جامع ميت

مصابة البينه يضل يجدد
جامع ميت موش محمد
يابو الكل الكل يتعهد
مثلك ماكو ولا نسان.

انت الرافض حزب السلطه بكلا كلا للشيطان
انت منطق حته الصخرة وانت محجيهه الخرسان
فنه اليحجيلة وي عراقي بعوجيتك سيد ينهان
لاصدام ولاذنابة العادة محمد ضل خسران

ماكو المثلك ويشبهونك
واحد بس انت يعرفونك
كل العادوك يشهدونك
مثلك ماكو ولا نسان

انت معلم كل الوادم حته السجدة شلون صير
وانت معلم كل الوادم يم حسين شلون سير
وادم من دونك يمحمد ضاعت ماشافت تدبير
ذاك يبوك وذاك الينهب ذاكة اليمشي علتصفير


يااول من فعل كلهن
وزيارة لحسين اولهن
ولجمعات يشهدن كلهن
مثلك ماكو ولا نسان

ها يمخوف حته الخوفه ومن عدك خافت قادات
من عندك طلعت الرجال البلطك تحرك دبابات
ومن ذيج سنينك لليوم عدهم عل باطل صولات
بابو مصيفي وداعت شيبك ماكو المثلك بلتربات

ذل السلطة بصبع ايدك
رجع كل كلمات وعيدك
كوم ورجع كلهه تريدك
مثلك ماكو ولا نسان

حيدر اول من تشوف گلوبنه
تلكه بس حيدر علي محبوبنه
لغيرة مايحلة وعلي مكتوبنه
فقط حيدر بس اله نحجيهه

اليله عيد لكل موالي بعيدة
من نزل من السمه تئييدة
من رفع جفة محمد بيدة.
فرحة املاك السمه بتنصيبه

المايوالي حيدر بتشريعة.
ويه شيطان الرجيم نذيعه
قل اعوذ المايحبك حيدر.
فقط حيدر بس اله نحجيهه

اليله فرحه ولامثلهه افراحنه
من تنصب حيدر برواحنه.
لاسقيفة ولاحجي مالحنه.
يبقة بس حيدر امير الشيعة.

اسمه محفور وعلي بدلالنه
بغير حيدر مانعيش احلالنه
الهوة المابي ريحته شسوالنه
فقط حيدر بس اله نحجيهه


من رفع جفة محمد للسمه
اليله بوجوه السقيفه مؤلمه
بتسمت بذاكه ضحكهه فاطمه
حيدر من الله نزل تنصيبه.

حيدر اول من تشوف گلوبنه
تلكه بس حيدر علي محبوبنه
لغيرة مايحلة وعلي مكتوبنه
فقط حيدر بس اله نحجيهه