#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


في حديث لمولاي سيد الشهداء مع نفسه.....


حسين بس ألزم دمعتك..... كافي تنحب
وقوي گلبك قبل لا...... ترجع لزينب
ظهرك خسرته وهايهيه
حضر حجي اتگوله لرقيه
كافي تنحب......... كافي تنحب
..........................................
قبل ساعه ابخير جيشك رغم بس عباس يمك
الغربه ثاريها ابو فاضل من تطيح وما يگومك
يلساكت ابعز الحجي شمثگل سكوتك
يحسين اول تالي ما ينسمع صوتك
بس آخ من دنيه الخذت منك تجوتك
وما خلتك تتهنه ويه ولدك واخوتك

هوه اخوك وجنت مثل... ابنك تشوفه
اهروش گلبك گطعوهن...وي جفوفه
مالايگ النوم لعضيدك
بس شتسوي ماهي بيدك
كافي تنحب.......... كافي تنحب
............................................
كابر وشد حيل ظهرك بعد رايد منك الطف
اعتبره ما ميت ابكلبك وگول ياعباس واوكف
ورد الاعمامه الراسك وألبس عباتك
صوت الشماته وصل حد خيمة خواتك
وضمهن بگلبك تره اتأخرك ذكرياتك
هو انته منا وانتهى كلشي بحياتك

گوم وبوجهك العامود المخيم
طيَحه بس لا توگع امن ايصير مأتم
التوجع تقنع ياهي منهن
بعباس متعلقات كلهن
كافي تنحب......... كافي تنحب
..............................................
ماي البعينك كضيته وكلشي أخضر بيك شيّب
راح امان اخيام زينب حگك تخاف اعله زينب
لاحگ وراك اشكد بجي امسح دمعتك
يلجيت ترگض للنهر حير برجعتك
واطلبها من طولك يرد بيك لوگفتك
وحاول تگض اعيونك أمن اتشوف اختك


توجع اسوالفها جي...... زينب امايه
أوين اخوك اتگلك أمن... اول احجايه
لا تحجي الها كلشي شفته
شما بيك تگدر خلها سكته
كافي تنحب........ كافي تنحب
...........................................
اعزاز طاحولك عشيره وما شكيت وگلت ظهري
جا گمر هاشم شكبره بگلبك المايرضى يدري
روح الگمر طلعت وروحك بدت تطلع
يحسين ما دامك عدل لخيامك ارجع
عندك رقيه استبطتك خافنها تسمع
گوم ارجعلها وخلي منك عاد تشبع

گلها عمج عالنهر يبنيتي عفته
وغير الموضوع من توصل جربته
وأبجي اعله كيفك من تضمها
ماريدها تحس مات عمها
كافي تنحب........ كافي تنحب
.........................................
ليش كل هذا المناشغ كافي مو خلصت انفاسك
افراگه ساعه ما يطول بين ما تنطي انته راسك
شمسوي بيك المامشيت ابدونه خطوه
بس عاذرك جي ادري بالعباس يسوه
الماي بيده واعلمودك ما تروه
ونكران ذاته العل نهر جسَد الخوه

آنه ذاك الينزف وضل يبجي سكته
آنه ذاك السولف اوياك اعله اخته
شگد حاولت الزم جروحك
يحسين انه احسين روحك

