نزله للقاسم ع


هاشمي وبالحومه مثل حيدر يومه

شوف راسك شوف جسمك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

طبها والسيف بيمينه ونشر بالناس الرعب
والارض كلها أمتلكها وصار سلطان الحرب
جندل الـفرسان بيده ومـاشـعر جفه بتعب
هذا تربات الـهواشم غيرة ينضح لو غضب

شدعلى الملثومه
وسابگاته اعلومه

شوف وجهك شوف ظهرك شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه

ـــــــــــــــــــــــــــــــــــــــــــــــــــــــــــــــ
هذا جـسام اعله أبوه و اخـذ شمـرت حـيدرة
وكلها خافت من يمينه الموت وي سيفه جـرة
فصل الحومه اعله كيفه تگول سبع الـگنـطـرة
ورخص الفرسان بـيده وصارت ابـسعـر الـثـرة

الجيش والخياله
ماتساوي انعاله

شوف نبضك شوف دمك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

نزل ومذهبه بيده يصيح وين أهل السبي
ويـنهه الگالت تجيها وتسبي اعـيال الـنبي
والله ياغلمان آميه الـيوم الـــبسكم عبي
وهيجي اطباع الهواشم عـالمخاطر تعتني
غاره تتبع غارة
وهزهم ابتاره
شوف دربك شوف ربعك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ
كوم الناس اعله ناس وصعد فوگ الگـومه
وگلب يمنتها اعله يسره والـتفر ملزومه
الريح مهرة وشدعليها وكسر ظهر الـحومه
وحارت الـچيمان بيه وفرت من اعـلومـه

هزهم ابصولاته
وحيدريه أرباته

شوف صدرك شوف رجلك. شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه

ـــــــــــــــــــــــــــــــــــــــــــــــــــــــــــــــ
وگله الحسين اعله هونك لاتخـلص الوادم
ويبني اتريض عليها وبلـكي بـيهم نـادم
فدوه اروحلك يعمي هالـخـنگ مـو لازم
خلي بس صيتك يروحي يذبح و يالصارم

يخنگ ابنفاسهم
منه شيب راسهم

شوف روحك شوف نفسك شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

خادم الزهراء //ع //ابو احمد الطائي


الناشر //مصطفى فؤاد
للتواصل//@wowo48

*قصيدة لرجوع السيدة زينب(ع) الى كربلاء*
*((لحن قصيدة سيد فاقد صاحو وينك)*
❥━──➸➽❥❂❥━──➸➽❥❂

يا زينب يا زينب يا زينب
واويلاه واويلاه واويلاه

❥━──➸➽❥❂❥━──➸➽❥❂
زينب ... زينب اجت يم گبر الحسين
زينب ... بيوم اربعينه وتهمل العين
زينب ... وتنادي انهض يالولي وگوم
زينب ... گلبي تراه مترس هموم

وعيوني/ من البواچي عليك راحن
بنياتك/ بين الخرايب خويه تاهن

آه يالولي ... جيتلك تعبانه
بدرب السبي ... ما انامن انه

يا خويه يا خويه انهض وحاچيني ٢
❥━──➸➽❥❂❥━──➸➽❥❂
انهض ... عوف التراب وگوم وياي
انهض ... فراگك يخويه مرد احشاي
انهض ... يالبيك انه أرفع الراس
انهض ... بعدك تره ضربوني الإرجاس

ضربوني / شلون تقبلها يوالي
تدريني / بالضيم بعدك بگه حالي

تبچي الصخر ... حالتي تدريني
أصرخ واصيح ... اگعد وحاچيني

يا خويه يا خويه انهض وحاچيني ٢
❥━──➸➽❥❂❥━──➸➽❥❂
خويه ... يحسين حيل اذاني فرگاك
خويه ... ريت اندفن بالگبر وياك
خويه ... ولا اگعد اعله الگبر وانحب
خويه... وبغيبتك گلبي تعذب

ملهوفه / روحي عليك وجيت اشوفك
مشتاگه / راح ابقه يمك ما اعوفك

مشتاگه الك ... يا اخوي الغالي
طيفك ابد ... ما يفارگ بالي

يا خويه يا خويه انهض وحاچيني ٢
❥━──➸➽❥❂❥━──➸➽❥❂
احچيلك ... ضيم الجره والصار بيه
احچيلك ... بالشام عفناها رقيه
احچيلك ... بتك تره ماتت عله الراس
احچيلك ... اذوها خويه گوم الإرجاس

واذوني/ يضبروني خويه فوگ المتون
ما ظلي / بس العليل وحيل محزون

واليوم اجه ... يدلني اعله گبوركم
جبته واجيت ... يحدي الي بضعونكم

يا خويه يا خويه انهض وحاچيني ٢
❥━──➸➽❥❂❥━──➸➽❥❂
اگعد ... اگعد يخويه وتلگاني
اگعد ... عگب زماني عذباني
اگعد ... واتغيرت من البچي عيوني
اگعد ... الكفار عگبك عذبوني

الحگلي / خويه اگعدت ما بين الگبور
الحگلي / ولاطفالك انه صرت ناطور

وسكينه ... يم الگبر گعدت وتنحب
وتگلك ... بغيبتك گلبي تعذب

يا خويه يا خويه انهض وحاچيني
❥━──➸➽❥❂❥━──➸➽❥❂
*بقلم📝 شاعرة اهل البيت*
*العلوية مريم النور نسألكم الدعاء

الناشر //مصطفى فؤاد
للتواصل//@wowo48

الأكبر وعباس من اتگابلو
غضب الله بيوم عاشر نزلو
##################$$#$$

بيوم صالوا علعدئ وكلهم غضب
الأكبر وعباس عيدوا بلحرب
اثنينهم من شدوا وصار الضرب
چن علي الكرار منه اتورثو
######################
الميمنه بزود أبو فاضل ثابته
اليسرئ كضهه الأكبر ودگ ثايته
گام كلمن يعبر ايگص هامته
صور بلتاريخ بلدم سجلو
#########$###########$$
فرشوا الميدان برگاب الزلم
والسيوف بجثث لازم تنعزم
سحگوا برجلينهم اكبر خشم
أمخاد روس الگوم وعليهه أنتچو
##############!$$$#####
غضب الله بيوم عاشر من نزل
بيد أبو فاضل والأكبر من حمل
حين ملچ الموت من يمه اعتزل
الموت خاف ايموت لمن صولو
###########$$$######$$
اثنينهم من هجموا وصار الدهس
گام وجه الگاع ميشوف الشمس
واهليه الروس طشوا چن عرس
أسباع بلميدان بيه اتفننوو
###########$$$$$##$$$$##
تدري بلعباس من طب كربلا
على أجيوش ايزيد طاحت زلزله
علي الأكبر صاح ياعمي هلا
مشو واعله الموت والله اتحزموا



بقلم ملا مهدي الكليباوي

الناشر //مصطفى فؤاد
للتواصل//@wowo48

⬛️◾️▪️⚫️﷽⚫️▪️◾️⬛️
ليلة العاشر
بطور الفزاعية وتقرأ بأطوار النزلة و الشور و... غيره


▼△▼△▼
زينب ودعي اعزازچ ... هالليله الوداعيه


گومي ودِعي أحبابچ ... هالليله الوداعيه
هذا الحزن طگ بابچ ... هالليله الوداعيه
و الدم يوصل أعتابچ ... هالليله الوداعيه
تخلص هالأهل ، ذبحه جماعيه


گومي ودِعي الأكبر ... هالليله الوداعيه
باچر راسه يتطبر ... هالليله الوداعيه
تالي جسمه يتوذر ... هالليله الوداعيه
من وسط الحرب ، يعله نواعيه


گومي ودِعي القاسم ... هالليله الوداعيه
ابدمعه و ابگلب هائم ... هالليله الوداعيه
باچر ما يظل سالم ... هالليله الوداعيه
يبرز للعده ابصوله شجاعيه


گومي ودِعي الكافل ... هالليله الوداعيه
ما يسلم ، أبوفاضل ... هالليله الوداعيه
دمعچ يبقى دم هامل ... هالليله الوداعيه
و اشحال الگلب ، لو راح راعيه


گومي ودِعي احسينچ ... هالليله الوداعيه
زيدي لجله اونينچ ... هالليله الوداعيه
باچر تفگده عينچ ... هالليله الوداعيه
كلها تقتله ابهجمه اندفاعيه
===
📝 #الشاعرة_الملاية_زينب_المؤيد


الناشر //مصطفى فؤاد
للتواصل//@wowo48

نزلة عزاء

يا هلا بشهر الالم
مستعده هالخدم
اي وحگ راعي العلم

للخدامه محزمين
يا هلا بشهر الحسين
*******
بالدمه انقيم العزاء
وبحضور أهل الكساء
كلبي ينبض كربلاء

وكل سنه متعودين
يا هلا بشهر الحسين
******
يلي تفتي بالمنع
مني اخذهه واستمع
ضلوع اكسر مو ضلع

بالمجالس من تحين
يا هلا بشهر الحسين
*****


اي وحگ درب اليسر
القامه بيدي وانتظر
يمته راسي ينطبر

وارسم بدمي الونين
يا هلا بشهر الحسين
*****

ياحسين اعله العهد
ما نعوفك للأبد
لا وحگ رب الصمد

عالخدامه معلمين
ياهلا بشهر الحسين
******
يلي تمنعنه تريد
شوف عاقبته اليزيد
كيد كيدك ما يفيد

گول عنه امسودنين
يا هلا بشهر الحسين
******

يلي تمنع مأتمه
شتعتذر من فاطمه
المهدي يبجيله دمه

انتبه وافهمني زين
يا هلا بشهر الحسين
******
هذا عاشور الحزن
شلون ما ابجي وأون
حسين عاري بلا دفن

نبقه بي متمسكين
يا هلا بشهر الحسين
**
هذا شهر الفاجعه
لسه تبچي المشرعه
و ألي بيهه مگطعه

ابن سيد المرسلين
ياهلا بشهر الحسين
******
بيه زينب تنظرب
وتنسبي لرض الغرب
هالشهر كلش صعب

عالنبي وآل الحسين
يا هلا بشهر الحسين
******
تمت بعون الله تعالى
كلمات خادمكم الصغير

