ЎЛИМНИ ЧАҚИРМАНГ
Шеърда ўз ўлими манзарасини чизиб, ўлимдан сўзловчи шоир дўстларимизга бағишлов

Ўлимни чақирманг, шоир дўстларим,
Фаришта “Омин” дер ҳар бир ниятга.
Ўпинг Навоийнинг оёқ изларин,
Шоирлар номзоддир абадиятга.

Некбинлик, матонат – шоирга шиор,
Сўздан ҳаёт топсин ўлик халойиқ.
Ўлимга пешрав не аъмолимиз бор?
Не буюк иш қилдик ўлмоққа лойиқ?!

Шеърият – адолат, ҳақиқат жанги,
Нурдан совут кийиб киринг бу жангга.
Кимки ҳаёт берса қалбларга мангу,
Ўлим ярашади фақат ўшанга!

Ўлим – мўъмин учун туҳфа ва тортиқ,
Ўлимдан бошланар Ҳақнинг висоли.
Биз ўлсақ, бир фазл бўларми ортиқ,
Дунё донолардан қоларми холи?

Биз ўлсак, қуёш, ой тутилармиди?
Мотам тутармиди мазлум коинот?
Жаҳон разолатдан қутулармиди,
Олам топармиди зулмдан нажот!

Ҳақ сўз – дор остида марднинг қасдидир,
Марднинг марг чоҳида янграр хандаси.
Бизнинг ҳар лаҳзамиз – дорнинг остидир,
Бизнинг ҳар онимиз – жаллод кундаси.

Ўлимни фикрланг, қўрқмай ажалдан,
Лекин “ўламан” деб ҳайқираверманг.
Ўлим ҳар кимни ҳам топар азалдан,
Бас, тезлаб ўлимни чақираверманг.

Иссиқ нафас қилсин фарзанди Одам,
Шундай улуғ қилинг мақсад, ниятни,
Ўлим чангалида турганда олам,
Ҳаётга қайтаринг башариятни!

Гарчи қўлингизда эмас, лек руҳан
Ўлимга ҳеч таслим бўлманг, дўстларим!
Яшанг шундай буюк шижоат билан,
Ўлгандан кейин ҳам ўлманг, дўстларим!

Ўлимни чорламанг, тутинг қўлимни,
Нур тўлсин номаи аъмолингизга.
Дўстлар, ўз ҳолига қўйинг ўлимни,
У ҳам сизни қўйсин ўз ҳолингизга!..

Мирзо Кенжабек
2020, 2-5 апрель.
(Ҳижрий 1441 йл, 8–11 шаъбон.
Пайшанба–якшанба.)

@m_kenjabek
┈┈• ❀ 🌷☘️🌷 ❀ •┈┈•

Бугун Рақамли технологиялар вазирлигида режалаштирилган ижодий учрашув юқори савияда ташкил этилди. Тадбирда “Рақамчи қизлар даврасида нима шеър ўқисам экан?..” деган ўйлов сўнгида “Замонавий ошиқ изҳори” деган шеъримизни ўқиётган жойимиздан парча:

Хаёлим хаёлингга интеграция қилсам,
Гардингни суриб кўзга мотивация қилсам.
Кўнглинг инжа кўзгудир, ногоҳ дарз кетмасин деб –
Жонимдан ғилоф айлаб ламинация қилсам...

Бўлсанг-да минг бўлакка, дил боғланмас бўлакка,
Ҳажринг тиғлари охир етиб борди суякка.
Ёзғирсам ҳайрон бўлма, керак бўлса Фалакка –
“Васлинг бермади!” дея аппеляция қилсам...


Ҳар тугул қаловини топишга ҳаракат қилдик).

@Rustam_MIRVOKHID

"Онажоним"

✍🎙 Рустам Мирвоҳид

@Rustam_Mirvokhid

НОЗИК

Қандай ўпай – лабинг нозик,
Нечук англай – гапинг нозик,
Бунча сенинг таъбинг нозик –
Бир сўз кам, бир сўз ортиқча.

Қўлим қаттиқ – таролмайман –
Сочларингга яролмайман,
Сенга оддий қаролмайман,
Бир кўз кам, бир кўз ортиқча.

Бодомлар зор қабоғингга,
Чарослар жо қароғингга,
Суролмайман оёғингга –
Бир юз кам, бир юз ортиқча.

Оҳ, ўзимга ўзим рақиб,
Аслим – ошиқ, наслим – ғариб,
Пешонамнинг таъми ажиб –
Бир туз кам, бир туз ортиқча.

Балки, ишқ шундай байрамдир –
Битта кулгу кўп ва камдир.
Балки, ишқ шундай мотамдир –
Бир бўз кам, бир бўз ортиқча ?..

2015 йил

✍ Рустам МИРВОҲИД

@Rustam_Mirvokhid

... Балки бир бор шивирлаб қулоқчинларинг аро -
Қайтиб ҳеч кас қилолмас кульминация қилсам.

✍ Рустам Мирвоҳид

@Rustam_Mirvokhid

ТАНИШУВ

Менга бағринг очдинг, раҳмат, аё, гўзал Истанбул,
Устоз Эркин айтган эди: "Ҳуснинг - жонга ситам бул".
Сени сўз-ла сўзсиз асир айламоқни қасд этган -
"Ким?" десанг гар Мирвоҳид ул, аниқроғи - Рустам бул.

Истанбул. 28. 11. 2024 й.

@Rustam_MIRVOKHID