#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

آنه عبد فاطمه الريحانةُ العالمه
روحي بِـها هايمه .... فاطمه
______

يل تلوم اعليه حُبّي او گاعد اتنظّر الي
آنه اگلك ليش احبها ازيد امن امي او هلي
قال مولاي ابو جعفر باقر العلم الجلي
( وهلِ الدين إِلا حبٌ ) دفتهم يا عاذلي

چا مذهبي ابلايه حب چن جسد ابلا گلب
ابهاذه المثل تنضرب .... فاطمه
______

فاطمه هيه ( النعيم ) الراح عنه تنسئِل
لا ديانه او لا شريعه ابغير فاطم تكتمل
اشلون يل تجهل گدرها ابجنة الله تنقبل !!
اشلون بل فردوس تطمع انت هم عندك عقل !!

الجنة عدن مالكه او جهنم المُهلكه
ارادها رَبّـُكَ .... فاطمه
______

يا مقام العدها محد بل خلايق فاهمه
الرسل والأملاك چِفه . او چفه الاخرى فاطمه
اليخدموها عنهم ابلغ بالصحف رب السمه
گال خدامچ { وُجُوهٞن يَوۡمَئِذٖن نَّاعِمَةٞ }

باسمةٌ ناظره لفاطمه ناضره
فعندها حاضره .... فاطمه
______

الله رزاقني هواها او هاذي اعظم مرتبه
انطاني دمعه اعليها يعني انطاني رِفعه او منقبه
لنّي شجره ابلايه فاطم غصني يابس شاحبه
عبد الها اضل رغم الــعاجبه او مو عاجبه

رغم على الما يعتقد لِفاطمه آنه عبد
بعد الاجل الها ارد .... فاطمه
______

اتريدني امن الزهره ابطل واتبع اصحاب الدرن
يلي كل اسيادك انت جوه نعل ام الحسن
الزهره امي الزهره ابوي الزهره روحي والوطن
ليله لوما ابچي الها اعيوني احسهن ينعمن

أم أبيها مهجتي وعِبرتي وعَبرتي
تسبيحتي وسجدتي .... فاطمه
______

الراضيه المرضيه فاطم فقط مرضاها اود
نذر كل اسنين عمري في مجالسها عبد
مره شاعر مره ناعي مره الطم مره ارد
گلبي احسينيه الها بابه ابدن ما اسد

اسمعني يا عاذلي ميت عدل هيه الي
بيها لذت . وابعلي .... فاطمه
______

ابو فاطمة الطائي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

مثل لحضة وداع الينطي چفين
تشابگنه ومتت بحضان الحسين
انه المحسن ذبل لونـي
گبل ماصير ذبحــــوني
هوه ما شام حرموني
يبويه يبويه
،،،،،،،،،
يبويه اعله الهوه احچيلي
تره محروم من شمــــــــــه
انه زغير والبسمــــــــــــــار
اكبر مني مو يمــــــــــــــــه
انه بلا ذنب مذبـــــــــــــوح
وضل سابح بقه بدمــــــــــه
انهَ الما لحگت اسمـــــــــــع
ابوه ايردد ابأسمـــــــــــــــه

نيتهم خناجر طبع الأرجاس
ونيتنه وفه منبعها عبــاس
كَسِر ضلع امي كسروني
هوه ماشام حرمــــــوني
،،،،،،
يبويه من طحت عالگـاع
طحت اعله الجمر تدري
فوگي وفوگ امي الـباب
طاح ورض الي صـــدري
المثلي بعالم الأرحـــــــام
يهنه ويغفه البعمــــــــــري
شنهي ويالعده سويـــــــت
هيچي انذبـح مــــــا ادري

يم العتبه طايح والعده هــواي
الثاني عليه داس شعنده وياي

متعمدين داسونــــــــــي
هوه ماشام حرمــــــوني
،،،،،،
شبگت امي وصحت ويلاه
وشفت الضلع يوجعهــــــــا
اول مره ابچي ادمـــــــــوع
اول مره اسمعهــــــــــــــــــا
محسن يمه وسفه تمــــــوت
تگلي ويجري مدمعــــــــــها
شما توصل على امي الــــنار
انه بچفي ارجعهــــــــــــــــــا

رغم ما بيتنه متروس دخان
اجاني حسين يركض وام الأحزان

عن النار بعدونــــــــــــي
هوه ماشام حرمــــــوني
،،،،،،
شبگني حسين ويگلـــــي
يمحسن يابعد عينــــــــي
عليك الخوه موش تموت
لاتمشي وتخلينــــــــــــــي
باچر بالطفوف اعـتــــــــاز
الك يبن امي تدرينـــــــــي
اريدنك مثل عــــــــــــباس
چفوف وعين تنطينــــــــي

الزهره نعصرت وفز محسن وصاح
باب البيت فوگي من الدفع طاح
اموتن حسره خلونـــــي
هوه ماشام حرمــــــوني
،،،،،،
بويه گماطي والكاروك
للعباس خليهـــــــــــــــا
امانه اتگله اخوك يگول
زينب عينك اعليهــــــــا
گله الكربله امـــــن تروح
خطوه وخطوه ماشيهــا
انطي العين والچفيـــــن
وزينب موش تنطيهـــــا

سلملي اعله اخوي الگمر عباس
گبلك مات محسن ذبحته الناس

ضوه ماشافن اعيونــــي
هوه ماشام حرمــــــوني
،،،،،،
لخادم الحسين ع
محمد الفهداوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

((يمه يمه))


يمه .. چم شوغه باتت چم هظم
يمه .. مــــن زغري حبيت اللطم
يمه .. ومــن عندچ وليش انحرم
يمه يمه
"""""""""""""""""""""""""""""""""""

نسولف بنضره ودمع
شگد شماته ونستمع
ومحد يدگ بابنه وينشد علينه

يمه حيدر منمرد
يسلم ومحـد يرد
يمه فرحانيين لو سمعو بچينه

يمه علي
ذاك البطل .. عاشر نخل .. هضيمه
ذاك الولي
شَيب جـرح .. هــم نـذبح .. صميمه

صعبه .. صعبه الــورد ضايگّ ترب
صعبه .. عرش الله ليش وينضرب
صعبه .. مــو صعبه لا كلش صعب
يمه يمه

"""""""""""""""""""""""""""""""""""

الحايط يون من نِونّ
يــــــمه للملگه نِحـنّ
آنه زينب والعـــمر عثره وملامه

حــــيدر يشـــــــيع وطن
حسين مات ويه الحسن
وآنه ميته بس جسد صاير علامه

عمري رحـل
متــنه بصــبر .. طال الهجر .. علينه
صار الاجـــل
يبچي الحجر .. ليش بقــهر .. حزينه

وينچ .. اديــــارچ ييــمه مضلمه
وينچ .. يمه انقهر حـامي الحمه
وينچ .. كل دمعه تصرخ فاطمه
يمه يمه

"""""""""""""""""""""""""""""""""""

الديره صارت خاليه
مشـــــت ام العافيه
وياعباره بداخلي تشرح مصابي

الماتت أمه يظل يحس
مظلمه هــــاي الشمس
ويه الدمع يايمه مو خلص شبابي

يّــــرد الصده
راحـــت بعـد .. ام الـــولد .. شهيده
نـــــــار وعده
ومحسن بعـد .. حتى المهد .. يريده

محسن .. اول ذبيح مــن الخيم
محسن .. اول نحـر بعـــيونه دم
محسن .. والخاطره گلبي انهدم
يمه يمه

"""""""""""""""""""""""""""""""""""

درب اليتم يا مَطّوله
وباچر ييمه كـــربلــه
وباچر سّوالف ذبح تشبـــگ نضرتي

باچر خيام امفرهده
باچر اضلن فـــاگده
ويبتدي شيب اهدعش يصبغ دمعتي

حيره وركض
وألزم طفـــل .. يفلت طفل .. مصيبه
بالماكو اكض
سوط ويطگ .. چف محترگ .. غريبه

كافي .. ياوكتي مو كافي الهجر
كافي .. كـــافي بعد مـن الجمر
كافي .. وهوه شبقه مــن الـعمر
يمه يمه

عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
القصيدة على لحن گلي يالميمون وين وآلينه تراثية✍️




المهدي يالموعود      الثـآر چـا ويـنه
والظلُــم يَبنـي      طالـت سنينـه
***
آنه يالمُـوعود    أمك الزهــرة الكسرو ظلعهه
عيني من الباب  لهالوكت حَمرة ويجري دمعهه
سيفك المَذخور   ما خِلص صبره ازيد وضعهه
لا كَبر عِدهــه    وِالِمتـانينه طالت سنينه
***
الطاغي؟يالمهدي   مارحم حالي من طَب عليه
(وَإن)كَاللهم     عني چتالــي ويدري الزجية
مِنه كل الصار    وقَتِل كل غالي بالغاضـــرية
والحركَ بابـــي     يَتَم سكينه طالت سنينه  
***
شَدفَع من الباب   الهَشِمت صدري محسن اِنشده
علي مو يَمـي   وحايرة بستري الطاغي شيّرده
بسَطرِته لعينـي    خاف ما تدري حِيـلك تِهـــده
شيعتك وآنــي     خاف ناسينه طالت سنينه
***
مكه مو تنخــاك    يبني يوميـة ما تجي لِيلهه
لَسه بأرض الشام   ألك مسبيـة تدري بسبيهه
التحكم بهاليوم    هم بني اُميه شمتاني بيهه
القِتَل (نصرالله)   حاقد اعلينه طالت سنينه
***  
يمكن اصعب حيل  من ألم ظلعي الشافه الموآلي
لَجل كل شيعي   آنه أهل دمعي شكَدعندي غالي
لجَيتك يبنـي    كل صباح ادعي شطول الليـالي
والصبر مَلنــهَ     ومِنه مَليِنـه طالت سنينه
***
ماتت شكَد ناس   چانت تعاني ولسه انت غايب
غَيبتك ادري   أمــر ربانــي    مو بيدي اعاتب
بيه لو مَريت    أبچـي تلكَاني مـــن المُصايب  
يبني كَلبك خاف   ناسيِّ حسينهَ طالت سنينه  
***
شكثر يبني كَبور   ألك مهدومـه كَلبـك تفجعـه
مِنك الأكــوان    ليــش محرومه ما إلك طَلــعه
مثل ســـامره    لســه مظلومة حكَك دَرَجـعه
شكَد بقيع الشوكَ   تربي ألك عينه طالت سنينه
***
حيدر حسين الكَرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
قصيدة ملمع✍️

فاطِمُ لن ننساها      ويلٌ لِمن عاداها
****
يالمهــــــــدي هــذا معتقدنه
بس الله وأهـــل البيت عدنــه
للزهــرة ننطـــي كل ولِدنـــه
وتعرفنه مـــا نخلــف وعدنــه
حتى غـداً نلقـاها     ويلٌ لِمن عاداها
****  
بـلا فاطمــة دنيـــانة ظلــــمة
أنتـــم هوانـــه الـي نشـــــمه
لحسيــن ابنهه انطيــنه كلمة
نخدمهـه للمـــــوت ونخـدمة
ساخَ الفضــا لولاها     ويلٌ لِمن عاداها
****
روحي الي مـــا عاشت بحبهه
ما اريدهـه ومن جسمي اذبهه
ميتـــه ولَهســــه يـــون كَلبهه
عالغِصــب حكَهـه والضـــربهه
يؤذيني ما آذاهــا     ويلٌ لِمن عاداها
****
يالمهـــدي منعـــــوف المَــآتم
ونطــالب بثـــارآت فـــاطـــــم
ذولـــهَ سبب كـــل الجرائــــــم
المهــدي اكيـــد المكة قـــــــادم
قَد خابَ من دَساها     ويلٌ لِمن عاداها
****
يمتـــه يبـو صـــــــالح تجيـنه
احفـــاد الصــنم جـــارو عليـنه
چـم نَحــر الكــــــم كَاطعيـــــنه
لســـــهَ البقيـــع مهدميــــــنه
عينُ السما أبكاها     ويلُ لِمن عاداها
****
للمـــــوت ما ننســـه الزچيـــة
والمنذبـــــح بالغـــــاضـــــريـة
هذا دُعائــــــي بكـــــل مســـية
الله يلـــــــعن آل أُميـــــــــــــــة
وكـلُ مــن وآلاها      ويلُ لِمن عاداها
****  
يالمهــــــدي مقهوريــن مِنــه
چِـــي ما انطينـــاهم وطَنــــــه
هـذا الوطــن بحســـين جنـــة
والمرجعيــــــة تلـم شملــــنه
 فتــوآهُ لَبينــــاها      ويلُ لِمن عاداها
****  
روح النبـــي هــاي الوديـــعة
النِكرو قَتلـــهه شلــون شيعة؟
يردونَّــــه القـــــاتل نطيــــــعة
الله يـــــا حامــــي الشريـــــعة
تَبـت يـدا أشقـاها      ويلُ لِمن عاداها
****  
تبنيلــــــــهه يمتــه المنـــارة
أويــاك نحييــــهه الزيــــــارة
ثآرك شكَـــد طـــــال أنتظــاره
يَمشَــيب كَلــــوب الحيــــــارة
أزَينَبٌ تنســــاها      ويلُ لِمن عاداها
****  
متــــى ترانــــا ونراكــــــــا
يا كُــــلُ ما فيــــــــنا فِداكــا
هـــل نحظَ يومـــــاً بلِقــــاكا
في الطــفِ خفــــاقٌ لِوآكــا
تزهو بــهِ ارجـاها     ويلُ لِمن عاداها
****  
  حيدر حسين الكَرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

لو زُلْزِلَتِ زِلْزَالَهَا… واخرَجَـــت أَثْقَالَهَا

.أم الحسن… أم الحسن
★★★★★★★★★★★★

باچر ابيوم القيامه من تحـــــدث اخبارها
وتحچي عن گاع الله كلها وعالجره في دارها
تــــــوگف اصحاب السقيفه والشهد بسمارها
والمشايـــــخ والعمايـــــــم ماتفيد اعذارها


بل رَبَّكَ أَوْحَىٰ لَهَا.. واخرجت اثقالها

.أم الحسن… أم الحسن
★★★★★★★★★★★★

عدها ماتخفه الخفايه امسجله بكتابها
وباچر اتزين الشوارب من يصير احسابها
يوگف المحسن اويشهد عالعصرها ابابها
وتگصر اعمار المشايخ مثل گصر اثيابها

اذ قاله قُنفذ مالها…واخرجت اثقالها

.أم الحسن… أم الحسن
★★★★★★★★★★★★

من لحاياهم سويه سحل تلفي ارجالها
وتوگف ام الحسن هيبه وينحنون اگبالها
بيدها اتصير القيامـــه والحشر واهوالها
وباچر اتصيح السقيفه الغوث من زلزالها

تُعرَض غدا اعمالها…واخرجت اثقالها

.أم الحسن… أم الحسن
★★★★★★★★★★★★

تنضر الشيخين نظرة وهيه حمره اعيونها
ويجــــي يسألهم مُحمد فاطمه اتعرفونها؟
اشسوت ام الحسن بله ابعتبتي اتعصرونها
اتغــــيرت حته القيامـــه من تغـــــير لونها


قد كُشِفَت اهوالها…واخرجت اثقالها

.أم الحسن… أم الحسن
★★★★★★★★★★★★

يعـــرض الطـــــــف وصوره والخيام ابــالها
وتلفي زينـــــــب واليتامه تحچي وي كفالها
انشوف فاطم تبچي يمنه حسين شيب حالها
نسوي مجلس بالقيامــــه ونگعـــــد اونقرالها


جبريلُ قد ينعى لها….واخرجت اثقالها

ام الحسن… ام الحسن
★★★★★★★★★

باچر الله ايگلها گولي وفاطمه الي اتصارحه
اتگله يارب انت تدري وكلشي عندك واضحه
كـــــون اريـــــــدن يالهي بس خدمنه الرابحه
رادوا اطـــــــيح الدموع وماتطيح الفاتحة🌿

قد وثَقــت اقوالها…… …… واخرجت اثقالها

.أم الحسن… أم الحسن
★★★★★★★★★★★★







ــــــــــــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء ❤

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

بصوت. مسلم المطيري

لو زلزلت زلزالها. وأخرجت اثقالها


كلمات الشاعر
ماجد حبيب الخيگاني