#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


يا وجيهةً  /// عند الله
أشفعي لنا /// عند الله
//////////////
=١
الج مرفوعه الايادي ابدمعت العين   
منج انريد الشفاعه بداعت حسين
غيرج ابهذا الزمن ما عدنه تدرين
أنتي بس انتي الوسيله يم الابنين

يا شفيعةً   /// عند الله
اشفعي لنا /// عند الله
//////////////////////
==٢
انحلفج ابولدج او أولهم العباس
لا تحرمينه عطائج يم الاحساس
ما يرد بابج الضيف وتشهد الناس
أنتي في كل المواقف رفعة الراس

يا قريبةً  /// عند الله 
اشفعي لنا /// عند الله

//////////////////////
===٣
يا وجيهه اتوجيهنه ابدمع الاعيون
اتوفقينه الخدمتج والخدمت ام عون
ما تردين الدعاء الكل يشهدون
كل وكت مفتوح بابج للي يدعون

يا مجيبةً   /// عند الله
اشفعي لنا /// عند الله
////////////////////////////
====٤

طبعج اليوفيلج ابروحج توافيه
حاير ابدنياته حاشا ما تخليه
الفاتحه اليقراهه الج حاجاته تنطيه
والمريض ابساع من علته تشافيه  

يا كريمةً /// عند الله
اشفعي لنا /// عند الله

/////////////////////////
=====٥
أنتي باب الله الوسيعه الكل الاحباب
واليدكَـ بابج ابعمره مره ما خاب
واحنه هالليله نندبج يم الاطياب 
ابجاهج ودعواتج ايرد الولي الغاب

يا عظيمةً  /// عند الله
اشفعي لنا /// عند الله
======================

✍️🏻 كلمات #موسى_الخادم ٢٠٢٥

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


لام البنين /// سوينه القرايه
لام البنين /// اتحزمنه بالرايه

/////////////////////////////////////////
١<
يابو فاضل ياشمس دنيانه
لامك البدويه هذا عزانه
الله ينطيك الأجر مولانه
ماتت امك والكَـلب حزنانه

الله يعينك يا كَـمر …. مو هين امصابك
صيحتنه هاذي للأبد …. تسمعهه يم بابك

لام البنين /// دمعتنه شرايه
لام البنين /// اتحزمنه بالرايه

////////////////////////
٢<<
عظم الله اجرك نطق كل خادم
وموكب الخدمه انفتح  للوادم 
التعب ما همه خدمته املازم
والشهود ادموعه عالخد راسم

ما همه سهر ولا تعب … كل خادم اتشوفه
عنده محرم ما خلص … والرايه بجفوفه

لام البنين //// وفايه وفايه
لام البنين /// اتحزمنه بالرايه

////////////////////
٣<<<
يا خو زينب لامك الوفايه
ابكل شوارعنه نصبنه اقرايه
وبينه ما واحد الخالف رايه  
يشهد اعلينه اللطم والرايه

بكل دار منصوب العزه …. مو بس شوارعنه
واشلون منقيم العزه … جا هيه غير امنه

لام البنين /// حزن الكَـلب آيه
لام البنين /// اتحزمنه بالرايه

////////////////////////////////
٤<<<<
اصغار واكبار الخدم والينه  
كل سنه يم بابك اتلاكَـينه
نحضر انواسيك واتواسينه
امصابهه كاسر ظهر مهدينه 

يجمعنه وياك الدمع …. عالماتت ابهمهه
والمهدي لمك يا كَـمر  … جفينه لاطمهه

لام البنين //// ناشف نهر مايه
لام البنين /// اتحزمنه بالرايه 

////////////////////////////////////
٥<<<<<
نرخص الغالي ونحر نفديلهه
ونبقى حد آخر نفس نبجيلهه
اوموش مجلس واحد انسويلهه
ابكَـد عدد زوارهه التمشيلهه

ذكراهه نحي ابكل سنه . موش بحسينيه
من الجهات الأربعه …. للكره الأرضيه

لام البنين //// طلعتنه مشايه
لام البنين //// اتحزمنه بالرايه

///////////////////////////////
٦<<<<<<

ننتظر جيت القائم باجر
ويمهه  ننصب مجلس الما صاير
ويحضر الساحكَـ ابصدره الحافر
ويانه ينعى ويهل دمع الناظر

لام البنين الأربعه …. يتجارن ادموعه
يحضرهه من طف كربله .. متكسره اضلوعه

لام  البنين //// متعني عنايه
لام البنين /// اتحزمنه بالرايه
【=======================】

✍️🏻 كلمات #موسى_الخادم ٢٠٢٥

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

شوووووور

يبو فاضل يعباس

1⃣
يمه هايه اليه آخر ليله اليه
وعيني رادت شوفتك يا بو الحميه
وايدك اتغمضلي عيني بالمنيه

على الباب  /// عيني ظلت ناطره
على الباب /// هالمسيه امساهره
على الباب /// يا كفيل الطاهره

اتانيك /// وادري صعبه جيّتك 
اتانيك /// يل بعيده شوفتك
اتانيك /// وانت حزو ركَـبتك

