Juda foydali maslahatlar ekan.

https://www.tgoop.com/leetcodin/432

Agar quyidagi post bilan qoʻshib ish yuritsangiz:

https://www.tgoop.com/javokhir_notes/275

Ikki karra foydali!

@DrAlgorithm

Kitob va Paradox kema

Avvallari kitob qayta nashr etilishini bilmas edim. Keyin esa nashr yiliga qarashni boshladim.
Vaqt oʻtib yangi nashr faqat kitobni qaytadan chop etish emas ekanini bildim. Har bir yangi nashr yangi oʻzgarish degani ekan.

Tasavvur qilganmisiz, sizga kitob tavsiya qilishdi. Nomi, muallifi va muqovasi maʼlum. Sotib oldingiz. Oʻqib koʻrsangiz, tavsiya etgan odam aytgan narsalar kitobda yoʻq.

Menda ham oʻxshash holat boʻldi. Kutubxonadan kitob olib oʻqidim. Rosa yoqdi. Keyin online doʻkondan buyurtma berdim. Qoʻlimga olganimda oʻqib koʻrsam, ichi toʻlaligicha boshqacha. Bilsam, men kutubxonadan olganim 2-nashr va sotib olganim 3-nashr ekan.
Shundan beri kitob tanlashda nashr raqamiga ham eʼtibor bera boshladim.

Paradox kema haqidagi xabarim esingizdami?
Unda kemani qayta yasagan edik. Bu yerda esa kitob nomi oʻsha, ichi esa boshqa. 🥴

Hayot paradoxlarga toʻla. Yo biz e'tibor bermaymiz yo bizga ta'siri yoʻq.

26.09.2024 L
@DrAlgorithm

🎉 Ustoz va murabbiy!

Assalomu alaykum, ustozlar va murabbiylar! Ayyomingiz muborak bo`lsin!

Sizning qilib kelayotgan mehnatingiz nafaqat sizning o`quvchilaringizga, balki yurtimiz va millatimizga katta manfaat olib kelishi hech kimga sir emas.

Bu mehnatning tagida qanchalik katta mashaqqat yotganini vaqt o`tib sezish mumkin ekan holos. Alloh sizni ulug`lasin, o`zi rozi bo`lsin!

Barcha hamyurtlarimizga bugun ustoz va murabbiylar bayrami munosabati bilan tarihga nazar solib, sizga ilm bergan insonlaringizni eslab o`tishni tavsiya qilaman. O`zim ham kunni shu bilan boshlagandim.

1. Ona - sizning tug`ilishingizdan boshlab sizga ilm va tarbiya berishni boshlagan zot, ustozlarning birinchisi. Siz yorug` olamga kelishingizda sizni kutib turgan olam haqida tanishtirgan va tayyorlagan murabbiy. Siz katta rahmat!

2. Ota - sizga bitta qarashi bilan ma'no to`la dars bera olgan inson, o`zining hulqi va harakati orqali sizga namuna bo`lgan zot. Sizning quvonchli va qiyin kunlaringizda orqangizda dalda bo`la olgan zot. Katta ustoz!

3. Buvijoningiz - hali maktabga chiqmasingizdan sizga harf va hisobni o`rgangan ustoz. Maktabda 1-qatorga o`tirishingiz, doimo 5 baho olib kelishingiz sababchisi, urishib kiymingiz yirtilganida sizning yoningizni olgan zot, murabbiy.

4. Ilk o`qituvchingiz - maktabga 1-kundan sizni kutib olgan, ilm bergan, kitob ushlatgan va sizni boshlang`ich sinflarda katta bo`lishga tayyorlagan ustoz.

5. O`rta sinf ustozlaringiz - sizning qiziqishingizni bila olgan, o`zining faniga qiziqtira olgan ustozlar. O`zini bolasiga vaqt kam qolsa ham sizni Olimpiada va boshqa musobaqalarga olib yurgan zot. Ish vaqtidan tanshqari siz bilan shug`ullangan ustoz.