كافي تنحب............ كافي تنحب

احمد ماجد الكلابي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



اقرايات النعي  تصلح قصيدة منبريه أو نعي
الاشطر بين قوسين من التراث

أقرايات النعي البلغاضريه
تهز گلبي وتزيد جروح بيه
★★★★★
(آنا الوالده المذبوح أبنها )
(أوطول الدهر مايبطل حزنها)
نعي يخص الزچيه ويخص ونها
على البلوه يعين الله الزچيه
★★★★★
(آنا إلي عگب عزي ودلالي  )
(وعگب اخوتي وكل ذيچ الغوالي)
نعي زينب الضلت دون والي
تون علمشوا كل صبح ومسيه
★★★★★
(يخويه بياكتر طاحن زنودك  )
(يخويه العلم وينه وين جودك )
العفا علماي بس ردنه وجودك
الكافلها تنادي الهاشمية
★★★★★
(بچه وناداه ياجاسم شبيدي  )
(يريت السيف گبلك حز وريدي)
يگله حسين ياسلوة عضيدي
يجاسم هظم لو رحت من أديه
★★★★★
(أشحال الناس تتفرج علينه    )
(عمت عينه اليصد بالعين لينه  )
گالت زينب الحادي الظعينه
ترضه اختك يبو الغيره سبيه
★★★★★
(ماخلوا يشوف حسين دربه   )
(عليه اترادفت ضربه على ضربه)
المثلث ماخطاه وصاب گلبه
وعليه سحگت خيول الاعوجيه

الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

لزيارة الحسين عليه السلام 
طور ابوبشير النجفي
(يزينب راح ابوالغيره)

شوكت اووصل يبو الطيبه.
وعطر گبرك اشم طيبه
وجنح شوگي يوديني. ازورك يانظر عيني
وعطر گبرك اشم طيبه
★★★★★
رغم ظرفي  ازورنك يبواليمه
بدون زيارتك تدري العمر ظلمه
نوايب هلزمن كل مره ملتمه
يسالفتي التهم گلبي وتشد عزمه

الك روح وگلب يهوه. بحنان الشوگ اتچوه
أمنياتي وغاية اسنيني.  ازورك يانظر عيني
وعطر گبرك اشم طيبه
★★★★★
تره بروحي الوكت ما أنصفت روحه
على روج الحزن ظلت مثل لوحه
لچم كلبي الحنين وزَيَّد اجروحه
شاب من البعد حد ماكثر نوحه

عليك دموعي سچابه  يمن بچه السمه مصابه
عباداتي وأصل ديني  ازورك يانظر عيني
وعطر گبرك اشم طيبه
★★★★★
بياراي احتكم ومنين اجيب الرأي
يامثل النفس عايش  عمر. وياي
يمن دنياك كلها انطيتها الدنياي
ولجلي اتحملت غربه وعطش للماي

بلهفه اتعنه البابك.  وانوحن وابچي لمصابك
وهذا بعمري يكفيني . ازورك يانظر عيني
وعطر گبرك اشم طيبه
★★★★★
يمن زحت الطغاة الوگفت ابدربك
وصاروا خبر يوم تعمدوا حربك
عليك بفگد الأكبر من كسر گلبك
مد چفك حزينه گلوب التحبك

ردت يامهجة الهادي. ازورك واكسب امرادي
گبل لاموتي يلفيني. ازورنك يانظر عيني
وعطر گبرك اشم طيبه
★★★★★
الك طول الوكت هذا العمر منذور
بلاعاشور اردن بالهظم مكسور
بلامعنه حياتي بلاشهر عاشور
بلاماي العمر هيمه يظل مهجور

أَحْسَّن عايش بغربه. اعوف زيارتك صعبه
ردت وكتي يخليني  ازورك يانظر عيني
وعطر گبرك اشم طيبه

الشاعر حسن لعيبي الحربشاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ
خلونه نشد حزام
ظلن للخدمه ايام
كل واحد بينه يقدم دوره

نبذل بيهن مجهود
شاعـر ناعي ورادود
من نضهر لازم بأجمل صوره

نحسب للعام الجاي
ونحضر للطف ماي
خلونه نشد حزام
×÷×÷×÷×÷×÷×

أجــانه محــرم ومـاضل قـــليل و يبـدن ايـامه
يـحضـر باســـم الحــانـه والمــحنه بـده لهامه
العين تحضر الدمعه على حسين وعلى ايتامه
نهـار العاشـر مـن يضـل وحيد وتنـولي خيـامه

