#قصائد_استشهاد_العسكري_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      جيت البابك يابو المهدي      دمعاتي تتجاره بخدي
ــــــــــــــــــــــــــــــــــــــــــــــــــــــــ
الامام الحسن العسكري (ع)
والحشد وسامراء





عيون كل الشيعه بمصابك عمن -- يا ابو المهدي
اعليك كلها اتنوح وتون يالحسن -- يا ابو المهدي
ماتبطل الـنـــوح
والگلب مجروح
اعليك كلها اتنوح وتون يالحسن

1


بجمرة احزان المصيبه و لوعتك
بالگلب شلناها كلها محبتك
صرخه تدوي من گلب كل شيعتك
انموت احنه ومانعوف ازيارتك

زيارتك واجب نحس بيها فرض -- يا ابو المهدي
من نجيك ازحوف تهتز الارض -- يا ابو المهدي
نهدي مهجه و روح
والگلب مجـــروح
اعليك كلها اتنوح وتون يالحسن

2

مانعوف ازيارتك گالو خطر
والزحف شافوه على مد البصر
چفن يلبس الك واحدنه حضر
مانهاب واحنه ولد المنتظر
لان دربك يبقه درب الخالدين -- يا ابو المهدي
واحنه تربات المواكب والحسين -- يا ابو المهدي
بدمعة المذبــوح
والگلب مجروح
اعليك كلها اتنوح وتون يالحسن

3

يالحسن صحنه بولاء الصابرين
بحبك احنه بكل وكت متسلحين
باچر انزف النصر عالعالمين
برايـة المنتظر والنصر المبين
راية ابنك باچر اتـرف بـالعله -- يا ابو المهدي
الك ينشرها ويجي مـن كربله -- يا ابو المهدي
الك رايه اتلــوح
والگلب مجروح
اعليك كلها اتنوح وتون يالحسن

4

هددو سامره مارادو نجيك
وحاصروها وضيقو كلشي عليك
يالحسن والحشد سيف ابين ايديك
اتطـوعـو لجلك وصاحو نفتديك
اتطوعت كلها تحامي مـرقدك -- يا ابو المهدي
وي النواصب مانعــوفـك وحدك -- يا ابو المهدي
والنظر مشبــوح
والگلب مجروح
اعليك كلها اتنوح وتون يالحسن

5

الك عهد الشيعه ينخط بالدمه
مانعوفك احنه وكت الموزمه
بالحشر نرتجي من رب السمه
بوجه ابيض من نقابل فاطمه
انريد من الزهـره تقبلنه خدم -- يا ابو المهدي
بحق دمعها وبضلعها الي انهشم -- يا ابو المهدي
ودمك المسفوح
والگلب مجروح
اعليك كلها اتنوح وتون يالحسن



