📌 Фармацевтика соҳасида амалга оширилаётган инвестиция лойиҳалари билан танишув

🔴 2025 йил 4 октябрь куни Фармацевтика тармоғини ривожлантириш агентлиги директори Абдулла Азизов “Tashkent Pharma Park” фармацевтика кластери саноат зонасида инвесторлар томонидан амалга оширилаётган лойиҳалар қурилиш жараёни билан танишди.

✅ Ўрганишлар давомида инвесторлар билан учрашув ўтказилиб, қурилиш ишларининг жорий ҳолати, муҳандислик-коммуникация инфратузилмаси, технологик жиҳозлар билан таъминлаш масалалари муҳокама қилинди.

✅ Шунингдек, амалга оширилаётган лойиҳаларни ўз вақтида ва сифатли якунлаш ҳамда ишлаб чиқариладиган дори воситалари турини кенгайтириш бўйича қатор вазифалар муҳокама қилинди.

✅ “Tashkent Pharma Park” кластери фармацевтика соҳасини ривожлантириш, илмий-тадқиқот ва ишлаб чиқариш салоҳиятини бирлаштириш, шунингдек , хорижий инвесторлар учун қулай шарт-шароитлар яратишни мақсад қилган йирик лойиҳадир.

Website | Telegram | Instagram | Facebook | Youtube | linkedin

📌 "Sang-A Pharmaceutical" компанияси делегацияси билан учрашув

🔴 Фармацевтика тармоғини ривожлантириш агентлигида Жанубий Кореянинг "Sang-A Pharmaceutical" компанияси делегацияси билан учрашув бўлиб ўтди.

✅ Учрашувда Агентлик директори Абдулла Азизов - “Tashkent Pharma Park” фармацевтика кластери лойиҳасини тақдим этди. У инвесторлар учун яратилган шароитлар, берилаётган имтиёзлар ҳамда соҳа бўйича мавжуд имкониятлар ҳақида батафсил маълумот берди.

✅ Кореялик делегация мазкур маълумотларни катта қизиқиш билан тинглаб, фарма-кластер ҳудудида биологик фаол қўшимчалар (БАҚ) ишлаб чиқаришни йўлга қўйиш ва кейинчалик уларни Марказий Осиё мамлакатларига экспорт қилиш имкониятларини кўриб чиқиш ниятини билдирди.

✅ Шунингдек, компания вакиллари ўз фаолият йўналишлари ва маҳсулотлари бўйича тақдимот ўтказдилар. Агентлик томонидан эса косметик маҳсулотлар ишлаб чиқариш йўналишини ҳам ўрганиш тавсия этилди, чунки Ўзбекистон бозорида ушбу сегментда йирик ишлаб чиқарувчилар деярли мавжуд эмаслиги таъкидланди.

✅ Учрашув якунида делегация Агентлик фаолияти ва тақдим этилаётган имкониятлардан келиб чиқиб, Корея ишлаб чиқариш қувватларига ўхшаш замонавий завод қуриш ниятини билдирди.

Website | Telegram | Instagram | Facebook | Youtube | linkedin

📌 Ҳиндистон Республикасининг Ўзбекистондаги Фавқулодда ва Мухтор Элчиси билан учрашув

🔴 2025 йил 6 октябрь куни Фармацевтика тармоғини ривожлантириш агентлиги директори Абдулла Азизов ҳамда Ҳиндистон Республикасининг Ўзбекистондаги Фавқулодда ва Мухтор Элчиси Смита Пант хоним билан расмий учрашув бўлиб ўтди.

❗️ Аввало, Ўзбекистон иқтисодиётига хорижий сармояларни жалб этиш масаласига алоҳида эътибор қаратилди. Ҳиндистон компанияларини турли тармоқларда фаолият юритишга жалб этиш имкониятлари кўриб чиқилди ҳамда хорижий инвесторлар учун мамлакатимизда яратилган қулай шарт-шароитлар ва имтиёзлар ҳақида маълумот берилди. Хусусан, маҳаллий ишлаб чиқаришни йўлга қўядиган хорижий компанияларга тақдим этиладиган солиқ ва божхона енгилликлари, шунингдек ер ва инфратузилма билан таъминлаш имкониятлари ҳақида батафсил тушунтирилди.

✅ Учрашувда таълим соҳасидаги ҳамкорлик масалалари ҳам муҳокама этилди. Икки мамлакат ўртасида талабалар алмашинувини йўлга қўйиш, қўшма таълим дастурларини ташкил этиш ҳамда ёш мутахассислар учун грант ва стипендиялар ажратиш бўйича таклифлар илгари сурилди. Илмий салоҳиятни ошириш, таълим жараёнларини ҳамоҳанглаштириш ва тажриба алмашишнинг муҳим аҳамиятга эга эканлиги қайд этилди.

❗️ Анъанавий тиббиёт ва доривор ўсимликлар йўналиши ҳам учрашувнинг асосий мавзуларидан бири бўлди. Ҳиндистон ва Ўзбекистон ушбу соҳада бой тажрибага эга давлатлар сифатида, ўзаро ҳамкорликни кенгайтириш имкониятларини муҳокама қилинди. Хусусан, Ўзбекистон ҳудудида айрим турдаги доривор ўсимликларни етиштириш ва қайта ишлаш ишларига Ҳиндистон компанияларини жалб қилиш масаласи кўриб чиқилди.

✅ Учрашувда қайд этилганидек, узоқ муддатли истиқболда икки давлат учун қуйидаги соҳаларда ҳамкорликни ривожлантириш муҳим аҳамиятга эга: биотехнология, илмий-тадқиқот ва технологиялар трансфери. Мазкур йўналишлардаги ҳамкорлик нафақат икки мамлакат иқтисодиёти, балки бутун минтақадаги инновацион ривожланиш жараёнлари учун катта аҳамият касб этади.

Website | Telegram | Instagram | Facebook | Youtube | linkedin