ҶАШН МУБОРАК ШАВАД УСТОДОН ВА МУРАББИЁН!

Чароғи илмро андар дили ман,
Фурӯзон кардаӣ устоди дилбанд.
Зи боби одаму одамшиносӣ,
Ба шогирдон бигуфтӣ солҳо панд.
Гузашти рӯзгорон бурда умрат,
Шудӣ имрӯз як пири хирадманд.
Вале ҳар ҳарфи ту дар шеърҳоям,
Бимонда ҷовидон чун решапайванд.
Насибат шодиҳои даҳр бошад,
Шавад умре нигаҳбонат Худованд.
Кунун бо он каломи меҳрборат,
Туро ман васф мегӯям агарчанд
Сипоси ман бувад мақбулат устод,
Илоҳо, то абад бошӣ ту хурсанд!

Устодон ва омӯзгорони фидоие, ки нури чашмонатонро барои тарбияи фарзандони мардум сарф намуда, бо ин заҳмати худ шогирдони донишманд тарбия менамоед, ҷашн муборак бошад!

Аз як сипосу муборакбодии шогирдон дар чашмонатон нури шодӣ медамад. Шукронаи касби бошараф доред. Ҳамин сабурӣ ва шукргузорӣ Шуморо ба дараҷаи устодӣ расонид.

Ҷашн муборак, эй ояндасозону эҳёгарон, устодону омӯзгорон!

✍️ АСАДУЛЛОҲ ИСМОИЛЗОДА,
сармуҳаррири маҷаллаи "Дурдонаи Шарқ"

✅ https://www.tgoop.com/DURDONAI_SHARQ

👇 Бо мо бошед:

Telegram | Web-сайт | Facebook | Омўзгори тоҷик