلشي تسوي
كلشي جان يخوف وغامض ما ينعرف منو ويانا ومنو علينة
دخلنا بدوامة وانتِ ضحيتها .
_ يعني ما زعلان .
_ لا لان احبچ مثقفة تخبلين .
_ هسة يجي علي الآكبر يخلي الدرنفيس بنص بطنك .

نزل من الشباك يعدل بملابسه ويفهمني
_ البيت كله غسلته وفرشت فراش جديد
والبوب والشبابيك امان واي شي تحتاجين خادم انا للمثقفين .
_ انــور مثقف خلي يتزوج اختك .
_ وحگ العباس لو اخوانچ نسوان اتزوجهم على ثقافتهم  .
غلس وطلع وهوَّ يلطف الجو بالعشر دقايق يحجي برا هوَّ وعلي الآكبر
اجه سيف الدين اشر بيده بعلامة فلوس كل واحد حط بيده
خمسة وعشرين وراحوا .

آخذت منشفة دخلت اسبح ومو بيدي اتذكر شصار بيَّ من سبحت
هنا وراسي شصار بي سبحت على سريع بس اريد اطلع
لفيت نفسي بالمنشفه وطلعت ، شفت علي الآكبر گاعد على
سرير سحبني من ايده وگعت بحضنه
_ شبيها الحلوة .
_ كلشي ماكو بس مقهورة .

بعدت نفسي وكفت رحت للكنتور اشوف ملابس البسها
واحجي بدون توقف ادردم بدون ما اوجه لعلي الاكبر الكلام
دُر : يعني والله عيب بنية فقيرة محبوسة بغرفة ومحرومة
من دوامها وعدها انذار فصل من التدريس وممنوع تگعد
لو تسولف هيَّ واهله شنو ذنبها بالله هاي لآن انخطب
شنو اول وحدة تنخطب وترفض عيب بس منو يعرف العيب
الي يقهر عدها ست اخوان معقولة ولا واحد يگدر يفرض
كلمته ويخليها ترجع تدرس معقولة ماعدهم ثقة بـ اختهم .

اني احجي وهو ساكت يسوي روحه مو يمي
من كملت صاحني انام على ايده واني سكتت
ورحت نمت بين ايده وصدره ، لليل عمي خابرني
جاوبته شكد احب ضحكته حنينه
_ تعالي بوية جبت فواكهه تعالي ناكل .

بدلت وعدلت شعري وعفت علي الآكبر نايم وطلعت
دخلت للمطبخ عمي واكف يغسل بيهن وكفت وياه اساعده
اخذناهن ورحنا بالاستقبال فات علي الآكبر ما انشوف غير
افتر وصعد فوك بدون ما يدخل علينا عمتي بقت عيونها على درج
تريد تشوف وين راح وشنو براسه ابتسمت ونزلت راسي من شفته
نزل وشهد بيده غسل وجهه ومسحه بالكلينكس وفاتت وهيَّ
بضهر اخوها گعدت قريب منَّ اخذ برتقال قطعها الها اخذتها من ايده
تاكل بيها وهوَّ رفع صوته وكل اخوانه گاعدين يحجي بثقة .

_ بوية باجر اوصل شهد على دوامها بطريقي ؟
سكتت عمي والتفت على عمتي
ام حسن : ماعدها دوام شهد بطلت .
علي الآكبر: خابرت المديرة اكووو دوام وباجر شهد اداوم .
ام حسن : تريد تكسر كلمتي ؟

عافتنا راحت للغرفة عمي حضن شهد وعلي الآكبر راح
للغرفة وراها يحجي وياها ساعة تطلع اصواتهم وساعة يسكتون
طولوا هوووواي طولوا جوه وطلع رجع ياكل
وعمتي فاتت المطبخ ورجعت بيدها جاي وكعك وكيك
طبطب على ضهر شهد ويفهمها
علي الآكبر: باجر صبحي جهزي نفسچ من وكت ماشي .
هزت راسها وتمسح بدموعها ماتريد امها تشوفها تبجي .

طلع علي الآكبر واني رجعت للبيت درست لان عندي محاضرات
وطولت علي الآكبر مايريد يضوجني عافني ادرس على راحتي
الثاني يوم طلعنا وشهد تنتظر قبلنا بالباب تريد اطير من الفرح
وصلناها وطلعنا للدوام .

شهد ...

بعد ايام تعب وقهر رجعت للدوام جنت اتذمر وامل من دوام الصبح
بس بعد الصار شكد حبيت دوامي وصار درس اليَّ
لا امل من شغل ولا اما من دراسة ، دخلت وقعت وفهمت المديرة على
سبب غيابي جذبت جذب بتاريخ الهند ما صاير
ودخلت اول درس على طلابي بكل حب وحماس ادرسهم
واروح منا واجي منا واسوي فعاليات وضحك بيني وبينهم
بأخر درس طلعت وجود ينتظرني بالباب رجعني وفلك وياه
سولفت الجود على مدرسة وشلوو جان يومي حلو .

رجعت للبيت سلمت امي ما ترد السلام
بدلت ونزلت صبيت اكل وكعدت بصف ابوية
مثل ما عودني احجي الصار كله مرت امي وهيَّ تمشي حجت قهرتني
_ تأكد من بنتك بس هذا الصار وياها لو هم تمثل مثل
قبل تالي ما تالي نكتشف المدگدگ ابن الرياش معلم وياها .
ابوية مايحب يسوي وياها مشاكل يسكت منها بس يمسح
على راسي وقبل لا اروح لزم ايدي ويحجي بحنية
_ اني واثق بيچ بوية ما سويتي غلط وما يطلع منچ
ولو ادخلچ بفوج زلم تطلعين بنت صفوان واخوت الست اسود .
_ تربيتك اني بوية .

بست راسه وصعدت ارتاح ، نمت وللمغرب كعدت اصحح دفاترهم
واسوي جدول خطة جديدة للتدريس ، الثاني يوم داومت
بنص الاصطفاف وطل المدگدگ هوَّ والبدلة الرسمية لون اسود
والحذاء اذا ماكو مرايا اباوع بيها اشوف وجهي .

نزلت راسي ولزمت ايدي العب بـ اصابعي اتجاهل وجودة
هوَّ صار مقابيلي واكف بصف المديرة والمديرة تلقي كلمتها
وتنطي نصائحها للطلاب صار يتمشى على صف صف
من السادس واني شعبة الرابع مر مني وعبرني يسوي روحي
مايعرفني يقلد تصرفاتي لوووو شنوووو قصده ؟

رفعت حاجبي هوَّ مكمل طريقة يفتر والمديرة تحجي
كملهم للاول ورجع يمها كتف ايده والسترة تريد تنفجر من
العضلات شمه شمشوم عود شوفوني معضل هوَّ مضروب بالنعال
والله اذا اطلع القي كلمتي هسة أشر عليَّ واگول الهم استاذ
انــور شابع نعايل مني وافووووخ كلبي بي اخلي يگمز ويولول .

كملت دخلنا للصفوف وهو راخ يريد يفوت من الباب الثاني وست
وسن ام الأول بعدها صغيرة مشت وياه وتسولف هيَّ وياه
واني امشي واباوع عليهم ما احس غير طرت وعلى وجهي
زرگ وگعت من الفشلة قبل لا يشوفوني كمزت وركضت
للصف اباوع من الشباك صافنين هو وست وسن يريدون يعرفون
شنو هذا الصوت بس لا شافوني طرگاعة على راسي وراسك يا سقوطي .

نكتت فستاني رفعته رجلي تزلغت ذبيت عليها ماي من البطل
مالتي واسمع صوت ورايَّ خشن ومثقف
انــور : سلامتچ ست شهد تريدين تروحين للمستشفى .
تحمحمت ما اريد اجفص والطلاب كلها فاتحة عيونها مركزين
شهد : ليش المستشفى مافهمت .
_ غير صرتي باتمان ضوء لمع وسط المدينة رسم نداء لمنادينا
حيناً يبدو ويختفي حيناً تلك إشارة باتمان .

ثبتت نظراتي بعيونه وايتسمت بحقارة فريت لساني وسط حلگي
ونزلت عيوني على حذائي ورفعتها شوية بدون محد يحس ويفتهم وجاوبته
شهد : بعدها جديدة اذا تحب تجربها تستفتح بيك .
انــور : احمممممم .
شهد : تندل طريقك ؟
عافني وراح علاجك حذائي علاجككككككك .

كملت اول درسين وطلعت اخذ استراحة بالفرصة
هم اراقب الطلاب وهم مريت اريد اخذ بسكت وحليب
اجت بنية عيونها ملونة اصفرررر ومسوية ضفاير صغيرة تجنن
وبيدها كوفي ولفة صغيرة رفعتهم اخذتها من ايدها واستدارت تأشر
على انــور وهوَّ بغرفة المديرة فاتح الشباك وبيده نفس لفتي والكوفي
اخذتهن وبوستها من راحت مشيت ورفعتهن حتى يشوفهن
شفت طالب گاعد بعيد كعدت قريب منه ومديت الأكل
_ هاك اكلها .

اخذها مني وخليت الكوفي على صفحة
_ شبيك ضايج .
_ بابا وماما يتعاركون ، والبارحة نمت ماما يمي من گعدت
بابا گال راحت البيت جدو اخاف ماما عافتني .
حضنته بوست راسه وبقيت اطمن بي
_ ماكو ام تعوف ابنها اكيد ترجع وتاخذك لو ترجع بالبيت
هسة بابا يصالحها ويرجعها حبيبي لا تنقهر واني يمك من تحتاج
شي اعتبرني امك وتعال .
ضحك وكمل اكل اشتريت عصير خليته يشرب ودگ الجرس
ذبيت الكوفي وقبل لا ارجع للصف لمحته بعده يراقبني
يعني عرف اني ما اكلت ولا شربت ورافضه كلشي منه .

من هل موقف اختفى اليوم كُله كملت دوام وطلعت للبيت
على نفس الحال والروتين بين الصلاة ورجعت اكعد بنص
اخواني علي الآكبر ودُر رجعوا الضحكة بالبيت ابوية وامي
فرحانين بيهم وابوية اوووف ابوية ما شفت عم يحب زوجت
ابنه مثل ما ابوية يحب دُر بنصهم وكل شوية ينطيها
شي لو يضحك وياها ويحضنها وجود يفرح ينتعش من تحجي
وهيَّ ختى من تححي حجي عادي مو مثل كلامنا هيج كلامها
بي نبرة ثقافة من الله ، وابوية يصيح
ابو حسن : دُر بنتي الرابعة .
ويهدد بعلي الآكبر اذا يزعلها ينطرد من البيت
ودُر ترد على ابوية
_ المفروض اني تهددني لان اطلع روحه بالمشاكل .

داومت اليوم الثالث ماكو وبالرابع ماكو گلت مل وبعد مايرجع
بالأسبوع الثاني داوم يوم خميس رفعة علم والتكريم بيومها يصير
سمعت صوته ورايَّ يحجي بكل ثقة ارتبكت من قربة مني
انــور : اليوم يكرموني .
شهد : على شنو فهم علم .
_ مدرس مو بعينچ ؟
_ حتى فنية ما اخليك تخرج جيل شمشمه ودگدگ .
_ وليش مقهورة يريدون يكرموني قابل منچ .
رفعت اكتافي وجاوبته
_ الله واعلم شمسوي للمديرة وهيج صايرة بيدك بكيفك تتحكم بيها .
_ تعشقني .

درت وجهي خزرته ومشيت عفت الاصطفاف حسيت اريد انفجر اريد املخه
اشيل حذائي وبنص الطلاب والمعلمين اشگگ الحذاء على راسه
فتت الحمام المعلمين غسلت وجريت نفس اصبر بروحي
طلعت واكف بمكاني بعدني اريد ارجع والمديرة صاحت اسمه
المديرة: اليوم اخب استدعي استاذ انــور للتكريم .
مشيت قريب منه وغنيت بصوت يسمعه بوضوح
شهد : امشي وردد يا فارس بدر يا حيدر
يا فارس بدر حتى تحس روحك قوي وتستاهلها يزلمة .

رجعت المكاني وهوَّ اخذ من المديرة ما ادري شنو مغلف
واحت ست وسن وام السادس بنفس عمر وسن بعدن صغار
بيدهن هداية وكلها تتحمد لأستاذ انــور بالسلامة
رجع وكف بصف الخمس بس قريب مني
شهد : حرر الموصل خطية .
سكت بس خزرني خزره خلاني ابعد وجهي منه
رجعنا للصفوف كملت درسين بدون ما اشوفه
بس صارت الفرصة لملمت الدفاتر والطلاب يطلعون
واشوف ظل طويل صار فوك راسي طلعهم اريد اطلع
لزمني من ايدي ورجعني ويخلي عيونه بعيوني يهدد
انــور : اذا تطلعين تنخطفين الحل بيدچ وانتِ تختارين
من بين الخيارين تبقين نحجي لو تنخطفين اليوم لو اعرف
افوت ومن نص بيتكم اخذچ مخبل اني واعترف بروحي مخبل .

بقت عيوني على ساحة خجلانة اخاف يشوفنا احد
_ استحي والله يحجون عوفني انــور دخيل ربك
لا توصل لأهلي ويحرموني حتى من دوامي .
_ الياب مفتوووح اني اخاف عليچ ترا عندي غيرة
وانتِ غالية على كلبي ما اقبل تطلع عليچ كلمة مو زينة .

شفت الساعة ورجعت احجي وياه
_ لازم اجهز الأوراق عدنا امتحان الدرس الجاي .
_ شبيچ ويايَّ مو صرتي زينة تحجين وتضحكين حتى لو قليل
بس صار عندي امل بيوم تقتنعين وتصيرين مرتي تحولتي .
_ تعذبت .

راد يتقرب منعته وابتعدت امشي بالممرات حتى اصير بعيدة
شهد : بعد ما اريدك من صدك وحتى اذا بيوم اني اريدك
اهلي كلهم يحاربوني انت منبوذ عدهم مكروه .
انــور : انعل والدي والديهم كلهممممم .
شهد : بالقران اضررربك اذا تعيددددهاااااا
انت على شنو شايف نفسك اطلعععع يلة اطلعععع منا لا اضرررربك .

