عباية مگبرة و جاهل
سِمه تبچي وگمر ذابل
وفجر بردان
سعيد هنا ؟
ــ لا يمّه
سعيد هناك ؟
ــ لا يمّه
سعيد الدِفنِته الظلمة
إندفن كلّه
لو بالمگبرة ، الدفّان يندلّه
چا شنزور ؟
ــ يمّه ندور
هلبت بالمگابر ميّت يگله :
( عبايه بمگبره ، وجاهل
وسمه تبچي ، وگمر ذابل
ودمعة والده الغبشه
وطفل إسمك عله لسانه )
لو دفان يتمشّه
والمدفون ، " يبقه بعين دفّانه "
وتشوفه انته !!
واشوفه آنه !!
عامر عاصي
سِمه تبچي وگمر ذابل
وفجر بردان
سعيد هنا ؟
ــ لا يمّه
سعيد هناك ؟
ــ لا يمّه
سعيد الدِفنِته الظلمة
إندفن كلّه
لو بالمگبرة ، الدفّان يندلّه
چا شنزور ؟
ــ يمّه ندور
هلبت بالمگابر ميّت يگله :
( عبايه بمگبره ، وجاهل
وسمه تبچي ، وگمر ذابل
ودمعة والده الغبشه
وطفل إسمك عله لسانه )
لو دفان يتمشّه
والمدفون ، " يبقه بعين دفّانه "
وتشوفه انته !!
واشوفه آنه !!
عامر عاصي
الماي شال تراب لو مَر ع التراب
ولو جَرَه بين الصخر يحلى ويطيب
احنا مثل الماي صَفّانه العذاب
ولو شرب من ماينا معلعل يطيب
ولو جَرَه بين الصخر يحلى ويطيب
احنا مثل الماي صَفّانه العذاب
ولو شرب من ماينا معلعل يطيب
غريبة الروح
تحن مثل العطش للماي
تحن ويلفها المكابر ويطويها
وأنت ولا يجي أبالك تمر مرت غُرب بيها
ولا طيفك يوعيها.
جبار الغزي
تحن مثل العطش للماي
تحن ويلفها المكابر ويطويها
وأنت ولا يجي أبالك تمر مرت غُرب بيها
ولا طيفك يوعيها.
جبار الغزي
#اللوحة...*
واحد بناله قصر بأسعار مفتوحه
واحتار بالواجهه وبكلفة اللوحه
رسموله طير بسما
والايد متلوحه
واللي رسمها تعب بالجيّه والروحه
الرسّام دمّه الصبغ وتكلّفه اللوحه
ما عامل اعله الرسم
عامل على اجروحه
طال النقاش وعرض
واللوحه متعلگه ... بالگاع مطروحه
وايام بعد الزعل شفناها ممسوحه !
والطير منها اختفه
ومنهم سحب روحه
والطير ليش اختفه ؟
ومنهم سحب روحه ؟
الرسّام حطّه بقفص بيبانه مفتوحه ..!
كاظم اسماعيل الگاطع
واحد بناله قصر بأسعار مفتوحه
واحتار بالواجهه وبكلفة اللوحه
رسموله طير بسما
والايد متلوحه
واللي رسمها تعب بالجيّه والروحه
الرسّام دمّه الصبغ وتكلّفه اللوحه
ما عامل اعله الرسم
عامل على اجروحه
طال النقاش وعرض
واللوحه متعلگه ... بالگاع مطروحه
وايام بعد الزعل شفناها ممسوحه !
والطير منها اختفه
ومنهم سحب روحه
والطير ليش اختفه ؟
ومنهم سحب روحه ؟
الرسّام حطّه بقفص بيبانه مفتوحه ..!
كاظم اسماعيل الگاطع
واذا اگلك رخيص تضوج؟
وانت من الرخيص ارخص
خيط من الهدم مهزول
ماتنعاف بي تنگص
وانت من الرخيص ارخص
خيط من الهدم مهزول
ماتنعاف بي تنگص
رحت وعيونك أعمى من السچاچين
التظن غاطيها دم وهو زنجار
حطب ناگع وعمره يوطول ال يلين
لچن لين الگلوب اعمارها گصار
الشاعر حسين البهادلي
التظن غاطيها دم وهو زنجار
حطب ناگع وعمره يوطول ال يلين
لچن لين الگلوب اعمارها گصار
الشاعر حسين البهادلي
گتلي من تعطش ترويك الجفوف
وهذا انا العطشان وين اجفوفك ؟
وگتلي من تستاحش ابروحي تطوف
شو عليًّ شحيت حتى اطيوفك
وگتلي لو عينك طفت .. بعيوني شوف
وشفت كل الناس بس ما شوفك
وگتلي أمن لا يجي ابالك الخوف
وماعرفت الخوف الا بخوفك
وگتلي برموشي جرح گلبك يروف
شو كبر جرحي وزغر معروفك
وانه ادري ارموشك امضه من السيوف
اشجاب گلبي وطاح بين اسيوفك
أوف من حبك الف مليون أوف
وآنه مدري اشگاضني وماعوفك
مثل غرگان ويدور عالجروف
حظه ابموته .. وماحظه بجروفك
وصار ملگانه اسطوانه اعله الرفوف
وحبنه مات استشهد اعله اجفوفك
بس مراسيلي بگت عندك اضيوف
اشما حلالك انت حر بضيوفك
وهاك اخذ كل الرسايل والظروف
وكل تصاويرك هذن بظروفك
ولك ماجدي العشگ جدوة حروف
حروفك لحالك اخذها احروفك
انت ماغريتني ابشگر الزلوف
الشمس تشبه لشگر ازلوفك
ولا بحسنك شو مثل حسنك الوف
ولو نفنوف الحسن نفنوفك
دورت مكه ونجد وارض الهفوف
حتى انسه ولا اظل ملهوفك
بيدي كريت الگلب كرت الخروف
حتى مايرفس حنين لشوفك
يكفي ياچذاب لو رايد تعوف
عوف بس تالي تعظ اجفوفك
مهدي عبود السوداني
وهذا انا العطشان وين اجفوفك ؟
وگتلي من تستاحش ابروحي تطوف
شو عليًّ شحيت حتى اطيوفك
وگتلي لو عينك طفت .. بعيوني شوف
وشفت كل الناس بس ما شوفك
وگتلي أمن لا يجي ابالك الخوف
وماعرفت الخوف الا بخوفك
وگتلي برموشي جرح گلبك يروف
شو كبر جرحي وزغر معروفك
وانه ادري ارموشك امضه من السيوف
اشجاب گلبي وطاح بين اسيوفك
أوف من حبك الف مليون أوف
وآنه مدري اشگاضني وماعوفك
مثل غرگان ويدور عالجروف
حظه ابموته .. وماحظه بجروفك
وصار ملگانه اسطوانه اعله الرفوف
وحبنه مات استشهد اعله اجفوفك
بس مراسيلي بگت عندك اضيوف
اشما حلالك انت حر بضيوفك
وهاك اخذ كل الرسايل والظروف
وكل تصاويرك هذن بظروفك
ولك ماجدي العشگ جدوة حروف
حروفك لحالك اخذها احروفك
انت ماغريتني ابشگر الزلوف
الشمس تشبه لشگر ازلوفك
ولا بحسنك شو مثل حسنك الوف
ولو نفنوف الحسن نفنوفك
دورت مكه ونجد وارض الهفوف
حتى انسه ولا اظل ملهوفك
بيدي كريت الگلب كرت الخروف
حتى مايرفس حنين لشوفك
يكفي ياچذاب لو رايد تعوف
عوف بس تالي تعظ اجفوفك
مهدي عبود السوداني
خلني أضوگ إلفرح من نگحم منيّه
خلني أضوگ الروح وأمشيلك بواچي
دگني غِناوة و بواچي
نفتر دروب الولاية
إنخضّر بكل عتبة ظلمة
آني خوف
وزغر مهموم
ومناية
أني مجروح السوالف
وانت ليل بدمي صيح
يانبع سكران بعيون العصافير الغريبة
التايهة ويّ الريح
إكتبني ولو بس ريح
ومن أحسّك ترس روحي ..
هاك اصابيعي سواجي
وين ماتمحل أطيح
وإنت شوگ بدمي صيح
علي الشباني ١٩٧١
من قصيدة
إغنية للعصافير الغريب
خلني أضوگ الروح وأمشيلك بواچي
دگني غِناوة و بواچي
نفتر دروب الولاية
إنخضّر بكل عتبة ظلمة
آني خوف
وزغر مهموم
ومناية
أني مجروح السوالف
وانت ليل بدمي صيح
يانبع سكران بعيون العصافير الغريبة
التايهة ويّ الريح
إكتبني ولو بس ريح
ومن أحسّك ترس روحي ..
هاك اصابيعي سواجي
وين ماتمحل أطيح
وإنت شوگ بدمي صيح
علي الشباني ١٩٧١
من قصيدة
إغنية للعصافير الغريب
أنه آخ وحچوني بغرَف تعذيب
ما هزيت شعرة براس جلّاد
ما هزيت شعرة براس جلّاد
ولسّه لسّه مهامِسك بيَّ جفافي ،
وجف يحُط خياله عالنسَّمه هِديه ،
وآخ ....
والسَّوط على دمي ، خطني بسطوره وصية
اشما نزفها الدم ضميري ، ايفيض بعيوني قضية .
بيها شفت الروح ثورة ، اوموعد ، اوشعر ، اوقضية .
اوبيها شفت الناس كعبة، اومشنقة ،
او جرح ، او قضية
او بيها شِفتك شوك يكبر بالقضية ،
البيها حطني الخوف مرة إبين إيديك ،
اوراد منها ، ومنك انتَ يشتريني ،
وشتراني
وماكِدَر يندل ضميري!.
اومِنهو يكدر يشتري امن الدم رفِيفه ؟
او منِهو يكدر يشتري من الجفن طيفه؟
او منِهو يكدر يشتري النجمه ابسِماها ؟
او لوشراها !
كلي يكدر يشتري وياها سِماها ؟ ؟
شاكر السماوي
وجف يحُط خياله عالنسَّمه هِديه ،
وآخ ....
والسَّوط على دمي ، خطني بسطوره وصية
اشما نزفها الدم ضميري ، ايفيض بعيوني قضية .
بيها شفت الروح ثورة ، اوموعد ، اوشعر ، اوقضية .
اوبيها شفت الناس كعبة، اومشنقة ،
او جرح ، او قضية
او بيها شِفتك شوك يكبر بالقضية ،
البيها حطني الخوف مرة إبين إيديك ،
اوراد منها ، ومنك انتَ يشتريني ،
وشتراني
وماكِدَر يندل ضميري!.
اومِنهو يكدر يشتري امن الدم رفِيفه ؟
او منِهو يكدر يشتري من الجفن طيفه؟
او منِهو يكدر يشتري النجمه ابسِماها ؟
او لوشراها !
كلي يكدر يشتري وياها سِماها ؟ ؟
شاكر السماوي
محمد الغريب ..
ترك الشاعر محمد الغريب بصمة لن تتكرر على خريطة الشعر العراقي، فلم يقلد أحداً ولن يستطيع أحد تقليده، كانت قصائده كائنات حيّة، فأنت تتمكن من سماعها كل يوم دون ملل كما تلتقي إنساناً كل يوم دون ملل.
وما أجمل هذا النص للراحل أبو سمر :
وين چنتي
وليش متأخرة عليّ كل هالسنين
وليش ما طيفچ إجه وفزّز صفنتي
وين چنتي
گبل تسع سنين مرّيتي اعلى عيني وما وگفتي
ليش من دگ الجرس ماصارن اعيونچ فرصتي
ليش من كف العمر هسه ظهرتي
وين چنتي
ياملك شيطان وتلبس ابجثتي
يادمع خسران ويثلّم وجنتي
يا ألم لف روحي سچين بخصرتي
وين چنتي
ليش ما جيتي گبل لاتوصل الفضة لگذلتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت چا لمچ من سنين بختي
وين چنتي
چان هسه دموع ماكو وخابصة العالم ضحكتي
و چان هسه همومي ميته
وعافيه بوجنة فرحتي
وين چنتي
وليش متعطله وصلتي
وين چنتي
#قلم
ترك الشاعر محمد الغريب بصمة لن تتكرر على خريطة الشعر العراقي، فلم يقلد أحداً ولن يستطيع أحد تقليده، كانت قصائده كائنات حيّة، فأنت تتمكن من سماعها كل يوم دون ملل كما تلتقي إنساناً كل يوم دون ملل.
وما أجمل هذا النص للراحل أبو سمر :
وين چنتي
وليش متأخرة عليّ كل هالسنين
وليش ما طيفچ إجه وفزّز صفنتي
وين چنتي
گبل تسع سنين مرّيتي اعلى عيني وما وگفتي
ليش من دگ الجرس ماصارن اعيونچ فرصتي
ليش من كف العمر هسه ظهرتي
وين چنتي
ياملك شيطان وتلبس ابجثتي
يادمع خسران ويثلّم وجنتي
يا ألم لف روحي سچين بخصرتي
وين چنتي
ليش ما جيتي گبل لاتوصل الفضة لگذلتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت چا لمچ من سنين بختي
وين چنتي
چان هسه دموع ماكو وخابصة العالم ضحكتي
و چان هسه همومي ميته
وعافيه بوجنة فرحتي
وين چنتي
وليش متعطله وصلتي
وين چنتي
#قلم
من ضحايا الزمن الجميل..
الشاعر غازي ثجيل ابن الكوت الذي ولد في قضاء شيخ سعد، وكتب اغنية مسافرين لياس خضر واغنية حلوين ويدرون نحبهم لمائدة نزهت والكثير من الاغاني الجميلة قبل أن يعـ . ـدمه صدام بإلقائه من طائرة مروحية إلى الارض.
مسافرين وعيني مشدودة لدربكم
رايحين وآه لو عندي قلبكم
چنت ألم جروحي كلها...
ويا جرح يلچمني بيكم حيل الچمة
….
مسافرين وروحي طويها الدرب غربة وملامة
رايحين ومن بعدكم صرنا لشطوط العشق والحب علامة
واحنا طرزنا الستاير للشبابيك العبر منها الضوه
واحنا علمنا الخلگ طبع الوفا بدرب الهوى
وروحنا جناحين للراحو بلا كلمة وداع وضيعونا
مسافرين وتغفى بعيوني المحطات وصورها
مسافرين وترفة يا عين المواعيد وصورها
رايحين وذبلت جفون التعب بيها سهرها
عيونهم عشگ الربيع الغض على الدنيا حلاته بروح ترفه
رموشهم ليل الطويل اليشرب عيون الضوه وباهدابه تغفى
وروحي مثل الگاع لو مرها المطر .
تمطر وفا وخير ومحبة
لكن الدنيا سفر ...والنحبهم ما نسيناهم نسونا وسافروا
مسافرين
وعيني مشدودة لدربكم.
الشاعر غازي ثجيل ابن الكوت الذي ولد في قضاء شيخ سعد، وكتب اغنية مسافرين لياس خضر واغنية حلوين ويدرون نحبهم لمائدة نزهت والكثير من الاغاني الجميلة قبل أن يعـ . ـدمه صدام بإلقائه من طائرة مروحية إلى الارض.
مسافرين وعيني مشدودة لدربكم
رايحين وآه لو عندي قلبكم
چنت ألم جروحي كلها...
ويا جرح يلچمني بيكم حيل الچمة
….
مسافرين وروحي طويها الدرب غربة وملامة
رايحين ومن بعدكم صرنا لشطوط العشق والحب علامة
واحنا طرزنا الستاير للشبابيك العبر منها الضوه
واحنا علمنا الخلگ طبع الوفا بدرب الهوى
وروحنا جناحين للراحو بلا كلمة وداع وضيعونا
مسافرين وتغفى بعيوني المحطات وصورها
مسافرين وترفة يا عين المواعيد وصورها
رايحين وذبلت جفون التعب بيها سهرها
عيونهم عشگ الربيع الغض على الدنيا حلاته بروح ترفه
رموشهم ليل الطويل اليشرب عيون الضوه وباهدابه تغفى
وروحي مثل الگاع لو مرها المطر .
تمطر وفا وخير ومحبة
لكن الدنيا سفر ...والنحبهم ما نسيناهم نسونا وسافروا
مسافرين
وعيني مشدودة لدربكم.
#قصيدة: ها يحمود
#المرحوم: كاظم خبط الجبوري #الديوانية
بشرني بوضع وادمكم شلونه ؟.
بعدهم يشترون الليل .
لو گاموا يبيعونه .
بعدهم راغبين الگيد
لو صاروا يرفضونه .
أنه خوفي كبر يحمود
مامش دنيه مامونه
أخافن وگع حمل الضيم
عنه وخفن متونه .
أخافن عرف دربه وصار
يرفض من يدلونه .
أخافن عرف زرعه وصار
يعرف من يحصدونه .
دفك عينك تره يحمود
درب الشمس رازونه .
دفك عينك تره الجوعان
حيله يصير بسنونه .
#سار_القطار
#المرحوم: كاظم خبط الجبوري #الديوانية
بشرني بوضع وادمكم شلونه ؟.
بعدهم يشترون الليل .
لو گاموا يبيعونه .
بعدهم راغبين الگيد
لو صاروا يرفضونه .
أنه خوفي كبر يحمود
مامش دنيه مامونه
أخافن وگع حمل الضيم
عنه وخفن متونه .
أخافن عرف دربه وصار
يرفض من يدلونه .
أخافن عرف زرعه وصار
يعرف من يحصدونه .
دفك عينك تره يحمود
درب الشمس رازونه .
دفك عينك تره الجوعان
حيله يصير بسنونه .
#سار_القطار
صوت هنا
وصوت اهنا
وصوت يمر على عظامي
وصليل وياه
وصوت يمر سهم وبكاغد اتلكاه
وكلها اصوات تتلاعه
ويمر جتال ابوي بمستحه اتلكاه
وابوسه هنا
واحبه هنا
واكومن كومة الديوان بوداعه
وانه دوسة جرف لأول جدم وداه
...
و شفت الذيب والراعي اجو منا
اعرف الذيب واطباعه
ادري بصحبته شيريد
ناوي يطر جزيرة
وصاحبه متاعه
صاحبته وغلاة الزلم صحبة يوم
ما قصّر تريّك بالكلب وتغده بالجتفيين
وظم مني سهم لليل تجواعه
ومشّاني بدرب
بس الدرب شبرين
حته تلوحني ذراعه
كاظم اسماعيل الكاطع
وصوت اهنا
وصوت يمر على عظامي
وصليل وياه
وصوت يمر سهم وبكاغد اتلكاه
وكلها اصوات تتلاعه
ويمر جتال ابوي بمستحه اتلكاه
وابوسه هنا
واحبه هنا
واكومن كومة الديوان بوداعه
وانه دوسة جرف لأول جدم وداه
...
و شفت الذيب والراعي اجو منا
اعرف الذيب واطباعه
ادري بصحبته شيريد
ناوي يطر جزيرة
وصاحبه متاعه
صاحبته وغلاة الزلم صحبة يوم
ما قصّر تريّك بالكلب وتغده بالجتفيين
وظم مني سهم لليل تجواعه
ومشّاني بدرب
بس الدرب شبرين
حته تلوحني ذراعه
كاظم اسماعيل الكاطع