Muhammadni eslamaydi kim?

🎤🎶 Parizoda DAVLATOVA

✍ Dilobarxon MAHMUDOVA

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz,
@Muhammadyusufizdoshlariguruhi👈 guruhimiz.

Muhammad Yusuf tavalludining 71 yilligi munosabati bilan Koson tumanida bo'lgan tadbirga bag'ishlangan tadbirdan videorolik.

@Muhammadyusufizdoshlari kanali

🎤 Аселя Кужбахтеева,
Андижон вилояти Хўжаабод тумани.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz,
@Muhammadyusufizdoshlariguruhi👈 guruhimiz.

«Муҳаммад Юсуф: Улуғимсан Ватаним!» бадиий-публицистик ҳужжатли фильми

Сценарий муаллифлари: Иқбол Мирзо, Достон Ҳожиматов
Постановкачи режиссёр: Иқбол Мелиқўзиев
Постановкачи оператор: Рихсибек Шермуҳаммедов

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи

@Muhammadyusufizdoshlari

ЁЛҒИЗ

Миллион йилда мени яратди ҳаёт,
Мени сўраб, тоғлар қатор чўкди тиз.
Наҳот англамайсан, билмайсан наҳот,
Ахир мен биттаман, ягона, ёлғиз.

Буғланиб, қайтадан тўкилади сув,
Қуёшдан ишорат – кўз ёрар илдиз.
Мен, ахир уларга ўхшамайман-ку,
Ахир мен биттаман, ягона, ёлғиз.

Ҳар элат ўзича атар шамолни,
Мингта исм билан яшайди юлдуз.
Сен қайдан топасан бошқа Иқболни,
Ахир мен биттаман, ягона, ёлғиз.

Нафасим – ғанимат, сўзим – ғанимат,
Фожиа – пойимдан узилган ҳар из.
Менинг нигоҳларим энг эзгу неъмат,
Ахир мен биттаман, ягона, ёлғиз.

Яратганга бориб айтаман сени!
Ўзи ҳукм этсин одил ва холис.
Мен қайтиб келмайман, тушуняпсанми?
Ахир мен биттаман, ягона, ёлғиз...

✍ Иқбол Мирзо

Muhammad Yusuf izdoshlariga qo‘shiling👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

https://www.tgoop.com/Muhammadyusufizdoshlari

Бугун Ўзбекистон халқ шоири, устозимиз Иқбол Мирзо туғилган кунлари.
Таваллуд айёмингиз муборак!
Ўзбек адабиёти ва мухлислари бахтига ҳамиша соғ-омон бўлинг!



"-Сен битта шогирдимсан мени, арслонни боласи битта бўлганидек, сен ҳам биттасан. Сен халқни ҳаёти, дарди, тили билан яшайдиган арслонпанжа шогирдимсан, сен адабиётни фарзандисан."
(Эркалаб, ҳазиллашиб) УЛУҒИМ деб чақирарди.
(Йўлдош Сулаймондан қолган гап бу- улуғим)...

Муҳаммад ЮСУФ сўзлари

Muhammad Yusuf izdoshlariga qo‘shiling👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

https://www.tgoop.com/Muhammadyusufizdoshlari

"-Муҳаммад ака истеъдодли ёшларнинг пайдо бўлишидан
қувониб кетадиган инсон эди. Иқболжоннинг шеърлари ҳақида ҳам шундай қувониб гапирганлари, ўқиб берганлари кечагидай эсимда.
Иқболжонни оналаридан рухсат сўраб Тошкентга олиб келган ҳам Муҳаммад ака бўлган.
Мени айниқса, Иқболжон Ёзувчилар уюшмаси раисининг ёшлар билан ишлаш бўйича ўринбосар, яъни Муҳаммад Юсуфнинг ўрнига тайинлангандаги воқеа эсимдан чиқмайди.
Ёзувчилар уюшмасига Иқбол Мирзо Сизни чақиряпти, дейишганда, рости ҳайрон бўлдим.
Ёзувчилар уюшмасига Муҳаммад ака вафотидан сўнг биринчи боришим эди.
Қаттик ҳаяжонландим. Айниқса, улар ўтирадиган хонага кириш осон бўлмади.
Кирганимда Иқболжон Муҳаммад аканинг креслоси ёнида чуқур хаёлга ботиб ўтирарди. Мени кўриб, пешвоз чиқди. Ўзидан юқорига ўтказди ҳурмат билан, сўнг чуқур хўрсиниб -"Опа, ўзим олдингизга боришим керак эди. Аммо шу хонада сиз билан кўришишни маъқул кўрдим. Менга дуо беринг. Муҳаммад акам устозим ўтирган жойга ўтиришим қийин бўляпти! "-деди.
Мен ҳанг-манг бўлиб қолдим.
Охирги пайтлар ҳар- хил муносабатлар, айримларнинг турланиши мени азобламоқда эди. Аммо тўсатдан мени бундай эъзозлашлари эсанкиратиб қўйди.
Шундай йиғлашга тушдимки, тўйиб-тўйиб йиғладим. Йиғи аралаш юрак-юрагимдан соғ бўлишини, мартабаси баланд бўлиши ва яна қанча ниятларимни тўкиб солдим.
У пайтда дардим янги эди. Болаларимнинг кўнгиллари ўксик эди.
Мен ўша кунни ҳеч қачон унутолмайман.
Шу-шу у биздан хабар олиб, тез-тез қўнғироқ қилади. Болаларим ҳам ўрганиб қолган.
Оғир кунингда қилинган яхшилик, ширин сўз ёдингда муҳрланиб қолар экан.
Доимо дуодаман. Бир жигаримни эслагандек эслайман, ҳаққига дуолар қиламан.
Илоҳим Оллоҳ паноҳида асрасин.
Бу йил карантин сабаб учрашолмадик. Уйларига бориб, фарзандларим билан туғилган кунларида ҳар йили биз ҳам йўқлаймиз.
Дунёда яхшилик ёдингдан чиқмас экан."

✍ Назира ас-Салом.

Muhammad Yusuf izdoshlariga qo‘shiling👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

https://www.tgoop.com/Muhammadyusufizdoshlari

IQBOL MIRZO

Iqbol Mirzo (Iqboljon Mirzaaliyev) 1967 yil 1 mayda Farg‘ona viloyati, Bag‘dod tumaniga qarashli Qo‘shtegirmon qishlog‘ida tug‘ilgan. O‘zbekiston xalq shoiri (2005). Dastlabki she’rlar to‘plami — «Yurakning shakli» (1993). Shundan so‘ng shoirning «Ko‘ngil» (1993), «Seni sog‘inaman» (1994), «Meni eslaysanmi» (2000), «Tanlangan she’rlar» (2002), «Qo‘shiqlarim» (2004), «Seni bugun ko‘rmasam bo‘lmas» (2005), «Sizni kuylayman» (2007), «Agar jannat ko‘kda bo‘lsa…» (2010), «Vatan haqida qo‘shiq», «Aytgil, do‘stim, nima qildik Vatan uchun?!» (2014) singari kitoblari nashrdan chiqqan. «Shuhrat» medali bilan taqdirlangan (1999).

Muhammad Yusuf izdoshlariga qo‘shiling👇
@Muhammadyusufizdoshlari👈 kanali.
@Muhammadyusufizdoshlariguruhi👈 guruhi

https://www.tgoop.com/Muhammadyusufizdoshlari

МАРСИЯ

Муҳаммад Юсуф…
Муҳаммад Юсуф…
Лабимда қолди
Таронам менинг.
Ҳавода қолди
Қўлим гул узиб.
Энди керакмас
Баҳонам менинг.

Бунчалар қалин
Дунёнинг пўсти.
Буғдойдай хоксор
Бир шоир ўсди.
Ногоҳ бир хабар
Тонгимни тўсди.
Титради олам,
Йиғлади онам:
– Боламнинг дўсти…
– Боламнинг дўсти…

Сенми, шеърият,
Сенми жон қадар.
Дилдаги сўнгги
Томчи қон қадар.
Тупроқдай азиз
Ҳам осмон қадар.
Кўкни ўша кун
Қалдирғоч босди
Хоразмдан то
Андижон қадар.

Ҳаёт – гоҳ бир бахт,
Бир омадгача.
Ё мингта номард
Ё бир мардгача.
Тошкентдан токи
Марҳаматгача,
Кета кетгунча,
Қиёматгача –
Тераклар, толлар
Қолди бўй чўзиб,
Муҳаммад Юсуф…
Муҳаммад Юсуф…

Куйлари қолди
Тоғу тошида,
Ўйлари қолди
Ой – қуёшида,
Булоқ бошида,
Хирмон бошида,
Ўзбекнинг қора
Кўзу қошида.
Бир шоир кетди,
Бир шоир ўтди
Бобур ёшида,
Бобур ёшида.

Эй булбулларга
Куй-ғазал, Ватан.
Сен – абад Ватан,
Сен – азал Ватан.
Ким сендан юлди,
Ким – ўсал, Ватан.
Гул, асал Ватан,
Сен юксал, Ватан,
Сен юксал, Ватан,
Ўйлади боланг,
Куйлади боланг,
Эй, гўзал Ватан!
Эй, гўзал Ватан!

Биз уни – ёшу –
Тупроққа қўйдик.
Тупроқни қошу
Қабоққа қўйдик.
Тушми, деб аввал
Рўёга йўйдик.
Ўзи суйган шу
Тупроққа қўйдик
Сўнги сабр бу,
Сўнги сафар бу –
Кўпроққа қўйдик,
Кўпроққа қўйдик.

Чирқираб қўнмай
Маконларига –
Отадин ёдгор
Айвонларига
Сингиллари ҳам
Райҳонларига.
Армонларига,
Ҳижронларига –
Қўшиб жўнатди
Руҳ, жонларига.
Олиб кетдилар
Қалдирғочлари
Осмонларига,
Осмонларига.

Айланар чархнинг
Чархпалаклари
Алмашиб рангу
Камалаклари.
Қолди она уй
Сумалаклари,
Мажнунтолларнинг
Жамалаклари.
Нозима қолди,
Мадина қолди –
Капалаклари,
Ҳандалаклари.

Дўсту ёр йўли
Доим йироғдир.
Гоҳи дийдору
Гоҳи фироғдир.
Дилбандларига
Ватан қароғдир.
Чин фарзандлар ҳам
Ўчмас чироғдир.
Ҳозир ҳам балки
Жим ўйлаётир.
Юртига шаъну
Шавкатлар ёғдир,
Ё, қодир Оллоҳ,
Тупроқларига
Раҳматлар ёғдир,
Раҳматлар ёғдир.

Муҳаммад Юсуф…
Муҳаммад Юсуф…

✍Сирожиддин САЙЙИД


MARSIYA

Muhammad Yusuf…
Muhammad Yusuf…
Labimda qoldi
Taronam mening.
Havoda qoldi
Qoʻlim gul uzib.
Endi kerakmas
Bahonam mening.

Bunchalar qalin
Dunyoning poʻsti.
Bugʻdoyday xoksor
Bir shoir oʻsdi.
Nogoh bir xabar
Tongimni toʻsdi.
Titradi olam,
Yigʻladi onam:
– Bolamning doʻsti…
– Bolamning doʻsti…

Senmi, sheʼriyat,
Senmi jon qadar.
Dildagi soʻnggi
Tomchi qon qadar.
Tuproqday aziz
Ham osmon qadar.
Koʻkni oʻsha kun
Qaldirgʻoch bosdi
Xorazmdan to
Andijon qadar.

Hayot – goh bir baxt,
Bir omadgacha.
Yo mingta nomard
Yo bir mardgacha.
Toshkentdan toki
Marhamatgacha,
Keta ketguncha,
Qiyomatgacha –
Teraklar, tollar
Qoldi boʻy choʻzib,
Muhammad Yusuf…
Muhammad Yusuf…

Kuylari qoldi
Togʻu toshida,
Oʻylari qoldi
Oy – quyoshida,
Buloq boshida,
Xirmon boshida,
Oʻzbekning qora
Koʻzu qoshida.
Bir shoir ketdi,
Bir shoir oʻtdi
Bobur yoshida,
Bobur yoshida.

Ey bulbullarga
Kuy-gʻazal, Vatan.
Sen – abad Vatan,
Sen – azal Vatan.
Kim sendan yuldi,
Kim – oʻsal, Vatan.
Gul, asal Vatan,
Sen yuksal, Vatan,
Sen yuksal, Vatan,
Oʻyladi bolang,
Kuyladi bolang,
Ey, goʻzal Vatan!
Ey, goʻzal Vatan!

Biz uni – yoshu –
Tuproqqa qoʻydik.
Tuproqni qoshu
Qaboqqa qoʻydik.
Tushmi, deb avval
Roʻyoga yoʻydik.
Oʻzi suygan shu
Tuproqqa qoʻydik
Soʻngi sabr bu,
Soʻngi safar bu –
Koʻproqqa qoʻydik,
Koʻproqqa qoʻydik.

Chirqirab qoʻnmay
Makonlariga –
Otadin yodgor
Ayvonlariga
Singillari ham
Rayhonlariga.
Armonlariga,
Hijronlariga –
Qoʻshib joʻnatdi
Ruh, jonlariga.
Olib ketdilar
Qaldirgʻochlari
Osmonlariga,
Osmonlariga.

Aylanar charxning
Charxpalaklari
Almashib rangu
Kamalaklari.
Qoldi ona uy
Sumalaklari,
Majnuntollarning
Jamalaklari.
Nozima qoldi,
Madina qoldi –
Kapalaklari,
Handalaklari.

Doʻstu yor yoʻli
Doim yirogʻdir.
Gohi diydoru
Gohi firogʻdir.
Dilbandlariga
Vatan qarogʻdir.
Chin farzandlar ham
Oʻchmas chirogʻdir.
Hozir ham balki
Jim oʻylayotir.
Yurtiga shaʼnu
Shavkatlar yogʻdir,
Yo, qodir Olloh,
Tuproqlariga
Rahmatlar yogʻdir,
Rahmatlar yogʻdir.

Muhammad Yusuf…
Muhammad Yusuf…

✍ Sirojiddin SAYYID

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

https://www.tgoop.com/Muhammadyusufizdoshlari

💐🍃🌿🌸🍃🌾🌼
🍃🌺🍂
🌿🍂
🌸
🌹

Ўзбекистон, юксалтар ёдни,
Ганж, хазина тупроқ қатлари.
Кўтармоққа қодир, авлодни
Ухлаб ётган Муҳаммадлари.

Муҳаммад!
Бир вақтлар Бухоро ҳақида сиз қуйидаги жумлани ёзган эдингиз: «Бухоронинг батамом соғайиб кетиши учун — обидаларнинг, бетакрор қасрларнинг буюк меъмори — Синоси етишмай турибди».

Бугун ҳам мен баъзан баланд давраларда, улуғ халқнинг сайлларида, тантаналарида, оддий кунларида Сизнинг етишмаётганингизни сезиб қоламан. Ахир ким Сиздай мустақилликнинг илк аёзли даврларидаёқ «Ҳеч кимга бермаймиз сени, Ўзбекистон», деб кураш майдонларига туша олган эди. Ким элга, юртга меҳру муҳаббатини шу қадар содда, шу қадар суюкли айта олган эди:

Кўринганни дуолар
Қилар бизда момолар.
Ғанимга ҳам омонлик
Тилар бизда момолар.
Момолар ҳар жойда бор,
Бизда бори қайда бор?

Бизнинг бўстон қайда бор,
Шоҳимардон қайда бор,
Сўлим Сурхон қайда бор,
Самарқанд нон қайда бор-а,
Ўзбекистон қайда бор?

Мен агар биз Сиздан Ватанни севишни, ёрни севишни, ардоқлашни, асрашни ўргандик десам, бу сўзимда қилча муболаға йўқ. Кўзингиз тушган бўлса, забардаст шоирамиз Қутлибека Раҳимбоевада «Айт, қандай севайин» деган сатр бор. Сиз шундай, атрофингиздаги борки мавжудотни жондан севдингиз, қарқарали, нашъу намоли севдингиз. Ўпай десангиз «пешонаси йўқ қизғалдоқ»дан тортиб, «кўзи тўла ёш жайрон»гача...

Албатта, шеърият аталмиш бу қадимий гулхан атрофида ўтирганларнинг ҳар бири билганини айтади. Аммо биз Сизнинг айтганларингизнинг ҳар сатрига кўзмунчоқ тақиб яшадик. Ўтирганларнинг ҳар бири меъёрига етказиб, кўнгилларга малҳам сатрларни демоқдалар. Аммо ҳали ҳеч ким «Кимда ғам кўп бўлса — у менинг онам» демади. Назаримда, ғамдийдаларга ҳеч биримиз Сизчалик бағримизни очганимиз йўқ. Ғамдийдалик бизга бобомерос хислат, назаримда.

Ўз кўз ёшим ёмғирида
Тойиб бораман, —

деган эдилар Огаҳий ҳазратлари. Ахир одамни одам қиладиган, одам сонига қўшадиган ҳам шу — ғамкашлик, дилшодлик эмасми.

Орият, ғурур, тиклик ҳақида ҳар биримиз имконимиз қадар нималардир деганмиз, лекин бирортамиз:

Бўйним эгилгунча кетсин узилиб! —

демаганмиз. Бундай баланд пардаларга шу қадар осонлик билан чиқиш ҳаммага ҳам насиб қилавермайди.

Баъзан хиёл бўғиқ овозда шеър ўқншларингиз етишмайди. Телефонларингиз етишмайди. Баъзан кечалари бир-иккиларда телефон жиринглаб қоларди.

— Алло, Ҳалима опа, бугун «Овоз»даги шеърларингизни ўқидим. Зўр. Мен шеърларингизни яхши кўраман. Сизни яхши кўраман.

Маъюс куним кўзим тушса,
Куяр осмон, тушунмайсан.
Мени само тушунгайдир —
Сен, эй инсон, тушунмайсан.

Куйиб кўксим ўтар бўлсам,
Оҳар бўлсам, кетар бўлсам.
Мени дарё тушунгайдир,
Сен, эй уммон, тушунмайсан.

Менинг борим эрур кўнглим,
Менинг ёрим эрур кўнглим.
Маъюс, танҳо тушунгайдир,
Сен, эй хандон, тушунмайсан.

Кўнглим гул, кўзларим гулдир,
Юзим гул, йўлларим гулдир.
Мени сабо тушунгайдир,
Сен, эй тўзон, тушунмайсан.

Ғуборимдир бўйи райҳон,
Миноримдир, тилим бийрон —
Мени дунё тушунгайдир,
Сен, эй нодон, тушунмайсан.

🌹
🌿 ✍Ҳалима ХУДОЙБЕРДИЕВА
🌾🍂Ўзбекистон халқ шоири
🍃🌺🍂
💐🌾🍀🌼🌷🍃🌼

🍃🍃🍃🍃🍃🍃🍃🍃🍃🍃🍃🍃

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи


https://www.tgoop.com/Muhammadyusufizdoshlari