لاتنسون والدي وابني عباس من الرحمه والمغفره
خادمكم رياض الرسل الجابري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_العسكري_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      جيت البابك يابو المهدي      دمعاتي تتجاره بخدي
ــــــــــــــــــــــــــــــــــــــــــــــــــــــــ
تسأل بلوعــــــــــــــــــــــــه وألم أحبابك
بعد چم جمعه وتجي مــــــــــــــن غيابك
****
هاي أحبابـــــــــــــــــــك يبن خير العمل
عاشت بلوعــــــــــــــــــه بغيابك وبوجل
وتنتظر جيتــــــــــــــــــك تعيش بهالأمل
يــــــــــــا مسه تظهر تريـــــــــد جوابك
***
هواي طالت غيبتـــــــــــــــك يبن البتول
وبينه متشمّت الجاهـــــــــــــــل والعذول
وينه مهديكـــــــــــــــــــم يسمّعنه ويگول
واظن هـــــــــــــــــذا يزيد جرح صوابك
****
جروحنه كلفــــــــــــــــه وغميجه بغيبتك
ومــــــــــــا يصح إلها دوه وحگ محنتك
الاّ بيـــــــــــــــــــــــــدك يمولاي بجيّتك
يشفه ويطيب الجـــــــــــــــــرح بأعتابك
**
بغيبتك يبـــــــــــــــــــن الحسن ذلّه وقهر
ولوعه كــــــــــــــــــل أيامنه طول الدهر
وكـــــــــــــل موالي يحس مكسور الظهر
بغيبتك يلّي نـــــــــــــــقــــيـــــــــه ثيابك
 **
ندري بيـــــــــــــــــك تشوفنه وتعلم الأمور
هذا مبدأ كـــــــــــــــــــل موالي وكل غيور
صبرنه عالصار وجـــــــــــره نتنه الظهور
وجيتك أتّانيها كــــــــــــــــــــــل أصحابك
***
ظلم دنيتنه أمتلت جــــــــــــــــــــور ونفاق
وعينك تشوف الجـــــــــــــره بأهل العراق
گوم وأگلب بيـــــــــــــــــدك الكل الأوراق
طلب هـــــــــذا ونطلبه مـــــــــــــــن بابك
***
بعد چم جمعه نعـــــــــــــــــــــد يبن الكرام
ونسمعه الجبريل نـــــــــــــــــــــاده بالأنام
ظهر  مهديكــــــــــــــــــــــم السيد والإمام
ويسمعه العادانـــــــــــــــــــه واللي يهابك
*
يــــــــــــــا مسه نسأل ترد مــــــــن الغياب
وتنتهي رحله غربتــــــــــــــــــــك والعذاب
هواي مشتاگين ونريـــــــــــــــــــد الجواب
يالعزيــــــــــــــــــــــــــز وطاهره  أصلابك
***
نريد ترجع إلنــــــــــه ويســــــــــود العدل
ويملي كــــــل الوسعه عدلك يـــــــــــا نفل
ودين جدّك يرجــــــــــــــــــع تعيد الأصل
وينتهي المنكــــــــــــــــــــــر بنهج كتابك
 ***
نريد مـــــــــــــــــــــا يبقه ظلام ولا ظلم
وبيدك تولّه أمرنـــــــــــــــــــــــه والحكم
حتى ناخــــــــــذ ثاركم مـــــــــن الخصم
وبيــــــــــــــــــــدك تصفي يغالي حسابك
**
أبّابـــــــــــــــك ونطلب طلبنه من الجليل
يعجّل بجيتــــــــــــــك يبن حامي الدخيل
وتنتهي هاي المذابـــــــــــــــــح والعويل
وتاخذ الثارات مــــــــــــــــــــن الصابك






الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأ


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_العسكري_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      جيت البابك يابو المهدي      دمعاتي تتجاره بخدي
ــــــــــــــــــــــــــــــــــــــــــــــــــــــــ
يبو صالح وين حاضر مجلس وكلبك حزين
يبو صالح يم ظريح العســكري لو بالحسين
اليامصيبه اتألمت بياصحن هسه اكعدت
يبو صالح يبو صالح
***
نسأل بدمع العشك هــــاي المسيه
يلي كلبك ينزف الهــــــاي الرزيه
انته يم العسكري عينـــــــك جريه
لو رحت تنصب عزاه بالغاضريه
أحنه نسأل هسه ياشباج تلزمهـــــن اديك
أحنه نسأل بيا ظريح الليله يالمهدي نعيك
وين يالمهدي رحت بيا صحن هسه اكَعدت
يبو صالح يبو صالح
***
تبجي يامولانه عالســـــــــمو جبدته
العسكري اللي شاهدت عينك محنته
لو على اللي سلبو عالناكــــــه اخته
وعالتراب اظل ثلث تيــــــــام جثته
دمعك ايصب امصاب ابوك العسكري شيب جفونك
دمعك ايصب تبجي والدم تارس وغــــــرك عيونك
امن البواجي شيبت بيا صحن هسه اكَعدت
يبو صالح يبو صالح
***
حيل جــــــاوي كلبك ويذبح حنينه
شاب ابوك وبالغدر باكَــــو سنينه
لجن ما طكو بالحجــــــاره جبينه
ولا بعد موته اجتفواهلــــه وبنينه
وين بالك هسه يم سامره ناصـــــــــبلك مجالس
وين بالك لو على التل هسه يالمهدي انته جالس
على زينب من نحت بيا صحن هسه اكَعدت
يبو صالح يبو صالح
***
آخ يلـــــــــــــي كلبك بنيرانه شاجر
بيوم ثامن مات ابوك وموش عاشر
اضلوعه سلمت مادبج فوكاهه حافر
وما بقت عنده أخت تكســر الخاطر
عالشريعه اعيونه ماشافت هوت عالشاطي رايه
عالشريعه العسكري ماعنده اخو طاح اعله مايه
المن اعيونك درت بيا صحن هسه اكَعدت
يبو صالح يبو صالح
***
وين ناصب مجلس وســـــــارح خيالك
هسه ياكبة ذهب صـــــــــــارت اكبالك
أحنه نعرف يا هـوى اليطري اعله بالك
واحنه نعرف ياجــــــرح عذب احوالك
ندري هسه يم ظريح حسين ناصب فاتحه
ندري هسه تبجي عالمســموم تنعه بنايحه
ندري هالمجلس قمت بيا صحن هسه اكعدت
يبو صالح يبو صالح
***