دفع الباب انسد واجه يمشي سريع اتجاهي سحبني من ايدي
بكل قوته واني مسوية روحي ما اخاف حضني بكل قوووته
حسيت ضلوعي تفلشت بين ايده من قوته دفعته ما يندفع
عطره دخل للرئة بگد ما دافع وجهي بحضنه
تخبلت واني اتخيل غضب ربي لو احد يشوفنا لو اهلي يمممه اهلي
دفعته بجنون وبلا وعي ضربته على وجهه براشدي
ايدي حسيتها من قوته تريد تنفجررر وصارت حارة وما اكتفيت
ضربته على صدره نسيت الطلقة والعملية  .

باوعت على باب وعلى ساحة من الشباك جسمي يرجف
يرعششش من الخجل والخوف والرهبة صحت بلا وعي
_ انت ما تخااااف الله اني اخااااف من ربي واخاف اكسررر
ثقة اهلي ولككككك انت شلون تحضني شلوووووون ما تستحي
شلوووون تخطي وتفكررررر هيچ عبالك اني رخيصة
مثل البنات الي تعرفهممممم بكلمة وكلمتين ومن تحضني
اضعف واسلمممم روحي لك اني اخت علي الاكبر وجوووود
انا بنت صفوووووان اذا انت واهلك رخيصين اني مو هيج .

ظل مصدوم صافن بوجهي وعلى ملامحه الف علامة استفهام
شهد : اهلي ما غلطاني من رافضين شي اسمة انوررررر
واني هممممم بعد ما اريدك دام ما تخاف الله وسويتهااا
وحضنتني بالحررررام كلشي تسوووي انت كلشي تسوووي
لان ما تخااااف الله .

فتح دگم السترة القميص ابيض انصبغ دم احمرررر ينزف
هز راسه بأسف ويريد يطلع من شفت منظر الدم تخبلت
عبرت من الرحلات وكفت أمنعه يطلع وعيوني على دم صارت
_ هاي من ضربتي مووو من ضربتي اني هيج سويت ؟

ضرب الرحلة ويأشر بيده اثينهن منفعل مقهور وملامحة
حزينه وعيونه تلالي بالدموع يريد بس ينفجر ويبجي
انــور : ليششششش شهد ليششششش هيچ تسوين
بيَّ اني مكسوووور عايش غربة اني ومتمسك بيچ
اهلچ كلهم يهينون بيَّ ويتحاوزون ويشوفوني
بعيونهم الصغيرة ومتحمل الخاطررررررچ اني مووو هيچ
لووو اني مثل انــور قبل اسوي اهلچ طشارررررررر
والله والله اطمهممممم طممممم بنص بيتهممممم .

عصر عيونه وراح ابتعد فتح دگم القميص شاف الجرح ورجع
ايده ببها دم واني اريد بس يسكت وهذا انفجر يحجي بقهررر
انــور : شسوووووي فهميني لا اخذ امل منچ ولاااا من اهلچ
وانااااا اريدچ كلبي وروحي وعقلي كلشي بيَّ يريدون شهددد
انا تعاطيت اي وشروربت اي والله شربت وتعاطيت
وطلعت وتعرفت على اشكال الوان النسوان بس وحق ربنا
وحق الله شهدددد ما حبيت مثلچ ما حبيت اني ابد ما حبيت
انتِ اول حب بحياتي وكسرررتيني فوك كسرتي كسرتيني .

كعدت على رحلة من منطر الدم وحالته وعيونه شصار بيها
ورجفته خلص حيلي بعد خلص گعدت وراسي نزلته
تقرب ورفع وجهي ثبت عيونه بعيوني
_ حاجيني ريحي گلبي اريد امل لو واحد بالمية بيوم
تصيرين اليه وتحبيني وتحاربين حتى نصير اثنيناتنا
تحت سكف واحد مثل ما اني احاوب عليچ ومستعد اتحمل كلشي
حتى احصل على شهدددد انتِ اريد منچ بس كلمة متمسكة بيَّ
ومستعد كلشيي اسوي والله مستعد كلشي اسوي .

ضرب الرحلة الي قريبة مني وصار قرررريب كلششش قريب
_ تدررررين جنت اكره علي الآكبر وضجت من دُر بان دخلته
حياتنا بعدين من التقيت بيچ وتعرفت عليكم اكثرر وشفت
خوفكم من الله وحبكم لبعض وحنانكم وكلبكم طيب عذرتها
وعرفت شنو سبب اختيارها ، وانا اريد نفس الحنية
والاهتمام اني احتاج هيج بحياتي تربيت محرررروم منهن
كلهن لا شفت حب ولا احد احتواني وعلمني اني ربيت
روحي وطلعت عن الطريق بس رجعت والله وجعت لا مخدرات
ولا شرب ولا نسووووان تبت والقررررران تووووووبة .

نزع السترة ورفع ردن القميص وفتح ايده متأذي بس ما مهتم
انــور : مستعد اتعلم اصلي واصلي واحفظ قران واصير
مثل ما يريدون وحتى الوشم هذا الوشم تارس جسمي تررررس
بس مو ابوچ مخلي الوووووشم حجه امسحه كله امسحه
حتى لوووو اطول بس امسحه .

تلمست الوشم بيده بلا عقل مني ومشيت اصبعي بخط مستقيم
ارسم شكل الوشم وهوَّ يتبع ايدي بصدمة لان لزمت الوشم
شهد : اني حبيتك من شفت الوشوم بجسمك اذا تمسحهن
لوووو تموووت ما اصير الك  .

يتبع.....

تلمست الوشم بيده بلا عقل مني ومشيت اصبعي بخط مستقيم
ارسم شكل الوشم وهوَّ يتبع ايدي بصدمة لان لزمت الوشم
شهد : اني حبيتك من شفت الوشوم بجسمك اذا تمسحهن
لوووو تموووت ما اصير الك  .

شهگ مو بس مصدوم يحير شلون يتصرف ويعبر وجامد
بيدي يخاف يتحرك وانتبه وابتعد صافن بوجهي وكان اني اكبر احلامه
حتى النفس ما اسمعه بعد يتنفس ولأول مرة اشوف رجل بطول
وعرض وضخامة يرجف رفعت عيوني ثبتتها بعيونه تلمع لمع
ابتسمت ورفعت ايدي ابتعدت عنه بشوية وهوَّ يهمس
انــور : حبيتك حبيتيني انتِ تحبيني شهدهد ؟

بلعت ريگي واني اشوف الجرح شلون يجري دم
اشرت على صدره وهمست بخوف
شهد : جرحك .
_ متخدر اني ماحس .
_ خابر احد يجي ياخذك موزين .
_ جاوبيني بس جاوبيني ؟
_ وين تلفونك اني اخابر ريــان ؟
_ تحبيني يعني مو بس اني اريدچ انتِ تريديني .

رفعت حاجبي اشوفه شلون يتلمس مكان الوشم الي جنت لامسته
انــور : واهلچ ، ابوچ ، اخوانچ رافضي كارهيني بسبب هل وشوم ؟
شهد : اي روح شيل الوشوم وخليهم يتزوجوك .
انــور : يعني اذا اشيلهن ما تتزوجيني ؟
شهد : باحلامك اووووععععع تصير رجال عادي حالك حال الكل .

نزل راسه وفاتح عيونه وساعه يقلّصها ويأشر
بيده ويشمر بيهااا ما مستوعب كلش ما مستوعب
انــور : اهلچ يريدون تتزوجين شخص عادي .
شهد : ما يستهويني ولا يخليني التفت وانت بكيفك روح صير منهم .
مد ايده اثنينهن ورفع راسه على تبين رگبته
_ يعني تحبين هاي الوشوم ؟
_ خابرررر اخوك .

تركته ورحت اعدل بالأوراق وهوَّ جامد بنفس مكانه
من شاف الدم يزيد واني اوزع اوراق لا ارادياً درت
بكل عصبية ورافعه حتجبي وبنبرة امر صحت
_ خااااااابررررررر اخووووك اخررر مرة اعيدهاااااا .
هز راسه عبالك جان نايم وصحّى طلع التلفون واتصل دقايق وحجه
_ الو ريــان وينك بالبيت ، اني بالمدرسة وجرحي ينزف
اي دخت تجيني انتظرك لا ما انضربت، ويامن اتعارك يمعود دتعال .

بس سد الخط شفت الطلاب خفت يرن الجرس
شهد : لملم روحك ويلة طش الغرفة المديرة خليها أداريك .
انــور : تعالي داريني انتِ .
_ تطلع لا والله افضحك واشهرك بالمدرسة هسة اطلععععع .
_ من تحجين اتعلمي شوية بلطف عبالك علي الآكبر گدامي  .
_ اخوية العلم ، لازم ما يعجبك علي الآكبر ؟
_ هوَّ مايعجبني بس ..
_ ما يعحبك شنووووو هذا اخوية تعرف شنو اخوية قطعة من روحي
اذا ما يعجبك لا تجي يمي ولا تشوفني وجهك .
_ يعجبني وانعل ابوية لابو اهلي اذا ما يعجبني .

ابتسمت وكملت بدون ما انتبه عليَّ شبي ما بي وين
يباوع وين راح بس هوَّ بعده گاعد خلصت الأوراق
وعطرت الصف مثل ما متعودة بصفي ارتب صفّي وأعطره
رن الجرس وقبل لا يدخلون الطلاب شفت ريــان اجه من بعد
من شافني عرف انــور وين منعت الطلاب يدخلون رجعتهم
للساحة ورحت بعيد دخل يفتح بدگم قميص انــور
ريــان :  شلون صار هيج مو طبت .
شهد : رجاءً اخذ اخوك وتفاهم انت وياه بالمستشفى
عدنا درس وامتحان اهم من هل مشاهد الدرامية .
ريــان : درامية؟ نعم ؟ اختي ما تشوفين الدمممم .
انــور : لا ترفع نبرة صوتك عليها لا انطيك براشدي امطلك مطل بالصف .

وكفت بصف الباب واشرت على ساحة
_ اتفضل استاذ اخذ اخوك .
ريــان : حتى تشوف بعينك انــور وتبطل منهاااا البنية ما تريدك .
انــور : اي تكرهني .
ريــان : لا هيَّ ولا اهلها لو مو تشيل وشوم لو تنزل بيك اية .
انــور : اي لا وشوم نوكف بعينهم ولا توبة .
شهد : اتفضلوا عيني .
انــور : عينچ شنو عينچ عيب .

ريان لزمه ساعده يوگف ويسد بالدگم يعدل بي لان عيب
انــور : اكدر امشي وحدي امشي قبلي .
طلع ريــان وانور يمشي وراه واني بصف الباب
انــور : شهدهد .
_ ها .
_ احبچ المدگدگ يعشقچ ومنتظرچ

نزلت راسي بخجل عزا معقولة اني اخجل من المدگدگ
_ المدگدگ مالتچ يتحلم بيچ تكملي انا اكمل بيچ شهدهد .
عدلت حجابي وابتعدت حتى لا اسمع اكثر وجهي انطعن احمر
هم طلعت اخجل والله ما مجربة هل شعور صخام .

رجع ريــان اخذه من مد ايده انــور لزمه وطلعه بقيت اشوفهم
شلون يمشون وابتسم هوَّ بيا حال وابتسم شنو هل مشاعر المعوقة
استوعبت نص الوقت طار اشرت للطلاب يرجعون للصف
وحتى ما يرتبكون من الامتحان اخدتهم دقيقتين احجي وياهم
ويجهزون نفسهم بنفس الوقت والأوراق شرحتها حتى يستوعبون اكثر
بدا الامتحان واخذت وقت زايد من الفرصة يكملون ، بعد ما خلص
الوقت اخذت الأوراق وطلعت الغرفة المدرسين گعدت ارتب بيهن
وفاتت ست وسن تهز براسها وتذب حجي الخايسة
_ شلون نضرب استاذ انــور خطية ما يستاهل .
گعدت وهيَّ توجهه الكلام اليَّ مباشرةً
وسن : استاذ انــور جان ويايَّ كلشي ما بي
راح يشوف ست شهد بصفها طلع حالته حالة ودم وجرح و ..

ضحكت الطف الجو لان كلها مثبته نظراتها عليَّ
شهد : اي مو صفي بي أدوات جارحة .
وسن : الموضوع مريب .
شهد : ماكو داعي لتعظيم وتكبير الأمور خلونا مركزين بالدراسة وخلص .
وسن : مركزين بس مصدومين بالصار بـ استاذ انــور .
شهد : شدعوة عليچ اكل عقلچ استاذ انــور يا انــور ويا استاذ انــور .
وسن : زميلي .
شهد : زميلنا كلنا بس ما نحجي بي مثلچ شنو تعرفي ؟
قلبت الطاولة عليها وعفتها بفشلتها تريدهم يشكون بيَّ خليتهم يتهموها .

كملت الدوام على اعصابي طلعت شفت سيف الدين منتظرني برا
رجعت اني وياه نمشي وعلى شارع صعدنا كوستر لان السيارتين
عند اخواني وكلهم مشغولين ، وصلنا للبيت سيف الدين من النوع
كتوم مايحب يحجي لو يعبر هواي بس عنده خصله من جــود يضحك
واكثر من جــود ، دخلت للبيت سلمت على امي ما جاوبتني
دخل جــود هوَّ وفلك وياهم دُر راحت بوجهه لبيتها
آم حسن: شبيها مرت اخوك ؟
جــود : مثقفة تتزعل هواي وابنچ متونس .
ام حسن : لا والله صدك شبيها ؟
فلك : يمكن لان علي الآكبر ما اجه آخذها .
ام حسن : چا غير طالع هوَّ وابو معزومين .

فتت بدلت وطلعت احجي اني وبتول والعب اني ولد اخواني
بين ما يصبون الأكل ، طلع جــود للمطعم واني والبنات كلنا
فرشنا سفرة نريد ناكل وامي صاحت
_ امشي روحي صيحي مرت علاوي تاكل .
بعدها تحجي وفات ابوية واخوانهم ومن ضمنهم علي الآكبر
بس وكف بالباب سلم مستعجل .
ام حسن : علاووووي يممممه .
رجع عليها يأشر شكو
_ يمه تعال اكل اخوانك راح ياكلون .
_ بعدين .

عافها وراح وابوية فات كعد على كرسي
ام حسن: شبي هذا عبالك الدنيا تركض وراه دايخ دوم دايخ .
ريمان : يلهط عليها بس يريد يشوفها عبالك مخدرات .
ابو حسن : وكلي ابنچ بنتي لا تدخلين بين رجال ومرته وانتِ ام حسن
عوفي براحته ياكل ما ياكل يركض يلهط بكيفه مرتاح عليها .

