تمسّك بأهلك ما استطعت، لأنك إذا فقدتهم ستخسر الصاحب و الصديق والمعين والسند في الحياة
الأهل لا يعوضون أبداً .❤️

قالت :
اول م اتزوجنا ورجعنا من شهر العسل جا لقا شغلو كلو منهار، وصاحب عمرو اللي إئتمنو خانو واكل قروشو..

بقينا على الحديدة زي م بقولو !
بدل م اكون العروس البتفتح على راجلها وبتجيهو بالرزق!
جيت ليهو بالخسارة 💔

سمعت كلام من اهلو يسم البدن 💔 البيت العملو عشان نسكن فيه باعوا عشان يسدد ديونو 💔
اضطرينا ناخد غرفتو في بيتهم 💔 وكده باعتباري جيت الجحيم برجولي، حقيقة سمعت كلام عمري م سمعت زيو 💔 كنت بسكت عشان م اتسبب ليهو ف مشاكل اكتر من الهو فيها 💔

حقيقة عشنا سنتين ضوقتا فيهم الويل والعنف بازهى صوره والكلام المؤذي والجارح، وجات علينا ايام كنت م بقدر اكل اصلا لأنها بتشيل حالي حتى بالكذب اكلت وعملت ولمت الصحانه وفعلت ف حين اني بكون ماعارفه اي شي 💔

امو كانت متسلطة جدا على حياتنا، وبتجي تفتح غرفتنا وتفتش دواليبنا 😔
مرة ابوي هدا لي طقم دهب، لمن لقتو وقفت وردحت لي قالت لي بإمكانك تبيعي دهبك وتساعدي راجلك لكن انتي اصلا همك تكتفي وتشوفي خاسر الدنيا كلها عشان تتحكمي فيه وشالتو قالت حتبيعو 💔

يمكن ساعتها لأول مرة حسيت اني ما قادرة وعايزه ابكي 💔 وفعلا دموعي سابقتني 😔
هو جا داخل استقبلتو امو بهناك، وقالت ليه مرتك لامة الدهب انا لقيتو وشلتو بعتو عن عمك فلان ودي قروشو انا قلت ليك المره دي ممحوقة مافيها بركة طلقها لكن م سمعت كلامي💔

قاليها
منو القاليك انها م عرضت على الفكرة؟ انا الابيت اشيلو منها لانو دا هديه من ابوها، وهي م مقصره داعماني بي كل شي وانا متأكد انو دا امتحان من ربنا بيها وبدونها كنت ح اعيشو لكن ربنا لطف بي وخلاني اعرسها عشان تسندني وتقيف معاي!

وشال القروش وطلع مشى لي عمو ورجع الطقم 💕 وجا داخل لقاني ببكي لسة! سألني قالي مالك؟ قلت ليو مصدعة شديد قرب على وباسني على خدي ومد لي الطقم 😘 قالي زي م انتي واقفه معاي وخايفه علي وعلى حقي انا زاتي بخاف على حقك ♥️ صراحة فرحتي م ساعتني وحضنتو شديد💕💕💕

بعد كم يوم عندو واحد صحبو جاب ليهو شغل في الكويت وبي راتب كبير شديد كان م يعادل 150 مليون شهري 💕
وما كدا بس الشركة مدياهو سكن وعربية ♥️
زي م المصاعب بتجي كلها مع بعض..
كمان النعم بتجي كلها مع بعض..

وفعلا ربنا سهل لينا وسافرنا ♥️ ويمكن ي دأب بديت احس بي طعم الصبر والفرح ♥️ حالنا اتيسر ووضعنا اتحسن اكتر من زمان بي كتير ♥️

وما كدة بس بعد ٣ شهور تعبت ومشيت افحص لقيت نفسي حامل بي توأم ♥️

وراجلي كان شايلني جوة عيونو، وكل شوية يقولي انا م ناسي وقفتك جمبي وفضل يدعمني ويساعدني رغم انو صبري وووقفتي جمبو م كانت عشان مقابل كانت عشان بحبو ♥️😘

يوم جا لقاني فاتحه الفيس وجمبي أولادي الاتنين رامي ورؤى.. وبتصفح ف تجارة البنات دي وم حسيت بيو لمن دخل وكان ف توب خاطفني جدا قلت لأولادي التوب دا حيكون ماخد حته من امكم 😘😍💕 جا داخل وسحب مني التلفون وعاين للتوب كويس
قالي والله صراحه انتي تستاهلي اكتر من توب 💕
ومشا جاب لي شيلة تاني 😂😂♥️♥️♥️

حقيقة انا ماعارفه اقول ليكم اني غير بالصبر نلت ♥️

-يجماعه الحب أقوى دافع لي اننا نساعد بعض ونقيف مع بعض ونتحمل اي حاجه عشان بعض ♥️
يوفي الصابرون أجرهم بغير حساب ♥️
ف اللهم انسان يسندنا ونسندو يارب ♥️

أبوي هو الدفع تمن كُل حاجة سمحه أنا فيها حالياً، منظري الكويس قدام الناس، طولي المصلوب، عيني الشبعانه والمليانه وحاجات تانيه كتيره، كل دا كان تمنو من عُمر أبوي، أبوي هو الفضل والخير، هو الكُل والسند والكتف والظهر والنعمه الفي حياتي، طول ما أبوي في الدنيا أنا قدر الدنيا .🌻♥️

" يأتي بها الله إن الله لطيف خبير " ❤️

بعض الرجال فاهمين رفقاً بالقوارير غلط! مش أي قارورة يا أخي القارورة إللي عندك وبس م عندك علاقه بقوارير الناس يعني لما تلاقي قارورة زعلانة أو قارورة محبطة أو قارورة عندها إكتئاب ماتدخل تراضيها وتكتب ليها نصايح وأشعار ونكت! لإنها مش قارورتك قارورة تتكسر على دماغك يا بعيد 🙂

طمُوحك وأحلامك هُم وقودك في هذه الحيَاة كُلما عمِلت من أجلها وجعلتهَا واقعًا ملمُوسًا صنعت بهذا اسمُك وقِيمة لذاتِك فاجتهد💛🌸

.

كل المهالك في سجودك تنقضي والبؤس ينسى والمواجع تنتهي ❤️

‏في مقوله حلوه بتقول: "الحُب يبدأ حين ينتهي الحماس"، يعني إنبهار البديات وإنك تكون مفتون بجمال شخص أو بطريقة كلامهُ أو تصرفات مُعينة إسمُه إنجذاب، بس الحُب بيجي بعد المشاكل والخصام والغياب والتعب والعيوب البتظهر كل شوية، بجي لما تكون مُصمّم تختار الشخص برغم كل حاجة وأي حاجة .🌻♥️

انا نفس البت الكانت فيك ..
يومداك طفلة ...
وانا نفس الشجرة العملت ضل من
شتلة صغيرة ومن بذرة ⁦☺️⁩💛🌻

الجامعات في السودان نوعين:

ياتقرا حكومي وتضيع عمرك.
ياتقرا خاص وتضيع قروش أهلك 🚶‍♀

الإبل يستطيع أن يشرب الماء المالح ولو من البحر الميت ولا يرتفع ضغطه لأن كليته تصفي الماء ليشربه عذباً فيفصل الماء عن الملح
الإبل يستطيع ان يأكل الأشواك ولا تتضرر معدتة وأمعاؤه لأن لعابه كالأسيد يذوب الأشواك فيأكلها كأنها خبزا وعجينا لذلك أهل البادية إذا وقع الشوك على أيديهم أو أرجلهم وضعوا لعاب الإبل عليه فيذيب الشوك
الإبل له جفنين جفن شفاف والآخر من لحم فيستطيع أن يمشي مع غبار الصحراء ولا تتضرر عيناه لأنه يغلق جفنه الشفاف فقط
الإبل يستطيع ان يغير درجة حرارته فيرفع درجة حرارته اذا كان في ارض فيها ثلوج ويخفض درجة حرارته في الأرض الصحراوية شديدة الحرارة
((أفلا ينظرون الى الإبل كيف خلقت))

انا ما بعرف انتو أمانيكم شنو بالضبط
بس البعرفو انو الأمنية ال انتي عايزها حوقلي ب نيتها
قال الله من استعان بحولي وقوتي النت له الحديد
لا حول ولا قوة الا بالله العلي العظيم

حابة أشكر العامية السودانية على الإنتاج القيم لكلمة " عواليق"، بأمانه الواحد ما كان هيلاقي كلمة معبرة أكتر تاني - في أي قاموس موازي- عشان يوصف بيها الجامعة بصورة خاصة، وحياته بصورة عامة ..

_ البتعوض ما بتزعل عليهو
= طيب ولو م بتعوض
_ صاحب العوض موجود 💛
طول م صاحب العوض موجود قادر انو يعوضك عن الفات بي أحسن منو ..
كل حاجة راحت.. " عسى ربنا أن يبدلنا خيرا منها "
لو م هنا .. يبقى هناك ف دار القرار ..
" وللآخرة خير لك من الأولى * ولسوف يعطيك ربك فترضى " ..
اعتدل في كل شيء .. إلا في حسن ظنك بالله بالغ ..فما جزاء حسن الظن إلا نيل م تتمنى ..💛

لمن تدعي م تخت مقابل او م تختار في الدعاء شي سيء بالنسبة ليك مقابل تحقق الدعاء وفي نظرك دا ارحم ليك ، ذي مثلا دعاء سيدنا يوسف عليه السلام "السجن احب الي مما تدعونني اليه "
، كان ممكن يقول بس ربي اصرف عني كيدهن من غير ذكر السجن ، نفس المثل ممكن تلقى زول بيقول " يارب انا داير كدا ان شاء الله لو ..." او " يارب اعمل لي كدا ولو ..."
..
من غير ما الزول يحس يدعي على نفسو ، لانو لمن يدعي بكون في عمق المحنة او الحوجة ... ضروري الزول يذكر وهو بدعي أنو ربنا كريم
تدعي بما شئت ، وما تقول ان شاء الله لو ... ،
ليه انت بتبخل على نفسك ، هو الدعاء لو م جاك بالانت دايرو حتمًا يا أما صرف عنك شي بيضرك او أداك شي تاني بالمقابل ، بس حتما لا يذهب الحاحك بالدعاء سُدى ، وم في داعي تطلب شي سئ بالمقابل او اقل ، ربنا غني ، غني بحيث أنو ممكن يديك اي شي انت دايرو ، غني بحيث أنو الحاجة الانت شايفها كبيره هي بسيطه جدا في بحر جوده وعطاءه ، غني بحيث أنو الحاجة البيديك م تنقص شي من ملكه
ربنا أغدق عليك بكل النعم الانت فيها ، بقى على دعوتك دي !؟..
"قل لو أنتم تملكون خزائن رحمة ربي إذا لأمسكتم خشية الإنفاق "
..
فربنا جعل امرنا ورزقنا في يده لانه اعلم بالبشر ولانه اكرم وارحم بنا🍃💚

لما اكون دايره اغير عشان اطلع بفتح الدولاب ولمن ما القى حاجه البسها ، بفضل ادق دلوكه ف الضلفه لحدي ما ربنا يفرجها

يوماً ما ولسبب لن تدركه إلا حينها.. سيحبك أحدهم صادقاً وكأنك آخر كائن بشري على هذا الكوكب..💙

يظنها البعضُ عادية وعلى النقِيض يراها البعضُ الآخر أنها استثنائية وفريدة، طفلةٌ بنكهة فتاة عشرينية كاملة النضج، يليق بها أن تَكون ضوءًا لا ينجلي، أو قمرًا يُنِيرُ سماء أحدهم، تستحقُ أن يُبلىٰ لأجلها بلاءًا حسنًا، أن تكون انتصارًا لأحدِهم وعوضًا يُغنيها عن ما آل إليه قلبها وعاهدته سابقًا، ولكن رغم ذلك هي بسيطة غير معقدة، هي فقط تبحث دومًا عن الاطمئنان، تخشى أن يؤذى قلبها الصغير، تود أن تطمئن فقط أو أن يلامس قلبها روح تَحنو عليها برفقٍ ليس إلا؛ فِي سبيلِ أن يحيا قلبُها دومًا بسرورٍ💚✨

أن يستريح قلبي، أن يهدأ فِكري، أن أطمئن ولا أتوه يالله....!🤍✨

هذا الصَباح ...

نعيذُك بالله من شُحِّ المعَاني ، والسَّعي بلا
رُوحٍ حاضِرة ، وأن تمرَّ اللَّحظات البَاسمَة
مِن حولك من دون أن تثمّنها