أبو علي الركابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد__الحسن _ العسكري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ

‏- فإذا بسَّامرَاء‏ قد نُصبَ العَزَاءُ 💔
ــــــــــــــــــــــــــــــــــــــــــــــــــــــــ

استشهاد الامام الحسن العسكري  ع

احچيها بيني وبينك
يالمهدي الله ايعينك
     من زغرك دموعك حمر
     گدامك الام شكثر
      +++++++++
يبني بـوداع المـنيه ودي اودعك
من تصيح اعليه يابويه اسمعك
ويه تنصيبك امام ويجري دمعك
الغربه تبدي يالولد وامك تضيعك

غير اليتيم ابراسه
تمسحله اهله وناسه
    مو خايف ايگضي العمر
    وگدامك الام اشكثر
     ++++++++++
راح اموت ابغربتك تبچي عليه
صعبه خمس اسنينك اشتحمل اذيه
وامك اكثر تصبح اعليها الرزيه
تبجي فگدي وغيبتك يبني سويه

كل مغربيه ابابك
يالمهدي طال اغيابك
    فگد الابن للأُم جمر
    وكدامك الام شكثر
       ++++++++++
السم يبو صالح يفتلي تالي چبدي
اتشيعوني يعني ما راح ابقى وحدي
إستذكروها ابدفنتي آلآمه جدي
عندي راس وعالترب وسدولي خدي

من ثوبي ما سلبوني
اهلي التسد اعيوني
     مو بالحصيره بالگبر
     وگدامك الام اشكثر
       ++++++++++
بكل مصيبه تبقى عدنه اكبر مصيبه
للسليب وحالت ابنيته السليبه
امنين ما انظر سبي الخدر عجيبه
تمشي وي الغربه زينبنه الغريبه

تگضيها تالي اسنينك
دم تجري لهلك عينك
     يقرح جفون ادري الخدر
     وگدامك الام اشكثر
    +++++++++++
تصبح بسامره الي گبه ومناره
وكلها تتوافدلي ناسك للزياره
ابگلبي من هسه عله الزهره انكساره
وبالبقيع اگبور اهلنه بس حجاره

يمته  وتمر اعليهم
تالي الزمن تبنيهم
      بثار الزچيه والكسر
      وگدامك الام اشكثر
     +++++++++++
والزمان اتعيشه يا صاحب زمانك
ابلا امان وعايشه الناس ابأمانك
عن عيون احبابك امضيع مچانك
بغربتك تستغفر الهم ياحنانك

تسمعهم اليدعولك
بزيارتي ايصلولك
     تدعي بحفظ راعي الامر
     وگدامك الام اشكثر


ثائر الربيعي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الحسن _ العسكري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ

‏- فإذا بسَّامرَاء‏ قد نُصبَ العَزَاءُ 💔
ــــــــــــــــــــــــــــــــــــــــــــــــــــــــ

استشهاد الامام الحسن العسكري ع



گلبج مايرتاح.. يم حسين بيوم
اليله بسامراء.. طاح ابنج مسموم
بدمعج يازهراء
روحي السامراء
....................

يوميه الكسر ينعاد.. وگلبج بعده بجروحه
الوحيده انتي العله اولادج.. ام يوميه مذبوحه
الليله العسكري محتار.. وجف الضالم ايلوحه
يلوج ولونه متغير.. والسم يمرد بروحه

يالضلعج مكسور.. يم گلب المحتار
ابنج هذا اليوم.. امن السم روحه بنار
يكطع بالاحشاء
روحي السامراء

.....................

الدنيا شعدهه بس وياج.. لوبالذبح لو بالسم
ودمعج ضل عله الاولاد.. يم الحسن ينزل دم
الزمن بس بالاذيه اعليج.. واللجمات يتحزم
ابو المهدي اعتناه الموت.. الليله وروحه ما تسلم

يالتعبانه هواي.. من فكد الاولاد
بدارج بس الموت.. شو ظل رايح راد
ضلوا بس اسماء
روحي السامراء
............................

من اول حسن كلبچ.. لاخر حسن بس ينوح
ونبضاته تدك بالضيم.. واهات وهظم وجروح
عشيره وكضت يم حسين..لو مسموم لو مذبوح
ياقصة عذاب وآه.. ويوميه عزيز يروح

هاي الدنيا تريد.. تاخذ بس اعزاز
يوميه بتابوت..كلبج ظل جناز
وبهاي الاجواء
روحي السامراء
.......................

المهدي بعمر خمس سنين.. يتيم اصبح يسمونه
حزين اعله الابو مكسور.. ودمعته بطارف اعيونه
ثكل الدنيا والآلام . يالزهره على متونه
الله يعينكم عالصار. بالغربه تدفنونه

تحضرين التشييع.. بكسرج يم حسين
ويمشي المهدي وياج.. ويهل دمع العين
وتشيعونه بكاء
روحي السامراء
........................

بسامره الحزن هل يوم.. خله بكل گلب لجمه
اجينه المجلس المسموم.. من مجلس ابو اليمه
يوميه عزيز يطيح.. وبگلبج كبر همه
بمصاب العسكري انواسيج.. يازهراء يايمه

غمض عينه ومات.. بگلبه جروح هواي
امن السم هم عطشان.. وما يرويه الماي
وبهاي الارزاء
روحي السامراء


محمد هادي العقابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الحسن _ العسكري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ

‏- فإذا بسَّامرَاء‏ قد نُصبَ العَزَاءُ 💔
ــــــــــــــــــــــــــــــــــــــــــــــــــــــــ

يامهدي .... الله ايعظملك اجرك
يامهدي .... واعله امصاب الغالي يصبرك
يامهدي .... بعيون الزهراء اينظرك
يامهدي ....
......
ياحجت رب الكون .... الله ايصبرك ويعينك
بيدك هاي الساعات ... دافن اجمل شي بسنينك
حكك من تبجي ادموم ... يامهدينه وتلطم عينك
موت الوالد خلاك ... تسأل حالك عنك وينك

تبجي العين ... حكك ما واحد اليلومك
تبجي العين ... موت الوالد زاد اهمومك
تبجي العين ... ليل انهارك واضح قهرك
......

من عمرك خمس اسنين ... وانت اتعيش الهم واللوعة
ما شفت الفرحة ابيوم .... اكثر واحد تجري ادموعه
كل اليوم ايمر اعليك ... لازم روحك بي مفجوعه
حزنك بادي امن الباب...لحسين الكسروله اظلوعه

جم امصاب .... شافت عينك يبن الزهره
جم امصاب .... عايش جم لوعه وجم حسرة
جم امصاب .... بمصاب العسكري ايذكرك

.......
.
الله يعينك مولاي .... الكثرت احزانك واجروحك
دافن بيدك محبوب ... هدالك يالغالي اصروحك
ودعته ابيا كلمات ... من طلعت روحه ابلا روحك
نزلته الكبره اشلون .... يلحيلك منهد من نوحك

حيلك راح .... من شيعت الوالد بيدك
حيلك راح .... من مات ونظراته اتريدك
حيلك راح .... وانت زغير اشفت ابعمرك
.......

هاليوم ابسمراء .... حاضر لونك تنسئل
عالعسكري المسموم ... احمر دمع اعيونك يهل
كل ايامك عاشور .... كل احبابك ماتو قتل
مثل السامري اعداك ... عافو موسى وتبعو عجل

هاي الناس .... ما رحمو يالمهدي ابحالك
هاي الناس .... باكت كل احلام ابالك
هاي الناس .... ذبحو اهلك سمو ذخرك
......

نسأل يايوم الثار .... ياسيدي يبن الحسن
أمشين اعليك حسين ...وامك الزهره ام المحن
اغيابك طول مولاي ... ناسك نيواظرها انعمن
يايوم البيه اتعود ... ياجمعه انشوفك يا وطن

ليل انهار .... ندعي الله انصير امن انصارك
ليل انهار .... نحجي ابسمك نحجي ابثارك
ليل انهار .... دعوانه المعبود اينصرك
........
الحمد الله رب العالمين
اللهم صل على محمد وال محمد
موسى الخادم


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA