هوسات لولادة معصومة بنت الامام الكاظم عليه السلام

من العصمه قريبه. والمسميها
اخوها الرضا. حوزة علم يدريها
أجر نال وشفاعه من گصد ليها
(ماخاب اليگصد معصومه )

مثل باب الحوايج مبدأ ومنهاج
تگضي بلكرم حاجات كل محتاج
وفود اهل العلل متعنيه الها افواج
( كل صعبه العندگ تگضيها )

الشاعر حسن لعيبي الحريشاوي

لولفت ليك النوايب مثل سيل المطر تنصب
وابد ماحالفك وكتك خالفك مانلت مطلب
وصرت محتار ابزمانك وگلبك الحاير تعذب
ولودعيت وضل دعائك منحجب لوصحت يارب
أگصد المعصومه تلگه اسهل السهلات الأصعب
ابجاهه الصعبات تسهل أي وحگ فاطمة وزينب
حاجتك مگضيه يمها وهاي عادات المجرب

الشاعر حسن لعيبي الحريشاوي

لاستشهاد آية الله العظمى السيد محمد محمد صادق الصدر قدس ( موشح)

ياشهيد الجمعه بعدك ياشهيد
              گلوب ماتفرح ولاجرح اليهيد
★★★★★
مايردك بعد ياحيف الزمان
يا گلب مخلوق  من حب وحنان
يا امان الجمعه ماعشت بامان
               وراحة الدنيا على گلبك بعيد
★★★★★
المنبر  يون بغيابك والصلاه
اه ياحلم الغفل فارگنه  اه
ليل مظلم وجهك الصافي ضواه
               زمن  ضدك ابد مايرحم عنيد
★★★★★
ياحبيبي اشعر أنسمعك تگول
فاز كلمن يتَّبع  نهج الرسول
لايغرك  مال لادنيا  تزول
              وگلت لتصيرون للطاغي عبيد   
★★★★★
چم رسالة فقه  واحكام وأصول
وجمع موسوعات  أبواب وفصول
تريد  من الباري للوادم  قبول
               توعيه وتوجيه بالوادم تريد
★★★★★
أمودع ابالله  وداعاً يلحبيب
يلمثل جدك صرت بالدم خضيب
غاب لون الرادك تروح وتغيب
              هواي اجوا راحوا مثل روحة يزيد

الشاعر حسن لعيبي الحريشاوي

من القصائد الاوائل التي كتبت عن السيد الشهيد  اية الله العظمى محمد صادق الصدر (قدس ) كتبتها اول يوم استشهاده

خل يجري الدمع ياعين   صرنه اليوم مفجوعين
عافونة بلا توديع         وين اهل الزعامه وين

اخذ منه    سلامتنه      الزمان اشبيه
بلاشمعه    وبلاجمعه       وبلاتوجيه
هاي مخالفات البين      صرنه اليوم مفجوعين
★★★★★
نار انزل يماي العين      خلها الدمعه سچابه
الوكت متحضر بكل يوم  مثل الذيب حد نابه
اهل الغدر مايردون      لوشع العلم بابه
يردون الظلم علگاع  ماتنحجب اسبابه

بريح الشر   فلايعثر  ولايهتم
نشر فكره  ونذر عمره وخلايا الدم
مثل حال العلم والدين  
صرنه اليوم مفجوعين
★★★★★
اشظمت طوية الايام   هذا ياخبر مظموم
ضم وحضر اسهامه شگد هذا الوكت مأثوم
اجانه البين  بخباره  فجعونه بهذاك اليوم
مشوا بجنازته العدوان ظالم يبچي علمظلوم

شوكت الثار   هاي النار    تچوينه
سواد الليل    طَوَّل حيل      مَليَّنَه
يوم الراحوا الغالين
صرنه اليوم مفجوعين
★★★★★
دمه تبچي مجالسنه  وصلاة الجمعه والمنبر
بعد ياهو اليفقهنه وصلاة الجمعه من يحضر
النجف وي جامع الكوفه  تصب دمع البواچي احمر
حزنه اعليك مايخلص    يضل كل جمعه يتكرر