والسهم ناظرك جاس
يبو فاضل يعباس
////////////////////////////

٢[][]
يمه جرح البيه ما تشفي مدامع
أي وحق خنصر حسين المنه ضايع
موتي كَـرب وانه وحدي يبني سامع

مثل طير /// منكسر جنحه اصبحت
مثل طير /// نازف ادمومه طحت
مثل طير ///  ابلا سرب وحدي عشت

يوفاي  /// باجر ايضمني الترب 
يوفاي /// وانه مكسورت كَـلب
يوفاي /// وعيني تبقى اعله الدرب

ماكو رايه ولا طاس 
يبو فاضل يعباس
//////////////////////////////

٣[][][]

يمه تدري عازة الأولاد عازه
وانه ردتك تحضر ابشيل الجنازه
دهري بعدك ما رحمني اعلي توازه

تمنيت /// يُمه تحضر دفنتي
تمنيت /// اتشيل أنته اجنازتي
تمنيت /// تلطم اعله امصيبتي

يعباس /// يمي ما واحد حضر
يعباس /// كَـبري مو جفك حفر
يعباس /// ما رحم بيه الدهر

شيبي خضَّر على الراس
يبو فاضل يعباس
//////////////////////

٤[][][][]

يمه روحي اعليك تسأل بالفجيعه
شرد اكَـلهه وأنته طايح عالشريعه 
ويسرتك يا يمه  واليمنه كَـطيعه

تجيني /// اشلون يمه ابلا نفس 
تجيني /// وجثتك الحافر رفس
تجيني /// يل جنت لختك حرس

على الآه /// راح اغمض هالجفن
على الآه /// ابلايه تشيع اندفن
على الآه /// روحي تطلع بالحزن

يا خو زينب ينوماس
يبو فاضل يعباس
/////////////////////////

٥[][][][][]
يمه جانت امنياتي اربعتكم
اتشيعوني وناعي اليه اتصير اختكم
والينزلني الكَـبر الحسين يمكم

بلا راس /// جسمه ضل ابكربله
بلا راس /// ماكو واحد غسله
بلا راس /// ونحره تربان انمله

على حسين /// عمري بالهيمه انفرش  
على حسين /// خلصتهه بس عطش 
على حسين /// ريت ينشال النعش

لبني الصدره منداس
يبو فاضل يعباس
=====≈≈≈≈========≈≈≈≈=====
✍️🏻 كلمات #موسى_الخادم ٢٠٢٥


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

ام البنين ع


ام الونه الطويله ما ماتت تره الليله
من هد الشمر خيله ذبحها
ام حگها تنفجع منها انكسر ضلع
****
النبض ام البنين حسين عدها
تحبه والله اكثر من ولدها
تعيش الهل وكت فاطمه اشعدها
چان حسين دنياها وسندها
بيوم الغالي طاح اصبح وعدها
وفيه ماتت وعالعتبه خدها

ملك الموت يدريها من ايموت غاليها
بسرعه هوه يلفيها وفيه
ما ينفع الدمع منها انكسر ضلع
****
ظلام وعاشت ابلايه شمسها
ابنها حسين والدها وحرسها
المصاب البي يمر هيه يمسها
كل اجروح ابو اليمه تحسها
الرفس لحسين يا ويلي رفسها
انگطع من الالم كله نفسها

عاشت هيه بحساسه تتنفس من انفاسه
يعني اللي گطع راسه گطعها
عاشته هل وضع منها انكسر ضلع
****
عدله ميته ام عباس اسمها
بعيون الاهل بس ظل رسمها
ظل ذكراها عايش مو جسمها
نزف نحر الحبيب ونزف دمها
هشمها الخيل اي والله هشمها
من مفگفاها هم طالع سهمها

ام عباس منحوره هم الچبده مفطوره
اهنانه اكتملت الصوره سجيه
هالفكره تتسع منها انكسر ضلع
****
ام الاربعه اشيحمل گلبها
تنوح المن تره تايه دربها
أمر الاربعه سلمته الربها
وظلت عين للحره تصبها
سوط الضرب زينب مو ضربها
حست بالخيام وكل لهبها

اصيله وهاي بدويه تحس بضيم علويه
تشعر هيه مسبيه وغريبه
چم لوعه تنجمع منها انكسر ضلع
****
وي زينب سبوها مو غرابه
حسّت باليسر كله وعذابه
اكيدن شافت اهوال الخرابه
وشافت ثغر الحسين ومصابه
انگلبت عينها اهناكه سحابه
بعبايتها اثر دمه وخظابه

حنين ارقيه حنّته طشت الغالي حظنته
ونحر حسين شمته يويلي
والونه ترتفع منها انكسر ضلع
****

الشاعر اياد الديراوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ
الى ام البنين ع


مو بعيد الموت عني ساعه ويچفنوني
نلتقي يم الزچيه يالعميت عيوني
واحسيناه واحسيناه
****
راح اموت وعيني حمره نعمه هاي امن الإلاه
انه مبخوته وبچيتك يبني هذا اعظم بلاء
الزهره من تسالني عينچ ليش متروسه دماء
بكل فخر اوگف وگلها عمت عيني كربلاء

كون حمره دموعي تبقه وابد ميغسلوني
نلتقي يم الزچيه يالعميت عيوني
واحسيناه واحسيناه
****
بكل وكت يحسين انته حچايتي وموضوعي
اي لطمت اهواي بعدك وما هجعلك روعي
لا تظن لجلك يغالي تشفي صدري دموعي
هوه لو جائز وحگك كسريت اضلوعي

انه من اسنين ميته بس بقه يدفنوني
نلتقي يم الزچيه يالعميت عيوني
واحسيناه واحسيناه
****
يبني ما مر ليل بيه اله وانه اعله الترب
خذت من البيت كلشي چا بعد المن اطب
الديره انته الماهو بيها مايها ما ينشرب
لا هواها اليطب ريه ولا يدگ بيها الگلب

سلني حيل افراگك انته إخفيفه لو شيعوني
نلتقي يم الزچيه يالعميت عيوني
واحسيناه واحسيناه
****
حيل اخاف الباب اسده وابد ما سديته
حتى عطرك من يسبگك ما يتيه بيته
اگبال بابي دموعي كلها وچم اثر خليته
ورمش عيني الشاب كله عالارض طشيته

ايست تاليها وادري خيبيت اضنوني
نلتقي يم الزچيه يالعميت عيوني
واحسيناه واحسيناه
****
اهنانه لو بالجنه يبني ابچي الك متعلمه
كلمن بجرحه يسولف انه وامك فاطمه
انه راح الزم قميصك إلبعده يتگاطر دمه
وامك بچفين تلطم عله ضلوع امهشمه

ذني چفين ابو فاضل ابني بي فجعوني
نلتقي يم الزچيه يالعميت عيوني
واحسيناه واحسيناه
****
للخلگ ماكو خفايه اهناكه كلشي يتضح
نلتقي وادري اشوفك توه چنك منذبح
بالحشر كلشي يغالي بيك حتماً ينجرح
شنهو يبني بصدرك الگه سهم لو نابت رمح

بدالك انته يبو اليمه وسف ما ذبحوني
نلتقي يم الزچيه يالعميت عيوني
واحسيناه واحسيناه
****

الشاعر اياد الديراوي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

ام البنين ع

الفاتحه اقراها ابدمعتك والعمل بالنيه
إنخه ام عباس وطلب حاجتك مقضيه
***
الهاجت اهموم ابدليله بعينه تغفه الحيره
واجب المنظر تگله للبقيع ايديره
إشما چبيره همومه يشعر عدها والله زغيره
همومي كثره وجربتها تنگضي يوميه
***
الكل عِلَلنه عدها مرهم الله ميزه انطاها
الماگدر يشفي طبيبه كون بس ينخاها
اي وحگ إچفوف ابنها العله مايلگاها
تبات معلول ابفراشك والفجر منهيه
***
ليلة الجمعه الحوائج عالصدر خليها
ومن بعد ما زرت ابنها گوم سَلمْ اعليها
وقسم اعليها بوريده حيرتك تجليها
ما تعوفك اله تسمع كلشي ماظل بيه
***
الفارگ احبابه ويتاني ياوكت يلفونه
هيه هم تانت يجيها حسين ويه ضعونه
اتمنت اشگد الحنونه تبوسه بين اعيونه
يالله حلّفها ابصبرها احبابي ترجع ليه
***
الايس وما عنده خلفه منها يطلب ريته
ايرد جميله لو نطته اويضوي شمعه ابيته
حسين يم عباس گلها إلولد سميته
اغلى كلشي حسين عدها شمحله هالتسميه
***
الشفاعه منها اطلب گلها لا تنسيني
وگلها يوميه يفاطم الطم اعله حسيني
بالحشر انا اودمعتي وحدي لتخليني
ابجاه الحسين وغربته وزينب المسبيه
***
الشاعر اياد الديراوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


لوفاء أم البنين سلام الله عليها  لاهل البيت عليهم السلام (ميمر)

نوگف إجلال وتقدير.  لام البنين الحره

اقرينه عنها بالكتب واسمعنه
سيرة وفاها الحيدر وراجعنه
قول وفعل روح وظمير ومعنه
ماقصرت ام عباس.  السيرتها كلمن يقره

يافاطمة هلأسم نور وعفه
فاطمة تخلف فاطمه موصدفه
بفيض الإحسان الباري قدر لطفه
بفاطمة معوض الكرار  الباري جابر كسره

من ابواب ربها للتعنه ونعمه
يوم الحشر للناس باب الرحمه
ذابت بحب أهل الشرف والعصمه
براحتها ضحت للدين.  وخدمت أولاد الزهره

گالت يولدي البشر كلمن يومه
وصت ولدها درع وسط الحومه
لبن الزچيه الطاهره المظلومه
لحسين ضحوله انحور.  بس كون سالم نحره

جاها ابن حذلم هاملات اعيونه
امدنگ الهام   ومهجته محزونه
لحسين گلها اربعه انذبحوا دونه
وفوگ الرمح رأس حسين. وجسمه انفرش علغبره

ونت ونين الزهره من لچمتها
اتمنت گبل هذا الخبر موتتها
نادت ابحرگة وبالگلب لوعتها
الفارگ ابن مثل حسين.  شله ابحياته وعمره

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

قصيدة  (گعده ) في حق ام البنين
سلام الله عليها

لاوِلِدها.    ولاعمدها.    ولاسندها
ضلت بدار الخليه.  تنتظر يوم المنيه
ام البنين
★★★★★
ام البنين الصبر منها.   جفن يتفاخر ابعينه
نذرت الحيدر زمنها.    دوم بالشده  تعينه
رغم لوعتها وحزنها.   شالت احزانه اوونينه
دره ثمينه.     تكَوَّنَت
وبچف امينه. ترعرعت
طيبه وحنينه شگد وفت. شگد وفت هاي الحنينه

رحل عنها.   الچان الها.   كل املها
بعد حماي الحميه.   تنتظر يوم المنيه
ام البنين
★★★★★
ماسمح لحضه دهرها.  حسين من انوه رحيله
اتروح وتحضر امرها.   من ضعف حال وعليله
التزمت الحره بصبرها.  الرحله ضنت مو طويله
رحله گصيره.   تصَوَّرَت
ياحيف بالحيره.  اصبحت
اضعون ياديره صفت. .  بيابلد وبياقبيله

مشوا عنها.  وزاد ونها.  شگد حزنها
والعمر مابيه بقيه.    تنتظر يوم المنيه
ام البنين
★★★★★
تنادي كل صبح ومسيه.  ام البنين وعدها شكوه
وين يانور الزچيه.     وناظري. وللعين سلوه
سوه افراگك. والمنيه.   يبني والله الفرگه بلوه
عمري بحزن.  ياهو إلي
لجلك أون.  ياكل هلي
درجع يبن.   حيدر علي. اغيابك ابحالتي أَسوَّه

هلحنينه.  شگد حزينه.  بالمدينه
غاب عنها ابن الزچيه.  تنتظر يوم المنيه
ام البنين
★★★★★
بلوعه تكتل حس گلبها.  والخلگ ضاگ وتكَدَّر
اخبارهم شنهو الحجبها. والزمن لونه   تغَيَّر
خاف لاشَدَّت حَرْبْهَا.     الدنيا دوم الدنيا تفتر
بلگلب نار. ومنفجع
من زمن غدار. الطبع
وعليهم اندار.  الجمع هناك يمهم كون حيدر

يازمنهم.  من اخذهم.  مايردهم
ولَمَّه  ماترجع زهيه.   تنتظر يوم المنيه
ام البنين
★★★★★
تنتحب طول الليالي.  من لفه الناعي ونعاهم
گلَّها ماظل بعد غالي.  الموت كل اهلچ خذاهم
من الرجال الضعن خالي  بس عليل الاجه وياهم
كلشي وضح. من الخبر
حسين انذبح. من النحر
وبالدم سبح.  نور الگمر. من العذب محد سگاهم

شگد هظمها.  شگد ألمها. وليل همها
بعد جرح الغاضريه.  تنتظر يوم المنيه
ام البنين

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


في ذكر أم البنين سلام الله عليها (وزن المجرشه)

ياشيعي اقره / لأم البنين الفاتحه
ياشيعي اقره. / لأم البنين الفاتحه
★★★★★
ام البساله والعزم. معروفه يوم الصعبه
قدمت ايام العمر. لجل الإمام ودربه
عن اقتدارات وفعل وصلت الهاي الرتبة
ام البنين الاربعه. ضد الضلال. وحزبه

والمجد يفخر / بهاذي الكريمه الصالحه
ياشيعي اقره / لأم البنين الفاتحه
★★★★★
من الطفولة فاطمة بهذا الكرم موصوفه
عفه وكرامات وعلم بين الخلگ معروفه
شاركت حيدر بالمجد من طيبه حد الكوفه
سارت على نهج الوصي. هذا النهج متعوفه

وبنهجه تعلم / حجة الباري الواضحه
ياشيعي اقره. / لأم البنين الفاتحه
★★★★★
الدين گالت غايتي ونهج الوفه من طبعي
الضلع الزچيه الطاهره. فدوه حياتي وضلعي
ياشيعي اقره الفاتحة. لأم البنين. وادعي
وابچيلها شگد مابچت. لحسين وألطف تنعي

بالحشر حبها. / هوه التجارة الرابحة
ياشيعي اقره. / لأم البنين الفاتحه
★★★★★
من اختارها رب السمه من بعد نور الزهره
أتْهوَّن عليه نار الحزن بالدنيا تجبر كسره
عَلَّاَهَا ربها من صفت. تخدم أبيت العتره
ألام الحنونه الطاهره. ياغصن لطيب شجره

افنت عمرها. / الحره الوفيه الناصحه
ياشيعي اقره / لأم البنين الفاتحه
★★★★★
اتوصي ولدها الاربعه. أتصب الدمع محزونه
لحسين ولأمه الفضل. لأبن الوصي ممنونه
لحسين صيروله درع. من كل كتر تحمونه
غبار الحرب من يعتلي اطيحون كلكم دونه

بالحشر تدري / كفت حسين الراجحه
ياشيعي اقره. / لأم البنين الفاتحه

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


عن لسان ام البنين تخاطب الامام الحسين عليه السلام على طور حمزة الصغير (ام البنين تنادي)

لجلك نذرت أسنيني يامهجتي وضي عيني
يحسين يبن الهادي. لجلك فديت اولادي
يا مهجتي وضي عيني
★★★★★
كل حال ماشاغلني. لمن رحت عن الدار
لمن رحت يعيوني
بس أنته شاغل بالي. يحسين يبن الكرار
بعدك تغير لوني
والخوف عذب حالي. ابدلالي مستعره النار
والدمع يچوي جفوني

ثلاثة انذرت تدريني. وعباس قرة عيني
من كافل ومن حادي. لجلك فديت اولادي
يا مهجتي وضي عيني
★★★★★
يوم طلعت للكوفه. عن عيني ظعنك من غاب
غاب الفرح عن داري
اتذكرت طبرة حيدر علهام من يوم انصاب
ابطاريها تلهب ناري
چبد الحسن مسمومه بالسم نحل جسمه وذاب
لمصابه دمعي الجاري

خوفي العده يغدرونك. وبسهامهم يرمونك
يامن گطعت الوادي. لجلك فديت اولادي
يا مهجتي وضي عيني
★★★★★
لنصرة علي والزهره. طول العمر والايام
لحد مااصير ابگبري
عاهدت رب القدره ربي السميع العلام
بخدمتهم اگضيه عمري
ونذرت ولدي كلهم. لحسين كلهم خدام
بس كون يقبل نذري

تحظر ردت بحسابي. يوم اندفن بترابي
يحسين ذخري وزادي. لجلك فديت اولادي
يا مهجتي وضي عيني
★★★★★
يلوب الگلب لاچمني يامن گطعت ولايات
يبني تگطع گلبي
بدربك تشوف العدوان يطلبون حيدر ثارات
ظلت عيوني تربي
كل خوفي ليغدرونك. للحرب شالوا رايات
دخيلك صحت ياربي

وشلون حال العتره. لورحت يبن الزهره
ورغما على حسادي. لجلك فديت اولادي
يا مهجتي وضي عيني
★★★★★
منهو لعليك انشدهم. غابت علية الاخبار
شومحد ايخبرني
بالعايله وبظعونك. ماادري يحسين اصار
طول اغيابك يبني
كل خوفي ليغدرونك. الغدروا گبل بالكرار
والله الگلب لاچمني

بعدك تعذب حالي يحسين يمك بالي
للجرح انته اظمادي. لجلك فديت اولادي
يامهجتي وضي عيني

الشاعر حسن لعيبي الحربشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


لوفاة ام البنين عليها السلام

يا نسب طاهر امين
فاطمه ام البنين
كل مصيبه وكل رزيه
ناصرت حامي الحمية
فاطمه ام البنين
فاطمه ام البنين
★★★★★
عن ام البنين اتصفح وأقره
مناهل خير هيه ومعرفه وفطره
شخصيه كريمه ونابغه وحره
وقدوتها الوديعه الطاهره الزهره

حرت ما ادري شگول
والشرح عنها يطول
لدينها ظلت وفيه 
ناصرت حامي الحميه
فاطمه ام البنين
★★★★★
وي حيدر مواقف الها معروفه
من  أرض المدينه الديرة الكوفه
شماچانت حياته بخطر محفوفه
يكَطعَّها الحزن لوينحب تشوفه

عنها لوحيدر يغيب
الوكت تگضيه بلنحييب
كل صباح وكل مسيه
ناصرت حامي الحميه
فاطمه ام البنين
★★★★★
معروفة  نسب وأفعال محموده
وي حيدر مواقف الها مشهوده
مفاخر للكرم  معلومه موجوده
يا قمه ادب شيوصف أحدوده

بعد حماي الدخيل
الصبح مرها چنه  ليل
تحملت جور واذيه 
ناصرت حامي الحميه
فاطمه ام البنين
★★★★★
بعد ما غاب ابو الحسنين عن داره
سند لولاده ظلت تحفظ اسراره
تلم شمله وتحارب دنيا غداره
طَفَّت كل گلب ما تنطفي ناره

ومن حسن وحسين راح
ياما عذبها النياح
الناصرت  ولد الزچيه 
ناصرت حامي الحميه
فاطمه ام البنين
★★★★★
خصايص فاضله التاريخ سجلها
وتشهد كربلاء لولادها وإلها
عزيزه فاطمه شجره وفخر كلها
فراگ الاربعه وحسين ذَبَّلها

وفت  لولاد الرسول
وبردت گلب البتول
قبل يوم الغاضريه  
ناصرت حامي الحميه
فاطمه ام البنين

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

نعي
ام البنين ع تتمنه يرجع احد اولادها للدفن


اتمنيت واحـد مـنهـم ايـعـود
وگـبـل المنيـه كـون مـوجـود
ايشيل الجنازه ويلبس السود
وتهمل دمعته فـوگ الـخـدود


اتمنيت بـس هـاي بـحـيــاتـي
وبكل مسيـه ادعي بـصـلاتـي
يحضـر وَلَـد سـاعـت وفـاتـي
وفـوگ النعش ينـشـر عـباتـي


اتمنيت يـمـي بـاخـر انـفــاس
وعله الـچتـف يحملني عباس
راعي المحنه الـيـرفـع الـراس
صعبه ألجنازه اتشيلهه الناس


اتمنيت لاچَـن كلشي مـاصـار
اليوم الـمـنيـه وتـسعـر الـنـار
مدري زمانـي اشيطلب ابـثـار
خلانـي انـوحـن لـيـل ونـهـار

*--------------------*------------------*

✍خادم ام البنين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

حول ام البنين. (شوط كربلائي)

ام الاربعه البلدار   زاد الليل لوعتها
تنادي ضعونها الراحت عليها شوكت رَدَّتْهَا
★★★★★
هاي ام البنين تگول. زاد الليل بصوابي
انادي. وين يلغياب. هيمه يترس اعتابي
گصرْ شوگي ولا ردوا.  طالت غيبة احبابي
وحگ الي رفع سبعه
بعيني ضاگت الوسعه
اضل ياوكت بالدمعه
ضاگت ياعظيم الشان.  وين الأهل لمتها
★★★★★
شوكت ياربي يلتمون. ياساعه الاشوفنهم
يرَدُّون شوكت للدار. واترجه خبر منهم
ضعون السافروا بيها. اعزاز على الگلب كلهم
راحوا وانتهت دنياي
بس نار البقت بحشاي
الفرگه زَيَّدَت بلواي
وادري الفرگه ماترحم.  طالت حيل ساعتها
★★★★★
طويله الغيبه يحبابي. ليالي الفرگه تكتلني
مابيه أجد بالسير.  . يمهم من يوصلني
گلبي من الصبر ملچوم خافن لوصدگ ضني
اضن بالدنيا تغدرهم
وگوم الي تناطرهم
خوفي لوضهر شرهم
واهل الغدر ماترحم تخون بساع عادتها
★★★★★
ياديره التشيل الروح.   واهجع واستچن بيها
شلي بدنياي بعد حسين. هلدنيا العفه عليها
من نار الصبر مليت.  روحي وين اوديها
محتاره صرت بامري
بيهم منشغل فكري
ومايسوه بعد عمري
بعد حسين روحي تموت  راح الحزن يگضيها
★★★★★
فارگت العمر والروح. يوم حسين فارگني
عليله وغيبته طالت على الفرگه. شيصبرني
اخافن بعد ما اشوفه. چفوف الموت تاخذني
بينه يوگف وبيني
الموت ومايخليني
تشوفه وتبتشر عيني
سفره وطالت وخوفي.   خوفي من نهايتها

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


نعي مفجع
(لاتدعو وني ويكِ ام البنين)


لاتــدعـو ونـي گـامـت اتـصـيـح

جاهه الـخبـر وتـگـوم وتـطـيـح

ثكله وصبرهه اصبـح اشـحـيـح

اربـــع ولـــد ضـلــوا مـذابــيــح

عنهه مشوا چَن نسـمـت الـريـح

بـس الـمـدامـع ضـلـت اتـسـيـح

وجرّح جفنهـه الـنـوح تـجـريـح

غــيــر الأجـل مـاضـنـن ايـريـح

التـفگـد ولـد مـثل الـمـصـابيـح

يبقى الگـلب مـلـچـوم وجـريـح

                *----------------------*------------------*
✍خادم ام البنين ع
الشاعر رعد الجريخي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

(معراج الدعاء)

مـعـراجـه الدعاء الـدمعـه مـعـراجـه
الـطـم لـلـوفـيـه واطـلـب الـحـاجـه

*----------------------*-------------------*

اطـلـب حاجتـك بالدمعـه والـعَـبـره
وقـره الـفـآتحـه وتلگاهه متحضـره
معروفـه ابفضلهه ومـحـد ايـنـكـره

يــامـافــرّحـت الاف مـحـتـاجــه

*----------------------*----------------*

متحيره الـقـوافـي السولفت عـنهـه
كريمـه وبالـكـرم عجـزن يوصفنهـه
مامنهـه الصفات الـعـدهـه مامنـهـه

اتـشـابـه بـحـر مـاتـنـعـد امـواجـه

*---------------------*-----------------*

حـاشـاهـه اليجيهه وخـايـب اتـرده
تعرف بالگصدهـه اشعنده ماعـنـده
دگ بـاب الـوفـيــه وتـفـرّج الـشـده

يـاچـف الـيـدگــه يـاخـذ افـراجـه

*--------------------*------------------*

الصعبـه وثكيلـه الطاهـره اتـحلهـه
گـلـلـهـه اجـيـت وحـاجـتـك خلهـه
بـالـك دمـعـتـك بالمجلس اتـمـلهـه

الـخــادم دمـوعـه والـطــم تـاجـه

*-----------------------*--------------------*

حلفهـه ابـگـمـرهـه وأعـقــد الـنـيـه
مگضيه الـحـوائـج كـلـهـه مگضيـه
اصيله وفآضلـه والـشيـمـه بـدويـه

شـابـت والـگـلـب نـيـرانـه وهـآجـه

*----------------------*-------------------*

علاهه الـعـلـي وعـوّض بواچـيـهـه
تگصدهه الخـلـك وبدمعـه تدعيهـه
محـتـار الوصـف يحچي ابمراثيهـه

والمعبود بـيـهـه أتـوسـلـه ونـاجـه

*-----------------------*-----------------*

✍خادم ام البنين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ

((أم البنين))
نزله


حـاجـتـك تـگضيـهه    ..    أم الـبـنـيـن
جــرّب وأدعــيــهــه    ..    أم الـبـنـيـن

*-----------------------*-------------------*

مـاتـرد محتاج هـيـه مـن أجـاهـه بـحـاجـتـه
بالـگـمـر إقـسـم اعـليـهـه ويمهه أعگـد رايتـه
الـلـه خـلاهـه وسـيلـه يـعني خصهه برحمتـه
باب للحاجات صـارت مـحلـه أسمهه الشالتـه

لـلـشـدد مـذخـوره     ..      أم الـبـنيـن
كـفّـت ومـشـكـوره     ..     ام الـبـنـيـن

*----------------------*--------------------*

الشايل اهمومه وگصدهه عدهه زحمه أترجّعه
شلون باليلطم وجـاهـه وسـال بالخد مدمعـه
حاشه ماتنطي اليريـده الأنـطـت اولاد اربـعـه
الـلـه أنـطـاهـه شفاعـه بـگـد رحمته الواسعـه

إطـلـب ومـوجـوده    ..   أم الـبـنـيـن
امجـربه ومكصـوده    ..   ام البـنـيـن


*------------------------*------------------*

بـالكـرم مـاكـو مثلهه وبـابهـه بـوسـع السمه
أتـقـرب ابدمعه عليهه وألـهـه صدرك وسّمه
گـلـهـه يالحـره أجيتچ وانـتي كـلـچ مـكرمه
ما أدكـن بـاب ثـانـي وروحي بـيـچ أمتـيّمـه

الطاهـره معروفـه     ..    ام الـبـنـيـن
للـبـشـر سـالـوفـه     ..     ام الـبـنـيـن

*------------------------*-------------------*

راسـه مـرفـوع اليجيهه ولا تـظـن أتـنـزّلـه
مـثـل زيـنـب للحوائج هـيـه صـارت كافله
يمهه تنحل المعاضل شنهي يعني المعضله
اليطلب وعنـده عـقيده أقـسـم أتحلهه ألـه

أرتـبـط ويــاهــه    ..   ام الـبـنـيـن
وأترك الـعـافاهـه    ..   أم الـبـنـيـن

*------------------------*--------------------*

الـكـرم والـجـود كـلـه مـن عـطـايـاهـه أبـتـده
والـدت عـبـاس هـايـه والـلـه نِــعــمَ الـوالـده
اتسولف الناس ابفضلهه أشكد حوائج شاهده
اليـوم دگ بـاب العفيفه تنطي كلشي بموعده

الـكـرم عـنـوانـه     ..    ام الـبـنـيـن
ثـابـت وبـرهانـه      ..   أم الـبـنـيـن

*-------------------------*------------------*

الـتِزم هـاي الـمجالـس بـيـهـه تلـگـاهـه تره
واطلب أشعندك قـضيـه الليله مـن الطاهره
الخادم المكسور خاطـر هـيـه تجبر خاطره
يـامـره التشبه كـرمـهـه ويـن گـلـي يـامـره

مـا تـرد أحچـايـه    ..    أم الـبـنـيـن
إعـنيـهـه أعـنـايـه     ..    أم الـبـنـيـن

*------------------------*------------------*


✍خادم أم البنين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


ابيات نعي لمولاتي وسيدتي ام البنين ع

تظل لام البنين ادموعنه اسيل
ونحس وياهه عدنه اهواي تقصير

الحاجه الماتصير وتصعب امرار
بس نذكر حسين اگباله اصير

وذا الزهره ضلعهه صابه بسمار
بضلع ام البين اشكد  بسماير

شافت ويل من إفراگ الضعون
وكل يوم اليمرهه تنوح وتحير

تدير الوجه ساعه وتبچي ساعات
وجهه لكربله كل مغرب أدير

تگله افراگ وجهك يبني چتال
لون ترهم وراهه اضعونك نسير

ونمشي لكربله وياكم اهناك
ونخلي الخيل فوگ اصدرونه تغير

وكبل كسرت اضلوعك يبني حسين
تكسر اضلوعي كون الخيل تكسير

واذا يجبر كسرهه الودام وطاب
عسن لا طاب كسرى ولاله تجبير


ومثل ما حالك تغير بالخيول
عسن حالي ييمه يصيبه تغير


الچ  يام  البنين الدمع  ياريت
عيوني وكون أزور الگبر ياريت
الدنيا وي الزمان عليج ياريت
وصبح گبرچ مثل گبر الزجيه

الشاعر احسان الحميداوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


بحاجتك ام البنين انخاها
تنگضي وتاخذ اجر وياها
--------------------------------------------------------
اعتني لام البنين بحاجتك
ما تطول اعليك تاخذ طلبتك
باسم راعي الجود شدهه رايتك

وقسم عليهه بحليب ارباها
بحاجتك ام البنين انخاها
-------------------------------------------------------
اليقسم عليهه برضيعه وعيلته
تگضي لو چانت معصيه شدته
الكصد باب الحره ابد ماردته

هاي من ربك كرامه اطاها
تنگضي وتاخذ اجر وياها
--------------------------------------------------------
اقسم عليهه بولدهه الاربعه
للحوائج عدهه بوب امشرعه
وگلهه امشي عليج راعي المشرعه

وبيهه حگك تفخر وتتباها
تنگضي وتاخذ اجر وياها
--------------------------------------------------------
ماترد محتاج لو دگ بابهه
عليهه مشي ام الحسن ومصابهه
هاي من اطهر نسب انسابهه

ماترد اليحتمي بحماها
تنگظي وتاخذ اجر وياها
--------------------------------------------------------
اقسم بزينب عليهه وبالخدر
نقدي تاخذهه عطيتك وفتخر
الدمع لا يوفيهه لا لطم الصدر

دايم اعله حسين ظل ابچاها
تنگضي وتاخذ اجر وياها
-------------------------------------------------------
كل مسيت اغروب مدمعهه يهل
تذكر حسين ومصابه والطفل
افراگ وجهك يبني ابد ما ينحمل

تگله گلبي الفرگه مايرضاها
تنگضي وتاخذ اجر وياها
--------------------------------------------------------
الشاعر احسان الحميداوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ



هايه ام البنين الصدگ وفايه
عدهه الوفه للحسين چان الغايه
لو ضاجت اعليك ابيوم !!!! بس حشم وانخاهه

==================================================================================

من ام البنين اطلب وماتخسر
وحــلفه بالــضلع الــذي تكسر
هي الذخر للموزمه والمحشر

ولو صبح گلبك مالوم !!!!! بس حشم ونخاهه
=========≠========================================================================

لحسين شبان اربعه ضحتله
ويـايمه يابـبعد العمر صـاحتله
وبكل صلاه فرض العشگ ادتله

لو گلبك محمل اهموم !!!!!! بس حشم ونخاهه

==================================================================================

جاه الهه عـد الله يظل شكبره
تستاهل الراس ال اجلهه نطبره
ونترك وسام اعله الصدر والعبره

خل عينك اتهمل ادموم !!!!! بس حشم ونخاهه
=================================================================================

ولــــد الزچيه والنعم وافتهم
وربع بنين ابكل فخر ضحتهم
وللـزهره قربان الوفيه اطتهم

صيت الوفه ظل مرسوم !!!!! بس حشم ونخاهه
==================================================================================

هــاي الوفيه ولازم نوافيهه
وعله البنين الاربعه نعزيهه
كون النواظر بالدمع نبچيهه

وخلي الي بيلوم ايلوم !!!!!! بس حشم ونخاهه

===========================================================================
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ ام البنين_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ


قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت تذهب اسيره بدل السيده زينب عليها السلام



اعتذر منــچ يزينــب
يمه مــا عندي بنات
دونچ يشدون اديهن
عالهزيله امسلبات
قدمت أربع ولد ظني ابو اليمه يرد
يمه مــا عندي بنات

*-----*-----*-----*-----*

دمعي أسيله يــالعقيلـه بـأعتــذاري
حسره عمري ناري تسري أه ينــــاري

ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله

ولدي كون الطـف ذبحهم
عالرمــال امگطعــين
وسالم ابن الزهره يرجع
والله يمه تگرلي عين
ابــد ما همني البعد ظنـي ابو اليمه يـرد

*-----*-----*-----*-----*


لا كفيلـچ وحشــه ليلـچ يمـــه زينب
والظلامه بس يتــامــه كلها تنحب

اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم

يعينج الله أعلى الفجيعه
شطولـه ياليل اهدعش
حــرم مذهــوله ويتـامه
وخوف وهموم وعطش
المــن ايتامچ تصـد ظني ابو اليمه يـرد

*-----*-----*-----*-----*

والله حيره يـالامــيــره بهل الرزيه
بلا عشيره أنتي أسيره من ال اميه

كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي

كون مــو چفــچ يـزينب
والله ينشـد بحبال
ريت عندي ابنيه دونچ
والله يربات الدلال
وفاگده إخوان أولد ظني ابو اليمه يرد

*-----*-----*-----*-----*

اه يوسفه والله كلـفــه والله بـلــوه
يــا ألمها شكبره همها الفگدت أخوه

حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مو أنتي الدخلتي بنتي دخلـت للقصر

والشماته تصد عليها
والـچ مــا واحـد نظـر
فــدوه انه وكل بنيني
وما يمــر عينـچ سهر
ومحد لچفـچ يشـد ظني أبو اليمه يــرد

*-----*-----*-----*-----*

يا مصابه بالخرابه شكبره صبرچ
والرزيه من رقيه حسره عمرچ

والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات

تصـبــر بدمعــه رقيـــه
تگلها ما مات الحسين
بس ابو فاضل وإخوته
عالــرمال مگــطعيــن
فدوه طعنات الچبد ظني أبو اليمه يـرد

*-----*-----*-----*-----*

الشاعر
موسى البديري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA