قصيده حول استشهاد مسلم ابن عقيل عليه السلام

سبع مسلم يكر بيهم ابتاره
وينه الگابله ماضلت اثاره

مسلم لو برز معروفه صولاته
مثل حيدر علي مشهوده حملاته
ابد ما تنسي الصنديد هداته

عدوانه تسولف بيه محتاره
༺༻༺༻༺༻
سبع والسيف يامحلاته بيمينه
وحيد أبين غربه أو محد ايعينه
خلاهم جثث مسلم بچفينه

ما عدهم رحم هالگوم غداره
༺༻༺༻༺༻
ماعدهم رحم مسلم يحيطونه
وبحبال الشهم وسفه يچتفونه
من عالي القصر ويلاه يرمونه

وينه اللي يوصل للولي أخباره
༺༻༺༻༺༻
وينه اللي يخبر حسين بعلومه
گضى هاليوم ابو طاهر الجيدومه
ويلي اعليه هاي الروح مالومه

غريب يموت ليش ابعيد عن داره
༺༻༺༻༺༻
غريب يموت مايمه هله وناسه
عالحگ ينطي عمره ومايطخ راسه
ياغيره اوشهامه والنعم ساسه

هله بمسلم شجاع وهله بأنصاره

༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده مربعه لمسلم ابن عقيل عليه السلام
ابو طاهر سبع اوتشهد الحومه
امعدل والشجاعه التسري بدمومه


صفاها الجثث بالحومه صفاها
امعدل والسيوف ادموم رواها
اليوم اهل الرديه ادموع بچاها

شجاع اوبالحرايب شاهده اعلومه
༺༻༺༻༺༻
شجاع وبالحرب من يوگف اگباله
كفوين اونعم يا مسلم افعاله
خلاها الرگاب ادموم سياله

تضل تاريخ صولاتك يجيدومه
༺༻༺༻༺༻
يضل تاريخ اسمه ورافع الهامه
ابد ماننسه ذكره وخالده أيامه
وتاهو بالبراري حيف ايتامه

عمت عيني اعله مسلم صعب يايومه
༺༻༺༻༺༻
عمت عيني عليه الوحده ابهمه
عليه اعداه ويلي اصفوف ملتمه
غريب إبلا اهل لاناصر ال يمه
توجع بالگلب ما تنسي اهمومه

༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

هوسات لمسلم ابن عقيل عليه السلام

يومه اشگد صعب والروح اذاها
سبع مسلم شجاع الگوم صفاها
روس اعداه والله اصفوف خلاها

طشر عدوانه /او صفاها
༺༻༺༻༺༻
طشرها الكفر تشهد اله الكوفه
ثلث تنعام يامسلم من اچفوفه
وعدوانه عليه الحيد مصفوفه

عدوانه الهدت /كفاها
༺༻༺༻༺༻
اله ولاهله الشجاعه اتسجلت عنوان
فارس من يطب واحدهم الميدان
ابد ما ثنى سيفه ابرگبة الفرسان

الچف امجرب /وابدأ ماثناه
༺༻༺༻༺༻
غدر ياحيف عدوانه يحيطونه
سبع جيدوم ماگدرو يلاوونه
شجاع وماتصد الگوم بعيونه

من خزرت عينه /ايهابونه
༺༻༺༻༺༻
يهابونه البطل ما وگفو اگباله
وحيد أبين جيش وبين خياله
العدو گبل الصديگ ايسولف أفعاله
الكوفه اتسولف /بفعاله

༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله
https://www.tgoop.com/KADMTAMALBNEN

قصيده موشح لاولاد مسلم ابن عقيل عليهم السلام

ساعه يم جرفك اونن واشتكيت
يانهر جاوبني بولادي دريت ؟

گالو اولادي شمرهم هالنذل
جثث وبلا روس والمدمع يهل
ماتهيد الروح لا اضنها تمل

ابد ماتروى يروحي اشما بچيت
༺༻༺༻༺༻
ابد ماينشف يدمعي اعليهم
والله اضل للموت أنه انعيهم
لو يصح ابروحي كون افديهم

ابعمري وسنيني الولد چان افتديت
༺༻༺༻༺༻
عمر ماينفع بعدهم لاهوى
شوفة اوليداتي لعيوني ضوه
الكل جرح ملچوم شوفتهم دوه

اعزاز منهم لاشبعت او لارويت
༺༻༺༻༺༻
اصغار راحو والوجه مثل النده
اعليهم ايلوج الگلب لاماهده
والخلگ والله اعله حالي شاهده

من كثر مبچاي لعيوني عميت
༺༻༺༻༺༻
فدوه يعيوني يروحن للولد
يانفس هالريه ولضهري سند
مااظن اتعود لمتهم بعد

لو حلم بس كون اشوفنهم يريت
༺༻༺༻༺༻
خادمة لمولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

نعي لاولاد مسلم ابن عقيل عليهم السلام

ياروحي نوحي ولاتبطلين
راحو اولادي وگرة العين
من ضيمه گلبي صار نصين
༺༻༺༻༺༻
مالومه گلبي لو وصل صار
اعله الولد ياهالعگل طار
يگضي العمر ضيم أو مرار
༺༻༺༻༺༻
ايسي يروحي مايردون
لامن تصدهم بعد العيون
عدله أنه اظل گلولي اشلون
༺༻༺༻༺༻
عدله أنه اضل اوتسري الانفاس
واولادي راحو مني ياناس
منهم يگلبي صاح الاياس
༺༻༺༻༺༻
ليش الربه ويه السهر راح
ماظنه گلبي ابيوم يرتاح
ضليت اونن واصفگ الراح
༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده مربعه لاولاد مسلم ابن عقيل عليهم السلام

دورلي الولد وينك يخال ابني
زماني يالولي دولاب دولبني

دورلي الولد من راح ماجاني
غريبه أنه يخويه أبين عدواني
لامن ظل اخو لاوالي عاناني

تعبني زماني اهواي تعبني
༺༻༺༻༺༻
دورهم إليه الروح خلصانه
مانامت تراها اعيوني سهرانه
هضمانه الوكت ياخوي هضمانه

بسهامه الدهر يالوالي صوبني
༺༻༺༻༺༻
اريد اولادي ماتلحگلي يالوالي
عمه اعيوني القهر و انفطر دلالي
محتاره اونن والدمع هالي

تسمع ونتي حن او دجاوبني
༺༻༺༻༺༻
وينه اليوم اخوي الگال هذا أنه
عمت عينچ يدنيه اشلون خوانه
تمنيته عدل ويسكت اعدانه

يشوف ابعينه دهري اشلون شيبني
༺༻༺༻༺༻
يفزعلي أو يرد الضايع من ايدي
وبعز الهوى يدرون بوليدي
حيف اعله الدهر غدراني اشبيدي

راواني المرار ودوم حاربني
༺༻༺༻༺༻

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده ثگيله للمسير إلى كربلاء

سار أنه ضعني ياگلب سار
ابهيبه وجلاله أبين الاقمار

واحد يگلي اشتردين
والثاني خويه اتأمرين

سار أنه ضعني ياگلب سار
༺༻༺༻༺༻
هودج اميره هودجي _ومرافگه حسين الأبي _شنهي الاريده
ابهيده تمشي ناگتي _عباس فخري اوهيبتي_گايدها بيده
امشي ابفخر ومدلله _ساير ضعنه الكربله_اديار البعيده
ماندري باليتنانه
ماتنحزر دنيانه

ياگلبي خايف من الأقدار
سار أنه ضعني ياگلب سار
༺༻༺༻༺༻
كلهم حميه اومرجله _اولاد ابن عقد الوله _موروثه بيهم
امعززه طول الدرب _يسهل عليه كل صعب _لو انتخيهم
ويه اخوتي محله السفر _فدوه لجلهم هالنظر _محله حچيهم

لو سولفو محلاهم
عين النبي ترعاهم

يامحله رفگتهم يالاطهار
سار أنه ضعني ياگلب سار
༺༻༺༻༺༻
يحله السمر ويه الأهل _وعيوني بعيون الكفل _يامسعد الروح

عبدالله بحضيني غفه _للعله نظراته شفه _بلسم للجروح

ياخده ناعم چن ورد _كلساع اشمه أنه او ارد _جوري ابتده ايفوح

أمه عليه اتلولي
يمته تصير ابطولي
كل عمري لجلك ريته يندار
سار أنه ضعني ياگلب سار
༺༻༺༻༺༻
لمن وصلنه الها الوطن _گربنه لأيام المحن _نزلت دمعتي
گلولي ها يابت علي _يختي علينه ادللي _طلعت حسرتي
لاب أنه گلبي أمن الخيم _وبروحي محصور الالم _طالت صفنتي
بان الحزن بعيوني
والله اوتبدل لوني

وسط الگلب مشتعله هالنار
سار أنه ضعني ياگلب سار
༺༻༺༻༺༻
من عيني صدت عالارض _چن حافر ابصدري يرض_يطحن بالضلوع
ماادري شنهو اللي جرى _بين اخوتي وموقره_وگليبي موجوع
ودي أبرد هالگلب _لكن صعب كلش صعب_هلت يالدموع

ماتت يويلي اجدامي
ماتنحمل الا لامي

اخ الدهر من يومه غدار
سار أنه ضعني ياگلب سار
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده فزاعيه حول استشهاد للامام العباس عليه السلام

حرگوها الخيم عباس
گوم الحگ يواليها

حرگو خيمة الحره
يويلي النار مستعره
ضلت بالگلب جمره

ماواحد يطفيها
༺༻༺༻༺༻
تحشم والدمع جاري
ماظلي ولا والي
والله انعاب دلالي

وينك تلحگ اعليها
༺༻༺༻༺༻
بت حيدر اجتها النار
وحيده والدمع مدرار
ياويلي الزمن غدار

عالتربان غاليها
༺༻༺༻༺༻
ياريتك عدل ودگوم
وترد اليعيل اليوم
امجرب بالحرب جيدوم

هالعدوان صفيها
༺༻༺༻༺༻
الحگ ها يبو الغيره
زينب ضلت ابحيره
يأخذها العدو ايسيره

سكته يابواچيها
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

هوسات لسيدي ومولاي الاامام العباس عليه السلام

يزينب لايهمچ هالجمع الاعرض
وحگ عينچ ارض اعداي لجلچ رض
اولو وصلو خيمكم لو فرض نفرض

ياگاع الطف /دم ارويها
༺༻༺༻༺༻
اشما يكثر عددهم وارتفع بالعد
كل هذا الجمع لامو زلم ينعد
حلات السيف يوم ال عالرگب يصعد

احنه أهل الحگ /واحنه أصحابه
༺༻༺༻༺༻
صاح ابصوت زينب بالچ اتهمين
لخلي الطف يخويه الخاطرچ نصين
ماخلي الچفوف ولا اخلي العين

الخوه ابروح /أنه اشريها
༺༻༺༻༺༻
خدرچ ياالعزيزه ابروحي اصوننه
علي غالي ابغلات الروح اشوفنه
واليوصل اخيامچ الا اندمنه

مادام الچف /مامگطوعه
༺༻༺༻༺༻
مادام النفس يابت علي يسري
الچ كافل يحره اشما بگه ابعمري
النصر لو بالشهاده منحسم امري

ماعوفچ لو /گطعو راسي
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

نعي للامام العباس عليه السلام

يحسين اريد اليوم عباس
وين العزيز اليرفع الراس
يلحگ لخيته ابغير حراس
༺༻༺༻༺༻
وين الكفيل أو گرة العين
وينه يبعد ارويحتي وين
گلبي يون اوصار نصين
༺༻༺༻༺༻
ماريد أنه الماي ولشربه
عيني اعله طول الدرب تربه
دهري كتلني ابراس حربه
༺༻༺༻༺༻
دهري كتلني وعاند اهواي
مالومه مانصفتني دنياي
علگم سگتني أو شدة اوياي
༺༻༺༻༺༻
ياخويه شو گلبي لچمني
اتأخر اخيي اهواي عني
فرت تراها الروح مني
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

فزاعيه للامام العباس عليه السلام

زينب حشمت هاليوم
والكافل يدگ صدره


دگ صدره وتعناها
خويه ابصوت ناداها
شاف ادموع عيناها

اوگلها اليوصل انوذره
༺༻༺༻༺༻
خويه اليوم لفنيها
والعدوان اراويها
دم هالگاع ارويها

اخلي المادره يدره
༺༻༺༻༺༻
والله الموت اشوفنه
فنه اللي گرب فنه
وينه السيفي يتعنه

تضل الروس متطشره
༺༻༺༻༺༻

موت احمر اراويهم
وحگ حيدر اصفيهم
يتلفتون اخليهم

جثث وگبالي متسطره
༺༻༺༻༺༻
اخليها جثث طشار
الخاطر مهجة الكرار
اسوي ابكربله الماصار

سيفي العالم اذكره
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده مربعه والقفله هوسه
للامام العباس عليه السلام

هله ابعباس مية هله ابطاريه
شجاعه اومرجله ربت البدويه


شجاعه اومرجله ربت المهيوبه
ياثوب الكرم عباس ياثوبه
فنه اليوصله واليگرب الصوبه

الحيد امجرب /بالميدان ايعرفونه
༺༻༺༻༺༻
امجرب بالحرب كلهم يعرفونه
يرهبها الزلم من خزرت اعيونه
ابدأ مايثني الضربه تدرونه

ابدأ ماتخطي /ضربات ايمينه
༺༻༺༻༺༻
ابد ماتخطي لا والله ضرباته
مثل حيدر علي محسوبه خطواته
تشهد كربله وتشهد له صولاته

الطف يشهدلك /عباس ومايه
༺༻༺༻༺༻
يشهدله الفرات وتشهد الرايه
خجلان النهر لن ماشرب مايه
طيبه الرضعته ام عباس وفايه
وذل الماي وماشرباه /الوافه الخوه
༺༻༺༻༺༻
هله بكافل اخيته ابزوده حاميها
وينه اللي وصل زينب اوياذيها
وده الرأس وياها يباريها

الجابت كافل زينب /حگ انحيهه

༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده مربعه والقفله هوسه
للامام العباس عليه السلام

بطل عباس ماواحد تدناله
شجاع وبالحرب من يوگف اگباله

بطل عباس يلكلهم يعرفونه
امعدل بالشدايد زين يدرونه
ابن حيدر علي أو كلهم يهابونه

صگار الحومه /ايعرفونه
༺༻༺༻༺༻
امعدل بالشجاعه تشهد الحومه
حيد الگابله لا ماكمل يومه
گضاي الكلايف تزهي اعلومه

ماگدرو سيفه /ايلاوونه
༺༻༺༻༺༻
تشهدله الطفوف اوتشهد اچفوفه
كتبن بالحرب صولات معروفه
يشهدله الفرات ومايه و اجروفه

وفاي أو تشهدله /الحومه
༺༻༺༻༺༻
ابن حامي الحميه المارضه ابعيله
سبع عباس بيده يساوي كل ميله
بيه أخته اتنومس رأسها اتشيله

باسمك تتباها/المهيوبه
༺༻༺༻༺༻
گمر عالي ويشيل الرأس طاريه
كفيل أخته المعدل راس حربيه
ابو خوة الحلوه اربات نشميه

ادرس وتعلم /من خوته
༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده مربعه
للامام العباس عليه السلام

الحگ عباس حرگوها الصوايين
اخوگ اوحيد ظل اوماله امعين


ظل وحده يون وماله ناصر
اويلي اعله الصدر جوه الحوافر
مالومه وحگ عيناك اناظر

يخويه هالگلب شو صار نصين
༺༻༺༻༺༻
نخيتك ياسبع ماظن تردني
عمت عين الدهر عنك بعدني
افديلك يخويه الروح وابني

تعال أو طشر العدوان صوبين
༺༻༺༻༺༻
شوف اشلون اخيتك لوعوهه
وليه يالولي بعدك ولوهه
لا هابو ابوها اولارعوهه

تمنيتك ترد وتعيد صفين
༺༻༺༻༺༻
اذا عذرك سهم والعين متشوف
تعال اعيوني اخذها أو رد السيوف
سيفك بالحرايب دوم معروف

ارجعلي يخويه انطيك أنه العين
༺༻༺༻༺༻
اذا گتلي الچفوف اشلون عالگاع
چاياهو اليرد العال يسباع
وحرمكم بالبراري ابلايه فزاع

بس رد يالولي ونطيك چفين
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

نعي للامام العباس عليه السلام

للمشرعه رحت وتعنيت
ويم الولي ياروحي ونيت
وبهيده ياهلناس عتبيت
༺༻༺༻༺༻
ابهيده العتب ويه اليحنون
كلهم شهامه اومايحملون
اعزاز الگلب يانور العيون
༺༻༺༻༺༻
اعزاز الگلب ياحيف عالگاع
اعله الترب ياذيچ السباع
حلوين ويلي اوحلوه الاطباع
༺༻༺༻༺༻
حلوين والونه عليهم
ومگطعه يچفوف اديهم
لو صح بديه أنه اشتريهم
༺༻༺༻༺༻
من البچي يعيوني يرحن
وگلبي على العباس يسحن
محد مثل همي تمحن
༺༻༺༻༺༻
محد يشيل اهموم مثلي
وبساعه كلها اتروح يهلي
ماينحمل ياروحي حملي
༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

دعم مؤسسة منبريون الحسينية
#افضل قناة للنعي
https://www.tgoop.com/+P0VV4bLqtzuKdcQS
#للاشتراك بالدعم @ahmed_alziwar0

♦️اذا تريد اي قصيده ابالك اطلب بكروب الطلبات وراح يلبونها الك 👇
https://www.tgoop.com/Grob_Hasahim

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـ‌‏هہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

https://www.tgoop.com/satob_mn_ajl_al_mahde