علينه  طال     هذا الحال        مانحمل
نريد الراي     يامولاي        ردنه الحل
منك نطلب الحليين 
صرنه اليوم مفجوعين
★★★★★
خل يجري الدمع ياعين   يروحي زيدي بالونه
عنه   راحت الآمال       من راح الصدر  عنه
فقدنه  الطيب المهيوب   الچان بعطفه يشملنه
شعاره  الابد ماينساه     غير احسين ماعدنه

بدرك لاح  لاچن راح   مولانه
بهم وجروح  فوگ النوح  خلانه
وحگ البقه بلاچفين  
صرنه اليوم مفجوعين

الشاعر حسن لعيبي الحريشاوي

لاستشهاد السيد الصدر قدس

سلامي على الماشاف السلامه
اليريد الخير للناس. وكرامه
شاف الدين تتلوع احكامه
وعلينه الليل. مايرحل ظلامه
وطن كسره. كسر جنح الحمامه
غربان ابحزب مختل. نظامه
تخاف من النجيب البيه شهامه
شافوا للمجد طلعت أعمامه
وخطر ضدهم موازينه وكلامه
فاجعنه العدو حصل مرامه
وبصدر المجد صوب اسهامه
صدرنه الما ابد تنسي أيامه
بعد عينه مثل حال اليتامه

الشاعر حسن لعيبي الحريشاوي

لاستشهاد أية الله العظمى السيد الصدر قدس

ياصدر العداله    وللمذهب جماله
متريد العراق يعيش مجروح
ولادمع اليتيم  تشوفه مسفوح
     ياصدر العداله
★★★★★
غفلاته شديده من يجي الموت
الك گاصد اگبال عيونه ايفوت
احلام امخورسات ومالهن صوت
جابوا للاحلام اليوم تابوت
فارگنه حنانك   ضيعنه زمانك
العراق من البچي خلصان والنوح
     ياصدر العداله
★★★★★
تعودنه الظلام ابلاگمرنه
خسرنه اهواي من بعدك خسرنه
خسرنه احلامنه وراحة عمرنه
على ليل الحزن والهم عبرنه
يوم الچان تالي   علينه يصير عالي
فده روحه صدرنه الضحه بالروح
     ياصدر العداله
★★★★★
صبرنه  علظلم ياما صبرنه
غدربيك الزمان ورد غدرنه
عرفنه غيبتك تكسر ظهرنه
وصعب اصبح بعد عينك أمرنه
عفناك ورجعنه   بس يجري دمعنه
يلنحرك  محبه وعاطفه ايفوح
     ياصدر العداله
★★★★★
محتاجين يلغايب تجينه
تراهو المايعجبك صار بينه
الناس بلاذنب صارت علينه
ياصدر الوفه بيك انتخينه
وطنه شكثر صبره   ولامرتاح مره
ناخذ هلوطن چاوين ونروح ياصدرالعداله                                                                                                          ★★★★★
يبوقول العذب ساكن لسانك
محتاجين يلغالي حنانك
بعده بالكلب  ثابت مكانك
جميلك مانرده ولااحسانك
قضيه الدم حبرها   من يمحي اثرها
ياجنة وأمل علارض مطروح
     ياصدر العداله

الشاعر حسن لعيبي الحريشاوي

بمناسبة ولادة فاطمة المعصومة (وزن عگيلي)

يامحله الميلاد ويومه  من هَل نورچ يامعصومه
★★★★★
يلنورچ من نور الزهره الدنيا بميلادچ مبتشره
ماضلت لوعه ولاحسره ولاروح اتون ومهمومه
★★★★★
صبح الدنيا يناغي النسمه يامنبع أيمان وحكمه
ميلادچ علوادم نعمه وگمره الليل وتزهي نجومه
★★★★★
بميلادچ يابنت الكاظم  فرحان الزاير والخادم
الفرحه اليوم اتعم الوادم  بعيون احبابچ مرسومه
★★★★★
من قداح الجنه أطيابچ  وللجنه اليدخل من بابچ
ماخاب اليگصد لعتابچ  كل شده بزودچ محسومه
★★★★★
لو (قم) نسئل من عَلَّاها   وبنور اليسطع  خَلَّاها
الرب ابنورچ سوَّاها  جنه وبيها أنتي المخدومه

