دلی بیر شیمشک اول گؤزلریمده چاخ
غمیم‌دن بوشالیب سئوینجیم‌ده
آخ
مندن ایسته‌دیگین دیله‌یه بیر
باخ
من سنه سئومه‌یی نئجه
اؤیره‌دیم......؟

کؤنلومو اوشودن کولک دییلسن
منه -منیم قدر اوزاق دییلسن
سن کؤرپه دییلسن،اوشاق دییلسن
من سنه سئومه‌یی نئجه
اؤیره‌دیم......؟

سینیق تبسسومون گولوش دییل کی
بو گؤروش من دئین گؤروش دییل کی
محببت بیر سیغال اؤپوش دییل کی
من سنه سئومه‌یی نئجه
اؤیره‌دیم.......؟

دینمیرسن سئوگینی دیلیندن توتوم
ساچینی اوخشاییم بئلیندن توتوم 
یازی یازمیرسان کی الیندن توتوم
من سنه سئومه‌یی نئجه
اؤیره‌دیم.......؟

باخیشلار سئوینیب گؤز
گولمه‌ییب‌سه
اورگین بیر هیجران غم
بیلمه‌ییب‌سه
دونیایا سنین‌له بیر
گلمه‌ییب‌سه
من سنه سئومه‌یی نئجه
اؤیره‌دیم.......؟ 

بو گیزلی سئودادا حیکایت ندیر؟
کدره بوکولو سعادت ندیر؟
هئچ اؤزوم بیلمیرم محببت ندیر!
من سنه سئومه‌یی نئجه
اؤیره‌دیم.......؟

نصرت کسمنلی


❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

‌‎

وای منه...

سن اگر اوزگه سینه، جان دئیه سن وای منه
هر یئتن کیمسه یه جانان دییه سن وای منه

منکی او گوزلرینین دارماداغین وورغونویام
باخاسان قیقاجی- قان قان- دئیه سن وای منه

سالاسان گونده کمنده، چکه سن محکمییه
قیسقانیب قتلیمه فرمان دئیه سن وای منه

من گئدم مئیخانالاردا سنه - لول قنبر- اولام
سنده سایماز جاسینا- یان- دئیه سن وای منه

هئی یانام عشق اودونا آیریلیغیندان توره لی
بیر اوپوش وئرمگه- یان یان - دئیه سن، وای منه

گونده مین بیردونه من گلمه یینه قوربان اولام
سنده بیگانه یه قوربان دئیه سن وای منه

اوره ییم پارچالانا قان قوسا گوزلر ببه یی
بو یازیق قلبیمه بهتان دئیه سن وای منه

سوسقونون دردینه درمان او دوداقلاردی گولوم!
گوله سن اوزگه یه، درمان دئیه سن وای منه

سوسقون


‌‎‌‌‎‌❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

یاشاماقے آختارا آختارا ،ایتیردیم اؤزومی
ایندے هم یاشاماقے آختاریرام هم اؤزومی

‎‌‌░⃟‌‌‎‌‌‌‎‌‌‌‌‌‌‌‌‌‌‎‌‌‌‎‌‌‌‌‌‌‌‌‎‌‌‌‎‌‌‌‌‌‌‌‌‌‌‌‎‌‌‌‎‌░⃟‌‌‎‌‌‌‎‌‌‌‌‌‌‌‌‌‌‎‌‌‌‎‌‌‌‌‌

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

سن اولماسان، اولار مگر،
گونش گئده، یاغیش گله؟
سن اولماسان نه فرق ائدير،
باهار گله یا قیش گله؟

نه‌یه لازیم بولود دولا،
یاپراق دوشه، گول‌لر سولا؟
نئیله‌ییرم کولک اولا
یا قار قاريش-قاريش گله؟

ماراغیم یوخ هئچ بیرینه،
نه ایستی‌یه، نه سرینه.
کئشگه پاییزین یئرینه،
بو ایل بیزه باریش گله!

✍شهابی


❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

@Ahmadyalghiz

داریخیرام

نئچه ایلدیر ایستک ساری
گؤزوم یولدا داریخیرام
زامان منله دوز دئمه‌ییر
اوزوم یولدا داریخیرام

حوکوم گلیب یول‌لانیرام
دردله غمله حال‌لانیرام
باش آغاریب آل‌لانیرام
نازیم یولدا داریخیرام

گول‌لریمیز سولار بیر گون
گؤزلر قانلا دولار بیر گون
دویار ساچین یولار بیر گون
آرزوم یولدا داریخیرام

دردلریمی ائتدیم عیان
جانیم یارا اولسون قوربان
یالقیز احمد ائتمه عصیان
سؤزوم یولدا داریخیرام



✍: یالقیز احمد

#21

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

داریخیرام

سخاوت ممداو

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

✨خئیرلی گئجه لر ✨ شیرین یوخولار ✨✨🌟🌟💫💫

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

ماهنی گوزللشمیسن

پیانو و اوخویان _بیلر👆👆
ماهنینی یارادان بسته کار:
رامیز_میریشلی حضوروندا👆👆


ای فلک درد و غمیم
شرحینی جانانه یئتیر
ثبت قیل ملک خراجینی
او سلطانه یئتیر

داهی یوخ تاب و توان
جسم ضعیفیمده منیم
یا کی آل جانیمی
یا دردیمی درمانه یئتیر


حئیران _خانیم

سلام صاباحیز خیر
بوگون و هر گونوز برکتلی اولسون


❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

قَلبیمی عشقینه مَحکوم ائیله‌دین
گؤزلریم اؤزگه بیر کیمسه‌نی گؤرمز
مَنی گؤزلریمدن مَحروم ائیله‌دین



دیلیم سَندن اؤزگه بیر سؤز سؤيله‌مز
اَللریم توخونماز اؤزگه اَلینه
سَن بو گؤزه‌للیکله ،بو صاف اورکله
لاییقسن عشقلرین اَن گؤزلینه


‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══
‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌

شهاب اَمجد
🎶✨️دردیمه درمان گوزلیم✨️🎶



❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

گوزومه سحرده چالان گونش/ گوزلیم قارادی سن اولماسان

بئله باخما ظاهیر اوزوم گولش/ اوره گیم یارادی سن اولماسان


قیناما منی او خومار گوزه/ من ازل باخاندا وروولموشام

اوز اوزومله سویله یرم هر گئجه/ بوعمور فنادی سن اولماسان


گئجه لر آغیردی یاتانمیرم/ سنی خاطیریمدن آتانمیرم

بیلمیرم بو عشقیمین آخیری/ باشیما بلادی سن اولماسان


گئدیرم دایان دانیشیم گئدیم/ یانیرام دانیش آلیشیم گئدیم

هانی کاروان قاریشیم گئدیم/ بورا غم سرادی سن اولما سان


گئجه اود توتور آلیشیر اوره ک/ دایاناندا من دانیشیر اوره ک

چاپالیر اسیر چالیشیر اوره ک/ ایشیم آه و وای دی سن اولماسان


وورولوب اودم اوره گیم سنه / یاشایش جهنم اولوب منه

منی گر بهشته ده سالسالار / یئنه یوخدو دادی سن اولما سان


دئمه آشنالر آتیب منی/ یادا ایشگیمنده ساتیب منی

منه کیم وفا گر ائیله ییر / ائله بیل جفادی سن اولماسان

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

من سنه وورولدوم بیر اینسان کیمی
نه چالدین اوینادیم، "جان" دئیه-دئیه
چاغلادیم جانیندا بیر عوممان کیمی
قلبیمی سیندیرما، قان دئیه-دئیه

گاه منی آتیرسان غملی چاغلارا
گاه "جانیم" دئییرسن ویصال باغیندا
گَل قویما باش قویام چنلی داغلارا
من یووا سالمیشام خول بوداغیندا

عؤمروموز گئدیبدیر سون چاغلاری دیر
بئش-آلتی گون قالیر کئفسیز عؤموردن
بو یانان اولدوزلار جان داغلاری دیر
گؤروبسن آی بیته، پاسلی دمیردن؟!

توت منیم الیمدن یاللی اوینایاق
بؤجوکلر قبیرده توی توتاجاقلار
هرزادی بوشلایاق حاللی اوینایاق
آچیلمیش مزارلار جان اوتاجاقلار

آت منی، قوی گئدیم یالنیز یاشاییم
بو وورغون باغریمدا، سن قالاجاقسان
سارالمیش یارپاق تک، پاییز یاشاییم
آللاهسان سن مگر؟! جان آلاجاقسان؟

✍صابرجهانگیری سوسقون


❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

اوره‌یینده مین بیر یارا اولسا دا،
اللرینی وئر الیمه، دور گئدک!
درد الیندن سئوینجیمیز سولسا دا،
اللرینی وئر الیمه، دور گئدک!

قوشالاشاق، چیخاق قارلی داغلارا،
پای آپاراق باغچالارا، باغلارا،
گل قاییداق بنؤوشه‌لی چاغلارا،
اللرینی وئر الیمه، دور گئدک!

سوزگون باخیب اوره‌ییمی داغلاما،
غم-غوصّه‌دن بولود کیمی چاغلاما،
گؤزلرینه قوربان اولوم، آغلاما،
اللرینی وئر الیمه، دور گئدک!

بیزی سسلیر او تایداکی قالان سس
بو دورومدا یوبانماغین نه‌دیر بس؟!
بیر آه کیمی سیغ ایچیمده، دور، تلس،
اللرینی وئر الیمه، دور گئدک!

بئش آددیم‌دیر آیریلیغین آراسی
بئله سوسما، اوره‌ییمین پاراسی!
گئدیشده‌دیر دردیمیزین چاراسی
اللرینی وئر الیمه، دور گئدک...!

✍دومان_بختیاری

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

سَندن سونرا سَنسیزلییی تانیدیم
تَنها قالیب گؤز یاشیمدا دورولدوم
گؤردوم یوخدو آیریلیغین چاره‌سی
سَندن سونرا سَنسیزلییه وورولدوم

ائشیدن اولمادی، بیلن اولمادی
سَنسیزلیک دوشمه‌دی دیلیمدن مَنیم
داها قورخوم یوخدو، سَنسیزلیییم وار
هئچ کیم اونو آلماز اَلیمدن مَنیم

اؤزومله داشیدیم هَر یئره اونو
سَنسیزلیک ایشینده چوخ اَمه‌ییم وار
سَنین مَنیم کیمی حَسرت چَکَنین
مَنیم سَنسیزلیکدن باشقا نه‌ییم وار؟!

✍تورال_جعفرلی
ائلوار

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

خیشیلداییر پاییز منده، یارپاق _ یارپاق تؤکولورم
پالتار کیمی اوزولمیشم ، ایلمک _ ایلمک سؤکولورم

گؤره سن یاز گله جک می سینه آچا بنووشه لر ؟
من کی آچیلمیر اوره ییم گونو گوندن بوکولورم

سنین گؤزلریندن ایراق، اوچان سؤزلریندن ایراق
تورپاغیمین بوغازینا یانا _ یانا  تیکیلیرم

واراقلامیر دیللر منی،  آچیقلامیر ائللر منی
داریخمالار داراغیندا کلمه _ کلمه اکیلیرم

" آیتای" آیا دولا بیلمیر،  کؤلگه لرده قالا بیلمیر
دویغولارین قلمینده ، یئردن گؤیه چکیلیرم.

✍مهناز. ص. آیتای

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══

تاختی وار، تاجی وار کؤنول ائویمین
آستا گَز ، بیلمزسن ییخیب، گئدرسن
آچدین اوره‌یینی، اؤنومه سَردین
قورخورام، سئوه‌رم چیخیب گئدرسن....


افسانه_روان

❤️ @dostag ❤️
❤️ @dostag ❤️

#بیزیله_یولبیر_اولون


════‌༻‌♥️༺═══