واني اسمع واكل عقلي وين راح وين وصل وابوية فززني
_ شلون دوامچ بوية شهد .
_ الحمدلله .
حجيت على دوام ونظامهم والامتحانات ورحت اغسل
فتت للغرفة وابوية فات عليَّ
_ بوية محتاجة شي ؟
_ بوية تلفوني مرات اريد اخابركم بس اني
ماعندي من المعلمات استحي .
_ ليش وين تلفونچ ؟
_ امي اخذته .
حجيتها ونزلت راسي ما خليت عيوني بعيونه خايفة من رد فعلها .

عافني وطلع يحجي هوَّ وبيبيتي وجود يمهم يشرب جاي ويضحك
وساعة ينعي الها لو يتعارك هوََ وسيف الدين
جــود : بعلي طگ كلبي على علي الآكبر .
جاوبته جدتي من سمعت
_ ياع چا وينه اخوك .
جــود : اخخخخ يا جدة إجت المثقفة وآخذته مني .
علي الآكبر: اي اي ظل حش براسها .

ضرب جــود على رجله وينود بجسمه بحركه دائرية
جــود : هاااا المثقفة اجيتي اخذتي ارتاحيتي .
گعد علي الآكبر بصف ابوية رحت يمهم ودُر تصب اكل الهم
وترتب بالمواعين عبالك كاعدة بمطعم  آني مركزه وياها من بعيد
حابت الصينية جــود من شاف التمن مكبوس بكاسة وصاير دائري
ضرب على وجهه ويغطي بوجهه وجدتي مقهورة عليَّ عبالها
على الخوة وصلة الرحم مايدري على ترتيب المثقفين الصاير بالصينية .

الجدة : هيَّ شسمها مرتك عليوي .
علي الآكبر: دُر جدة .
الجدة : دُر چا انتِ ليش تگطعين صلة الرحم بين علاوي وأخوانه .
دُر : اني ؟
الجدة : صار ساعة يبجي خطية هذا جــود على اخو حرام عليچ
باجر الله يحاسبچ شكو بيها يشوف اخوانه يحاجيهم يگعد وياهم .

جــود : يااا جدة شوفي شمسويه بنعمة الله يمممممه استغفر الله .
لبست المناظر حتى تركز وعلي الآكبر وجهه احتقن احمر هوَّ وابوية
ام صفوان : يا يا يمه شوف شلون هذا شبي التمن ملموم .
دُر : احب اكل هيج اسكُت انت جــود والنبي ترا اخذ علي الآكبر
وارجع للبيت لا تخليها تحجي عليَّ .

كعد علي الآكبر وياها يريد ياكل وصاح بجود
_ عوفها تاكل .
دار جــود وجهه على جدتي
_ بعينچ شوفي شسوي يندفع منها بكلمة .
علي الآكبر: إكلي دُر عوفي .
دُر : يخليها تضوج مني .
الجدة : شلون خليتي هل ابو رجفة  جوا ابطچ وسيطرتي عليَّ .
ضربت دُر على شفايفها وكلها تضحك بعلو صوتهم
دُر : شنو جوه اباطج مانع تعرق لو رجال شنو هل كلام بيبي .

اخذ علي الآكبر الصينية وشالها راح بالاستقبال
حتى ياكلون ، واني كاعدة بصف ابوية اشوفهم
يوكل بدُر بيده شكد جنت اتمنى اتزوج رجال مثل
حب أبويّة لآمي واهتمام علي الآكبر بدُر وحب
اخواني لزوجاتهم اجه ذاك المدگدگ خرب كل احلامي وفرض نفسه .

نزل سراج الدين هوَّ وأطفاله نايمين بس گعد ابوية
طلع محفظته ينطيهم فلوس وصاح بسيف الدين يروح يشتري الهم كلهم
بس طلعوا ابوية ضرب رجل سراج الدين يلفت انتباهه
_ بوية رجع مرتك مو جهالكم تبهذلوا .
سراج الدين : ميثاق بعد رجعه لهل بيت ما ترجع .
_ تريد تطلعون اخذ مرتك وجهالك واطلع .
_ لا بوية انا فكرت بيها وحسبت حسابها من كل الجهات
انا وميثاق اثنين بعد مانرهم ننفصل احسن تاخذ حاضرها والغايب والله وياها.

ضربت امي على خدها وصاحت بي
_ وجهالكم يممممه شلون تبهذلهم .
_ چا يعيشون بنص بيت ابوهم كارهه امهم بي .
_ يمه انت مو تحبها بينكم عشرة عمر مو سنة وسنتين .
_ من ايدها خلتني استحقرها واكره حتى اسمها ما اريدها .

طلع علي الآكبر يغسل بيده ويستمع للكلام بدون مايعلق
رحت صبيت كلاص جاي ودُر بالمطبخ حسيتها تخاف من اسم ميثاق
بقت بقلق وتغسل بالمواعين يوگعن من ايدها ، اخذت الجاي ورجعت
ابو حسن : مشاكل تصير الخاطر الجهال تتنازل وتفكر
الجهال بلا امهم يتبهذلون بوية والله لا تقنعنب بغيرها .
علي الآكبر: شلون ام ينحلف براسها الي تعلم ابنها
يسوي عمايل خايسة هاي هم تعتبروها ام ؟
ابو حسن : ميخالف بوية هاي غيرة هيج سوت بيها
اذا تجي لقبل ميثاق شالتنا وزينة .
سراج الدين : لا تحاول بوية ما اتقبلها كلش ما اتقبلها .
ابو حسن : والحل ؟
سراج الدين : اطلك واتزوج واطلع منا اني اربي جهالي .
ابو حسن : هذا تفكيرك ؟
سراج الدين : اي بوية .

اخذ كل واحد بيهم استكان جاي يخوطون بيهن
ابوية شرب شوية وبنبرة صوت واثقة جاوب
ابو حسن : انا رجال صاحب حظ وبخت البنية ما اسعي بطلاگها
انت طلگتها شيخ وانا مارضيت وهسة تكمل وتصدق الطلاك
ما اقبلها ولا أرضى عليك صاحبة جهال تهدم بيتك وجهالك
بالشوارع تسيب والله محد بحالهم انت رجال مشغول مو مثل الأم.
سراج الدين : بوية ما اطيق اعيش وياهااا دقيقة تعرف شني
الدقيقة ما اتحمل اشوف وجهه ما اريد احجي اكثرررر دخيلك
الخاطر الجهال والعشرة ما اكدر اكمل واحجي بكلبي حجي هوووواي
خلي يذبح بگلبي ولا يطلععع ويعيرون بي جهالي بيوووم .

امي بقت بالعيون هيَّ ونسوان اخواني ودُر تأخر بنفسها بالمطبخ
ابو حسن : تزوجت وطلعت مو خوش وضربت جهالك شلون ؟
ظل سراج الدين ساكت ويشرب الجاي من العصبية ايده ترجف
طبطب علي الآكبر على ايده استدار سراج على علي ما ادري شنو همس
بحيث علي الآكبر تنرفز وصار يحجي وياه
علي الآكبر: بوية گال ما يريدها يعني مايريدها كافي سد الموضوع .
ابو حسن : وجهاله مدرسة وامتحانات محد بحالهم خطية تبهذلوا .
ام حسن : زين اخذ الها بيت هيَّ وجهالها ورجعها و...
سراج الدين : عجيب مااااا اريدهااااااا .
علي الآكبر: اخذ العا بيت هي وجهالها وانت تزوج هنا بغرفتك .
ابو حسن : شنووووووو ؟؟؟

كلنا على نفس الصدمة مصدومين صافنين بعلي الآكبر
رجع ظهره ويكمل برهاوه ولا عبالك مترررهي على اخير
_ اذا ما يطيقها شيسوي يجبر روحه ، ويخاف يبهذل الجهال
يروح يحجي وياها قبلت ترجع بيت وحدها وياها جهالها
وما تدخل والشرط الوحيد يتزوج اهلاً وسهلاً ما تقبل الله وياها .
ابو حسن : بطل شيطنة بطل واسكت .
ام حسن : شني مرتك تقبل تتزوج عليها .
جــود : وين المقارنة اكو واحد يتزوج على مثقفة ؟

سراج الدين : اني صار فترة براسي اتزوج وخايف على جهال
وهذا الكلام حلو يناسبني تريد ترجع اطلعها بيت وحدها
ما تريد الله وياها ومحمد وعلي هيَّ اشترتها لنفسها .
ابو حسن : تتزوج منو ؟
سراج آلدين: اكو بنية صار سنة اعرفها بنت ناس اوادم تصلي وتصوم
ومؤدبة تخاف الله اخذها اريد واخذت مني كلمة اتزوجها رايدها .
ابو حسن : بنت منو ؟ تدري بيك عند 3 جهال ؟
سراج الدين : كلشي تعرف بوية والبنية تريدني .
ابو حسن : وانا ما اقبل تكسر ام جهالك .
سراج : چاااااااا هي موووووووو كسررررتني وبهذلتني
وبهذلتنااااا كلنا مووووو بس انااااا نزلت راسي خلتني افشل امشي فشلان .

عافهم وصعد بعدهم يحجون ورن تلفون علي الآكبر جاوب
واول ما جاوب ضحك بصوت عالي وطلع يحجي برا
ورجعوا يحجون بس دُر تركز وياه وفلك ونسوان اخواني مركزين بيهم
واني على واهس انتبه بقيت شوية عليهن وشوية على امي وابوية
واخواني يتجادلون بزواج سراج الدين ، طلعت دُر وكفت
قريب من علي الآكبر وهوَّ من يشوفها عيونه تضحك قبل شفايفه
مال روحه صار قريب منها وفتح صوت عالي بقت هيَّ هم تاخذ وتنطي
بالتلفون واثنينهم يضحكون وصوت ضحكة علي الآكبر خلت الكل
يلتفت عليهم گرص خدها رجع يحجي بدون صوت وبعده يضحك
ولازم أصابعها مثل يدلك بيهن بهدوء ويجاوب بالتلفون .

دقايق وراحت دُر للبيت وعلي الآكبر دخل علينا خصم الكلام كله
_ ميثاق بهذا البيت ما تدخل كلنا رافضيها مو بس سراج الدين
خلوها تربي جهالها وسرتج الدين ما يقصر لا وياها ولا على جهال .
حسن : ويتزوج ؟
_ يتزوج ليش لا براحته ، وهذا مصير كل وحدة تريد تهجم بيوت الناس .

اخذ جــود وطلعوا للمطعم بعد ما شفتهم واني فتت اصحح
تعبت ونمت لليل جــود فات بيده باكيت
گعد بصفي يجر بشعري ما قبلت اگعد ما تحس روحي
غير انرفعت من الأرض وشمرني على سرير بقيت ازاگط
كلبي صار برجلي خفت لا عرف بالصار بالمدرسة طلعت روحي بهل دقيقة
_ شبيك شكو شصاير والله ما سويت شي والله هوووووَّ هذا هوَّ .
_ منو ولچ ههههههههه هاچ هاچ .

شمر التلفون ايدي ترجف اريد اتنفس ما اكدر اتنفس
والدموع تنزل من عيوني اريد احجي افهمه
_ اني جنت بالصف وهوَّ دخل يتعارك .
_ منووو هذا ابن الـ**** .
_ ها ؟
_ منوووو هذا يتعارك وياچ .
_ يعني انت مو ..
_ اخذي هذا التلفون الجديد .

لزمت التلفون اشوفه وارفع راسي على جــود
_ منو متعارك ؟
_ هذا الطالب شبيك بصف جبير .
بلعت ريگي من شفت جــود راح قفل باب الغرفة واجه بصفي
رفع راسي وبجدية سألني
_ بدون جذب جاوبيني منو ؟
_ انــور .

راد يروح وهوَّ يغور من العصبية وكفت بوجهه اتوسل
والله تذا يروح يموته وهوَّ مناااا ينزف يعني يروح بيها
_ خليني احجي ابوس ايدك الخاطري اذا تحبني جــود اني مو اختك
مو گلت اعتبريني صديقچ وابد لا تخافين مني واذا غلطتي اني احتويچ  .
_ صديقچ انتِ اخوچ مووو اخووووو ما اضربچًكا احاسبچ أحاسبه .
_ لاااا دخيلك والله والله العظيم ما سوالي شي بالعكس اني خليته ينزف .
_ شنو ؟
_ ينزف .

مال راسه بعلامة مافهمت لزمت ايده بتوسل احجي
_ اگعد افهمك اگعد .
گعد مجبور حجيت اله من وگعت ومن اجه ورزلته وبعدين من اجه
وضربته وطردته هوَّ واخو مقتطفات اختصرت شگد ما أكدر اختصرت
خلصت يفتح بالباب بجيب طلع عصبي ركضت برا واني اتمنى امي ماتشوفني
دگيت الباب على علي الآكبر حيل طلع مستغرب لزمني يتفحص بيَّ
_ شبيچ امي وابووووية بيهم شي جــود اخواني شككوووووو ؟
اريد احجي خفت بالزايد نبلع لساني اشرت على بيت وجبرت روحي انطقها
_ دُر وين دُر .

سحبني من ايدي فوتني من طلعت دُر من الغرفة تلبس روب النوم
وملابسها قصيرة لمش شعرها على كتفها واجت مفزوعة
سحبت كرسي گعدتني وهمست
_ عفية علي الاكبر مي من الثلاجة .
بس راح لزمت ايدها وهمست
_ اليوم صار بيني وبين انــور حجي وجفصت وجود عرف وراح
يمكن راح يضرب انــور وأنور اصلا مريض ينزف والله .

ابتعدت مني فاتحة عيونها على اخير رجع علي الآكبر شافها
لزم ايدها متعجب على حالتها
_ شبيچ شبيچن يمعووووودات شكوووووووو شصاير ؟
ركضت للغرفة ورجعت تركض بيدها تلفونه
دُر: خابر جــود خابره فدوة علي خابره .
علي الآكبر : شكو ؟
دُر : راح يضرب انــور يمكن راح يضرب انــور .
علي الآكبر : ليش يضربه ؟
اشرت على رگبتها اختنگت من شافها هيج التفت عليَّ
_ شصايررررر احجي شهددددددددد .

حجيت اله نفس كلامي اني وجود واختصرت اكثر قلص عيونه
مايعجبه كلامي ، غلط على مدرسة والدوام وانور وحتى عليَّ
وفات للغرفة يهدد ويتوعد لأنور فاتت دُر وسدت الباب عليهم
وهوَّ يصيح ويهدد لان تعرض واقترب انــور يمي وما ترك المدرسة
دقايق وصوته ما سمعته قل وبس صوت دُر خافت وقبل لا يطلع صتح
_ لااااااا ترجفين عليَّ خبلتيني اشششششش كافي .

طلع ودُر طلعت يمي غسلت وجهي وابتسمت
_ لا تخافين ماكو شي راح علي الآكبر راح يحلها لا تخافين .
آخذتني بالاستقبال شربت بطل الماي وجاوبتها
_ شصار احجي كلشي بالتفصيل ؟
حجيت كلشي وهيَّ تضحك بس موضوع الوشم ما حجيت بي
دُر : تحبين انــور ؟
شهد : لااااااا طبعاً شنووووو احب واحد مدگدگ يشمشم حلوة هاي .

مسحت على راسي وهزت راسها
_ هسة اسوي حل اخليهم يجبرون انــور يبطل من المدرسة
ويخطب هاي بنت عمنا صغيرة وفقيرة وحلوة اخت يسار اذا تعرفي .
_ لااااااااااا شعررررفني بيكم انا عوفيني اروح امي راح تحس .

نهضت واني لسب واغلط على اخوها ، طلعت ورجعت عليها
_ خابري علي الآكبر شوفي شصار .
اتصلت عليَّ ما جاوبها كتبت رسالة شفتها تكتب
_ جاوبني خايفة .
خابرها بنفس الدقيقة
_ ماكو شي لا تخافين انــور هذا هم موجود وكاعدين نحجي .
دُر : تحجون ؟
_ اي والله نحجي .
_ وين ريــان بالله ؟

ثواني واجه صوت خشن واصوات ثانية بعيدة شوية
ريــان : ها دُر ؟
_ شصار فدوة .
ريــان : اني هسة رجعت انــور من المستشفى من شافوا
عرفوا هوَّ مكتول ما يحتاج ينكتل .
_ شهد ضاربته ؟
ضربت على وجهي وهمست
_ عرفوني اني ضربته يمه راح يموتوني .

تحمحم اخوها وابتعد مبين منهم
ريــان : لا كلشي مايعرفون نفس ما انتِ فهمتيهم بس كلام صار .
دُر : ليش شهد ضربتي انــور .
ريــان : اي ضاربته على مكان العملية .
_ شعرفني بمكان العملية وبهدين اخوكم هوَّ يجي يمي شكو يجي يمي .
ريــان : كلب من عشيرة كلاب عذري .

راح رجع التلفون واسمع صوت جــود يهدد بأنور
وهذا الثاني يستفز بي ويضحك على تهديد
سدت دُر الخط وبقت تباوع بوجهي
_ ضاربة اخوية تقبلين اضرب اخوچ ؟
_ ضربي منو لازم ايدچ .
_ بس يجي اضرب اخوچ بسيطة .

رفعت كتفي بعدم مبالاة اريد اروح صاحت
_ شهد ترا انــور خطية يحبچ والله .
_ وشهد لو تطلع نخلة براسه ماتحبه.
_ مو ديصحح من أغلاطه القديمة شبيچ .
_ بنت صفوان ما تاخذ واحد معضل مدگدگ مشمشم استوعبي .

رجعت للبيت بس شنو جيمي سعفة يرجف رجف
رجعت للغرفة شفت تلفون جديد اخذته ورحت على ابوية
گاعد يشوف مسلسل هوَّ وامي بست راسه وهمست
_ شكراً بوية .
امي راحت بحجة تحمي الچاي لزم التلفون وفهمني بحنيه
_ اشتريت الچ تلفون جديد ما ردت اكسر كلمة امچ
تدرين انتِ امچ عزيزة على كلبي ما اريدها تزعل مني
وهم تلفونچ قديم تستحقين تلفون نزلي برامج وبي شريحة جديدة .

كعدت قريب منه انزل برامج من رجعت امي رحت على غرفة
واسمع ابوية يحجي وياها ويفهمها
_ لا تبقين بعيدة على بنتچ وتخسريها احتويها بطلي عناد .
ماجنت اسمع كلامها بس صوته يمكن تسكت
نزلت كل البرامج دقايق واشوف جــود وعلي الآكبر فوك راسي
رفعت ايدي اشرت على سگف بيتنا وهمست بخوف
_ والقران ما سويت شي والله والله والعباس ماسويت شي .

سحب جــود التلفون شمره بعيد مني
جــود : شهد هذا الـ* ابو شمه ممنوع تتواجدين وياه نفس المدرسة.
شهد : نقلوني عادي نقلوني .
جــود : اختي ما تنقل لان واثق بيچ هوَّ الـ**** يبطل ويخلصنا
واذا ما بطل افصل راسه عن جسمه وانعل كل من يطلع وراه .

درت وجهي على علي الآكبر ودموعي وگعت بحضني
بس شافني هيج سحب جــود من ايده وگعد بصفي
حضني يمسح على راسي ولازم ايدي ترجف
واني من الخوف لازمه التشيرت مالته بكل قوتي
شهد : والعباس علي الآكبر حتى من يحجي ويايَّ بگد
ما احجي بعصبية وانتر بي يگول عبالك علي الآكبر يحجي .
جــود : تاج راسه وراس اهله هل كلب ابن الكلب .
علي الآكبر: اذا مرة الثانية يتعرض الچ انعل والدي والدي
لا تبجين يا عيوني انتِ لا تبچين والله تمردين كلبي من تشهگين .

جــود : سكتت الخاطررررك وخاطر الـ**** ريــان مرة الثانية
الله يسترررر مني بعلي اطحن حظ حظه .
علي الآكبر: خاب بعلي اذا عادها احوده حووووود .
انفتح الباب فاتت دُر تحمحم علي الآكبر وهيَّ تفوت وتسد الباب
دُر : ها شصار .
جــود : صلخت اخوچ بـ ....
علي الآكبر: احمممممم احمممممم شصار شربنا جاي ورجعنا .
دُر : جاي .
علي الآكبر: امممممممم  جاي .
جــود : وببسي مجرش .

دُر : ان شاء الله بعد ما تتكرر هل يومين اروح واحجي وياه  .
علي الآكبر: محلولة ان شاء الله .
جــود : بلغي اذا يعيدهااااااا ا...
علي الآكبر: امشي نام يلة امشي اصعد وراك شغل باجر .
تريد دُر تحجي لزمها من ايدها وطلعها صارت فلك بوجههم
لزمت دُر ايده لعلي الآكبر وراحت للبيت مالتهم .

عافني جــود وصعد فوك سديت الباب بس شنو كلبي بريد يوكف
كتبت رقمة ضفته واتساب طلعلي حسابة مغير صورته ابو شمه
لابس رسمي بحيث ولا وشم مبين بس وجهه ولازم
جگارة بيده گاعد على كرسي ضخم اسود جلد ورافع حاجبه
ردت اكتب واشوف شلون صار بس سكتت وبلعت كلامي
صححت بلا نفس وكملت نص الأوراق نمت والخوف بكلبي مايعرفني
الثاني يوم ردت اداوم راسي ثگيل وعيوني مورمات
غسلت وجهي ولمحت علي الآكبر طلع يوصل دُو
وبيتنا شوية شوية يصير هوسة كلها بدت تگعد للدوامات لو للشغل
خدرت جاي طلع ابوية شافني قبل لا يغسل سألني
_ ها بوية ما رايحة للدوام .
_ مريضة بوية يمكن فلاونزا .
اجه يمي شاف حرارتي وهز راسه وراح يغسل
بقيت اجهز ريوك وكل واحد ينزل اساعده يكمل ويروح
بعدني اصب جاي حاى اخذ صينية ريوك امي وابوية وخابرتني
دُر على رقمي الجديد شوكت عرفته
_ ها دُر .
_ ليش ما داومتي ؟
_ مريضة .
_ اخوانچ السبب مايقبلون اداومين شنو ؟
_ لالا والله اني مريضة .

سدت مني الخط وديت الاكل واسمع ابوية يحجي هوَّ وبيبي وامي
على ثواب يريدون يطبخون ويوزعون ، للظهر رجعوا
كلهم كاعدين ناكل وابوية فتح وياهم الموضوع وعلي الآكبر وجود
تكفلوا بكلشي يخص الثواب والفلوس مشتركة من ابوية واخواني
ثاني يوم داومت اخذت دوام من درسين لان ضروري اطلع
بالدرس الأول سلمت الأوراق وبديت اشرح الفصل الجديد
بالدرس الثاني اخذت شعبة ثانية شرح اندمجت وياهم على سبورة
والمح من بعيد انــور يمشي ووسن تمشي قريب منه تسولف
وهوَّ ايده بجيب البنطلون ويهز براسه يستمع
طلعت فلوس من الجنطة وصحت على طالب عندي
_ غسان بطل ماي من الحانوت .
اخذه من ايدي طلعت حتى ابرز نفسي ويشوفني
_ غسان مو ماي جيبلي عصير بارد .
اريد افوت وجهت نظراتي علية بقرف بحيث وكف بعد مايمشي

توني فتت رجعت اشرح ودخل غسان خليت العصير على رحلة
ودخلوا هوَّ وست وسن
انــور : السلام عليكم .
شهد : وعليكم السلام .
وسن : كم رحلة تحتاج صيانة بـ شعبتكم ست شهد .
شهد : فوتوا حسبوها .

دخلت تحسب بيهن اجت عيوني بعيونه هزيت راسي بـ اسف
ودرت وجهي منَّ ما اريد اشوفه ، كتفت ايدي على صدري

وذبيت نفس طويل رجعت وسن قريبة منَّ
. _ اربع رحلات عيوني
رن الجرس وطلع هوَّ وياها ساكت لملمت أغراضي واحجي
اني وطلابي ودخل استند على رحلة يبرز عضلاته
_ شو ارفعي راسج خلي عيونچ بعيوني .
_ حرام .
_ اني اتحمل الذنب ارفعي اشوف بالله .
_ ست وسن تريدك .
_ ضجتي لان مشيت وياها .
_ مايهمني .
_ شهد .  

ردت اطلع اعترض طريقي مايقبل اتحرك
انــور : لا تخليني اضطر الزم وجهچ خلي عيونچ بعيوني .
شهد : حرام ابني حرام .
انــور : ومن تخزريني بيهن قبل شوية ما گلتي حرام .
_ لا مو حرام .
انــور : شهد .
خليت عيوني بعيونه ثبتت نظراتي ورسختها بنص عيونه
_ ها .
_ اريد عيونچ من تشوفني تلمع مثل عيوني
من تشوفچ لا تخزريني بيهن .
_ لكل فعل رد فعل انــور شمه .

خليته وطلعت من المكان التقيت بـ أستاذ وسام
مشيت وياه للإدارة وهوَّ يحجي على تكتيك الدراسة
وتصرفات الطلاب وسلوكياتهم بـ اخر فترة
اريد ادخل غرفة الإدارة ولمحت انــور من عصبيته صدره
يصعد وينزل بشكل جنوني ، اجه بـ اتجاهنا وينزع بالسترة
دخلت بسرعة وگعدت بعيد على وسام وفتحت الدفتر سويت
روحي اشتغل رفعت راسي خطف واگف وحتى ردن القميص
كفكفها ، سحب گلاص ماي يشرب واجه يتمشى يمي گعد ابتعدت شوية
مال جسمه ومد اديناته اثنينهم مستندات على رجله وبس راسه مايل
حتى يشوفني الوشوم بارزها بشكل مخيف ودمرات ايده تريد تنط
انــور : عيديها وتشوفين مني تصرف يبجي عليچ ملائكة السموات .

تشتت افكاري درت وجهي صارت عيوني بعيونه
_ هدد بعد وشوف شلون افضحك واگول يتحارش بيَّ .
_ تريدين تتعاقبين مو ؟
_ منوووو يعاقبني انتَ ههههههه ؟
عض شفايفه وابتسم بتلاعب وحيلة
انــور : خليها براسچ بلمح البصر اخطفچ وتتعاقبين
واني بهذا الموضوع ايدي خفيفة وانتِ مجربتني شهدهد .

تذكرت من خطفني تراجعت برهبة وصوتي يختفي صار من الخوف
_ تخطفني ؟
_ اذا تقهريني اي .
_ انت مو قهرتني .
_ ما متقصد جنت اشتغل .
_ واني اشتغل .
_ اشششششششش .
_ لا تخطفني العباس عليك لا تسويها .
_ تعيدها ؟
_ ابد والله ابد .

طگ رگبته بحيث صوتها دخل لراسي مو بي اذني
وبلع ريگ وهوَّ يركز بشفايفي بعدت روحي بعيد منه
عيب يروحون ينتبهون علينا شرب ماي كمل الگلاص
ورجع يحاجيني بس بصوت شوية اعلى من قبل
_ طابخين اليوم .
_ شلون عرفت .
_ دُر گالت وتريد حُــرة تروح يمها .
_ صدك يعني بنت عمك راح تجي .
_ اي .
_ وانت ؟
_ شعندي يمكم بي ريــان يوصلها .
_ ها .
_ تريدين اجي ؟
_ لا ابوية من يشوفك يصير عصبي .

هز راسه شاف ايده ورجع يشوفني بس يتصرف طبيعي
ما يخلي احد ينتبه علينا وكأن گاعدين نحجي عادي
انــور : حبيتهن من عرفت حبيتيهن .
_ مو حلوات جنت تجذب عليك .
_ ههههههههه فقدتي عليهن لو وحدنا هسة اخليچ تتلمسيهن .
_ ايعععععععععع امشي روح منااا .

تلمس ايده رجعت عيوني بالدفتر اتهرب منه
_ راح اخليهن يرجعن واضحات اخر فترة اغطي بيهن بالملابس .
_ كلك عورة ، وتحجي هواي .
_ ماعندچ فضول تعرفين قصة كل وشم .
_ هي رسمة مال مدگدگين لا تسوي للخايس صيت .
_ مستحيل اكو انسان واشم وبهل كمية بدون قصة مستحيل
لكل وشم قصة ، وذكرى ، وموقف محفورات بروحه .

نهضت من مكاني الغرفة المديرة خابرت جــود
اجه اخذني سلمت وطلعت مستعجلة بعد ما شفت انــور
بس وصلنا منطقتنا شفت البوب مفتوحه مالتنا
والجدورة بالشارع وبالبيت تارسين المكان يجهزون
بس بعدهم ما طابخين كل الهوسة تجهيزات
دخلني جــود ركض من بين الزلم للبيت سلمت وبدلت وطلعت اساعدهن
فاتت دُر يمي تسولف وتفلس نومي بصرة تنظف بي
وما تثرم بصل بس تبجي من الريحة واني وياها
لليل واسمع صوت برا يصيح " يا الله "

فتح علي الآكبر الباب ودخل حُــرة دُر من شافتها عافت كلشي بيدها
وراحت يمها فوتتها وامي حبتها من اجت قبل گعدت وياها سوالف
ما عافتها وحرة كلامها حلو ومواضيعها تضحك امي وكل الموجودين
حتى نسوان اخواني عجبتهن بشكل ، لليل سلمناهم كلشي وصعدنا
العشا مالتنا بالسطح حتى كل شوية نشوفهم كلهم يطبخون بالشارع
شمش وشوق اخواتي دخلنا علينا وخالاتي وبناتهم البيت صارر
ناس على حاله بكل مكان وجبة نسوان اكلنا ونزلنا جوة اني
واخواني نغسل مواعين ونسوان اخواني فوك يصبن جاي
نزلت دُر تركض على درج لزمتها شمس اشرت على شارع
_ انــور برا انــور .

نزلت امشي روحها تريدي تطلع شايفي من فوك
فتحت البردة والبوب مفتوحة كلشي نشوف
نزل من سيارته لابس تيشيرت ربع بحيث الوشوم كلها بارزة
ولابس ساعة سودة ضبت ايده ابوية مايخلي اخواني يتعاركون
لان العالم متروس الشارع ويصير حجي سكت وكلهم سكتوا
وانور استغل الوضع اخذ من ريــان الدراخ يدرخ بالقيمة .

وعلي الآكبر وجود مقابيله مبتسمين بحقد ويهزون راسهم
وهو يدرج اجه ابوية ذب على اكتاف انــور غترة لون اسود
وانور استدار ما ادري شنو يحجي وياه ويأسر على ايده ويضحك
وجود صار قريب منه يريد بهجم ، سحبه ابوية من ايده دخله بالاستقبال
دخلت دُر من قفلوا الباب وبس علي الآكبر موجود وياهم
_ احيت اخدم ميصير مو اخذتوا اختي عادي اهل صرنا .
ابو حسن : اني اگلك امسح هل وشووووم امسحهاااا
تجي تستعررررررض ببهن انتَ شني من بشرررررر .

من شفت امي رجعت اغسل بالمواعين ولا عبالك اشوف شي
طلع ودُر رجعت صعدت فوك ، اخذت تلفوني وفتت للحمام
سجلت رقمه بعد ما اتحمل لازم ارزل
" تخبلت انت تخبلت بعقلك ؟"
"اجيت اخدم حتى اطلب مرادي "
"مررررادك تطلبه منااااااا "
"احسن وانسب مكان من بيتكم اطلب مرادي انتِ مرادي شهدهد "
"روح انــور روح ليش هيچ لابس ابوية يصير عصبي "
"بنته تحبني هيچ "

طلعت متوترة صعدت گعدت يمهم والف فكرة وفمرة تجي ببالي .

حُــرة ...

ضعف ، كتمان ، ارهاق ، تشنجات ، ضغط
امر بيهن والضحكة على وجهي افوز بـ اكثر أنسانة متحطمة
وتضحك وتضحك الناس كلها وين ما تكون ، سندتني دُر وشهد
نزلوني گعدتني على كرسي المتحرك وطلعتني للمطبخ فتح
الباب من علي الآكبر طلعني اني وياها السيارة ريــان وانور صاعد
مندمج يكتب بالتلفون ويرفع راسه على بيت ، صعد ريــان
بعد ما سلم عليهم كلهم وكملوا توزيع ملت راسي على دُر وهمست
_ الحمدلله تجين ويايَّ .

لزمت راسي تمسح على وجهي واني نعسانة ما نمت ليل كله وياهم
وهسة صار الصبح ، اريد اغفي وافز على اصوات ريــان وانور ودُر
ريــان : عيب تجي والله ما حبيتها منك .
انــور : غصباً عنهم اجي وافوت واشوف زلمة يفتح حلگه .
دُر : احتراماً لريان ما يحجون تدري عمي مايحب هيج تسويها عناد .
ريــان : خلي خلي يعاند مو يريد بتهم لو يموووت ما ينطونه لووو يموت .
انــور : نشوف هسة منو ما ينطيني .

وصلنا على بيت حسيت بروحي نرفعت من السيارة طوقت
رگبته بيدي صعدني على درج وينزل راسه يشم شعري
حُــرة : بيك ريحة فحم محروك .
ريــان : دعيت ارجع اشوفچ تمشين .
حُــرة : حتى اخذ حقي منك .
ريــان : راضي .

فتح غرفتي فوتني بيها نزلني على فراشي ويعدل بخصلات شعري
ريــان : من البارحة العصر ما شفتچ ولا تعاركنا .
حُــرة : ولا اتعارك انت انسان كلامك اوامر .
_ ههههههههه لا مسموح تجفصين جفصي احجي .
_ ابد نعسانه .

طلع المفاتيح فتح الكنتور طلع العلاج من الكنتور
اجه يمي رفعني يشربني اتووووووترررر وانقهررر
من يصير قريب مني لهل درجة اريد اذبح روحي
شربتهم ورجعني على مخده يعدل بنومتي وبجسمي
غطاني ورجع العلاج ، قبل لا يطلع همس بتعب
_ من تحتاجيني موجود حُــرة .
غمضت عيوني وخليت ايدي على گلبي بعد ما يگول حراير
احترم طلبي بس شنوووو بسسسسس اني طلبتهاااا كافي اششش .

بقيت نايمة الحد ما شبعت نوم اسمع بصوت دُر وصفية
فتحت عيوني شفتها ترتب بجنطتي اجت يمي گرصت خدي
_ صح النووووم بعد ساعتين تسافرون .
_ اخوچ وين .
_ طلع يوصل رنيم على بيت امها .
_ اريد اسبح .

ساعدتني هيَّ وصفية گعدتني بالكرسي ودتني للحمام
اجت وفاء تريد تساعدها رفضت ، بقت حُــرة يمي
تسبح بيَّ وتسولف على سفرة والعلاج
حُــرة : تگدرين تسافرين ويايَّ .
دُر : اتمنى والله العظيم بس انتِ تعرفين وضعي .
حُــرة : جنت اتمنى امي موجودة بس ....

وهيَّ تنشف راسي تحاول تخفف من خوفي
دُر : ريــان ما راح يقصر وياچ مستحيل .
حُــرة : بس اني استحي من ريــان وبالخصوص بهل امور
لازم بنية موجودة امي او احد ثاني بي مو رجال .
شكد حاولت بس اني الخوف مزروع وكبر بكلبي بعد اعصابي كلها تلفت .

بدلت واسمع صوت ريــان يحجي هوَّ وانور
نزلت راسي من طلعتني ما اريد يشوفني بهل حالة
دخلت للغرفة طلعت دُر ملابس مريحة للسفر
وعدلت شعري عطرتني وحتى مكياج خفيف خلت لوجهي
دُر : اضحكي كلنا منتظرين حُــرة ترجع تمشي على رجلها .
_ گلبي راح يوگف گلبي دُر .
ريــان : لا تخافين اني وياچ .

دارت وجهه من شافته رجعت بنظرات ضايعة تباوع بعيوني
ريــان : تأخرنا يلة .
اخذني ونزلني وانور نزل الكرسي المتحرك
صعدني بالسيارة وهوَّ مبتسم
_ شبيك .
_ عطرچ دخل للرئة .
_ شلون يخليني اشـ.... احممم اقصد انت هم عطرك طيب .
_ امممممم حلو حلوو .

سد الباب واني طلعت انفجرررت
_ شالووووو الرئة مالتك بخابس يا ابن يوووووسف
كوووووووون الزمك اشگ راسك وراس اهلككككك
اريد افشررررررر عليك ارررريد افشرررر وانعل خبررررك
الخايسسسسس صبرررر بس صبر خليني امشي اذا نا اخليك مخبل
وتمشي وتتلفت يا حقيرررررر يممممممممههه ورم كلبي يمههههه .
سكتت من انفتح الباب ومد راسه
_ هذا الصوت منا ؟
_ لاااا جلب يعووووي بالشارع .
_ مو اگول .

صعد انــور يسوق وهوَّ بصفي دُر ودعتنا من البيت ما راحت مطار
وصلنا انــور للمطار ودموعي صارت بطرف عيني
فتح انــور الباب يضحك يلطف الجو
_ ادري راح تخبلي وترجعين .
_ سافر ويانا .
_ ما اگدر بعدين وين اتحمل انحبس وياچ هناك بالغربة
هذا ريــان صبر مطي شايل اني صبري بگد النملة .
حُــرة : كلكم مابيكم خير مكروهين .
انــور : اخذها اخذ المزعجة وروح سافررر .

شالني ريــان گعدني على كرسي كمل الإجراءات
وسلم على انــور من بعيد ومرينا من ممر الطيارة
صعدتها واني روحي تريد تطلع بس سد الحزام
انفجرت ابجي واناشغ وهوَّ يمي يتوسل بس اسكت واسمعه
ريــان : حاجيني حُــرة حاجيني .
درت وجهي ما اريد احجي وياه لزم ايده سحبتها رفض
ظل متمسك بيها غمضت عيوني من قلعت الطيارة واني اهمس بعتاب
_ توسلت بيك تخابر امي تروح ويايَّ ليش خليتني وحدي .

من بديت اغفي سمعت صوته يجاوبني بقهر
_ غيابهم احسن من وجودهم اني امچ وابوچ حراير .

نمت وقت طويل من حسيت الطيارة تهبط فزيت
وبعدها ايده بيدي لازم كتاب يقرا بي فاصل عن الكل
من حس گعدت سد الكتاب وابتسم
_ صح النوم راح ننزل .
نزلنا كمل الإجراءات واني على كرسي المتحرك
شاف ولد من بعيد رفع ايده واجه تسالموا وصعدنا بسيارته
عرفت هل ولد عراقي بس عايش هنا توسل بريان حتى نروح على
بيتهم رفض رفض قطعي وصلنا على فندق نظيف قريب من المستشفى
إلي قاصديها وحاجز مكمل صار اسبوع لان افتهمت من خلال كلامهم
هل فندق دائماً محجوز لان قريب على مستشفى.

راح الولد وريان صعدنا بالمصعد ورانا موظفين يصعدون بالجنط
فتحوا غرفة فراشها الو نفرين مو منفصل اخذ الجنط وسد الباب
_ خليني بفراشي وروح على غرفتك اخذ راحتك .
_ هاي غرفتي .

حجاها وهوَّ يشحن تلفونه وينزع التيشيرت فتحت عيوني
اريد احجي اصرخ اغلط لزمت روحي وحجيت بـ أدب وهذا مو طبعي
_ لا ميصير اخذ راحتك انت رجال اكيد تريد تحجي تنام براحتك .
_ هذا الفراش سياح نياح يسرح بي الخيل .
_ يدووووسون راسك كوووووون .
_ نعم .
_ يدوسووون راسي الخيل كون واخلص .
_ حلو كلش حلو .

ذب البنطلون ظل بالداخليات اخذ منشفه وراح للحمام
سمعته الدوش معناها سبح ، حركت الكرسي بيدي
رحت على فراش اريد اصعد رفعت نفسي والكرسي تحرك وگعت
بكل حيلي على وجهي شاغت روحي وصرخت بعلو صوتي
طلع يلف بالمنشفه رفعني وهو صيح يا علي
نومني على سرير ويسحب بالكلينكس يمسح بوجهي
هو رفع ايده وشفت الدم تارس الكلينكس ترس
اشرت عليها واني ارجف
_ دم دم ريــان خشمي مووو خشمي راح .
_ وين راح يمعودة بس اهدي اهدي خليني افتهم
_ اريد ارجع رجعني اخاف اني وحدي رجعني .
_ لااااا تصيرين جبانة حرررررررة .

دفعت ايده واخذت كلينكس اني امسح بوجهي رجع للحمام سد المي
ويبدل سريع يريد بس يخلص ، اجه دفع ايدي مسح وجهي
_ اخذج للمستشفى هسة نروووح .
_ لاااا ما اروح من هسة لا .
ضفن بوجهي وكف جر نفس طوووووويل وراح ورجع بالغرفة
اكثر من مرة ، عافني وطلع دقايق معدودة ورجع
بقمة الهدوء يتصرف وعكس هل هدوء عليَّ
فتح الجنطة طلع ملابس اليه وهمس
_ غيريهن .

دار وجهه يطلع العلاج القديم واني لبست شلون ما كان وغطيت روحي
اجه يمي سحب الغطوة ورافع راسه بوجهي بمعنى ما اريد اشوف
بي اريد اساعد ، عدلهن ورفع جسمي نومني عدل
اندك الباب طلع ورجع بيده اكل تركه ونگع المنشفة
واجه قريب مني لزم وجهي يمسح بي ويغسل بيدي .

شال الصينية جابها يمي يريد يوكلني ما قبلت ودرت وجهي
ريــان : ماشي بس اكلي انتِ .
_ تروح غرفة ثانية .
_ تريدين اجذب عليچ .
_ المفروض اثنين تحجزززز .
_ وتنامين وحدچ بغرفة بالغربة صاحية انتِ بابا صاحية .

بقيت ساكتة لان بلش يعصب واني ادري اذا يصير عصبي يعيد الصار
قبل فترة من استفزيته استفزاز كارثي بحيث ردت الفعل جانت صادمة
بلعت وسلكت الموضوع وسكتت شنو احجي بعد شنوووو
بقينا بالغرفة لليل طلع نفس الكتاب وكعد على كرسي
واني اشوف انستا على سرير نص ساعة واشوف راسه مال
والكتاب وگع على رجله غافي بتعب ما حاس حتى على نفسه
سديت التلفون بقيت مركزة بي بدون وعي الى ان غفيت وياه
النص ليل حسيت السرير يتحرك وانفاس قريبة صارت برگبتي
درت وجهي على جهه الثانية بس جسمي ما اكدر اخلي يستدار
رجعت نمت فزيت على صوته يگعدني الصبح وقت المستشفى
اخذني انتظرنا يوم كامل وما كدرنا ندخل ، واليوم الثاني والثالث
والرابع على نفس الحالة ونفس الروتين ياخذني ننتظر ونرجع
تعبانين جوعانين يغسل ويساعدني اغسل ناكل وهوَّ
كل يوم ينام على سرير حتى اطمئن ومن انام يجي يمي
وقبل لا اگعد يگعد حتى ماتصير مشاكل بيناتنا .

وبعد خمس ايام انتظار دخلت على دكتور حولني تحالين
وفحوصات عامة شاملة لكل شي يخص حالتي
تحاليل طلعت بسرعة واكو تحاليل اخذت اربع الى خمس ايام
ومن بعد تشخيص حالتي بلشوا بعلاج وجلسات خاصة بحالتي
يدخلوني علاج تدريب تخلص من التشنجات يطلعوني
ما اگدر احرك لا ايدي ولا جسمي ولا حتى ارفع راسي من الوجع
والتعب ، ياخذني ريــان بدون كلام مني يغير ملابسي واني
امووووت الف مووووته والله اموت الف موووته .

اول ايام التمارين والعلاج رفضت حتى الأكل والشرب
كرهت كلشي حتى حجي ما احجي الا للضرورة
من بعد تعب اسبوعين گدرت احس ولو بشي بسيط من جسمي واعصابي
واني اوكف على حديدة اريد امشي وانفتح الباب دخلوا ريــان
رفعت راسي وضحكت بصوت عالي ودكتور التدريب يمشيني
روحي صارت بريان هوَّ يأشر اكمل واني اباوع عليَّ وعلى رجلي
اريد يشوف اني مشيت والله مشيت مشيت .

وگعت بنص الممر ما گدرت اكمل بس المدربين اثنين يضحكون
رجعوا طلعوا ريامن وكملوا ويايَّ تدريب ، طلعوني ما عندي طاقة
رجعت للفندق دخلني ريــان للحمام گعدني على كرسي وعلى
طبلة يجهز كلشي احتاجه وطلع ساعدت نفسي سبحت
ومن سمع صوت المي ماكو دخل وايده على عيونه يشوف
بس الارضية ، اخذت المنشفة من ايده غطيت روحي طلع وعافني انشف
رجع بيده ملابس لبست الدشداشة من رفعني نزلها
وگعدني على كرسي يضحك حاير شنو يسوي
_ اليوم ماكو سرير اليوووم هناااا تگعدين .
_ جوعانة .
شال الاكل اكلت واني اسأل بي
_ دُر وانور عرفوا اني شوية گدرت احس بجسمي .
_ اي اي بالمستشفى خابرتهم كلها عرفت .

هزيت راسي وكملت اكل واني اكل عيوني غفت
شالني لفراشي نزلني درت وجهي گعد بصفي
احس بقربه مني بي احاول اتجاهل ما اركز ما اصيح
بعدين اصبر روحي بكلمة بعدين مو هسة اصبري حُــرة اصبري
ورجعت اكمل العلاج بالمستشفى يوم بعد يوم كرست كل الوقت هناك
بين العلاج وبين غرفة الفندق اتجنب وجود ريــان رغم تعبه ويايَّ
ومعاملته الزينة الي ماكو بشر سواها ويايَّ غيره وتحملني
بـ اسوء ايام حياتي .

من بعد شهر واكثر من عشرين يوم گدرت اخطي خطواتي
بدون ما استند على شي ، فتح المدرب الباب ومن فرحتي
طلعت امشي بصعوبة بس اگدر اني گدها ، صار ريــان
مقابيلي من شافني فتح ايده مشيت بلهفة ودموعي تجري
بس وصلت قريب منَّ حضني يبچي بصوت ويايَّ
طوقته من بطنه بكل قوتي
_ مشيت ريــان مشيت رجع امشي .
_ قوية ادري بيچ قوية وبيوم تسويها .

بعدت وجهي بس بعدني مستندة عليَّ
_ مشيني اريد امشي برا حباب .
لزم ايدي ومثل الطفل الي يفرحون اهله بي من يخطي
خطواته الأولى ما حسيت بهل لحظات من اني صغيرة
حسيتها اليوم وايدي بيد ريــان وعيوني بعيونه
طلعني امشي على زرع احس بي اريد ارجع احس بكلشي
بس ما خلصت بقيت مستمرة بوم بعد يوم اجي
ريــان هنا سحب نفسه يريدني اعتمد على نفسي بالمشي والأكل
بس مراقبني قبل لا اصيح بـ اسمه يمي موجود .

الى ان بيوم رجعت على دكتور وفرحني بـ احلى كلمات
سمعتها من بعد فترة دمرت حُــرة بالكامل
( اني بأحسن حال واگدر اطلع )
رجعنا بيومها للفندق لا ويان يحاجيني ولا اني صار بعيد كلش
نمت وهوَّ ما نام ولا غمضت عيونه ، الثاني يوم جابلي اكل
وطلع ما رجع للظهر اخابر ماكو جواب من عنده
لوقت متأخر رجع غسل وطلع احجي وياه ما يحجي ولا يجاوب
_ شبيك بس فهمني احجي ويااااك ريــان .
_ نامي .
_ قبل شوية گعدت .
_ لا تحجين لعد خليني براحتي .
_ شبيك خايف من شي احس الدكتور گال شي .
_ لالا انتِ زينة لا تخافين والله زينة ماكووو شي بيچ .
_ لعد ليش خايف .
_ عادي ما نرجع هل فترة بس .
_ ليش .
_ نظل هنا اني وياچ ؟
_ ليش يعني اني ما صدگت اصير زينة حتى ارجع .
_ حُــرة بس بس افهمي مرة عليَّ بدون ما احجي .

صفنت بوجهه نزل راسه وسحب كرسي اجه قريب مني
يريد يلزم ايدي سحبتها هام بوجهي لدقايق تنفسه مخربط
_ خوفتني .
_ تعبان اني تعبان حُــرة .
_ شبيك حباب احجي شنو بيك .
_ انتِ بيَّ اني اريدچ .

وكفت صرت وراه وضحكت
_ مافهمت وها لا تحچي لان ما اريد اسمعك ولا افهمك .
نزل راسه يمسح بوجهه وعيونه وراسه حيل حيل يمرد بوجهه
يريد يحجي خليت ايدي على اذني وبقيت اصيح
_ ما اسمعك ما اسمعععععع ما اسمعك لا تحاول ما اسمعك .
دار بتجاهي لزمني من ايدي گعدني على كرسي وصاح
_ اسمعيني لچ اسمعيني .
خليت عيوني بعيوني واقتربت اكثر
_ ما اسمع لووووو تموووت ما اسمعععع .

قبض ايده حيل من العصبية غطيت وجهي سحب ايدي
_ ما اضرررررب ما اضرررربچ بس اسمعيني .
_ اكررررررهك اني اكرررررررهك .
_ واناا العكسسسسسسس حُــرة راح اموووووت .

دفعته ودفرته برجلي بكل قوتي وكفت اشر بيدي بعصبية
_ مشكلتك انت ورطت نفسك طلعهااااا هواي حذرتك وابتعدت
انت انت السبب تربط روحك بيَّ اني ما اريد ما احب اني
ما اكدر انيى مصطفى بعمري كله ما أتخطى مصطفى .
_ لاااااا تذكرورري كافي يا * كافي .
ضربته على وجهه بكل قوتي وصرخت
_ لاااا تغلط عليَّ اني اشررررف منك ومن اهلك كلهمممم
انعل يا لا تغلط دير بالك دير بالك .

دفعني على السرير من الخوف وبلا وعي وگعت روحي
صرخت من ايدي حيلي صار كله على عكسي
من سمع صرختي اجه يريد يشوفني نزل واني بلا تفكير
رفعت ايدي وفريت وجهه براشدي ، لزم وجهه ودار عيونه
صارت دم دم دم وأعصابه انهارت ترعش وجهه صار مخيف
هجم عليَّ وو ...

يتبع.....

دفعني على السرير من الخوف وبلا وعي وگعت روحي
صرخت من ايدي حيلي صار كله على عكسي
من سمع صرختي اجه يريد يشوفني نزل واني بلا تفكير
رفعت ايدي وفريت وجهه براشدي ، لزم وجهه ودار عيونه
صارت دم دم دم وأعصابه انهارت ترعش وجهه صار مخيف
هجم عليَّ واني ثار جنوني تهسترت املخ بروحي بوجهي بجسمي
وارجف دفعتي على سرير يسد بشفايفي وينزل  راسه صاح بأذني
_ صوتچ لا افقدددددد وامووووتچ صوووووتچ .

دفرته برجلي واذب بروحي بالأرضية اخلص روحي من بين ايده
زحفت ورجلي تشنجت رفعت ايدي ولزمتها گعدت بالزاوية اناشغ
_ رجلي رجعت رجلي .
اجه قريب مني گعد بمستواي ولازم ايدي حتى ما اضربه
وبـ إيده الثانية يتفحص رجلي شبيها وليش كل هل بيجي والخوف
_ تشنجت لو بعد ماتحسين بيها ؟
لزم اصابيعي يحرك بيهن وجف رجلي يهز بي يشوف رد فعلي
اريد امسح دموعي واني منهارة لازمني حيل مايقبل حتى اتحرك
حُــرة : بسيطة ريــان بسيطة لو تموت بعد ما اظل وياك انتظر
وشوف بعيونك اخلي بعيونك تشوف بس انتظر بسيطة .

عاف ايدي من رفعت رجلي على صدري ارجف نهضت
رحت امشي بعيد من عنده اخاف من كل گلبي اخاف من
شكله اذا صار عصبي يفقد ريــان يصير مو نفسه البارد
_ خايفة مثلي مثلي خايفة لوووو تخافين ما تضرررربين
لو تخافين تفكرررين قبل لا ترفعين ايدچ وتضررربيني حررررة .

جاوبته بنبرة صوتي التعبانة بدموعي بقهري بشهگاتي
واضرب على صدري روحي تحترررررك روحي ادمرت
_ اكلك لا تسوووي هيج وياي لا تستغل ضعفي وتقترب
لا تجي يمي لا تحبني لا تتعلق بيَّ تتعب تتعب اني مو الك كلبي
مو ملكك روحي حتى روحي مو ملكي ما افكر بيك ولا اريد افكر
اقتنع كافي اقتنعععععع .

رفع اصبعه على شفايفه وفتح عيونه
_ اشششششش كافي اشششش بعد لهنااا وكافي ذليتيني ولچ
ذليتيني كاااااافي شسوووويتي بيَّ خليتيني ذليل الچ بس على شنووو
انعل ابوووو مشاعرررري لچ جوة رجلي اخليهن مشاعري وكلشي شنو
حب شنوووووو هل وكت مو مال حب ابددددد مصالح كلها مصالح  .
_ اني مـ ...
_ ولاااا نفسسسسس اششششششش .

بقيت بمكاني اشوفه شلون يشغل بالجگارة يشرب بيها
ويطلع نفس هيج من گلبه ويهز برجله من العصبية
ما يگدر حتى يضبط اعصابه وكل شوبة يهز براسه قلقني موتني
رجعت ظهري على حايط وبكل هدوء نزلت على ارض تعبانة تعبت
ماعندي حيل اني العلاج اخذ كل حيلي وهوَّ يدي كلشي يدري ويتعبني
فوك تعبي يتعبني بهاي تصرفاته وعناده وعصبيته .

دار وجهه شافني رفع حاجبه ورجع يكمل الجگارة
خليت ايدي على راسي بالله هسة هذا هم وضع
تأففت بملل ورفعت راسي شفته صافن بيَّ مد ايده
ويحچي بهدوء عكس العاصفة المر بيها قبل شوي
_ تعالي هنا يمي تعالي احجي وياچ .
_ اسمعك .
_ بكلشي لازم تعاندين وتشلعين گلبي ؟
بلعت ريگي بخوف وتوتر رحت حتى لا تصير مشكلة ويرجع يصيح
ما لزمت ايده رغم باقي يمدها گعد بعيد بنهاية السرير
عض شفايفه بنفاذ صبر وبلا مقدمات مد جسمه لزمني من رجلي وسحبني
طخت رجلي برجله وجهي قريب من وجهه اريد ابتعد مايقبل
يبس راسه ويايَّ فرد مرة ، وبكل تباهي يرفعلي بحاجبه
وينظر على مسافة الصارت بيناتنا مبتسم .

خليت ايدي على صدره امنعه يقترب اكثر
حُــرة : انت شبيك بابا شبيك .
ريــان : حلالي يمي انتِ حلالي يعني شيصير بيناتنا حلال .
برطمت شفايفي وعيوني لمعت بدموعها تعلن هزيمتها
رفعت ايدي افهم بي بهدوء هيج اكثر من هل هدوء ما اكدر
حُــرة : ليش هيج تسوي تقهرني ريــان تقهرني تصرفاتك هاي .
ريــان : لچ ميت عليچ انتِ شتحجين .

غطيت وجهي احارب بروحي حتى ما اتخبل هسة واخلي
فضيحتنا الدول تحجي بيها سنين ما تنساها رجعت
لملمت اصابيعي واحجي بنبرة حذر من كل تصرف يبدر مني
حُــرة : مو اخذت منك كلمة ريــان ليش تكسر كلمتك عيب .
_ يا كلمة ذكريني بيها ما أتذكرها .
اشرت بعيد على باب وهوَّ عيونه تمشي ويايَّ تركز بيدي
ويصفن بشفايفي وينزل نظراته يحفظ بتفاصيلي
حُــرة : مو اخذت منك كلمة زلمة تعتبرني اختك وتحميني
وتخليني اكمل دراستي وننفصل واخر مرة گلت من تصيرين زينة .
_ نعال على كلمة الزلمة نعالات مو بس نعال .

ردت اروح من عنده لزمني يثبتني بتملك سيطر على حركتي
_ وين حراير وين .
_ اني قويت بيك ريــان انت خليتني بدائرة امان وهمتني انت وهمتني
گلت اعتبرچ حالچ حال اختي دُر ، ليش تغيرت ليش ريــان .
_ شمسوي اني شسويت حُــرة فهميني شسويت .
_ شوف تصرفاتك ريــان اني افكر انت احسن شخص عاملني
من بعد مصطفى وماعندي ثقة بغيرك ادري والمواقف ثبتت
روحك هاي روحك اذا احتاجها ما تعزها عليَّ .
_ اخذتي روحي صارت بيچ روحي صارت بيچ حراير .

واني رافعه اصابيعي افهم بي هيج طبگتهن بعلامة صبر
وما اشوف غير باسهن بقيت جامدة ودموعي تجري
حُــرة : ريــان انت تعرف بنفسك شنو جاي تسوي ؟
ريــان : لا والله لا ، هيج اني ضايع صاير بنص دوامة
محورها واساسها انتِ ماكو غيرچ بعقلي ودوامات تفكيري ومرتاح .
حُــرة : راح تجبرني اخطي خطوات اني ما اريدها لان ادري
وراها اضيع تخليني اضيع روحي لك ريان .

سحب باكيت الجكاير اخذ وحدة وذب حسرة طويلة
وهوَّ يشغلها يحاجيني ضايع كلش ضايع
_ سولفيلي شنو الحل حتى لا تضيعين ولا اضيع وهل خرط .
_ واني اگول ريــان مثقف واعي ماتطلع منه هيچ تصرفات .
_ على لساني الحجي واگول عيب خليك اسمعهااااا بس تخربطين هووواي .
_ ريــان راح تموتني بس عوفني خليني اخذ مساحتي لك راح تخبلني .
_ لالا ابقي قريبة مني من تروحين بعيد اصير عصبي عليچ .

لزمت عكسي يوجعني ورجعت اريد احجي وياه
ثبتني وثبت عقلي من باس راسي ويعدل بشعري
_ اسف .
_ لا تعتذر بس شيلني من راسك .
_ وگلبي ؟
_ ريــان اعتبرك اخ غيرها ما اكدر لا تتأمل بشي اكبر
شلون دُر تشوفك اني اشوفك .
_ اششششششش اريد اغير هل نظرة وراح اغيرها
ما نرجع باقين هنا انتظر تغيرين هل فكرة وبعدين نرجع .
_ لا نرررجع ما اكدر افتهم لازم ارجع حباب رجعني .
_ والقران ما ارجع زين لو مو زين براسي شي اتأكد منه وارجع .

ضربت على رجلي ورفعت ايدي اريد اضربه لزمها وحذرني
_ قبل شوية لزمت روحي عنچ تعيديها اتصرف بطريقتي .
_ اصحيك على زمنك اريد اصحيك .
راح يطفي الأضاءة كلها ورجع نام على سرير
_ تعالي نامي .
_ اليوم انام على تخم .
_ تعالي .
_ هنا اريد ما اريد انام اشوف تلفوني .
_ تعالي .
_ نعالي ونعالي غيرررر كافي يبطل .

ضربت على رجلي ورفعت ايدي اريد اضربه لزمها وحذرني
_ قبل شوية لزمت روحي عنچ تعيديها اتصرف بطريقتي .
_ اصحيك على زمنك اريد اصحيك .
راح يطفي الأضاءة كلها ورجع نام على سرير
_ تعالي نامي .
_ اليوم انام على تخم .
_ تعالي .
_ هنا اريد ما اريد انام اشوف تلفوني .
_ تعالي .
_ نعالي ونعالي غيرررر كافي يبطل .

اريد اگعد صاح بصوت عالي
_ تعالي حررررررررررررة .
_ اجيت امري لله اجيت.
اخذت بطانية من الكنتور ونمت تغطيت بيها حتى ما اشترك اني وياه
بنفس البطانية ، بقيت اتحرك بمكني افكر بمستقبلي وتالي شيصير بيّّ
غفيت بقمة حيرتي وخوفي ، ماحسيت بروحي لثاني يوم افز حركتي
مو تمام فزيت خفت رجعت لنفس حالتي فتحت عيوني هاي اني وين
رفعت راسي وجهي صار بوجهه ريــان وراسي على صدره
لازمني بكل قوته حتى وهَّ نايم مدري ما نايم ، اريد احرك روحي اريد اطلع
مايقبل هيچ مثبتني عبالك لاصق
_ شوف شوف شلوو يتصرف تصرفات زعاطيط .
قبضت ايدي ورفعتها صربته على گلبه بكل حيلي
_ عوووووفني راح ارجع اضررررربك .
_ اريدها من الله تضربيني .
رفعت ايدي رجعت ضربته على گلبه
_ ضربي على گلبي ضربي بلكي يوگف وتخلصين واخلص.
_ اصرخ الم العالم عليك ؟
_ حضنيني وارجعي نامي احسن .

درت وجهي اريد اصرخ ضربني براشدي خفيف يدفع بي بوجهي
_ نامي بنت الكلب نامي .
_ يخليني اتخبل عليَّ يجبرررني لك عوفني .
_ مرتاح هيچ خليني اكمل نومتي للصبح گاعد .
_ شسوي گاعد للصبح .
_ كلشي سويت .
نزلت عيوني اشوف روحي ابتسم بتلاعب
_ النية بنتي النية شبيها خرطي .

رفعت راسي وشوية من جسمي حتى احجي بس
هوه لازمني من خصري مقيد حركتي كلها
_ تجني على روحك تريد موتك انت تريد تموت ؟
_ نعسان .
_ أدفنك؟
_ بحضنچ ياريت .

ضربت وجهي حيل حيل فتح عيونه واشر على عقله بمعنى مخبلة
_ يممممممممممه ما جنت هيچ انت هيووو انت ماجنت هيچ .
_ محترم محترم وضعچ جنت .
_ وقبلها ؟
_ مانع نفسي .
_ وهسة .
_ فارض نفسي .
_ اطيح حظ نفسك هسة اصبر.

سحبني وگعني على ايده ضربته وخليت ايدي على رگبته اخنگ بي
بكل قوتي وهوَّ ولا عبالك مغمض عيونه يريد ينام
_ راح اموتك .
_ براحتچ .
حسيت بي صار يغفي رفعت ايدي وضربته على وجهه بكل قوتي
هيَّ ثواني وريان شمرني على سرير ورفع ايدي فوك راسي
ومثبت رجلي بين رجله ورفع بس ايده يريد يضربني
_ اضرب وبعدها والقران اتخبل لو اموت روحي لو اشرد منك .
_ لااااا تضربيني ليششششش تضربين بنت الكلب .
_ تجبرني .
_ اني ما اضربچ انتِ شلوووون تضربين عيب لچ عيب .

مد ايده تلمس من شاف ماكو مني جواب غمضت عيوني
حسيت بـ أصابعه تتلمس رگبتي أخذ الگلاده يشوف ويعدل بيها
وأصابعه بعدها تتحرك على رگبتي وهو نازل
ثبت عيونه بعيوني نزل روحه حاير هيمان عيونه ذبلانه
تنفس بضطراب ونزل على مكان الگلاده باسها بضياع بوسات متفرقة

ثگلت عيوني اول مرة احس بعيوني وحيلي بعد ما احس بحيلي
فقدت السيطرة على نفسي وبلا عقل رفعت راسي اترك اله مساحته
وما ادري ليش هيچ سويت غلطت غلطت وغلطت الشاطر ما تتصلح
من شاف ردت فعلي زاد وتجرأ اكثر واكثر صحيت على نفسي بأخر
دقيقة واني اتخيل ردت فعله بعد هل غلطططط يموووتني راح يموتني هنا .

قلصت روحي اريد ادفع نفسي منه صرخت وبعلووو صوتي
واضرب بي بكل قوتي حتى يصحى على نفسه مثل ما صحيت
_ رررررررريااااان ريــان لااااااا بس احجي رررررريان .
_ حراير ابقي يمي هيج ابقي بين ايدي اريدچ بحضني تبقين .
_ عزززززززااااا لك عيني راح امووووتك .
_ اروح فدوة لعيونچ .
_ رررررررريااااااان ولكممممممم يااااااااااا ناااااااااااسسسسس
سااااااااااعدووووووني يبووووووووووووو .

أريد اصرخ بعد سد شفايفي وشمرني يتحرك بـ ارتباك
اندك بابنا عض اصبعه وقبض ايده واجه عليَّ يريد يضربني بوكس
_ شسوووووويتي .
_ شسويلك ازمال صرت .

ضربني على ايدي بس مو حيل بس هم صرخت
عافني وراح فتح الباب اجه الامن اثنين يستفسرون
وهوَّ يجاوبهم واشر الهم على غرفة ورجع يحجي كلشي ما افتهم
دخل سحل روح طويل صاح
_ لبسي الله لا يوفقني وما انحسبت على زلم اذا ما ارجع اربيچ من جديد .
لبست الروب وافر بيدي يجبرني ويصير عصبي حتى ما يعيدها
ريــان : اذا يحجون وياج سوي نفسچ زمال يا بنت الزمال .
حُــرة : اگول الهم يريد يغتصبني .
ريــان : خليهم يروحون واني اعرف اتصرف .
حُــرة : اروح وياهم مبينين خوش ناس .
ريــان : ررررربي لو تاخذها لو تاخذني رررررربي .

ردت احجي بس شنو راد يلطمني على حلگي بلعتها وسكتت شسوي
امري لله ، دخلوا شافوا المكان ويحجون ويايَّ من صدك ما افتهم
عليهم يهذرون براسي صار هوَّ يترجم كلامهم
ريــان : يسأل على صوتچ الرنان بنت الـ* .
_ جاوب مو تعرف الجواب ابن وفاء الـ* .
جاوبهم بكيفه بحيث بسرعة طلع واخذ صاحبة
بعده يسد بالباب قفلت الحمام عليَّ
_ اطلع اليوم لو اني لو انتِ .
_ تخلي راسك براس طفلة والشوارب .
_ حرررررررررة لج حرررررة بس افتحي الباب فتحي .
_ لا يسمعوك عبالهم اغتصبتك هههههههههههههه .
_ لج صاررر فترة مخلص من هل رعيددددد لسانچ
لووو ادري ما سفرتچ ورجعت الضيممممم على راسي .
_ اطلعهن من عيونك اصبرررر اصبرررر. .
_ اذا انتِ بنت امچ وابوچ اطلعي .
_ والله الصراحة ما متأكدة اذا اني بنت امي وابوية فـ ما اطلع .

ردت احجي بس شنو راد يلطمني على حلگي بلعتها وسكتت شسوي
امري لله ، دخلوا شافوا المكان ويحجون ويايَّ من صدك ما افتهم
عليهم يهذرون براسي صار هوَّ يترجم كلامهم
ريــان : يسأل على صوتچ الرنان بنت الـ* .
_ جاوب مو تعرف الجواب ابن وفاء الـ* .
جاوبهم بكيفه بحيث بسرعة طلع واخذ صاحبة
بعده يسد بالباب قفلت الحمام عليَّ
_ اطلع اليوم لو اني لو انتِ .
_ تخلي راسك براس طفلة والشوارب .
_ حرررررررررة لج حرررررة بس افتحي الباب فتحي .
_ لا يسمعوك عبالهم اغتصبتك هههههههههههههه .
_ لج صاررر فترة مخلص من هل رعيددددد لسانچ
لووو ادري ما سفرتچ ورجعت الضيممممم على راسي .
_ اطلعهن من عيونك اصبرررر اصبرررر. .
_ اذا انتِ بنت امچ وابوچ اطلعي .
_ والله الصراحة ما متأكدة اذا اني بنت امي وابوية فـ ما اطلع .

ضرب الباب ضربة من يمي ايدي وجعتني
_ اني طالععععع اني اطلععععع اشووووف حل وياچ .
_ احجي گلبي احجز حتى نرجع شوية تخلص مني وترجع
اكيد اشتاقيت لزوجتك ام ابنك ، وهم اني اخلص منك گول امين .
_ امين موووووو خووووش حُــرة النملة اذا ما ادوسچ بالقندرة .
_ النملة تموت بـ اصبع هههههههه .

ضرب الباب حيل ودفره
_ تضحكين عليمن ولچ مسويتني مضحكة بنت ياااااسين
صاااايرررر مضحكة اني للزعاطيط وسففففففه .
_ ويا حسافة ههههههههههه .
_ خرررررررب صدك تحجين .
_ هههههههههههههه .

ما سمعت صوته بس دقيقة وانضرب الباب البرا عرفت طلع
گعدت بالحمام دموعي بدون ما اريد ابجي تنزل واكرر ومن
كلبي اگولها اسفة جرحته انقهرر قهرته وهوَّ تعب ويايَّ
شلون اخلصه مني ومن هل عذاب اذا نظل سوية يتعذب
شنو ذنبة ما يستاهل اكثر انسان ما يستاهل يتعذب ريــان
غسلت وجهي وطلعت وبعدها دموعي تجري ، دورت تلفوني ماكو
عرفت اخذه وياه ، شفت جنطة المستمسكات ماكو استغربت
وحتى جنطة ملابسة ماكو ، اريد اطلع الباب مقفول شكووو ؟؟

رجعت اخذت بسكت من الثلاجة اكلت وحده وشربت ماي
حتى اشرب علاجي بس اخذته فتت للحمام سبحت
وطلعت فتحت البلكون اشوف العالم تمشي ناس تركض مستعجلة
كل بشر عنده شي مانعرف منو مرتاح ومنو تعبان

رجعت للغرفة نمت بفراشي شغلت التلفزيون طلعت روحي
من الملل ، للعصر انفتح باب الغرفة بقيت گاعدة على تخم
وعلى عبالك موجود نزل بوكس اكل فتحته وطگيت قوطية الببسي
اكل بيها وهوَّ يفتح بالجنط يلملم بملابسنا اريد اسأل شكو ؟
وين رايحين ؟ وين جنت بس اخاف من ملامحه مبين عصبي
ما طايقني ولا طايق روحه ، عليت صوت التلفزيون
وبقيت اكل كملت وفتت اغسل بس طلعت مد ايده على جرباية
مجهز حتى ملابسي ورجع يسد بالجنطة
_ بدلي .
_ شنو راح نرجع ؟
_ اي .

استغربت معقولة بهل سهولة ، اخذتهن ورحت بدلت بالحمام
وطلعت ريــان ماكو والجنط نزلها ، لبست حذائي واني مبتسمة
رجعت احس برجلي بعد ايام وشهور محرومة من هل نعمة
رجع فات يتأكد من الغرفة ما ناسين شي
_ يلة تحركي اطلعي .
_ اوكي .

ما ادري شنو دردم ما سمعت طلعت ونزلت وياه تشكر من ادارة
الفندق وطلعني شفت صديقه نفسه الي استقبلنا بالمطار
صعدنا بسيارته يسلم بـ احترام ، طلع بشارع اشجار ورد
نازل على على شارع وبيوت قليلة موجودة بالمنطقة
لا مو بيوت هاي يا بيوت كوخ بيوت صغيرة اي هاي بيوت
صغيرة بنص مزارع كوخ عن كوخ يا كوخ شاليهات
شي بعيد عن شي طگيت رگبتي وقلصت عيوني الشك صار يلعب
براسي لعب بس لا اكو ملعوب ، اذا لبالي صحيح اقرا على روحي السلام
اله يشنقني ومحد يدري لو يسمع ، وكفت السيارة صرت اطگطگ
وافر بشفايفي ولساني نبلع وريگي يبس ، نزل وفتح بابي نزلني
خشمي حكني يمكن من عظمة مصيبتي وبلائي الجديد .

هوَّ ينزل الجنط ، واني وراه اخرمش بخدودي استحي احجي من الولد
هسة صرتي تستحين من دهر دهرني على بلوتي ، صعد الولد
بسيارته بقيت اباوع عليه اريد اصيح عليَّ يبات عدنا خطية
اسويله اكل بس يظل ، هوَّ راح وريان دار وجهه عليَّ يضحك
ضحكت الشيطان لان هوَّ شيطان ابن شيطان ، واني مثل الشاطرة
ضحكت بوجهه بغباء هز راسه وعاف الجنط ويمشي بيَّ اخذني
ويمشي للبيت ويحجي بس شنووو يحجي هيج بطريقة اطلع الروح
ريــان : اليوم تموتين من الضحك تعالي .

ذبني بالكوخ مدري شنو هذا الضيم انــور لا هوَّ بيت ولا هوَّ شاليه
راح افتر على بوب سحب المفاتيح كلها منهن انشحطت بقيت اگح
وارعش رجلي ما اكدر اوكف عليهه بس گعدت كالاسد مو حُــرة تنهز
طلع فوت الجنط وفات البيت ينزع بالسترة شمرها على تخم
ومد ايده على دگم القميص يفتح بيهن ويتقدم
حُــرة : خطية مستحر حارة عليك انزع انزع البيت بيتك .

سحب الحزام من البنطلون رحت للمطبخ ركض اصيح
_ صدك عطشت اشرب ماي وين الماي يمكن ماعدنا روح جيب .
طك الحزام طلع منه صوت عالي حكيت راسي وابتسمت
_ تأبرني ابن عمي شو طالع حلو .
_ لا تبتسمين اضحكي بصوت عالي اضحكي وصيحي .
_ لا عيوني قابل مخابيل شعندي هوَّ بس اني وياك .
_ صيحي بنت الـ* اضحكي بررراحتچ اضحكي .
_ فديتك تحب تضحكني .

صعدت فوك ركض اريد اشرد بس اني ما اسويهاا وابين خايفة
حُــرة :  اشوف شنو ما شنو فوك غرف سطح .
اني وصلت فوك وبس اكمل الدرج صارت گدامي غرفة
نوم على طول الفوك والسقف نازل تصميمها تركي
ما احس غير صرت بين ايده حاضني ويهمس بـ اذني
_ وصلتي لعرين الأسد .
_ ليش عريان الأسد .
_ اي صيري غبية احب الغبيات .
_ هوَّ هذا ليقرا روايات تأثر عليك عرين الأسد شلون اسد .
_ تعجبني صلافتچ بنت الصلف .

رفعت نفسي على اطراف اصابيعي وهمست وجهي بوجهه
_ حاول تجبرني على شي ما اريده ، وسوي كلشي براسك
ومن بعدها حُــرة تصير حلم ومر بحياتك اروح واخليك عمرك
كله تتمنى ترجع تلمح ذيال ثوبي .
_ ولا نفس .
فتحت ايدي رفعت راسي هوَّ مو يحب هل ركبتي خلي
_ يلة سويها يا اسد سويهااااا وشوف حُــرة شسوي بيك .

جرني من ايدي شمرني على سرير وصاح
_ وتالي هاااا والتالي ؟
_ طلگني .
_ ما اطلك ، غير حل اريد حل .
_ ماتحصل لا تفكيري ولا حبي انساني ارجع لبيتك
رنيم انت مو موتت روحك عليها ارجع ابدي وياها من جديد
ابنكم جاي بالطريق ليش تخلي يتربى بدون اب
ويعيش مثل معاناتنا اني وياك .

ضربني بـ اصبعه على كتفي وايده الثانية بجيب البنطلون
_ تعلميني شلون اتصرف بحياتي .
_ مو گد المقام ؟
_ لا تدخلين .
_ تدلل لا ادخل ولا اجي يمك وانت عوفني .
_ الكلام سهل .
_ الأفعال ؟
_ اني مو گدها .

اريد انزل واني بنص الدرج وكف من فوك يحجي بس
صلب كل جسمي خلاني ارجف قبضت ايدي وسديت عيوني واني اسمعه
_ اليوم الصبح من تقربت منچ ، اول دقايق تقبلتيني بعدين نفرتي
اثبتي اليه وراچ قصة ، عندچ شي ما اعرفه وتخافين اعرفه
وهل شي لا عبالچ يخليني اخاف اكتشفه لو ابتعد لااااا ورب العرش لا
بالعكس دخلتي الراس الصياد والصياد اذا يخلي شخص براسه
يجيب راسچ وراس الي خلفووووچ ، مو الصياد يمشي عمياوي حُــرة .

نزلت بدون ما انطق بحرف دخلت للمطبخ وسديت الباب
مقابيلي باب كزاز عبارة عن خضار ، كعدت وظهري على باب
دايخة راسي يفتررر شسوي برررروحي بعد شسوي
شلون اخلي يمل مني ويطلعني من راسه شلون اني اعرفه
هذا ما يرتاح اذا ما يعرف الصغيرة قبل الجبيرة
بقيت على حالي لليل ، تعبت وسمعته طلع شفته مر من المطبخ
لابس رسمي وكاشخ على اخر حباية وصعدت بسيارة
طلعت برا قافل كل البوب ، فتحت الثلاجة سويت لفة جبن وجاي
وصعدت فوك شغلت التلفزيون اشوف مسلسل واكل
شربت علاج اليل بي نسبة منوم ، نمت بدون ما احس على روحي
وتقصدت نومتي تصير على تخم حتى يضطر ينام على سرير ما اكعد
ساعة والثانية والثالثة وهوَّ ماكو النص اليل رجع يتصرف طبيعي
دخل بدل ملابسه وطلع لابتوب الشغل يشتغل بدون ما يحجي
اخذ بالساعة يشتغل تحركت على صوت التلفون جاوب بسرعة
_ رنيم ، اي زين وانتِ ؟ هواي يهمچ ؟ اي وياج ، زينة
هواي يهمچ حُــرة وين ؟ نايمة هاي گدامي ، لا تدخلين
حفظت الكلام رجال عايش وحدي اني وبنية صغيرة والبنية
زوجتي اكيد وطبعاً اضعف واتزوجها رسمي افتهمت والله غيره
ماكو غير كلام نوعي بالتوقعات .

سد الخط يمكن بوجهه بس اسمعها تصيح وتسب
ذب التلفون وزاد عاف كلشي واجه يمي نزل يتلمس بوجهي
وباسني بنص خدي
_ ميصير تنامين هنا جسمج تعبان يحتاج راحة .
_ عوفني هنا .
رفعني بـ اثنين اديناته ويسوي روحه يوگعني
_ حضني رگبتي لا توگعين .
_ ما خليني اوگع عادي .
_ على اقل بس مسافة الغرفة حضنيني اوصلچ والله بس اوصلچ.

اضطريت اطوق رگبته بيدي وصلني على سرير ونزلني بحذر
غطاني وگعد يمي يرجع بشعري ويحجي بسكون
ريــان : عادي تحاجيني بدون صياح وغلط وتحترميني
حُــرة اني ما احب الصوت العالي ، واحب الشخص من احجي وياه
يحترمني يجاوبني بأدب ، انتِ تصرفاتچ تعبتني اخر فترة .

بنظرات الخجل جاوبته
حُــرة : اني هيج والله مو بيدي ريــان صوتي عالي احب اتصرف على
طبيعتي بعز تعبي وقهري اضحك ما احب امثل لو اتصنع هاي طبيعتي
صح صوتي عالي ، ومن احجي ابد ابد ما احسب حساب للكلام
من يطلع مني ، واجفص هواي ومرات ما اعرف اتصرف
وزادت هاي التصرفات وياك ما ادري ليش ترا اني انقهر من اقهرك .

ابتسم بوجهي وعلى كلامي رفعت نفسي وغطيت روحي وهوَّ
گاعد بمل هدوء ، بقيت العب بـ اصابيعي واحاول اتفاهم وياه
حُــرة : اسمعك .
_ بدون جفصات .
_ احاول والله .
حجيتها وخليت ايدي على شفايفي وضحكت
_ عادي اجفصي اني أتحملها الي يحب يتحمل .
_ تحبني مثل دُر ادري ادري.
_ اجذب اذا اگول اي ، حب اخوي ما احبچ .
_ بس انت .
_ وعدت وخلفت ما كدرت الحب مو بيدي حبيت بعد شسوي حبيت كفرت ؟

رفعت ايدي جريت نفس وزفرته
_ اي تنفسي بدون صياح حاولي حاولي .
_ اني ما اشوفك غير شخص جبروني عليَّ وطلع قوي
وحباب وعتبرني مثل اخته ويحميني وطلع صياد يصيد الحقراء .
_ واصيد حُــرة اذا وجب .

لزمت ايده وملت راسي اتوسل بي
_ حباب الخاطر الله ريــان لا تسوي هيج شوف بعد وكت
تكدر ننفصل ها وبعد ما اخليك تشوفني وبمرور الوقت تنساني .
_ محفورة حفرررر بگلبي انتِ شلون انساچ .
_ تنساني احسن من ما تتعب ، وتكرهني ، وتضربني
ما اريد يصير هيج ظل بعيوني انقى واقوى
واحسن انسان من بعد مصطفى .

رفع اصبعه على شفايفه وابتعد مني
_ لا تفكرين ننفصل فكرة شيليها من راسچ .
نزل جوة رفعت الغطوة ورحت وياه احجي
_ اسمع اني من عرفت مشاعرك كرهتك .
_ هوَّ اريد نظل هنا تتعودين عليَّ واتعود عليج افتهمچ وتفهميني .
_ ما اريد رجعني حباب رجعني .
_ احاول وياج اصبر واتحمل .
_ لك ريــان لاااااااا تحجي هيج .
_ الحب لا بيدي ولا بيد بشر .
_ يا حب اني احب مصطفى .
_ ماااااااااااااااااات مصطفى مات مدفوون جوة الترررراب مدفون .
_ عايش بگلبي مدفون بروحي ولا انت ولا غيرك ياخذون مكانه .

قبض ايده بوجهي ورفعتي من ملابسي يهز بيَّ بكل غضب هاجت اعصابه
طبگني على حايط درت وجهي من منظره المخيف والرهبة
يضرب ايده بكل قوته بالحايط خلاني اسمع صوت إعظامه
ريــان : ترررررريدين اموووووووتچ لچ اني زوجچ زوجچ
شلوووووون بيچ شلوووووون تحجين برجال غيري گدامي حررررررة .
_ أنّت آصحى على روحك .
_ لچ اموووووتچ افقد وبلااااا وعي امووووووووتچ ما تخاااافين .
_ موتني مايهمني .
_ واني يهمني يهمني انتِ شنوووووو من بشررررر
من شنو مخلوووووقة صلافة وعرامة عندچ اذا تتوزع على عراق ماتخلص.

رحت كعدت ظل بمكانه دقايق يفكر اخر شي راح شرب ماي
وما ادري شنو اخذ لان بعد ما باوعت عليَّ وقبل لا يصعد يحاجيني
_ ما اغير رأيي وباقين هنا واحاول وياچ ما امل ولا اتعب
بس اكو نقطة اذا وصلت الها نرجع ومن نرجع كلشي يتغير
مو بس اني اتغير لاااا لاااا كلشي يتغيررر وماكو شي اذا يتغير يرجع
على حاله بذاك الوكت خسرتي حُــرة اعتبري روحچ خسرتي .

صعد واني بقيت افكر بكلامة لا ساعة ولا ساعتين
بس ماكو شي يگدر يغير رأيي اني اتخذت قراري وخلص
يكرهني هيچ ولا ياخذ نظرة مو حلوة عليَّ ، سحبت مخده
صغيرة نمت عليها الثاني يوم الصبح فزيت على صوت الباب
وحركة بالمطبخ ، فركت وجهي ورحت اشوف شصاير
شفت الباب الكزاز بالمطبخ مفتوح وميز طعام صاير بوسط الزرع
درت وجهي على طباخ مر من يمي ريــان وگرص خدي
_ صباح الخير على حلوة .
_ شصاير هنا شمسوي بالمطبخ .
_ انفجار صح بس النتيجة تعجب تليق بحراير .

اخذ ماعون البيض مسوي اومليت وطلعني برا
مرتب الميز ترتيب حتى بالمطاعم ما شايفة هيج
ريــان : هم مهندس ، وهم صياد ، طباخ  .
_ زوج رنيم مو شوية نيالها عليك .
_ مو بيدها اذا ما تخرب تموت .
_ قابل جذبت ولولت عليها وبجيت بجي العجايز
تالي ما تالي من رجعت وتزوجتها صارت كخ
والله انتوا الزلم ما تملي عينكم غير الترررراب .
_ لا تحجين شي انتِ ماتعرفين كلشي بي اني اعرف
شغلات ومتفق اتفاقات ومتصرف تصرفات انتِ ماتعرفينها .

گعدت مقابيله وهوَّ صب الجاي اكلت وكملت وتذكرت اني حتى
وجهي ما مغسلته من النوم للأكل ام بطن اصلية
بس كمل عاف كل الهوسة والمواعين والانقلاب وصعد فوك
كمل شغل وطلع حتى ما ينطيني خبر يبدل ويكشخ بهل بدلات الرسمية
ويطلع ، صعدت دورت عالجت بس تلفوني وين تلفوني مختفي
رجع بليل من الباب عطت بي
_ وين تلفووووني يعني خليتني وحدي من الصبح لليل
ما گلت اكوووو حيوانة بالبيت ؟
_ خلصت شغلي .
_ تخلص شغلك عندككككك شغل ترجعني وترجع وحدك تخلص شغل .
_ خلصت شغلي حتى أتفرغ الج وباجر نطلع
تتعرفين على مدينة هنا وتشوفين جمالها .