نوگف وگفت أصحاب
شـــبان ويـه الشـياب
ونواسي الحجه بهاي احزانه

صحـراء الدنيـا تصــير
والمهدي بنصها يحير
ويشاهد جده بنص عدوانه

عاشور جروحه هواي
ونحضر للطف ماي
خلونه نشد حزام

<><><><><><>

خدم وبها لأسم نفخر ولانهتم لليذمنه
نضيع بعالم الدنيـا ومحرم يرجع يلمنه
اذا شفنه الهلال يهل على زينب تألمنه
يجن ليل هدعش ظلمه وگمرها ولا خبر منه

عـالتل وتحـشم وين
حي لوميت يحسين
ياخـويـه أنهـض لم ايـتامك

لاانت ولاعــــــــــباس
ياهـو يرد هاي الناس
وصلو يبن امي لحد خيامك

محد منـــكم ويــاي
ونحضر للطف مـاي
خلـونـه نشد حــزام
××~××~××~××

بقينه لهل سنـه نخدم عسانه بكل سنه نخدمه
الحسين النعمه والواجب نحافظ احنه عالنعمه
سفح كل الوجود يضل وابو الاكبر يضل قمه
هلال احزانه من يهل تشوفه وتبچي كل نجمه

يالشهرك شهر الله
منـعوفــــك لاوالله
عاهدناك نضل لاخر قطره

يالمثـلك مـاكـو ثنـين
خيمتنه تضل يحسين
لوضاگت بينه نلوذ بكتره

واحد يحسين الراي
ونحضر للطف مـاي
خلـونـه نشد حــزام
××~××~××~××
علـي عگـاب العـمري



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ
موشح للعليله


هـالعليله النوح صـار اسـنادهـا
واجت تتشمت وسِف حسادها

======================
لـلـعـليلـه نـوح مـا مـنـه مـثـيل
والحزن بيها صبح وسفه يعيل
مستحيل ايروح منها مستحيل
إلا مـن اتشـوف كـل أسـيـادهـا

======================
بـعـيد صاير عنها شـيال الـلـوه
والجفن من البچي ذاب وخوه
دوه شـوفـة راعـي عيلتها دوه
يـمـته هاشـمها تـعيـد امجادها

======================
عـاشـت وماتـت بـالم ذيچ الايام
والـزمن منـهـا أخـذ حـفـنـة ازلام
رادت اويـالعـيله تگـضـيها بسلام
لچن حتى انحرمت امن اعيادها

======================
العـين عـالباب الگـلب يم الحسين
عـالهجر رب السـمه الگـلـبي يعين
شو أحس گطعوا لبو اليمه الوتين
وگـيـدوا كـربـلــه زيــن اعـبـادهـا

======================
گــوم مـا ظــل حـيـل لــتـيـتـم الــروح
بويه مجروحه اصبحت حتى الجروح
دارت اعـليـه المـصـايـــب يـــمــذبـوح
خـبـر مــوتـك روحــي صــدگ بــادهـا

======================
عـترة الهادي تـگيدوهـا بحـبـال
يرضا عـنـكم ربي لا هـذا محال
شلون أبن الزهره يبقه عالرمال
هالفـعل بـي مشترك مـوسادها

======================
نادت بـلـهـفـه وحـزن بـنـت الـرسـول
كـون يــرجـع حـيـدره فحـل الفـحول
خل يجي ويشـوف مذبوحه الأصـول
شــر هــنــد هــوه الــذبحـنـه وقـادهـا

======================
27/6/2024 يوم الخميس
20/ذي الحجة 1445 هـ
#الشاعر_الميرزا_محمد_الساعدي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



مولاتي العليلة ع

راحـوا لـلـموت وعـافـونـي
صحت اوياكم ما سمعوني
وآنه الوحـدي
جرحي اليدي
راحـوا لـلـموت وعـافـونـي
======================
آنـه اجـويعده وشـفت الضـعـن حمّـل
سألت وبس ردت افهم شنو اليحصل
صحت يالأكبر اختك حگها لو تـزعـل
گــلــي عــمّــتـچ تـوگـف غـداً عـالتـل

شنهو الصايـر متـفـهـومـنـي
أخـذونـي ويـاكـم أخـذوني
گـــالـــوا ردي
وآنه الوحـدي
راحـوا لـلـموت وعـافـونـي
======================
مشوا لبـعـيد وآنه روح ما بـيه
كـلـمن راح ماظـن يرجع اعليه
عاده النوح صاير عندي يوميه
لـيلـيه على الـمـاشـين لطـمـيه

تتـشـمت تحـضر عدواني
ردت الوالد بس ما جاني
أنــدب جــدي
وآنه الوحـدي
راحـوا لـلـموت وعـافـونـي
======================
يـوم الـفـارگـونـي عـيـوني هـمـالـه
شـمـالـه هـالـدهـر ويـه عـلي شـماله
شفت بالطيف ابوي اتسحگه خياله
وعـمـاتـي شـمـر يسـبـيـهـن اچـماله

فـزيت وهاجن ءآهـاتـي
بس لا سـابـيهـن عماتي
فكري ايـودي
وآنه الوحـدي
راحـوا لـلـموت وعـافـونـي
======================
مشـتاگه أشــوفـك يالأبـو اهـوايـه
بس لا من صدگ ذابحتك احچايه
أنـه الـمـايـوم گـلـبي يخـطأ بـرايـه
يـگــلـي والــدچ ذابــحــتــه ودايّـه

ياماي عيوني وكل روحي
لتزيّد جرح اعله اجروحي
مفطر چـبـدي
وآنه الوحـدي
راحـوا لـلـموت وعـافـونـي
======================
ما أشكي ولا كـدرلـكـم الـخـاطـر
خبر منكم يگلبي وهـالخبر ناطـر
عليه يا زمن شـو صـايـر الشاطر
بعزازي الگلب كل يوم الي فاطر

ميته من المدمع يلگوني
وي ظلمة داري الخلوني
حزني العندي
وآنه الوحـدي
راحـوا لـلـموت وعـافـونـي
======================
27/6/2024 يوم الخميس
20/ذي الحجة 1445 هـ
#الشاعر_الميرزا_محمد_الساعدي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

ما بين الجثث عطرك اشمه
وادور عليك يموذر
ييمه

ضلعي وصدرك ثنين
وصار الكسر كسرين

ييمه ييمه


🩸🩸🩸🩸🩸🩸🩸

ياوارث صفوه الله ينايم فوك التراب
ياوراث نوح واكثر مصاب عيالك مصاب
وكليم الله ورثته يجامع كل الاسباب
وريث الهادي جدك ورثت احزاني والباب

ادور عليك يومين
وصار الكسر كسرين

ييمه ييمه

🩸🩸🩸🩸🩸🩸🩸

يما تدري بناتك ولاهن ضالم وجار
اجيت اليله ادورك واكلك بيهن شصار
تبجي عيوني من دم متحلفتلي الاقدار
يالمحزوز نحرك جرحك بالكلب صار

بضعن لاوين ماشين
وصار الكسر كسرين

ييمه ييمه

🩸🩸🩸🩸🩸🩸🩸

ياهو باخر انفاس غمض عينك وراح
لو مشبوح العيون لمن تسمع صياح
من هجمو للخيام جنت تلاوي الرماح
نار بروحي يحسين نار تجوي الصفاح

شافت نحرك العين
وصار الكسر كسرين

ييمه ييمه

🩸🩸🩸🩸🩸🩸🩸🩸

لمن تسمع تصيح زينب بين الخيول
خويه حسين وينك ماتسمعني معقول
خيالك عدل لو مات هيه المهرك تكول
وانه ابين الجروح دار عليه جم حول

رض بصدرك البين
وصار الكسر كسرين

ييمه ييمه

🩸🩸🩸🩸🩸🩸🩸

صعبه ساعة الموت لمن تطلع الروح
وحدك بين الجيوش هايوليدي مطروح
حسين الشيبه النور ضي عيوني مذبوح
ابجي وتعمه العيون واعاشر بعدك النوح

راسك يالسبط وين
وصار الكسر كسرين

ييمه ييمه

🩸🩸🩸🩸🩸🩸🩸🩸


🪶 حميد العكيلي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA