“Payshanba – profilaktika kuni” munosabati bilan Sirdaryoda samarali tadbirlar davom etmoqda.

Sirdaryo viloyatida jinoyatchilik va huquqbuzarliklarning oldini olish, aholi o‘rtasida huquqiy ong va huquqiy madaniyatni oshirish maqsadida joriy haftaning payshanba kuni “Profilaktika kuni” doirasida keng qamrovli kompleks tadbirlar tashkil etildi.

Tadbir viloyat prokurori va Sirdaryo viloyati Ichki ishlar boshqarmasi boshlig‘i rahbarligida o‘tkazilgan kengaytirilgan yig‘ilish bilan boshlandi. Yig‘ilishda joriy yilning o‘tgan davridagi jinoyatchilik holati tahlil qilinib, jamiyatda xavfsizlikni taʼminlashga qaratilgan chora-tadbirlarning samaradorligini oshirish yuzasidan aniq vazifalar belgilab olindi.

Profilaktika kuni doirasida maʼmuriy huquqbuzarlik sodir etgan shaxslarning qilmishlari sayyor sudlarda ko‘rib chiqildi. Bundan tashqari viloyatning barcha tuman va shaharlarida profilaktika inspektorlari tomonidan mahallalarda “uyma-uy” yurishlar tashkil etildi. Jinoyat sodir etishga moyil shaxslar, profilaktik ro‘yxatda turgan fuqarolar, muhtoj oilalar holati o‘rganilib, ular bilan manzilli suhbatlar olib borildi. Shuningdek, huquqbuzarliklarga moyil bo‘lgan yoshlar bilan psixologik va huquqiy maslahatlar tashkil etildi.

Xotin-qizlar masalalari bo‘yicha masʼul inspektorlar tomonidan zo‘ravonlikdan jabr ko‘rgan ayollar, nizoli oilalar, yolg‘iz onalar holati o‘rganildi. Ularga huquqiy yordam, psixologik qo‘llab-quvvatlash va zaruratga qarab ish bilan taʼminlash bo‘yicha tavsiyalar berildi. Mahalla va taʼlim muassasalarida qizlar bilan “Oila muqaddasligi”, “Zo‘ravonlikka yo‘l qo‘ymaylik” mavzularida uchrashuvlar tashkil etildi.

Yo‘l harakati xavfsizligi boshqarmasi xodimlari tomonidan aholi gavjum joylar va taʼlim muassasalari atrofida yo‘l harakati qoidalariga rioya etilishi yuzasidan reydlar o‘tkazildi. Haydovchilar va piyodalarga qoidalar to‘g‘risida tushuntirishlar berildi. Bolalarni maxsus o‘rindiqlarda tashish, svetofor va zebradan to‘g‘ri o‘tish bo‘yicha amaliy ko‘rgazmalar tashkil etildi.

Jamoat tartibini saqlash boshqarmasi xodimlari tomonidan bozorlar, ko‘ngilochar maskanlar va jamoat joylarida nazorat kuchaytirildi. Tinchlik va xavfsizlikni taʼminlash maqsadida reydlar tashkil etildi. Yoshlar yig‘iladigan joylar, kafelar hamda bog‘lar alohida nazoratga olindi.

Qo‘riqlash xizmati xodimlari tomonidan mahallalarda xonadonlarni texnik vositalar orqali qo‘riqlovga ulash yuzasidan targ‘ibot ishlari olib borildi. Fuqarolarga signalizatsiya va video kuzatuv vositalarini o‘rnatishning afzalliklari tushuntirildi.

Profilaktika kuni doirasida Probatsiya xizmati xodimlari ham faol ishtirok etdi. Nazoratda turgan shaxslar holati o‘rganilib, ular bilan yakka tartibdagi ish olib borildi. Joylarda sayyor sudlar o‘tkazildi.

Xulosa o‘rnida aytish mumkinki, Sirdaryo viloyatida “Payshanba – profilaktika kuni” faqatgina yakka chora-tadbir emas, balki aholi bilan samarali muloqot, jinoyatchilikka qarshi keng qamrovli harakatlar tizimining muhim bir bo‘g‘ini hisoblanadi. Bunday tashabbuslar orqali jamiyatda tinchlik va xavfsizlikni taʼminlashga qaratilgan ishlar izchil davom ettirilmoqda.

Telegram/ Facebook/ Youtube/ Instagram/ Ok

Sirdaryo viloyati IIB boshlig‘i fuqarolar bilan ochiq muloqotni davom ettirmoqda

Sirdaryo viloyati Ichki ishlar boshqarmasi boshlig‘i podpolkovnik Farux Xaydarov viloyat Xalq qabulxonasida tasdiqlagan reja-grafik asosida fuqarolarni qabul qildi. Ushbu uchrashuvda viloyat aholisining huquqiy muammolari, ijtimoiy masalalari va shaxsiy murojaatlari tinglandi.

Qabul jarayonida har bir fuqaroning murojaati alohida eʼtiborga olinib, tegishli choralar ko‘rish yuzasidan aniq topshiriqlar berildi. Viloyat IIB boshlig‘i tomonidan bunday ochiq muloqotlar doimiy tarzda o‘tkazilib, joylarda aholi bilan yaqin hamkorlikda ishlashga alohida eʼtibor qaratib kelinmoqda.

Bunday qabullar aholining davlat idoralariga bo‘lgan ishonchini mustahkamlash, ularning muammolarini yechimini topishda muhim ahamiyat kasb etadi.

Telegram/ Facebook/ Youtube/ Instagram/ Ok

Ayni paytda viloyat hokimi rahbarligida Xovos tumanida ommaviy sayyor qabul o'tkazilmoqda...

———

В настоящее время в Хавасском районе под руководством главы области проходит выездной прием граждан…