ام جعفر:
هوسات شجاعة ابا الفضل العباس





العركه عله نهر حايوز ما بيها
لان امر حسين الكفل يكضيها
تعنه بزود ابو فاضل وطب ليهه

كلباها//الحومه الكافل



طباها وكلبها وصبحت سوده
وهب اعصار بيهه وشرد حايوزه
وعلك رايته واكف عله احدوده

وما يدناه//الشايف يومه



ومثل موت وتصلط فوك عدوانه
من حسين كله  احزام اخوانه
بعد رخصه خذه والعركه خلصانه

شيكضيهه//عركت عباس



فزع ومفرعلهه وكال محسومه
الغيره شبت العباس بهدومه
هذه ازماط زينب يا هلا بيومه

وبحدوده//حط الهم رايه



وكال اليوصل احدودي اندمنه
اكص راسه وحدر رجلبه اذبنه
اليوم الجو عليهم كون اكلبنه


يشوفونه//اليوم الموت


اراويهم زلم ما نايمه ليله
وارويهم من اركب ضهر الكحيله
انه ماتمرني ولا شفت عيله

عله العيله//مانامت عيني



انه احزام زينب من اهد طوفان
وانه الما تخلف مثلي النسوان
افدي العين والجفين للخوان

وطيته/فص عيني الزينب


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م




https://www.tgoop.com/am_jafar

ام جعفر:
فزاعيه حول ابا الفضل العباس



ادور بل زلم.  ماكو اليشبهونه

سبع والغيره   كلها تارسه عيونه



ادور مالكيته  الخوته حلوه
مثل عباس احصله وين بل خوه
سبع لو حشميته بيه المروه
شجاع ابغيرته فنهم يلاوونه



وين الگه مثل عباس وكفاته
هذه زماطنه وحزام اخياته
محد يوصل الكافل بهداته
توجع طكته بيهم يعرفونه



ادور بالزلم ماحصلت مثله
اخو يطي لاخيته العين مو سهله
بس ابن الوفيه بخوته تعله
اجيب الشط الج كلها يخاتونه



محد مثل ابو فاضل يسويهه
انطى الروح لاخته وكون يرضيهه
اثنين اعيون لاجل ام عون مطيهه
ومهيوبه اذا صعدت عله امتونه



محد سوه مثله ولا كرب حده
وفنه الكابل العباس بل.هده
هلا بخلفة علي لو زعل شيرده
وموت احمر نزل وين اليلاكونه

لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

ام جعفر:
ام جعفر:
نعي حول ابا الفضل العباس



يكون الولي لو ناوي الرحيل
وياه خواته لازم اتشيل
ويجاورنه من يجي اليل


ياخذ خواته كون كلهن
ويرافكنه بكل ظعنهن
خال الولد يعدل حملهن

خيمه الولي ما يصح مثله
والفكده تره حيلي يشله
عزيز وانه عيب امله

يكون العمر يخلص وياهم
وعافونه ومشو مدري شجاهم
انه اعتب عله وكتي الضيعاهم

يا طشت الخوان كسره
والفاكد عزيزه اشلون بالله
جرحك يخال ابني شيجبره

شيجبره كلب اختك يغالي
يل جان راسي بيك عالي
جاليش ضيعته دلالي

ضاع الدلال وراح وياك
يالعاشرتنه وعاشريناك
بغفله يخويه ضيعيناك

ضاع العمر وياك تدري
ولا طال بعدك كون عمري
عليك الدمع عباس يجري

يا زين يا طيب الخوه
عليك انكسر ضهري وتلوه
تره وداعتك ظليت كوه

ظليت اون ومعاشره النوح
وسلت عليك العين والروح
وعليك الكلب ماطاب مجروح


مجروح كلبي وحيل يشتاك
ويكتل كتل يا طاري الافراك
ضاك الخلك وداعت ضاك


ضاك الخلك ويريد ليك
وروحي تحن بلكت تحاجيك
حته بحلم شو ما تلاكيك


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

ام جعفر:
ام جعفر:
ام جعفر:
فزاعيه حول شجاعة ابا الفضل العباس




الخضرة الشورت. عباس هد بيها

يهاي فصول.   وطلابه نحل بيها



الخضره الشورت عباس شايلها
ومن جف الكفيل الشاره جابتها
يهاي فصول حلت واحنه نعكدها
والشده بختهه بس نخليها



شارتهه جبيره وعيب تتعده
والعايل الخضره دومهه اترده
عرك من كصت العباس بل عكده
وفصول العشاير هيه تكضيها


بخت ديوان هاشم من يوصفوهه
اعدال الشيخ عدنا لو يجيبوهه
ومن هيبة الكافل هاي هابوهه
والداخل بختهه عيب تطيها



فريضه وعند اهلنه تعدل الشور
نرفعت للعدل من يوم عاشور
وبحكم العشاير صار دستور
وحوبتهه جبيره مثل راعيها


بخت عباس بيهه ورايته هيه
اليكعدها بعسر وبضيج مكضيه
وشارتهه مثل شارت البدويه
سريعه وبالعجل تحضر الناخيها



لخادمة الزهراء العلويه ام جعفر
غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

قصيده حول ابا الفضل العباس





البقيه بحياتج.  طايح كفيلج

البقيه بحياتج والله اليعينج

كسرتج جبيره.  وكمرها العشيره

غايب يزينب غايب زينب




يكلها الله اليعينج بت علي يكلهه
وكضت روحه العزيز وما يعود الهه
هوه فوك الشريعه هناكه كافلهه
وبعد ماظن يرد وتشوفهه هيبهه

البقيه بحياتج فكدته عزيزج

البقيه بحياتج. والله اليعينج

غايب يزينب غايب يزينب




فكدته وماكدر يرجع بعد لينه
وسلام عليج وده وعذري جفينه
يكول اشلون اظل ومواعد سكينه
وتعذرني العزيزه ولن غفت عينه

البقيه بحياتج  وتغذريه يريدج



وكسر ضهري غيابه وحالتي حاله
واجيتج منهظم وعيوني هماله
حلم يرجع اخوج ونرجع ابجاله
وثجيله فركته ويا خويه جتاله

البقيه بحياتج. ياهو اليشيلج

البقيه بحياتج والله اليعينج




تكله يا حسافه اكفيلي فكديته
وبعد ياهو اليجيني ونرجع البيته
انكسر ضهرك يخويه ابهايه حسيته
تظل عكبه وحيد وكلبي مرديته

البقيه بحياتج. يخويه شيهيدج

البقيه بحياتج  والله اليعينج




البقاء لله بعد روحي شبقى بيهه
اذا اسمعها  منك عيني تعميهه
كضه حيلي يخويه وانته تحجيهه
وحس مثل السهم وجروحي ياذيهه

البقيه بحياتج استعدي المصيرج

البقيه بحياتج والله اليعينج



لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م




https://www.tgoop.com/am_jafar

ام جعفر:
قصيده حول ابا الفضل العباس




چاهيج هيه الخوه.    تمشي وتفل العشره

ردتك تظل دوم وياي. وعمري عله عمرك فدوه

تدري الاخو هيبه وسند
وصعبه عله اخيته لو بعد
يا اعز عندي من الولد
صعبه الولي لو ما يرد

غالي يخويه وتسوه. وعمري عله عمرك فدوه

جاهيج خوتنه كضت تاليهه
تمشي واخيتك ماترد عليهه
مو عادتك ترحل وما ترضيهه
وعذريني موهاي الكبل تحجيهه

مو هذه اخوي وعذره  وعمري عله عمرك فدوه

ما عودتني ولا سمعت حجايه
عذريني ما كتلي ابد شو هايه
هسه طحت والجود بدو مايه
وخليتني ماشوف ذيج الرايه

ادري مشيتك كوه  وعمري عله عمرك فدوه

يل دللتني وما شفت كل ذله
ومهيوبه اجيت ورايتك تتعله
نومك يبعد رويحتي شو خله
وكعد يغالي والضربني گله

والضارب اختك ضربه. وعمري عله عمرك فدوه

گله عله اخيتك مو كبل مهيوبه
ولا شافت الشام وتعرف دروبه
مصيوبه روحي وداعتك مصيوبه
من يومك عيوني بدمع مسجوبه

وطريت خويه الشلوه. وعمري عله عمرك فدوه




لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م




https://www.tgoop.com/am_jafar

ام جعفر:
نعي كرناوي حول ابا الفضل العباس



يا صبي العين من يوم المشيت
طاح حيلي والنفس كاضي تره

هم بعد نيتك ترد ليه وتجي
ونرجع الدار الاهل خويه سوه

ليش نايم والكلب مدري شجاه
وريتي مختنكه ويشح منهه الهوه

عود ناطرتك وصبر عالدليل
وثاري انته طايح عله المشرعه

فاكده اجفوفك واحسن بالضياع
والعيون اليوم مابيهن ضوه

حيل مكسوره واموت انه وراك
يا بعد روحي نحنه حته الكفه

الشيب طالع والعمر بل ميه صار
والجرح ينزف ولا فاده دوه

غير تاخذهه الاخت لمن تروح
شنهي ظلتهه وعليك امرمره

اليوم احسن ضايجه الدنيه وراك
والضلع عباس من عندي التوه

انه اودي اعتاب بدموعي عليك
والمعاشر ليش بل سرعه گضه



لخادمة الزهراء العلويه جعفر غير مبري
الذمه من يحذف الاسم الاسم الكلام الكلام له م



https://www.tgoop.com/am_jafar

ام جعفر:
ام جعفر:
فزاعيه حول شجاعة ابا الفضل العباس





ياهو عله الشريعة.   حاط حدود

  اخوج ابروسهم يا ام عون صايود


يكطف بيهه//يا روس اعداه




ياهو الكال اجيب الماي كله
وياهو الخوف بل عدوان خله
وياهو الزامط وهوه تعله
وياهو الي عليهم ماخذ الزود

وبعيونه//ياهو الخوفهم



ياهو الكال هذه انه تفنكم
اخذ روس اجيت اليوم منكم
انه هناه بس انتم شحدكم
يم جرف النهر عباس موجود

لحدوده/شحده اليكرب



صياد الكفلها وصاد قاده
وشط العلكمي العباس راده
محد يوصله عمكم يساده
امه مصلصله ومن خلفة حيود

ومن عوده//عباس تعلم



من حيدر علي ماخذ دراسه
ومن ام الولد معروف ساسه
ابد ما يوم دنك هذه راسه
سبع محد كدرله ويومه مشهود

ومشهوده//الحومه بيومك



ياهو الكابله وما خاف منه
يحط نجبات بكلوب الوصله
هذه هديب وزماط من اهلنه
اخو زينب الهيبه وخوش هادود

يشهد يومه//عباس الطف



لخادمة الزهراء العلويه ام جعفر جعفر مبري الذمه من من الاسم الاسم الكلام الكلام له م م


https://www.tgoop.com/am_jafar

ام جعفر:
ام جعفر:
فزاعيه حول ابا الفضل العباس


رد حسين محني الضهر منه
وساعه يكوم ساعه يزيد ونه
العلاوي من الخيم كلهن تلكنه
وحدك جاي جاوينه ذخرنه

نزله


اخوچن يا علاوي. عله النهر مات

ولطمن حيل يستاهل يشفجات

وخليته//جاوين الكافل



ظل عله نهر والبيرغ وياه
وهد الحيل ابو فاضل ويمناه
اخوجن يا علاوي  ضيعيناه
وشال زماطجن يل هاشميات

وضيعناه//اليوم الهيبه



بعد هيهات يرجع راح عباس
وراح الجان هيبه ويرفع الراس
ظل عله الشريعه وكاضي الانفاس
وعليجن يجر خليته حسرات

خليته//يون عليجن



اخوجن طاح خويه عله شريعه
وجفوفه الكفل صارت كطيعه
الف يا حيف شيال الوديعه
ظل عله نهر كاضي الكلافات

مضيعينه//يا حيف الزين



گاضي ومايرد عباس ليهن
وهنه احزام شدنه الوليهن
بعد ساعه وتجي الغاره عليهن
ومايبقى محامي عله الجليلات

يحركوها//والخيمه اخلافه



ظل نايم بعد كافل خيمهه
وزينب فاكدينه خال ابنهه
اليله ام الخدر شايل علمهه
وتبجي وبالكلب خلاها ونات

المحزونه/يا ويلي عليهه




لخادمة الزهراء العلويه العلويه جعفر غير مبري الذمه من من الاسم ويأخذ الكلام وينسبه له م



https://www.tgoop.com/am_jafar

ام جعفر:
نعي حول ابا الفضل العباس


كسرت عمر يا طيحت ايدك
وراجع علي يبجي عضيدك
يا زين خويه منين اجيبك

انته طحت وانه ولوني
وجابو النوك وصعدوني
هظيمه بحبل من جتفوني

وانه مخدره تدرون بيه
ومعلمه فيكم عليه
لهيب الشمس طيحهه اديه

بس نمت وانه الظيم اجاني
والصوط بمتوني ولاني
والثكلت عليه شتماني

شتمني العدو من كال اركبي
وبلا اهل ظليتي اصعدي
صوب الغري وجة وجهي


كتله علي تحضر الشده
وليه الكفل كونك ترده
انه ابعازته حيدر تكعده



تفزع يبويه وعوف نومك
يداحي الباب يالمعروف يومك
لو ما تجي عليه الومك


كلش ابضيج اليوم بتك
وتحضر علي يا بويه ردتك
طاح الكفل وانه ندبتك


ندبتك واريد ابساع تحضر
وعتاب مني عليك ما مر
كتني الهظم يا بويه مكدر



طاح الكفلني وطاحت ايده
وبضيج انه واليوم اريده
الشريعه عليه اشكد بعيده



امشي يبويه واكعد احذاه
وعباس اريد الموت وياه
عزيز الكفلني وصعب فركاه


خال الولد شجاي همي
وشحلاته الولي لو كعد يمي
ما يظل لو موجود هظمي



امشي اله واكعد شويه
وعاتبه الكله حميه
انجان اعتذر ماكام ليه
اكله العده فزعت عليه


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م




https://www.tgoop.com/am_jafar

ام جعفر:
موشح او نزله حيدريه حول ابا الفضل العباس


لشريعه اليوم.  اخيتك رايحه

وفوك جسمك يا ابو فاضل طايحه




تكوم ساعه وساعه يخشى عليهه
اتصيح وينك زينب اتحاجيهه
روحي خلصت والحزن ماذيهه
والعدو عليهه تسمعه صايحه



جايه زينب وما تكدر  تره
ادور اجفوفك يسبع الكنطره
اشلون بالله اتشيل جثته موذره
والجفوفك اشمرت يا نايحه



اتعنت اختك غير تكعد من اجت
وفوك صدرك ها يبو الغيره هوت
من الشماته والحجي زينب كضت
والعيون التصد ليهه جارحه



كوم ليه وعوفك نومك يالكفل
وباجر الغربه يشيلون الحمل
اشلون طايح يا كفيلي عله الرمل
وانته يمي جنت خويه البارحه



البارحه وياي كاعد بالخيام
وانه مرتاحه وجفن عيني ينام
اليله مفكود وصفه عمري ظلام
وبالكلب خليت نوح وفاتحه



لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

ام جعفر:
نعي كرناوي حول ابا الفضل العباس


انه بعازتك والعازه تدري شلون
اذا مر ضيج كون اختك تجيهه


انه بعازتك بس انته ما اجيت
ولا نشديت كلش بعد بيهه


يغالي اشكد اودي عتاب بدموع
وروحي تموت لو ما ترد ليهه


يحزام الضهر يا شوف العيون
اخيتك ناطره بلكت تجيهه


صعب كلش افراكك ياخذ الروح
وثجيله غيبتك كلش عليهه


مخنوك النفس من امس لليوم
اثاري الضيم حضر بس بجيهه


يسباح الكلب يالخوتك عوز
شعجب ما مرك الونت حجيهه


تعاتب والعتب عالمات شيفيد
وتموت وياك بس ماصح بديهه



لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

ام جعفر:
ام جعفر:
ام جعفر:
فزاعيه نخوه حول ابا عبدلله



رايحه العباس   اشد الرايه

وگالو اليعكدهه  بيهه كفايه



رايحه العباس واخذ حاجتي
وادري ابو فاضل ينشف دمعتي
اتخيل اكله اليوم يمك طلبتي
وكالو العباس ينطي هوايه


گالو العباس يحضر بل شدد
واليصيح بصوت اخو زينب مدد
ماتظل كل معضله بكلبه بعد
وادري ابو فاضل الي تجايه



هذه اخو زينب چبير الشاره
وهوه للتعبان ينطي ابشاره
الصعبه يمه ما تظل محتاره
وانه اكلفنه اريد ابهايه



اليوم متعينه وادكن بابه
وانه ابو فاضل اريد اجوابه
يا نار كلبي ما طفت لهابه
تخيل يمك راسي وشل مايه



رايحه العباس سبع الكنطره
ذاك اخو زينب واكله محيره
ابداعت المظلوم احلفه ومنحره
تكضي حاجتهه الاجت عنايه


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

ام جعفر:
فزاعيه حول يوم العاشر



وحدر الخيل  مديوسه الفراضه

على جسم الولي صارت عراضه


ادوسه خيولهم محد يشيله
واخت حسين ماعدهه وسيله
يهذه الطاح يسواله جبيله

يسحكونه/يا وسفه حسين


انداست يا حسافه جثة حسين
وطلعت راكضه بت الميامين
عليهه مشهوره وكفت الصوبين

زينب هايه//كل من ينشد


اتشوف خيولهم تسحك وليهه
وركضت شايطه والنار بيهه
وكل  ارجالهم تومي عليهه

المهيوبه//بت حيدر هاي



اتصيح بصوتها ومحد سمعهه
وتعثر زينب ابجثت ابنهه
تمشي حافيه ونار ابجدمهه

كون اتشوفه//وتلحك بيه



تحشم والعده غارت لاخوها
اتريد اتوادعه وعيب ارخصوها
اكبال اعيونهه جثتنه اسحكوها

يذبحونه//جدام الحره


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

ام جعفر:
فزاعيه زينب وام كلثوم


تعاي انروح    وندور عليهم

انشوف اخوانه ونسمع حجيهم



يخيه انروح خلينه لاهلنه
وندري بل ولي ما ياز منه
تره متروسه غيره خال ابنه
اهلنه اعزاز بس اشصار بيهم



انه وياج نمشي نجر العتاب
صدك طايح اخونه فوك الاتراب
اذا ماكام لينه انحشم الاحباب
ونكلهم كضه وطايح وليهم



تعاي وياي بالله صوب الاحنان
ونكلهم بعد ما ظلت اخوان
نومه كل اهلنه بغير دفان
ويكعدون بلكت لو نجيهم



اندور وين اهلنه اليوم ماشين
صدك بل مكبره كلهم مصبحين
عفتو احمولنه ولاوين ناوين
وهاي ارواحنه تشتاك ليهم



نسمع كل حجي ذولاك الاعزاز
ونگلهم ظعنه ازلام محتاز
الكم ماحصل لو ردنه جناز
بس للموت مانكطع بجيهم


لخادمة الزهراء العلويه ام جعفر غير مبري مبري من يحذف الاسم ويأخذ الكلام وينسبه له م




https://www.tgoop.com/am_jafar

ام جعفر:
فزاعيه حول الامام الحسين




مگلوب السرج  جاوين خياله

وفزعو عالولي. وهدو عله عياله



اصيح الله ولحد والمهر خالي
رجع مابيه اخوي وحيل شل حالي
وين حسين كتله طايح لغالي
گال حسين طاح وكل نفس ماله



احاجي بل مهر ولكوم تبعتني
وكتله وياك اخذني صوب خال ابني
اشوفنه واكله بلكت يردني
وادور عالولي والعين هماله



تعال وياك نمشي صوب والينه
ونحاجي الولي بلكت يفك عينه
اريد اعاتبه ويفز ابو سكينه
واكله ما ترد فزعت العياله



اجاني المهر خالي حسين ماهوه
اثاري انذبح ضامي وفلت العشره
بعد ويه الحنين انكطعت الخوه
وعيون الشماته عليك جتاله



بس رد الفرس والكوم حاطتنه
وصياط العده بل متن صابتنه
وين البيه محنه اليوم ضيعنه
ومحتاره بخوي اشلون بعياله
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له م



https://www.tgoop.com/am_jafar

بعون الله واهل البيت سوف يصدر ديوان طف الزهراء الجزء. 30 خاص بل امام الحسين وعبدلله الرضيع وليلة الوحشه والوداع ولانصار.

نماذج من ديوان طف الزهراء الجزء الثلاثون