الشاعر حسن لعيبي الحريشاوي

ابوذيه لولادة فاطمة المعصومة رضي الله عنها

الشيعي مهجته زايد وجدها
بمولد فاطمه الفرحه وجدها
ابوها الكاظم العالم  وجدها
امير الفقه  سيد الجعفريه

الشاعر حسن لعيبي الحريشاوي

لولادة الامام علي بن موسى الرضا
عليه السلام ( تجليبه )

جمال الليل ناغه طلعة الگمره
               الماخذ روعته من ثامن العترة
★★★★★
يافرع الإمامة ومن نبي أصله
يطيب الفرح لجلك والسهر يحله
قليل شماشكرناه العمر كله
وقليل شماحمدنه الباري ألف مره
★★★★★
يتاج المعرفة المعروفة اوصافك
استحه وذاب الگمر مولاي من شافك
بلطف الله ابتشرنه بجية الطافك
السمه ويانه وأرضها اليوم مبتشره
★★★★★
شمحله افراحنه وإلي يكملها
التهاني بمولدك من عدنه تقبلها
يسلطان المعارف ياعلي كلها
علوم الناس عندك يابحر گطره
★★★★★
مثل والد شفيق على البشر گلبك
تهدي الضاع تايه ماعرف. دربك
فوز ولايتك بالاخره. وحبك
يوم الماتفيد ابنادم. الحسره
★★★★★
ياعلم وسماحة وسيد الحكمه
وجهت على نهج المصطفى الأمة
السعادة اليوم ماتتوصف بكلمه
بخشوع وحب نجدد سيدي الذكره
★★★★★
أمام الله اصطفاك وثامن اختارك
نعيم على المحب ماتنطفي انوارك
السمة وي الأرض بالفرح تشارك
تهني المرتضى والهادي والزهره

الشاعر حسن لعيبي الحربشاوي

لولادة الامام علي بن موسى
الرضا عليه السلام

بميلاد الرضا الدنيا زهيه
الصبح ضَوَّه نهاره على المسيه
★★★★★
وحگ الثامن الضامن وعينه
بحبه من الصغر احنه وعينه
يربي انطي الصبر گلبي وعينه
افراگ ازيارته شمسوي بيه
بميلاد الرضا الدنيا زهيه
★★★★★
شنهي قيمتي بدونك  هوانه
ذليل الگلب  مايرحل هوانه
يبن موسى الك مكثر هوانه
خذانه الشوك الك يبن الزچيه
بميلاد الرضا الدنيا زهيه
★★★★★
عاجز كل فكر من راد وصفه
ياماي الزلال الگلب وصفه
من الله زيارته للناس وصفه
يمه ماتظل عله خفيه
بميلاد الرضا الدنيا زهيه
★★★★★
فكر عالي مظامينه وسامي
ذَلَّاها ملوك اشگد وسامي
اسمك علصدر هوه وسامي
بيه افخر على اليفخر عليه
بميلاد الرضا الدنيا زهيه
★★★★★
من ذروة بني هاشم وصلها
مكانه الك ماواحد وصلها
الفرحة اليوم يامحله وصلها
أجينه بهلوكت نفرح سويه
بميلاد الرضا الدنيا زهيه

الشاعر حسن لعيبي الحربشاوي

لولادة الإمام علي بن موسى الرضا عليه السلام

هب النسيم الساكن. 
بمولد إمامي الثامن
حرك الغصن الغافي
وناغه الغدير الصافي. بمولد إمامي الثامن
★★★★★
گلبي الحزين اتهنه.
من شاف مايتمنه
مولد حضارة وجنه 
مدري شسولف عنه
من سطع نور الگمره 
انزاح الظلام وشره  بمولد إمامي الثامن
★★★★★
بيه فرحت المعموره.
وصارت باحسن صوره
انزاح الظلام بنوره.   
بيه الخلگ مسروره
ابشارة الباري وعطفه.  
علناس انزل لطفه.  بمولد إمامي الثامن
★★★★★
بشر الباري بأسمه. 
ابن العلم والعصمه
بالدنيا خير ونعمه. 
وباچر شفاعه ورحمه
نور ومحبته جناحي.
ماتنوصف افراحي.  بمولد إمامي الثامن
★★★★★
للدين انته البشرى.
وعيد السلام ونصره
وثوبه وهواه وعطره 
يبن الوصي والزهره
محله الوكت وانسامه.
مختلفه عندي ايامه.   بمولد إمامي الثامن
★★★★★
حتماً حفلنه يحله.   
هليوم ماكو مثله
محله جماله وشكله.
بمولد الخير وأصله
ابغبطه الحقل وازهاره. 
وضي البدر وانواره.    بمولد إمامي الثامن

ألشاعر حسن لعيبي الحريشاوي

لولادة الأمام علي بن موسى الرضا عليه السلام

بميلادك ولاتنوصف فرحتنا
ومحلاها بعد هليوم. لمتنا
يسلطان المهج حلت سعادتنا
لاوينه الهموم الياما لاوتنا
يبن خير البشر للموت سادتنا
شفيع وناصر بأيام شدتنا
نودع بالملاگه وياك. غربتنا
من بحر الذنوب أنته سفينتنا

((أعلينه اليوم أمفصل ثوب الفرحه اگدار))

الشاعر حسن لعيبي الحريشاوي

لوگضه عمرك حزن فات ومضه
ولوصبر عندك ولاظل وگضه
ولون گلبك راحه ماشاف وحظه
ولوزمانك غيض طبعه ومارضه
ولوطبيب اليشفي حالك مرّضه
ولون ظهرك حافر الهم رضرضه
ولوعليك الارض ضاكت والفضه
اقصد الباب الشفه والموعظه
يم علي تنحل تره ايحلها الرضا


الشاعر حسن لعيبي الحريشاوي

ليلة ولادة الأمام علي ابن موسى الرضا عليه السلام ١١/ذي القعده /١٤٤٥هج الاثنين 20 \5 \2024 بصوت خادمكم الرادود ابو هاشم الربيعي

الدنيا بمولده تتناقل الأخبار
صدر نور الامامه ثامن الاطهار
بميلاد الرضا الدنيا فرح وانوار
(اليوم الشمس احتارت بيش اتزامط نورك بيش)

الشاعر حسن لعيبي الحريشاوي
محافظة بغداد

مهما اتاني الدهر بالجور قضا
متقصدا  أياي   أو متعرضا
واليوم بعد اليوم بالحزن مضى
للنور اشكو بالبكا مستعرضا
ودمع عيني لوجرى جمر الغضا
لي قمر اطفي به نار اللظى
يوم الحساب المر لوضاق الفضا
ذاك بن موسى سيدي ذاك الرضا

الشاعر حسن لعيبي الحريشاوي

مايله الدنيا وي زينب
💔مجلس
الشاعر
حسن لعيبي الحريشاري
الرادود
كرار الطائي
نسألكم الدعاء

ميلاد الرضا

اليوم ميلاد الرضا
اليوم ميلاد الرضا
★★★★★
اليوم مولد نور من حامي الحمه
بفضل ماينقاس من رب السمه
كهف للمحتار يوم الموزمه
مولده الميمون يوم الغانمه
اليوم ميلاد الرضا
اليوم ميلاد الرضا
★★★★★
اليوم ميلاد المكارم والقيم
بفضل ربنا صاحب المن والنعم
اليوم  هو المهم عدنه والأهم
مولد الخير ومنابع للكرم
اليوم ميلاد الرضا
اليوم ميلاد الرضا
★★★★★
اليوم ميلاد المعارف والفكر
اليوم شع الگمر من نور البدر
النهار اتلاگه  بانسام الفجر
حبه خير ونعمه للروح وأجر
اليوم ميلاد الرضا
البوم ميلاد الرضا
★★★★★
هله ابجية الخير يامية هله
العيد ميلاده ابفرح نستقبله
مبتهج هلكون هذا بأكمله
الروح والانفاس فدوه اتروح إله
اليوم ميلاد الرضا
اليوم ميلاد الرضا
★★★★★
ياسليل الجود من أطهر نسب
تفتخر بيك الاعاجم والعرب
لؤلؤ وياقوت يادر يا ذهب
حبك بمحضر ضمايرنه انكتب
اليوم ميلاد الرضا
اليوم ميلاد الرضا

الشاعر حسن لعيبي الحريشاوي