📌 Фармагентликда Ўзбекистон-Уммон инвестиция компанияси вакиллари билан учрашув

🔴 Фармацевтика тармоғини ривожлантириш агентлиги директори Абдулла Азизов ва Ўзбекистон-Уммон инвестиция компанияси вакиллари билан учрашув бўлиб ўтди.

✅ Учрашувда компания вакиллари соғлиқни сақлаш соҳаси улар учун устувор йўналишлардан бири эканини таъкидлаб, фармацевтика соҳасига инвестиция киритиш нияти борлигини маълум қилдилар.

✅ Агентлик директори томонидан “Tashkent Pharma Park” фармацевтика кластери, унинг бизнес муҳити ва инвесторлар учун яратилган қулай шарт-шароитлар ҳамда имтиёзлар ҳақида батафсил маълумот берилди.

❗️ Музокаралар жараёнида қуйидаги масалалар муҳокама этилди:
➡️ Ўзбекистон фармацевтика бозорининг ҳажми ва экспорт-импорт кўрсаткичлари;
➡️ Женерик ва оригинал дори воситалари ишлаб чиқариш имкониятлари;
➡️ Соҳада кадрлар тайёрлаш ва таълим тизими;
➡️ Дистрибюторлар фаолиятини тартибга солиш механизмлари;
➡️ Маҳаллий ишлаб чиқарувчиларни қўллаб-қувватлаш механизмлари.

✅ Учрашув якунида томонлар ўзаро ахборот алмашиш, ҳамкорликни ривожлантириш ва доимий мулоқотни йўлга қўйишга келишиб олдилар.

Website | Telegram | Instagram | Facebook | Youtube | linkedin

📌 Фармагентликда “Dar Al Dawa” компанияси вакиллари билан учрашув

🔴 Жорий йилнинг 30 сентябрь куни Фармацевтика тармоғини ривожлантириш агентлиги директори Абдулла Азизов ва Иорданиянинг етакчи фармацевтика компанияларидан бири “Dar Al Dawa” раҳбарияти билан учрашув бўлиб ўтди.

✅ Учрашувда компания Ўзбекистонда маҳаллий ишлаб чиқарувчилар билан ҳамкорликда технология трансфери асосида юқори импорт ҳажмига эга дори воситаларини ишлаб чиқариш ниятини билдирди. Шу мақсадда қатор маҳаллий компаниялар билан музокаралар ўтказилаётгани таъкидланди.

✅ Шунингдек, “Dar Al Dawa” Ўзбекистонда ишлаб чиқарилган дори воситаларини MENA минтақасига экспорт қилиш ва техник ёрдам кўрсатишга тайёрлигини маълум қилди. Компания агентлик тақдим этган маълумотлар билан танишгач, ўзининг техник жамоаси билан Ўзбекистонга ташриф буюриш режасини билдирди.

✅ Учрашувда “Tashkent Pharma Park” фармацевтика кластери ва дистрибьюторлик марказининг аҳамияти, шунингдек мамлакат фармацевтика индустриясининг жадал ривожланиши масалалари муҳокама қилинди. Иорданиялик меҳмонлар давлатнинг соҳани қўллаб-қувватлаш сиёсати ва тармоқнинг ривожланиш суръатларини юқори баҳоладилар.

Website | Telegram | Instagram | Facebook | Youtube | linkedin

📌 Хитой технологик бозор ассоциацияси делегацияси вакиллари билан учрашув

🔴 Жорий йилнинг 30 сентябрь куни Фармацевтика тармоғини ривожлантириш агентлиги директори Абдулла Азизов ва Хитой технология бозори ассоциацияси халқаро ҳамкорлик қўмитаси директори Чжан Янь бошчилигидаги делегация билан учрашув бўлиб ўтди.

✅ Агентлик директори меҳмонларга “Tashkent Pharma Park” инновацион илмий-ишлаб чиқариш фармацевтика кластери лойиҳаси, унинг имкониятлари ва инвесторлар учун яратилган шарт-шароитлар ҳақида тақдимот ўтказди. Хитойлик меҳмонлар ҳам ўз фаолият ва йўналишлари ҳақида маълумот бердилар.

✅ Учрашувда таълим дастурлари, соғлиқни сақлаш, илмий-тадқиқот ва ишланмалар (R&D), шунингдек анъанавий хитой тиббиёти ҳамда профилактика йўналишида ҳамкорликка қизиқиш билдирилди.

✅ Шунингдек, хитойлик делегация Ўзбекистонга инвестиция киритишга қизиққан компаниялар рўйхатини, технология трансферига тайёр корхоналар ҳақида маълумот ҳамда биотехнология ва фармация соҳасида стипендия дастурларини тақдим этиш ниятини билдирди.

Website | Telegram | Instagram | Facebook | Youtube | linkedin