يوسف هاني الأسدي



الناشر //مصطفى فؤاد
للتواصل//@wowo48

نزلة عزاء

نازل بهيئة غضب موت يحصد بالرگب
ها علي لو حيدره مدري سبع الگنطره
****
صوفر وجوه العساكر من لزم صمصامه
علي واليدنه عله سيفه وعلي يشطر هامه
ماجت الارض وخزرها حين شد لثامه
اعلن الحرب وبداها العده تحت اقدامه
ماكو واحد يعبره مدري سبع الگنطره
****
تربيه عباس هذا ومنهو يكدر يصرعه
النچر بيهم برزله بلايا راسه رجعه
سوه تله من جثثهم وكف چنه القارعه
صغير ميدان العساكر گام بيده يوسعه
العده كلها محيره مدري سبع الگنطره
****
علي الاكبر ماتراجع سيفه يگطر بس دمه
والدمه من الذبحهم وصلت لسابع سمه
علي هذا لومحمد مدري حماي الحمه
شاف حين اللي تلفت اله تدعي فاطمه
شاف تدعي الطاهره مدري سبع الگنطره
****
إومت لزينب يمينه ونبض عرگ المرجله
وصاح ياعمه لعيونچ والله اگلب كربله
الماي شنهو الماي عمه بزودي والله اوصله
چفي حين اللي اترسه الإاغرگ هالفله
لعمته داير ناظره مدري سبع الگنطره
****
حاوط الطف بجهاته من محاور اربعه
شاف منظر من اجاها الزلم گلها مكبعه
خوف يلزم خوف گاموا الركضه بيهم مسرعه
الماشرد رجليه رجفن بيه حلت فاجعه
جفه موت وساطره مدري سبع الگنطره
****
تمت ولله الحمد / المقصر مع الحسين
الشاعر علي النائلي



الناشر //مصطفى فؤاد
للتواصل//@wowo48

نزله للخدام الامام الحسين عليه السلام
....
شما يقسي الضلم ... بجفوفي القلم
عشقي كربله ... وديداني اللطم
@@@@@@@@@@@@@@@@@
اصبحت بيتي المئاتم واللطم عندي فرض
صدري لو ما اضربه اني المن امشي اعله الارض
الدمعه هم صارت وسيله الله خلاها غرض
دمعه تنزل عالزجيه دوه وتشافي المرض
عندي معتقد ... خادم للابد
الدمعه نازله ... ديداني اللطم
@@@@@@@@@@@@@@@@
كلمن بدينه اعتقاده كلمن بحزبه حله
واني سئلوني اعله حزبي كلت حزبي كربله
حللت دمي حسيني انتمي لهل القافله
وقائدي حسين ومامي وفتخر بين المله
دمي ينتمي ... لحسين الابي
اسمي بقافله ... وديداني اللطم
@@@@@@@@@@@@@@@@@
كلمن بدوره وخدمته وكلمن بشخصه امتثل
ذاك قاري وهذا شاعر وهذا يقره المستهل
بمئتمك خلي احترامك يمشي بحساس الخجل
وخلي قانون اعله بالك لكل فعل رده فعل
تحضر مئتمه .. تسجلك فاطمه
عالي المنزله .. وديداني اللطم
@@@@@@@@@@@@@@
اخذ من جون الرساله وخذ من عابس درس
بالمواقف اخذ درسك والدرس عزه نفس
بالطفوف اليله ماتوا تره ما ماتوا أمس
واليعاشر هالمئاتم ملك بحساسه يحس
تحس انته الملك .. حسين مدللك
دوم اعله العله .. وديداني اللطم
@@@@@@@@@@@@@@@@
ويه الحسين امشي خادم مثل خط المسطره
بس تزل انته بطريقه توكع والله ليوره
احكم واشوف اختيارك وشوف نفحه كوثره
الجان للشيطان دربك لا تجي يم منبره
اليكصد منبره.. . ايرفعه تره
وسمك سجله ... وديداني اللطم
@@@@@@@@@@@@@@@@@
الخادم النيته سليمه حسين اسمه مسجله
هذا عند حسين اجره مطفي خيمه بكربله
المخلص نشوفه بخدمته تشوفه دوم اعله العله
لو نخه حسين وكفيله ما يضل بمعضله
اليزور القمر ... ميدوس الجمر
والجنه اله ... وديداني اللطم
تمت الحمدالله
خادم الحسين// علي فيصل الكريطي الكربلائي
@@@@@@@@@@@@@@@@

الناشر//مصطفى فؤاد
للتواصل//@wowo48

للحومه طبوا اثنين واحدهم ايساوي الفين
عباس طب عالميسرهة واليمنه صارت لحسين
…................................................
ام البنين الصابره كالت احجايه بمفخره
اولادي من ايطبون عالموت تتلازم سره

طبوا الحومه الفرسان صارت زلمهم نسوان
عباس كص روس الحجو ضلت اكباله الخرسان

ماي اعلا كلبي مو جمر ام البنين وافتخر
منالكافل ايفوح العطر لو صد على اخيال احسين
.........................................
صاحو هلا وميت هلا انصاره كلهه امعدله
الموت من عدهم شرد من طبوا ابنص كربله

بحسين شدوا مو حزم كالو ابد ما ننهزم
اليتنخه بحسين ويطب جيشين ابد ما ينلزم

شفت الحجي الماينعقل كلمن ايلاويهم يذل
لو صاحو اه يا بالفضل ماتلكه وادم عدلين
...........................................................
بالنفهه صارو جن كلب وكت الحرب صارو حرب
كتلوهم بحبك علي ماكتلو الكوم ابضرب

اليجبل معادي مايرد ياهو التجهبه مستعد
مودوم ظلو للحرب وكت النفاهه جن ورد

يتبخترون اعلا الموت يتكطع الراد ايفوت
مو سيف ينطك بصوت وتكتله خزرات العين
…....................................... .............
من طبوا الوان السمه خافت وصارت مضلمه
مو سيف بيده وبالحرب سجيل مرمي امنسالمه

طبلهم وثاره الضلع ضل صوت الابره ينسمع
اليتنفس اكباله نفس منالركبه راسه ينشلع

صاحوا ادخيلك عباس ضل ناس تردم بالناس
ضلوا جثث وبلا راس من هد عليهم البين
.........................................................
طبوا وصارت مجزره مثل النهر بس دم جره
عالموت سووا اصطفاف كلمن ايحصل عالسره

حسين طب لو بالفضل كل خزره واحد ينكتل
ماندري ياهوه الطاب ماضل ولا واحد عدل

الوادم اتكول العباس شافو لهب من الراس
يكتل الكافر باحساس تيهوا بين الصوبين
..................................................
اتنختهم ام الاربعه سد صاروا اعلا المشرعه
كالت الكافل مايرد اله وجفوفه امكطعه

سووا ملاحم عالنهر جن خططوا اجمل صور
ما رجفوا بس الزلم لا رجفوا حته الصخر

سكتوا وابو فاضل كال عالغبره حط سيفه وجال
اكباله ماضل رجال سكتوا ولاچن عدلين
................................................
علي نبيل الكربلائي


الناشر//مصطفى فؤاد
للتواصل//@wowo48

زنجيل

ساعة الكض ابو الغيره اعنانها
الحومه كلها اتگنطرت فرسانها

صال بس من صال جدفها الرجال
بكيفه ضَل يطبك اليمنه اعله الشمال
اشحال لو طب ابو فاضل بل نزال
الزلم صاح اتبين ابميدانها
الحومة كلها اتگنطرت فرسانها

شهر سيفه وگام يتخطى الالووف
بخزره مو بسحلاح خربطها الصفوف
چنه حيدر مو بوفاضل بل طفووف
ما يثني اوطگته ابنيشانها
الحومه كلها اتگنطرت فرسانها

چلف ذرعانه ولزم بيده العلم
ابنص ركبهم سيفه ضَل يلهم لهم
صاح هذا انه ارد اشوفنها الزلم
اكعدت خله الزلم وي نسوانها
الحومه كلها اتگنطرت فرسانها

اتعنه للشاطي وعلن ساعة صفر
چنه زلزال ونزل بيهم يكر
بسيفه كلهم شافو انجوم الضهر
صاحو ادخيلك كمر عدنانها
الحومة كلها اتگنطرت فرسانها

ضهضب العباس من طب للنهر
مني كلهم وين تنطون المفر
خله وجه الكاع من سيفه انفطر
ادموم صارت عَل نهر سيلانها
الحومه كلها اتگنطرت فرسانها

نزل ملك الموت مسرع للأرض
عشره عشره اروح ضلن بيهن يكض
وبوفاضل ضل يطگ طول بعرض
صاح ملك الموت يا رحمانها
الحومه كلها اتگنطرت فرسانها

ل الشاعر _ابو اسد البزوني

الناشر//مصطفى فؤاد
للتواصل//@wowo48

نزلة ليلة عاشر
خل تصول اخيولهه****** جلمه احنه انكولهه
احنه حيل الله الثكيل****** خل تصول اخيولهه
.......................................................
بني هاشم احنه صولتنه اشكثر معروفه
من تجينه الهاشميه الزلمه والله اندوفه
لسه حرب النهروان امخليه بيهم خوفه
يومنه ابعاشر محرم خلي كلهه اتشوفه
السوه هيج ابراسه*********** انشلعه هوه وساسه
بينه زود من الكفيل****** خل تصول اخيولهه
...................................................................
ما رضينه ابعار لا ذل كلهه تعرف بينه
الشجاعه اتفور بينه وهالدرب ماشينه
اليدك ويانه راسه نكطع احنه اسنينه
الموت عاده والاجل ببيوتنه امربينه
الشهاده الهايه************ عدنه اجمل غايه
والصبر كلش جميل******** خل تصول اخيولهه


اليمس حسين باجر نكطع احنه اذويله
واليخاف ايروح يمنه احنه ليه نمشيله
مثل صياد الاسود ابخده جف نهديله
باجر ايصير الصباح وكلمن ايشد حيله
الحومه نتعناها********* وهاي نتمناها
حيلنه ابهايه طويل********* حل تصول اخيولهه
.....................................................................
باجر الفارس تشوفه من يكض اعنانه
زفه للقاسم نسوي غصبآ عله اعدانه
اكلاده من روس الزلم حالف يضل نيشانه
زلمة الزين التشوفه ايخلي راسه ويانه
الهاشمي ايعرفونه********** غيرته بعيونه
ابسيفنه اعليهم نميل******* خل تصول اخيولهه




خطة الكافل نصبها النه واحنه اجنوده
ما نسيتو الكنطره الشالاهها فوك ازنوده
جوهرتنه اهنا مخيم ياهو يدنه احدوده
بالمعارك عدنه صوله وهاي هم مشهوده
عدنه موعد باجر************ نرضي بيه الخاطر
والنصر من الجليل********* خل تصول اخيولهه

علاء المياحي
الفاتحه لروح والدي

الناشر //مصطفى فؤاد
للتواصل//@wowo48

قصيدة للإمام الحسين عليه السلام
تقرأ نزلة...
طورها : ملا باسم / يبوفاضل يعباس


يحبيبي حسيناه نور عيني حسيناه
««««««««««»»»»»»»»»»

خادمك ممنونك .... بالعشگ مجنونك
مااعيش بدونك .... اي وحگ عيـونك
يحبيبي حسيناه نور عيني حسيناه
«««««««««««»»»»»»»»»»

حبـك بـدلّالـي .... ياحسيـن الغــالي
عاشگك للتالي .... انت بس تحـلالي
يحبيبي حسيناه. نور عيني حسيناه
«««««««««»»»»»»»»»»»»»

اغله من كـل ناسي .... عـايش بانفاسي
يالشغلت احساسي .... انت رفعة راسي
يحبيبي حسيناه. نور عيني حسيناه
««««««««««««»»»»»»»»»»

نـوّرت دنـيــــايــه .... كل وكت ويّايه
ترضه عني الغايه .... كل حياتي بهايه
يحبيبي حسيناه. نور عيني حسيناه
«««««««««««»»»»»»»»»»»

آنه عنـدك خادم .... وبمحبـتـك هايم
يدري الله العالم .... بهذا حبي الدايم
يحبيبي حسيناه. نور عيني حسيناه
«««««««««»»»»»»»»»»»»

ياحسين اتباها .... بخدمتك محلاها
والله ماانسـاها .... للحـشــر ويّــاهـا
يحبيبي حسيناه. نور عيني حسيناه
««««««««««»»»»»»»»»»»

الرادوا يمنـعــوني .... خلهم يسمعوني
شحدهم يبعدوني .... انت نور عيوني
يحبيبي حسيناه. نور عيني حسيناه
«««««««««»»»««««»»»»»»

اعتـنــي بمصـابك .... انحني يم بابك
اسجد عله عتابك .... اهوه شمّ ترابك
يحبيبي حسيناه. نور عيني حسيناه

خادم الإمام الحسين عليه السلام
سيد زيد الفحام 22/6/2017
____

نزلة ... لسان حال ام البنين عليها السلام


خل العلم بيدك.
لا تترك عضيدك
ياعباس ياعباس


ام البنـيــن امـك أنه بچفـوفـي ربـيـتـك
طيب وشجاعه ومعرفه يوليدي غذّيتك
لنصـرة اخـوك بكـربله ياروحـي ضميتك
حـامـل لوائـه والگمـر آنه اللـي سميـتـك
من تخدم حسيني
يوليـدي ترضينـي
ياعباس ياعباس


امك يبوالغيـره وگمت اتبــاها بوجـودك
بحر الشجاعه والعده ما توصل حدودك
تشبـه علـي لمـن تـهـد بالرايـه وبجـودك
يايُمّه وي زينـب ابـد لا تخلـف وعــودك
بالغيره كافلها
لا واحد يذلها
ياعباس ياعباس


تتكفّـل اختـك زينــب وبالـك تخلّيـــها
طول السفر يابالفضل خل عينك عليها
ما اقبـل اختـك تنهظـم تسمـع يواليـها
ازعل يبوالغيره اذا خصمـك وصل ليها
اختك يبوالغيره
لا توگـع بحيــره
ياعباس ياعباس



من توصل لطف كربله خيمتها تنصبها
وحرسـها من شر العـده ونفـذ مطالبها
زينـب امـانه برگبتـك بالغيــره حجّبها
بالك يسلّبـها العــدو يوليــدي ويسبـها
تحميها بعيونك
وانت اليهابونك
ياعباس ياعباس



يايُمّه عينــاچ ابشــري گـاللـها وتبسّم
آنـه الگمـر مـوت العـده يايُمّه المشيّم
بعيوني احمي ام الخدر يايُمّه لا تهتم
أگلبـها خيـبـر عالعـده والماعلـم يعلــم
گـالتلـه اعرفنّك
گدها ونِعم منّك
ياعباس ياعباس



راعـي الكفـاله والنعِـم بالمـوزمه مجـرّب
بيك ارد اواسي فاطمـة وتحقـق المطلب
افـدي الحسيـن بكـربـله وبدمّك اتخضّب
لجل الحسين عله العده يابالفضل اغضب
من توگع چفوفك
ما انسه معـروفك
ياعباس ياعباس

خادم ام البنين عليها السلام
سيد زيد الفحام
________

نزلة ... لاستشهاد مسلم بن عقيل عليه السلام


يمسلم ..... ياشهيد المعتقد
يمسلم ..... ماخنت دينك ابد


تشهد الكوفه واهلها موقفك موقف شرف
قاتلت اهل الضلاله لحد ما دمك نزف
مثّلت دين الله انت والعلم بيدك يرف
سيفك الرجّف جمعهم وانت گلبك مارجف
يمسلم ..... والعرش لجلك شهد
يمسلم ..... ماخنت دينك ابد


ضدك الكوفه واهلها وانت وحدك قاتلت
صولة الكرار بيهم بالحرب لمن صلت
شردت الفرسان كلها ياعلي لمن گلت
تحصد بسيفك رگبهم تطلب الثار ونلت
يمسلم ...... ما رجع منهم احد
يمسلم ...... ما خنت دينك ابد


من علي وارث شجاعه بالحرب ماتنهزم
من تصول عله الكتايب ماتضل يمك زلم
تگبل عله الموت فارس للمنايا تبتسم
هاشمي ولو ما غدرهم ماطحت اقسم قسم
يمسلم ..... بالحرب انت الأسد
يمسلم ...... ما خنت دينك ابد


ياثقت ثالث امام وياسفيره وناظره
ستشهدت دون الحسين ودمك الطاهر جره
ماخنت عهدك يمسلم موقفك نذّكّره
بس ابواليمه اميري يبقه دنيه وآخره
يمسلم ...... قاتلت اهل الحسد
يمسلم ..... ما خنت دينك ابد


وين ابن مرجانه وينه لا مزار ولا اثر
والسفك دمك يمسلم آخره ودنيه خسر
وانت يامسلم مزارك خالد بطول الدهر
مرقدك قبه ومناره غطّت نجوم السحر
يمسلم ...... خالد ليوم الوعد
يمسلم ...... ما خنت دينك ابد


هذا عهد الرافضيه مانعوف زيارتك
شيعتك احنه يمسلم وانت تدري بشيعتك
احنه نتحدّه النواصب نبقه دوم بخدمتك
الدنيه ما تمنعنه كلها من نجيك لحضرتك
يمسلم ...... نعتنيك ومانرد
يمسلم ..... ما خنت دينك ابد

خادم مسلم بن عقيل عليه السلام
سيد زيد الفحام
________

نزلة ام البنين ع
مره بس تسوين آلاف الزلم..... أم البنين...أم البنين
.......................................................
ياهو مثلج..... وابوكفتج..... حيرت كل البشر
انتي جلمه.... بألف زلمه.... باقيه بجرف النهر
يالوفيتي...... من نطيتي.... الموت تعبج والسهر
بغاضريه..... جم هديه..... انجوم وديتي وكمر
يا حجاب الله وبخت كل النسه....أم البنين....أم البنين
........................................................................
من البدايه...... كلتي هايه........ ساعة اليخدم علي
وابضعنهم.....كون منهم........ سوط هم حصه الي
هناك هيمه.....وكون خيمه...... انصير لاولاد الولي
هيه شمره...... وبيه جمره..... زينب انتــــي اتوكلي
بشيلتي انطفيهه لو شبت خيم..... ام البنين..... ام البنين





بالضعينه......للحزينه........ صرتي في من الشمس
وابهجمته.....من نخته...... الكمــــــر بوجودج نحس
وابجفوفه..... من نشوفه..... نذكر اجفوفــــــج امس
انتي جوده.....وكل وعوده... مــــــــــن فائج منترس
انتي شربتي الكمر حب الولي...... ام البنين.....ام البنين
.....................................................................
من العبايه....شلتي رايه...... هوسيتي عله الضعن
جان شرطج.... من خطبتج..... خادمه الام الحسن
عالسوالف....عشك طايف..... خدمتج عبر الزمن
انتي غيره.....يا أميره...... الزينب اجفوفج وطن
أمنية كل خادم ايخدمج شرف......ام البين.....ام البنين
.........................................................................
وين شايف.....هالمواقف....... حرمه عن كل الزلم
يم كبرها........اليمرها........ ريحة الجـــــــنه يشم
الكون فدوه......والله تسوه...... مــــــره مثلج تنخدم
سجلينه........واحسبينه......... عدنه هذا اجمل حلم
بخدمتج سجلينه يا ام الكمر......ام البنين......ام البنين
علاء المياحي
الفاتحه لروح والدي

نزل لأرض المعركه چنه علي
ياولي وابن الولي وابن الولي

طشراهم عالثرى ،،،،،،، نزل نزلة حيدره

&&&&&&&&&&&&&&&&

نزل لأرض المعركه وثابت يقينه
ما يبالي بالحرب سيفه بيمينه
من اجينه لكربلا بالحق اجينه
والدليل حسين قادم بالظعينه

حسين عالحق واگف وهذا جلي
يالله يروحي على الموت انزلي

ما يبالي بالجرى ،،،،،،،، نزل نزلة حيدره

&&&&&&&&&&&&&&&&&&

نزلته ثاقب بصر قرر يجاهد
موقفه لا ما يغيره دربه واحد
المجاهد يتبع اعلى القواعد
الموت من يهجم تشوفه بوجه صامد

علي الاكبر مؤمن بهذا الامر
العمر بالذله ما يسوى العمر

خلها تصبح مجزره ،،،،،، نزل نزلة حيدره

&&&&&&&&&&&&&&&&&&&

بكربلا خل يسمع العالم جوابه
علي الاكبر هاشمي من اهل الصلابه
احنه اهل المنزله واحنه القرابه
وعلى جدنه الباري من نزل كتابه

الله راد النه الخلاص من الرجس
اطهر الارواح بالجن والانس

احنه اهل المفخره ،،،،، نزل نزلة حيدره

&&&&&&&&&&&&&&&&&

اليوم لجل احسين نفنيها الكتايب
اليوم ننطي رگابنه وعالحق نحارب
ما تكل سيوفنه بحرب النواصب
وما نعوف حسين وحده بهالمصايب

ننطي الارواح وابد ما ننثني
نعتني للموت بالعز نعتني

لجله نصنع مأثره ،،،،،، نزل نزلة حيدره

&&&&&&&&&&&&&&&&&&

خيرونه اليوم لو نحيا بممات
لو نموت بعزه وانال الحياة
تبين اصناف الزلم بالنائبات
لو تذل لو تنتفض بالمرهفات

صرح بيوم الشدد انه علي
احنه ويه حسين بالحگ نعتلي

هالبيان الصدره ،،،،،، نزل نزلة حيدره

&&&&&&&&&&&&&&&&&&&

محمد دعبل النوري

خدمة العباس سبع الگنطرة
شرف بالدنيا وذخر للآخرة
******
اخدم وبالك تقصر من تقدم خدمة الة
اخلص النية بخدمتك حتى تعبك يقبلة
ما نوفي شما خدمنة لجل راعي المرجلة
رخص كل غالي لخية ولجل دينة بكربلة
بهل الخدامه تنال تاج المفخرة
شرف بالدنيا وذخر للآخرة
******
الدنية كله ما توفي گـطرة من معروفة
اخذمنه الوفة درسة بغيرتة الموصوفة
حـــين طلبتة المناية جاد بيهة چفوفة
ضيف سهام بعيونة ونطة حتى شوفة
العمد راسة علتراب مطشرة
شرف بالدنيا وذخر للآخرة
******
ابو فاضل من تخدمة يعني تخدم فاطمة
تسجلك الزهرة الزچية لگمر هاشم خادمة
تحضر لمجلس الغالي وعلى الهامة لاطمة
صابهة مصاب ابو الغيرة بنص گلبهة والمة
والمقامة چبير عند الطاهرة
شرف بالدنيا وذخر للآخرة
*******
أصحاب الكساء عدهم قدر ابو فاضل چبير
لون ذاك اليوم حاضر چان سادسهم يصير
اخرة الرحمن حتى بكربلة يصبح امير
وبيرغة يصبح كساء يغطي زينب بالمسير
هاي زينب بت علي لمخدرة
شرف بالدنيا وذخر للآخرة
******
عهد ياعباس نبقى بخدمتك لا ما نمل
شايب وشاب بمحبتك ذايب وحتى الطفل
تصيح كلهة وحق امك سيدي يا با الفضل
نبقى ماشين بنهجكم عنة ابدا ما نزل
محبتك مولاي يا بن حيدرة
شرف بالدنيا وذخر للآخرة
*****
سيد عادل الموسوي

حادي النوگ ساگ النوگ مدري وين منواها.
وانه اوياي بس ايتام يالعباس تراضاهه.
……………………………………………
هاي ابياوكت عباس
زينب ع الهزل تركب
وانته افياي جنت الهه
يالبيك الوصف يتعب
هذا وذاك شافاهه
اليمهه الليل يتحجب
مشدوده ابحبال الايد
تمشي وراسهه امترب
هذا الحال يالكفال دمع العين سلواهه.
وانه اوياي بس ايتام يالعباس تراضاهه.
..................................
من جلجل عليه الليل
زادت ونت اطفالي
ذيج اتصيح يابويه
وهاي اتصيح يالوالي
طيره ابلاغصن ضليت
ويمي ايحوم جتالي
لا اكدر احط بالكاع
ولاابقى ابسما العالي
حيلي راح دون اجناح روحي الموت وافاهه.
وانه اوياي بس ايتام يالعباس ترضاهه.
………… .…………………………… .
خد امي انسطر عباس
وانه السوط بمتوني
خلف الباب عصروهه
وانه ابنار حركوني
شحجيلك بعد ياضيم
والله اعداك هضموني
من گد التعب يااخوي
فوگ النوگ نوموني
خويه النوم تعرف وين عيني اعله الهزل جاهه
وانه اوياي بس ايتام يالعباس تراضاهه
………………………………………………
لوعندك بقت انفاس
هسه وتلتقي بيه
يالعباس بالعباس
لازم تنشد اعليه
متغيره الرسوم اهواي
واسمي صار مسبيه
الاسود جان ابيض صار
وحتى اعيون ماليه
لختك شاب جفن العين يوم الراح رجواهه
وانه اوياي بس ايتام يالعباس ترضاهه
……………………………………… .
اذاهه البعد ياخوي
روحي اعليك معتاده
عفتك ع النهر مطروح
وسهم حسين بفاده
وبس الروس ويانه
فوگ ارماح مياده
تتنادس عليه الناس
شوفو عمت الساده
هاي ام عون جن يحجون راحو وين ولياهه
وانه اوياي بس ايتام يالعباس ترضاهه
…………………………
خادم اهل البيت ،حسن فالح المياحي،

اويلاه ياابوالفضل
اويلاه ياابوالفضل
***
حسين اجاه من فزعه. اويلاه ياابوالفضل
طايح لگاه بالمشرعه. اويلاه ياابوالفضل
منه الچفوفه مگطعه. اويلاه ياابوالفضل
يكت الدمع يمه ويهل. اويلاه ياابوالفضل
*****
حيلي يبوالغيره انهدم ---------------
انهض يشيال العلم-----------------
الجيمه فزعت عالحرم---------------
ياهو اليردهم يانفل-----------------
*****
زينب عله التل نادتك----------------
تحمي خيمهه راتدك-----------------
مادرت هيچي حالتك---------------
عالنهر وافاك الاجل------------------
******
مفضوخه بالطف هامته------------
والسهم زارف جربته--------------
سلبو درعه ولامته-----------------
مايه السكينه ماوصل--------------
******
حامي الحرم راسه انهشم-----------
وبعينه مشچوچ السهم-------------
ضهري يعباس انجسم--------------
بعدك وماضلالي حل--------------
***
الماي بيده وماشرب--------------
ون اعله عبدالله ونحب------------
ذبه ودنه المهره وركب------------
هم روحه لكن ماوصل------------
******
طاحت يمينه وماگعد-----------
باليسره كض سيفه وصعد--------
يوصل يريد اعله الوعد-----------
لكن عكس رايه الحصل------------
******
طاحت اليسره ومارجف-----------
كض سيفه بسنونه ووكف----------
بس الف ياحيف وأسف-------------
چان العمود اخر فصل--------------
******

خادم أهل البيت عليهم السلام
الشاعر غالب النهيراوي

شبول هاشم فرعت شبانها
وجردت للحرب بيض اسنانها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شبول هاشم نزلت لسوح القتال
غيمه ترعد غضب تمطر بالنزال
الحومه غصت من فعلهم بالرجال
هدموا بالموت كل اركانها
.....................................
شبول هاشم جرت سيوف اليقين
بعزم من حيدر شديد ومايلين
انوت اعلا الكفر ضرباً بالوتين
نصرتاً للدين ولسلطانها
..................................
نار شبت عاصفه وزاد اللهب
وجيش اميه بكامله الها الحطب
لاكتايب صمدت ولاضل سرب
جمله ملك الموت جاب اجالها
........................................
موت احمر بالسيوف الصارمه
بيد فرسان الوغا المتحزمه
شبول حيدر ماخطتها الغانمه
شما يزود الجيش زاد افعالها
،،،،،،،،،،،،،،،،،،،،،،،،،،،،،،،،،،،،،،،،،،،
الميمنه ماجت ولامنا الثبت
واليسار وكم عددها تخاذلت
ماتحس بزلم بلحومه وكفت
لا مشاة البكت لاخيالها
،،،،،،،،،،،،،،،،،،،،،،،،،،،،،،،،،،،،،
زمجرت بسيوفها أهل الوفاء
حسين بيهم فاخر أملاك السماء
عل الكفر طوفان نزلو بلبلاء
فيضها دموم الترس وديانها
،،،،،،،،،،،،،،،،،،،،،،،،،،،،،،،،،،،،،،،،،،،،
صكور تطرد صيد والمخلب يلوح
ماخطت والسلم ماخذته الجروح
اعتنو ميدانها بضحا الصبَوح
بطبر سيف وطعن طول اسنانها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو غريب الصار والحل بالعدا
من حماة الدين بجيوش الردا
بالفلا والصوت رداه الصدا
اللكم الهادي ضمنها اجنانها
،،،،،،،،،،،،،،،،،،،،،،،،،،،،،،،،،،،،،،،،،،،،
عن وثوق وماكو شك ولاضنون
لوحياة حسين لو دونه نوهون
لايطاق العيش جنب الفاسقون
الهادي علمنا بختام اديانها
،،،،،،،،،،،،،،،،،،،،،،،،،،،،،،،،،،،،،،،،،،،
خاتمتنا الموت واحلا من الشهد
ولو يصح مرات ويزود العدد
كون نفدي حسين من ولد لولد
هذا ريحانة فخر عدنانها

باسم محمد العمري

شنهي الأسفار يبويه شنهي الأسفار
مو عليله يبويه مو عليله
///////////////////////////////
انه بنتك واگدر امشي اوياكم
بويه خذني فدوه اترجاكم
لو مشيتو بعد وين الگاكم
والله اموتن والدي ابفرگاكم

عمري لو طال بدونك عمري لو طال
ما أريده يبويه ما أريده
//////////////////////////////
يا سلوتي ومهجتي والريه
ارحم ابگلبي يبو الحنيه
عالسفر أگدر يبويه وبيه
والتواسيني أخيتي ارقيه

سلوه ليه أخيتي سلوه ليه
وي سكينه يبويه وي سكينه
//////////////////////////////////
خذني اساهر ليلي ويه الغالي
ما يفارگ عيني يبقه اگبالي
لو خذت عبدالله وشيبقالي
لو مشه عني بقيت الحالي

خله يمي حبيبي خله يمي
امعوده اعليه يبويه امعوده اعليه
////////////////////////////////
شلي بالدنيا إذا تجفيني
تصبح اثگيله عليه اسنيني
شلي بيهه الماتشوفك عيني
كون تطفه ومن ترد تشفيني

انه يعگــــوب اصيرن انه يعگــــوب
اتحط قميصك يبويه اتحط قميصك
///////////////////////////////////
انه فاطم وانصبت بيت الحزن
اعليك كل صبح ومسه يابويه اون
حيل تعبني غيابك والشجن
سددالي إسهام وارماني الزمن

ضيعاني زماني ضيعاني
هم سباني يبويه هم سباني
//////////////////////////////////

كلمات خادمكم محمد الدلفي