#نعي

رجع صوب الخيم والمهر مذعور
ينادي حسين يهل حسين مكسور
وحدة ودايرة بكل صوب عدوان
وجبير الكاع فوك الكاع منحور

هاشم وين طايح شيخ هاشم
ودو طروشها وجردو الصوارم
مو مالت يضل عالكاع مطروح
ترة الفوك التراب حسين نايم

عليه استكثرو ياهضمة الحيد
وكت ناصر خلكها ناصر يريد
اليحمي الدخيل شصار وياه
تنخت بي خيامة وعنهن بعيد

الصواوينة يباوع خذو نيران
وطلع كبل الخيم من صدرة دخان
شهم كام علة حيلة وعالوجه طاح
من كامت تحشم بي النسوان

يتنفس يريد ومنعته اسهام
وشهك شهكة الموت وكضتة خيام
تلوة اعلة التراب ويركد يريد
والبكلبة سهم هم يكدر ينام

سمع كلمة ادركني بشحة الحيل
ولختة يكوم راد وردتة الخيل
بالطف كلشي يابس من ضماه صار
الوحيد الجان بالطف دمة اليسيل


كرار اياد

#اللهم_عجل_لوليك_الفرج

#إثمنطعش_خلصن



.                اثمنطعش خلصن عذاب اسنينهه
                 ماتت الـزهـره ودمعهه ابـعـيـنـهـه

                          *---------------*---------------*

                 عـيـن حـمـره والـضـلـوع امكسره
                 فـاطـمـه الـزهـراء يـا سـيـدِ الـوره
                 إسـأل البضعه وتـخـبـرك بـالـجـره

                 الگالوا اصحـاب الـذي امـأذيـنـهـه

                          *---------------*---------------*

                 اوجوه چـانـت بالاحقاد امـلـثّـمـه
                 زمـرة ارهـاب وعـصـابـه مجـرمـه
                 اتـحـمـلـت لـوعـات منهم فاطـمـه

                 تبچي ليل انـهارهـه امـخـلـيـنـهـه

                          *---------------*---------------*

                 اعليهم اضلوع الــزچـيـه شـاهـده
                 وحرگت الدار الـمـصـيـبـه الخالده
                 عـرفـوا اچفـوف الصميده امگيده

                 بالوصيه وهـالـعـده امـبـيـتـيـنـهـه

                          *---------------*---------------*

                 اتـعـيـش ويــانـه تظل الـفـاجـعـه
                 والجـفـن للموت يـنـزف مـدمـعـه
                 ايـهـيّـج الاحـزان لـو نـاعـي نـعـه

                 وعَـصـرت الـبـضـعـه ولا ناسينهه

                          *---------------*---------------*

                 يـا إمـــام العــصــر ثــارك عَـجِـلـه
                 جــــرّد الـبـتـار وانـهـي الـمـسـألـه
                 نـنـتـظـر يـوم الـقـضـيـه الـعـادلـه

                 وتكشف الخـانـت نـبـيـهـه ودينهه

                          *---------------*---------------*

                 إصـلـب الجـبـتـيـن يبنِ المرتضى
                 الخلوا اضلوع الـزچيه امرضرضه
                 إگطع إلسان الـيـحـبـهـم والــرضه

                 اعله الجـريمـه الدومهه امعتمينهه

                          *---------------*---------------*

✍️خادم فاطمة ع
الشاعر رعد الچريخي

#أبوذيات

نفس مري شفت يحسين .. مراك
يبني وياهو عگب ام عون .. مراك
بگلبك شفت حافر فرس .. مراك
گمت وانه الضلع مكسور بيه

احترگ بابي وعليه ازلام .. يمعون
منهم مالگيت العون .. يمعون
دوري وياي محسن وين .. يم عون
لاحه الحرگ لو مكتول بيه

فاضل فرحان الجهلاوي

#اللهم_عجل_لوليك_الفرج

(يا زهراء)


يـا زهـراء نـدائـي يـا زهـراء
يـا زهـراء نـدائـي يـا زهـراء

*------------------------*-----------------------*

خادم الزهره الزچيه وما اعوفن خدمتي
ناذر اسنيني وحياتي والمجالس غايتي
للوديعـه انطيت كلشي رخصتّهه دمعتي
افـتـخـر خلتنـي خـادم وشكبرهه رتبتّي

          ايـسـمـونـي خـادم لـلـزهـره

*------------------------*-----------------------*

خلهم اليحچون خلهم للزچيـه هالعمر
عاهدتهه وهذا عهدي وبعزائي مستمر
عايش بنوح الحزنهه والمدامع والجمر
احـلـه خدمه الفاطميه ما أبدلهه بأمر

       امـتـانيهـه كـل عـام أيمرني

*------------------------*----------------------*

كاشخ بثوب الخدامه والمعالي بكشّختّه
باللطم مـرفـوع راسي والخدامه عـلّـتـه
الـبـعـض گالوا عـليـه مايـبـّطـل حـالـتّـه
هذا دسـتوري وشـعاري وشوّفتّهم لافِته

        مخطوطه بگلبي ودمعاتي

*-------------------------*--------------------*

كلمن ايروح بـطـريـقـه وخـتـياراتـه ألـه
هالمأتم نـعـمـت الـلـه لليحبّهه امفصّـلـه
لايجيني ايلوم بيه الماعرفهه الـمسـألـه
فاطمي ودمـوع عـيـنـي للمات امسبّلـه

       عـيـن الـمـا تـدمـع لـعـمـيـهـه

*------------------------*----------------------*

مايهم بـيـهـه العواذل اليهم الـفـاطـمـه
يترك بصدره علامه والاجـر بالـخـاتـمـه
الـيـبتـعـد عن الزچيه مايحصّل غـانـمّـه
وبمحبتهه يـخـادم لا تـهــم لـلحـاطـمـه

        كـل خـادم ألـهـه ايـعـبرونـه

*--------------------------*------------------------*


✍خادم الزهراء ع
الشاعر رعد الجريخي

ملاحظه كل بيت ينختم بربّاط

#اللهم_أدعوك_وفقني



.        الـلـهـمَ ادعـــوك وفـقـنـي اخـــدم فــاطــمـه
         الـلـهـمَ ادعـــوك وفـقـنـي اخـــدم فــاطــمـه

                          *---------------*---------------*

                 امـنـيـتـي يـارب الـعـرش هــايـه
                 عمري اخـلـصـه ابـنـوح وقـرايـه
                 دمـعـاتـي تجري لــ فاطمه الغايه
                 أسّـرنـي حُـبـهـه ورافــع الـرايــه

         هـذا اعـتـقـادي وللموت بالأول وبـالـخـاتـمـه

                          *---------------*---------------*

                 ارزقني اصـيـرن بالعَـزه شـمـعـه
                 الحـد المـنـيـه وتـهـمـل الـدمـعـه
                 ودوم لـ ضلعهه روحــي منفجعه
                 الكل المجـالـس اعشگ الـفـزعـه

         ادري الزجيه الزهراء تشفعلي من الحـاطـمـه

                          *---------------*---------------*

                 نــاذر حــيــاتــي بـالـلـطـم إلـهـه
                 وفقني ربي وخدمـتـي اقـبـلـهـه
                 كون الـدمـوع الـلـيـلـه اوشـلـهـه
                 ولجل الـزچـيـه الـونـه مـامـلـهـه

         مـاهمّن لـ هـذا وذاك بـالـمـنـهـج الـمـتـعـلّـمّـه

                          *---------------*---------------*

                 هنياله الـيـخـلـصـه باللطم عمره
                 ويذكر مصـيـبـة فـاطـمـه الزهره
                 الماينسه ضلع الـطـاهـره وكسره
                 مـتـعـوفه هي وقـطـعـاً اتحضره

         صگ الشـفـاعـه مـضـمـون بس بإديه اتسلمّه

                          *---------------*---------------*

                 الماعنده خدمه كلشي مـا عـنـده
                 بـس الامــيــر الـدمـعـتـه بـخـده
                 اينوح لــ مـصـاب التشبه الـورده
                 الذبحوا حـلـمـهـه الماكمل بـعـده

         ماانسه يـوم الـبـسـمـار الـبـچّـه املاك السمه

                          *---------------*---------------*

                 ياهـو الـيـلـومـه العايش ابنوحه
                 الواسه الـزچيه بحزنه وجروحه
                 شـمـعـه يـصـيـر وتحترگ روحه
                 هـاي الخدامـه الـبـيـهـه الملوحه

         خليني اعيشن بالنوح لـ كسر الوديعه العالِمه

                          *---------------*---------------*

✍️خادم فاطمة ع
الشاعر رعد الچريخي

#نعي #تراث

باب كلها اجذوع وثجيلة وزن
لو هوت عالگاع ترجنها رجن
طبگت اعله ام الحسن طبگ الجفن
او گام يعصرها عدوها ابحيله
....
ابعصرت الطاغي انكسر منها الضلع
اونبت بسمار الصدر ما ينشلع
او طاح محسنها الماكمل تسع
اوصار من دم الصدر تغسيله
....
مثل عبدالله المفطوم ابسهم
دمه يشبه دم ابو اليمه انسجم
والرباب امه اتنادي بالخيم
محسن السر والطفل تأويله
....
گبر عبدالله انعرف صدر الحسين
وسده ابيمناه زين العابدين
وين گبر المحسن وگبر امه وين
اشعدنه غيرك سيدي نشچيله

الشاعر المرحوم
الحاج عبود غفله

#اللهم_عجل_لوليك_الفرج

وين امي صحت شيبني فركاها
من شالوها شالو روحي وياها
*
كون امي ترد عدله وحاجيها
وشسوه الزمان بحالي اراويها
والجناز عافاني ومشه بيها
وتراب الكبر يا حيف غطاها
****
كل ما اختنك اتعنه حجرتها
وبدمعي اسولف ويه صورتها
روحي تردلي لو شميت شيلتها
ما اكدر امل عشرتها ونساها
**
شالو روحي من شالوها الجنازه
وشيصير الكلب لو فارك اعزازه
يايمه مشيتي وعازتج عازه
جنازج ييمه عيوني بجاها
**
خالي البيت ضل عكب المشت خالي
وياناس الصخر حن وبجه الحالي
صعبه الغالي من ايفارك الغالي
محلاها كبل عشرتنه محلاها
**
وحشه المكبره اشلون امي سكنتها
ما اصبر بعد كتلتني فركتها
واشكال المصايب امي شافتها
سواها الوكت يا وسفه سواها
**
كلشي ينسي وما تنسي الذكره
عين امي بعدهي امن السطر حمر
ضلع امي ابد ما ينجبر كسره
الظالم ليش خلف الباب عصراها
**
تمت
تحسين الخفاجي

#نعي

بسكوت تجري الدمعه بسكوت
يمه اعله طولج ماكو تابوت
وامنين طب البيتنه الموت
مو بيت والله نهجمت بيوت


كسر الضلع هد حيلج اهواي
زينب اخلافج فگدت الراي
بدموعي اغسلج موش بالماي
يالزهره لعمي اعليج عيناي


الظالم اجه ابناره تلگاج
و بقوته اعله الباب دفعاج
عالمحسن تونين خلاج
ليش اعله خدج حيل سطراج

للمكبره ودونه ليها
امنه ونريد نون عليها
اليوم المحنه دافنيها
جم يوم صار امفاركيها

الشاعر تحسين الخفاجي

#اللهم_عجل_لوليك_الفرج

يافاطمه يافاطمه
،،،،،،،،،،،،،،،،،،،،،،،،،،،،،،،،،،،،،،،،،،
شخليتي بيـه بطيحتـچ هاي
اگعــــد وگومن كاض مگفاي
يم بيتي گلبي عليـچ ممرود
سويها لله وگـــــــومي وياي
،،
گومــي ياعزي ودلالي گومي گلبي عليج راح
علي اذا مــو انتي يمه بعــــــد ليمت يستراح
،،
چا هاي تاليها المحنه
تخلينه وترحيــن عنه
،،،،،،،،،،،،،،،،،،،،،،،،،،،،،،،،،،،،،،،،،،
شيكضله گلبه الگلبه محتام
ماعنده غيـــــر يخلي وينام
چاغير كــــون بنومه يرتاح
كـــل ماينام تگعده الاحلام
،،
انه ماتعبان انه انه اصــــــلآ ارد امــــــــــوت
انه من گـــــــد المتانه ريجي ابلعه ومايفوت
،،
كومــي ياشلعان گلبي
گومي مو تيهت دربي
،،،،،،،،،،،،،،،،،،،،،،،،،،،،،،،،،،،،،،،،،،
من گلبي رحتي الحـدر التراب
وخليتي گلبي اعليــــچ عطاب
يالزهره هجرج عافيـــــه يريد
وعافيتي اخذها الضلع والباب
،،
علي التنخاه الوادم علي بالگــــــــــوه يگوم
اعليچ ما ساكتله ساعـــه علي مانايمله يوم
،،
علي يالزهــره تعــــذب
علي ليـــل انهار ينحب
،،،،،،،،،،،،،،،،،،،،،،،،،،،،،،،،،،،،،،،،،،،،
ياحيلي ماضــل حيل بجفاچ
كـــــــــل الأحبهن ماتن وياچ
سويلي چاره الروحي لاموت
الكلشي انه گادر الـــه فرگاچ
،،
حيل ماضل للبواچي والبواچي تريــــد حيل
صبح مامر اعله عيني كلشي صار بعيني ليل
،،
انتي رحتي وراح كلشي
وگمــت باليادوب امشي
،،،،،،،،،،،،،،،،،،،،،،،،،،،،،،،،،،،،،،،،،،،،،
انكسار ابالحسن ع
،، مصطفئ الصالحي،،

السان حال  عن مولاتي زينب ع
عندما رجع علي ع من الدفن


وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم
وضيم اليتم شيحمله
يابويه اطلبنك طلب
الباب كون تميله
مسمار كاسرله ضلع
وشلون ذيج النبله
والمثلي امه تفارگه
بهذا العمر موسهله

بعدني بسن طفوله وشابت عيوني
شفت منظر ذهلني ونخطف لوني
ياجلمت  يتيمه الخضرت بالبيت
اواسي اخوني لوهمه اليواسوني

الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي
مدري  ابجي انه الحالي
الجناز ياخذ والگبر
مايوم رجع غالي
فراگ الحنينه بكل وكت
جتالك وجتالي
شمعت ليالينه نطفت
من الدنيه راح هلالي

امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها

انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك
بالحد فاطم تنزل
منها الضلوع مكسره
الشيل الثره ماتحمل
يل جايني مصوب حجي
وعينك وكلبك يهمل
شافوك شمات شكثر
وعين الشماته التكتل

بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه

صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر
ابستان كون وينشم
عطر النبي جوه الثره
من هالظلم يتألم
وبياذنب من الزغر
حسين وحسن يتيتم
بذهانه صورت جمر
من عدها ابد مانسلم

دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار

باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي
راجع وضهرك محني
محتار من الفاجعه
بيا فاجعه اتصبرني
كل خطوه بويه بمشيتك
بيوم الطف تذكرني
هم مثلك ابقا الوحدي
وخيل العده تعثرني

عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد

لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

عالمغتسل خليها والماي ديره اعليها تدري الضلع ماذيها
فاطمه فاطمه
*
يا علي ودع الزجيه وجهز الماي
لان من عصرت ضلعها تعبت اهواي
فاطمه روحي وحياتي وهيه دنياي
بلكي بويه اتفك جفنها وتحجي وياي

اتفاركني ما حسبالي فكلي الجفن يالغالي دمعي اليصب يجويها
فاطمه فاطمه
****
بطيحت المحسن يبويه دموعي طاحت
الزهره الحكيني يفضه اهوايه صاحت
انه مو بس راسي حته ارموشي شابت
فاطمه امي وما اصدك امي ماتت

فصل الجفن بالحيره والماي بيدك ديره وبعيونك انضر ليها
فاطمه فاطمه
*

راح من تلزم ضلعها اتشوف الاثار
نابت بصدري الزجيه تلكه بسمار
هجمو اعله الدار بويه وشبو النار
وثكل ذاك الباب كله اعله الضلع صار

بصوط اشكثر ضربوها والزهره ما راعوها كل حيل ماضل بيها
فاطمه فاطمه
***
يا علي ارحم دمعتي وفك جفنها
روحي ما شبعانه تدري اودع منها
بيت الاحزان البنيته مل حزنها
تبجي يا حيدر عليها لو لبنها

سلمان عاين حالك وبسك متت كلالك كل ما تحن تبجيها
فاطمه فاطمه
****




انه زينب والمصايب شيبتني
ليل اوداع الحبايب حيرتني
شو مشت عني الحنيه وفاركتني
شوغة المغرب يبويه عذبتني

بحجرتها صارت روحي كلي اشيطيب اجروحي احزاني شينسيها
فاطمه فاطمه
**
ليش اللنحبهم يدنيه بسرعه يمشون
نامو بنص المكابر ما يكعدون
اعزاز والله ومن بعدهم نصبر اشلون
راحو وضلت صورهم بين العيون

يا ناس يذبل عمره الدافن حبيبه بكبره هالكلمه اريد احجيها
فاطمه فاطمه
****
تمت
تحسين الخفاجي

يبني يحسين البيك صارن بيه
محني ضليت وانه هــم محنيه
الهد علخيام نفسه هـــــد اعليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالنايــــم بلايــــه ثياب
ودم اعله وجهك وتراب
شفرق الحوافـــر والباب
حاچيني حاچيني
يوليدي ياضـي عينياي
يالمثلي ميـــــت بهداي
ومتوارد بكلشـــي وياي
يحسيني يحسيني
اي وحگ طولك ييمه ودورت عيونك
الباب والحافــــر الغيـــر لوني ولونـك
شلوني يالتنشـــــد عليه انته الشلونك
گالو الناس ابنــــــچ متعبينه
وفوگ الرماح راسك مخلينه
التوجع هواي ثوبك مسلبينه
ياتعبنه ياتعبنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سولفلي يحسين شصار
بالخيمه مــــن شبت نار
هم وحده طكها البسمار
وذاها يوليدي
هم مثلي ركضــن حفاي
هـــم الجمر چـان هواي
وياعين تشبـــــه عيناي
يالرايح منيدي
ياتعـــب روحي وسهره ياهـــــوه الريه
كلشي مر عليك بالطف نفسه مــــر بيه
  نچـــــوت نسوانك ييمه وانـــه مچويه
حرگ الخيام يبني شفته بعيني
شتم وسياط والجمــر چاويني
شويــــه يحسين بينــك وبيني
ياحبيبي ياحبييي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منيتي يبني يكبرون
ابنك واخوك يشبون
وگبلك ييمه يهدون
وليدي ووليدك
چنت انتضرهم ايام
وگلبي اعله محسن محتام
فرحانه جنت ومانام
فرحانه بعضيدك
تالي بالبسمار يبني ذبحــــو احلامي
شلون مدري شلون بعده يخلصن ايامي
ردته عود حزام ضهرك يبني يالضامي
الچنت اتانيه بعيني ماشفته
بعتبت الباب وليدي ضيعته
تشيـــب الراس يبني سالفته
فارگني فارگاني
،،،،،،،،،،،،،،،،،،،،،،،،،،،،،،،،،،،،،،،،،،،
يالباقي بالطف محتار
لامن عشيره وانصار
وكلساعه عينك تندار
للخيمه للخيمه
يالمثلي محـــــــد وياك
من طحت ياهو الشالاك
مذبوح وكتـــــك خلاك
بألهيمه بألهيمه
يالطحت كوم اعله حيلك يابعد حيلي
خلي اتچيلك ييمه وانتـــــــــه تچيلي
شلون من ضليت وحدك عنك حچيلي
شصار وياك يبني الله يعينك
مدري مرتاح مدري متعبينك
بحر الشموس گالــو مخلينك
ياجرحنه ياجرحنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
ثگيل،،،،،،،

موشح للزهراء ع


يعينك الله ياعلي اعله مصابها
شلون يم الباب شفت خضابها
****
شلون حالك چان ياحيدر يحيد
وانته چنت اگبالها ولا مو بعيد
شفته من صوّبها بسمار الحديد
فاطمه وطاحت بعتبة بابها
**
شلون حالك ياعلي بذاك الوضع
وانته بعيونك شفت كسر الضلع
شلون ضل ياحيدر بعينك دمع
وانته من البچي عيونك ذابها
****
اشگال گلبك ياعلي بدفعة الباب
شلون بله وهجع سيفك بالگراب
شلون وتحمّلت كل ذاك العذاب
تصيح وينك ماترد جوابها
**
ياعلي الكرار ياحامي الحمه
ليش ما ردّيت گوم الظالمه
گبال عينك ينصطر خد فاطمه
وانته للشجعان لاوي ارگابها
*
باب خيبر مايشيلونه اربعين
وانته شلته ابساعدك ذاك اليمين
وهسه فاطم حشّمت وين المعين
عجب ما ردّيت ابن خطابها
****
الوادم ايسموك حماي الدخيل
والعرف قدرك نبي وربٍ جليل
ندري صابر والصبر امراً جميل
و بالوصيّه اتگيّدت وكتابها
*
خادم الزهراء ع
سيد غالب الرضوي الكربلائي

((راحت امي))

.         مـا بــقـــه عــنــدي أمــان
          وادري يـجرحنـي الـزمـان

        راحـت امـي      راحـت امـي

                                  *---------------*---------------*

راحـت وبــيّــن عـلـيّــه الـخــوف والـهَـم
وابـتـدت رحـلـت عـذابـي وحزنـي خـيّـم
طبعت ابعيني صـورهـه الـعـصـره والـدم
تجـري دمـعاتـي واگولن بـلـگـت احـلــم

          صــــارت الــدنــيــا ظـلام    
          تــركــت ابــروحـي هـيـام

                                  *---------------*---------------*

ادخـل الحـجـره ورسمهه لـبـالــي يـرجـع
مـا اشــوف الـزهـره بيهه ابـدمـعـه اطلـع
بصغري فـارگت الوديـعـه وصـعـبـه اقـنـع
كلمة  الـيُـمـه أشـيـردهـه ومـنـهـه اسـمـع

          يُـــمـــه اتـــمــنـــه أگـــول
          مــاتـت ابـمـوت الـبــتــول

                                  *---------------*---------------*

ابــحـلــم اتــمــر ثــوانــي يـمـتــه وتـــرد
ما حسبت حـساب امـي بـلـحـظـه تبـعـد
يـجرح الـلـيـل وظـلامـه الـوحـدي اگـعـد
يـاهـو الـيـعـطـف عـلـيّـه و ياهـو يـنـشـد

          عـاشـت بـگلـبـي الـجـروح
          فـجـئـه خـلـتـنـي واتـروح

                                  *---------------*---------------*

بجرحي عـافتني الـزچـيـه وعيني تهمـل
ويـن اشوفـنهـه واگـلهـه الـفـرگـه تـكـتل
والله ما عيش ابـجـفـاهـه واگـدر احـمـل
غـابـت الـچـانـت تـلـمـنـه وخيـمـه للـكـل

          احـسـب احـسـاب البعـيـد
          والـحــزن بــيّـــه يـــِزيـــد

                                  *---------------*---------------*

عـاشـرت صـوت المناحـه ودمـعـه الـخـد
ذكـره خـلـتـلـي الزچـيـه الـثـوب الاسـود
اصــبــر اشـلـون وألـمـهـه عــابـــر الـحَــد
جـمـرة احـزانـي وعـذابـي صـعـبـه تـبـرد

          شـيّـب اجفوني الـحـنـيـن
          مـظـلـم الــبـيـت وحـزيّـن

                                  *---------------*---------------*

بـزهـرة اسـنـيـنـي وعـگـبـهـه گلبي شيّب
احــلــم اتــنــاديـنـي مـــره يُــمــه زيـنـب
لـشـوكـت ابـقـه ابحسرتي ونـاري تـلـهـب
الــتــروح اُمّــــه يـــوادم حــقــه يـنـحـب

          خـلـصـت ايــامـي عــذاب
          احـمـل اشـلـون الـمـصـاب

                                  *---------------*---------------*

✍خادم الزهراء ع
الشاعر رعد الجريخي

شَرَف شَرَف خِدَّامِچ يافاطمه

فدوه لسمچ فاطمه يا أم ابو اليمَّه
نعمة ( الله ) العظيمه ومَحله هالنِّعمه
كل مُحب هاي الخِدَامه تسري وي دَمَّه
شرف يكفينه انتمينه (العالم الخدمه)

سِر وعَلَن ...يم الحسن ...نادينه ويَّاكم
رغم العِدَه...كلنه فِدَه...وللموت نهواكم
نبقه خَدَم...نقسم قَسَم...ماعشنه لولاكم

يافاطمه ولعيونچ ننطي الدِّمَه
شَرَف شَرَف خِدَّامِچ يافاطمه
........................................
كل وكت عدنه ارتباط اوياچ مو فَتره
والف هنياله اليگظِّي ابخدمتچ عمره
كلمه رددنه وسمعهه العالم ابأسره
نتعب ويسوه تَعَبنه الفاطمه الزهره

يم الفخر...واكبر فخر...حُبچ هويتنه
لاما هُوَت...راية بَخَت...مولاتي رايتنه
واشتنوصف...خيمة عطف...كل عَزَه لمَّتنه

وابكل وكت أحبابچ مِتحَزِّمَه
شَرَف شَرَف خِدَّامِچ يافاطمه
........................................
دوم باسمچ نستغيث وندعي بحروفه
وماتَمَچ مثل المَقام ونگصد انطوفه
عاللطم والحرگه عدنه اگلوب ملهوفه
حُبِّچ ابحجم الحُسين وصحنه منعوفه

عشگ الصدگ...هذا العشگ...مانفترگ عَنَّه
دوم ابحزن...ننعه ونون...مانترك الوَنَّه
واعله العَهد...حُبِّچ أبد...لا ما نِمِل مِنَّه

هذا العِشگ يروينه مِنِّ الضِّمَه
شَرَف شَرَف خِدَّامِچ يافاطمه
.......................................
نسأل الله ابجاه طه المصطفى وآله
يستمر هذا العزاء وايكثِّر آمثاله
خادمچ حُب الولايه ايصدِّق اعماله
اليخلِص اوياكم يفاطم هذا هنياله

نطلب مَدَد...وانتي السَّنَد...گلب المُحِب ناده
وابخِدمِتِچ....وامحَبِّتِچ...يتحقَّق امراده
حُبِّچ ذخر...يوم الحشر....يابيرغ الساده

حُبِّچ بداية عمري والخاتِمَه
شَرَف شَرَف خِدَّامِچ يافاطمه
.........................................
بأول وآخر دعاء إنَّادي وفقينه
نحظر الهاي المجالس بينه مابينه
ابماتمچ يلتم شملنه وندعي بارينه
انصيح ألَّلهم عَجِّل فرج مهدينه

وابن الحسن...يجلي المحن...مهدينه بضهوره
خدام...اله...وابكربله...يلگانه جمهوره
بيده اللُّوَه...ونگصد سوه....والگبرچ انزوره

موكب عزه اللَّطامه يتقَدَّمَه
شَرَف شَرَف خِدَّامِچ يافاطمه

سيد علي الموسوي

( ثكيل )

الزهره بآخر ليله شوف شحالهه
توصي كامت بالحزن باعيالهه
————
يمه اكعدو اكبالي ياريحة هلي
خاف اغمض عيني موتي ادنه الي
ارد اوصيكم ييمه انه بعلي

يكول روحي اليوم مدري شمالهه
———
جان يمي من البجي مات وعدل
ذاك ابوكم جان الاقوه من الجبل
عمت عيني شلون نحلان وذبل

من كثر ما بجه ادموعها وسالهه
————
كعد يم راسي وعلى اضلوعه انتجه
يمسح بدمعاتي تدرون شحجه
وين اروح اخلافج وحبني وبجه

كون ميته ولا سمعته وگالهه
—————
يكسر الخاطر علي ذاك الشهم
گوه يحجي ذاك المخرس الزلم
يكلي عكبج كمت احس انه بيتم

خلافج عيوني الدمع يحلالها
—————
يكلي من بعدج على الدنيا العفه
يم حسن بس عندي جنتي ام الوفه
مثل طاست ماي جن حيلي انجفه

روحي حال الضيم عكبج حالها
————-
بحضنه حط راسي ويباوعلي وصفن
يكلي بس لا نفترگ يم الحسن
صعبه عشرة عمر نختمهه بجفن

الوادم الماتت الف هنيالها
————
يالحسن روح اعله ابوك المنفجع
كعدو يمه ونشفو من عينه الدمع
يموت لو ظل حيدر بهذا الوضع

روحه شفت الموت يدنالها
————-
الخادم موسى البطلي

( ثكيل )

الزهره بآخر ليله شوف شحالهه
توصي كامت بالحزن باعيالهه
————
يمه اكعدو اكبالي ياريحة هلي
خاف اغمض عيني موتي ادنه الي
ارد اوصيكم ييمه انه بعلي

يكول روحي اليوم مدري شمالهه
———
جان يمي من البجي مات وعدل
ذاك ابوكم جان الاقوه من الجبل
عمت عيني شلون نحلان وذبل

من كثر ما بجه ادموعها وسالهه
————
كعد يم راسي وعلى اضلوعه انتجه
يمسح بدمعاتي تدرون شحجه
وين اروح اخلافج وحبني وبجه

كون ميته ولا سمعته وگالهه
—————
يكسر الخاطر علي ذاك الشهم
گوه يحجي ذاك المخرس الزلم
يكلي عكبج كمت احس انه بيتم

خلافج عيوني الدمع يحلالها
—————
يكلي من بعدج على الدنيا العفه
يم حسن بس عندي جنتي ام الوفه
مثل طاست ماي جن حيلي انجفه

روحي حال الضيم عكبج حالها
————-
بحضنه حط راسي ويباوعلي وصفن
يكلي بس لا نفترگ يم الحسن
صعبه عشرة عمر نختمهه بجفن

الوادم الماتت الف هنيالها
————
يالحسن روح اعله ابوك المنفجع
كعدو يمه ونشفو من عينه الدمع
يموت لو ظل حيدر بهذا الوضع

روحه شفت الموت يدنالها
————-
الخادم موسى البطلي