6. Universitet domlangiz - mustaqil hayotni endi boshlagan vaqtlaringiz sizni to`g`ri yo`naltira olgan, kelajakda hayot yo`lingizni topishingiz, qiziqishingizga mos kasb egasi bo`lishingiz, sohangizni mukammal egasi bo`lishingizga yordam bergan ustoz.

7. Hayot, Millat, Vatan - sizni tug`ilishingizdan boshlab, hozirgi kuningizgacha sizga sharoit yaratgan, oqibat o`rgatgan, xatolaringizni ko`rsatib bergan, ularni tuzatishga sharoit bergan murabbiy.

8. Do`stingiz, sinfdoshingiz, qadrdonlaringiz - sizni doim qo`llab-quvvatlab kelgan. O`ziga foydasi tegmasa ham sizni o`sishingizga sababchi bo`lgan birodarlaringiz. Sizning yoningizda bo`lganini o`zi bilan sizga kuch bergan, g`ayrat bergan qiyomatlik do`stlaringiz. Biroda-murabbiylar.

... bu ro`yxatni davomi juda uzun. Har birida birnecha insonni eslab o`tamiz.

Keling bugun shu sabab bilan ularni eslab o`taylik. Ismlari bilan eslab, duo qilsak.


Hurmatli ustozlarim, murabbiylarim! Barchangizni kasb bayramingiz bilan tabriklab, yil davomida kuningiz bugungidek quvochli va barakotli bo`lishini tilab qolaman!
Ayyomingiz muborak!

01.10.2024 London
@DrAlgorithm

“IT Park va Texnopark kabi yirik loyihalarni rivojlantirish uchun kadrlar, hamkorlar kerak..”

“Boshqa tarafdan, hamma IT sohasini o‘qiyapti, lekin o‘quv markazini bitirib chiqqanlarni hech kim ishga olmayapti”.

“Stajyorlarni ishga oladigan IT kompaniyalarni qo‘llab-quvvatlash kerak. Aks holda qanchadan-qancha mutaxassis g‘oyasi bilan ishsiz qolib ketyapti”.

— “Yangi Hayot” televizion ko’rsatuvida Umidjon Ishmuhamedov, Sherzod Ahmadov, Qudrat Abdurimov va boshqa IT hamda texnologiyalar bo’yicha mutaxassislar, faollar bilan qizg’in suhbatda ishtirok etdik.

👉 Batafsil: https://youtu.be/j9HE_0yym-g?si=OFbPDSaGpLDLQ35d

@AlisherAhmatovich

Kredit tarixiga taqiq qo'yamiz

O‘zingizni va oila a’zolaringizni noquniy kredit olishdan saqlash uchun, kredit tarixiga cheklov qo‘yishni tavsiya qilaman. 

KATM degan markaz bor. Unda barcha fuqarolarning kredit tarixi saqlanadi. Qaysidir inson kredit olmoqchi bo‘lsa, bank oldin fuqaroni KATM bazasidan tekshiradi, keyin kreditga rozilik beradi.

KATMni 'Freeze' degan xizmati bor. U kredit tarixini tekshirishga taqiq qo‘yish imkonini beradi.
Kredit beruvchi tashkilotlar, kredit tarixini ko‘rmasdan, kredit bermaydi.

Yoshi katta, pensiya yoshidagi odamlarni nomida moshenniklar kredit olmoqda. Yaqinda, tanishimni oyisini nomiga, moshenniklar $8000 kredit olibdi.

Taqiq qo‘yish bo‘yicha qo‘llanma:

1️⃣ https://portal.infokredit.uz/login bu yerga kiramiz va jismoniy shaxsni tanlaymiz;

2️⃣ My Gov orqali KATM shaxsiy kabinetga kiramiz va
Yuqorida ‘Freeze xizmati’ bo'limini tanlaymiz https://portal.infokredit.uz/freeze ;

3️⃣ ’Freeze xizmati’ sahifasida ‘Yoqish’ tugmasini bosamiz.

Bo‘ldi, kredit tarixini tekshirishga taqiq qo‘ydik.

Kelajakda, kredit tarixini kimdir tekshirmoqchi bo‘lsa, sizga SMS xabarnoma keladi.

Bu xizmat 2024-yil oxirigacha bepul. 

Salomat bo‘ling.

-------

@farkhod_com