★•• فزاعية لـ رجوع مولاتنا العقيلة إلى المدينة ••★
#طلب_خاص
#لحن ( انعه وياي يمحمد )

ردت فاگده الوليان //٢
………………………………………

ردت للوطن مكسورة الخاطر
محنية ظهر من الجرى بغاضر
شتحچي من هضم منها الفكر حاير
ذبحو كل بني عدنان ..
ردت فاگده الوليان ..
✷❮━━✷━━❯❮━━✷━━❯✷

أجتها ام البنين ابلوعه وبحسره
تگلها احسين وينه گولي يالحره
شعبتي للگلب شَبَّت ألف جمره
ناحت والدمع عنوان ..
ردت فاگده الوليان ..
✷❮━━✷━━❯❮━━✷━━❯✷

محمد ماعرفها يگلها ياهي انتي
معقوله العقيله شصار ها يختي
لونچ منخطف من چم ألم شلتي
وين حسين والريسان ..
ردت فاگده الوليان ..
✷❮━━✷━━❯❮━━✷━━❯✷

يهل طيبه تگلهم جيت مفجوعه
بحسين ومصابه الجثته مصروعه
حاطته العده ابكل صوب مجموعه
راسه فوگ عالي سنان ..
ردت فاگده الوليان ..
✷❮━━✷━━❯❮━━✷━━❯✷

ونَّت للگمر و اتعالت الونه
عفته اعله النهر عباس المچنه
ما ضاگ العذب رَواه دمه منه
وشابح عينه للصيوان ..
ردت فاگده الوليان ..
✷❮━━✷━━❯❮━━✷━━❯✷

رزيه الما جرت منها ولا صارت
بهل بيت الرساله هالعده جارت
على اخواني عساكر ليهم الثارت
عگبهم يسرو النسوان ..
ردت فاگده الوليان ..

تــمــت بــعــون اللـہ
✍🏻#ولائـية_وافتـخر (دعاء العـامـري)
     ❌لاأجيــز حــذف الأســم❌
✷❮━━✷━━❯❮━━✷━━❯✷
https://www.tgoop.com/DoaaAIamry11
🛑🛑نمط لحن القصيدة⬇️⬇️
مشاهدة "انعه وياي يمحمد قاسم الساعدي مو لطميه كارثة محرم 1439 - 2018" على YouTube
https://youtu.be/pvyGdZkXuFk

ردت فاگدة الوليان
#أداء/ ملا محمد الدفاعي
#بقلم/ دعاء العامري

نمط لحن القصيدة

#لطمية_للسيدة_سكينة

سكنة اعزيزتك يابوية يحسين
گلبي بحسرة ذايب
راسك عالرمح واتديرلي العين
گلبي بحسرة ذايب
<><><><><><><><><><><><><>
اشكيلك مرار وضيم شفته
من عگبك يوالي
حاطوك العده وگلبي لزمته
واتغيرت احوالي
يـا هيبة علي يـا بوية انته
ياعزي ودلالي
مصابك بالگلب تسعر جمرته
*گلبي بحسرة ذايب*
✭✭✭✭●●✭✭✭✭●●✭✭✭✭
عگبك بالغرب امشي سبية
وتتفرج الظلام
يضربني الشمر سوطه علية
بينا يحدي للشام
گيدونـة بـسلاسل آل امية
العليل اوية الايتام
ادير العين لرض الغاظرية
*گلبي بحسرة ذايب*
✭✭✭✭●●✭✭✭✭●●✭✭✭✭
الكافل عالنهر مگطوع ﭼـفين
ويتعذر الوفاي
مارد للخيم ويصيح يحسين
سكنة تنتظر ماي
يـاعمي اصيحن واهمل العين
رد لينة يحماي
شلون تعوفني وحدي يالحنين
*گلبي بحسرة ذايب*
✭✭✭✭●●✭✭✭✭●●✭✭✭✭
ذبحوها الشباب بعمر الورود
راحوا من ايدينة
وعمي عالنهر مگطوع الزنود
صاب السهم عينة
ويـاكم زمـانـي بعد ميعود
بالفرگة انسلينة
الزمرة الكافرة بضعونة اتقود
*گلبي بحسرة ذايب*
✭✭✭✭●●✭✭✭✭●●✭✭✭✭
عالناگة وطحت يوميلي الراس
ناده لعمتي زينب
صاح اعزيزتي وساكنة الانفاس
عليها انـة اندب
نحيلة ووگعت من ضرب الارجاس
واعليك انة انحب
اوصلنة الشام عدهم عيد هالناس
*گلبي بحسرة ذايب*
✭✭✭✭●●✭✭✭✭●●✭✭✭✭
لقصر يزيد دخلونة ويشتمون
و رداهم السجاد
جابوا راس ابوي وبي يضربون
تسعر نار الفاد
خطب العليل راداهم يسكتون
بيهم الرعب زاد
كلها الناس صارت تهمي العيون
*گلبي بحسرة ذايب*
✭✭✭✭●●✭✭✭✭●●✭✭✭✭
تــمــت بــعــون اللــہ
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▃▃▃▃▃▃▃▃▃▃▃▃▃▃▃▃▃▃▃▃
https://www.tgoop.com/DoaaAIamry11

★•• فزاعية لأستشهاد الإمام العسكري ••★

∞ سامرا هاليوم بحزن ∞
∞ عالمسموم والينة ∞
---------------------------------------------------

ننحب  ننادي يالولي
والمهدي دمعاته اتهلي
والنزل من عگبه خلي
*راح وشيرده اعلينة*
♣———————•••———————♣

غدروك ويلي يالحسن
عانيت كثرة من المِحَن
كل مُحب دمعاته جرن
*راح  وعليه وَنّينة*
♣———————•••———————♣

يالرايح امطول السفر
يبچي عليك المنتظر
ويصير عگبك بالخطر
*عگبك منو لمهدينة*
♣———————•••———————♣

ناصبة ماعدهم رحم
عادوك زادوا بالجرم
يردونة  الهم الحكم
*حسرة عليه جرينة*
♣———————•••———————♣

ويلي ننادي  ياغريب
مسموم ماعنده طبيب
سامرا ناحت يالحبيب
*فراگك ترى يأذينة*
♣———————•••———————♣

شيعوها ويلي جنازته
واحبابه ابد ماحظرته
تسعر  يويلي جمرته
*يل رايح امخلينة*
♣———————•••———————♣
🌱•• هوسات ••🌱
~ ونواسي اليوم/لمهدينة ~
~ غدروه اعداه/وآذونة ~
~ اعلة مصابه/حزنان الكون ~
~ وبسَمهم وذروا/أحشائه ~

تــمــت بــعــون الله

✍🏻#ولائـية_وافتـخر (دعـاء العـامـري)
    ❌لاأجيـــز حــذف الأســم❌
♣———————•••———————♣
https://www.tgoop.com/DoaaAIamry11

#قصيدة_لأستشهاد_الإمام_الحسن_العسكري
//وزن فائزي//

{للعسكري هاليوم خلنة انسيل الدموع}
{المعتمـد سَـمـاه خلـه الگلـب مفجوع}
::::::::::::::::::::::::::::::::::::::::::::::::::::::
انعازي الامام المنتظر ياشيعة هاليوم
يبـﭼـي وينوح لوالده للگضى مسموم
مصابك جرحنة يالأمام العسكري گوم
*العترة ضلت ابحزن وبگلب موجوع*
▩▩▩▩●▩▩▩▩●▩▩▩▩●▩▩▩▩
سامرا تنحب لك تنادي يا مصابك
كلنـا توجهنة يباب الله اعلة بابك
بدمعات نندب سيدي وقع جوابك
*يالماتخيب اللي اجتك هاية الجموع*
▩▩▩▩●▩▩▩▩●▩▩▩▩●▩▩▩▩
ظلموك حكم الناصبة ﭼـم مرة عذبوك
وبغرب عن اهلك بعيد شلون خلوك
ابحكم مـن المعتمد يـأمر وسجنوك
*مسجون ماعندك ذنب مدري شالموضوع*
▩▩▩▩●▩▩▩▩●▩▩▩▩●▩▩▩▩
عادوك حتى بهالزمن والگبر هدموه
آذونة بيك اهل الغدر والجرح عادوه
يردون نمشي بلاية نور العلم يطفوه
*شيعتكم ويبقى العهد لو كلشي ممنوع*
▩▩▩▩●▩▩▩▩●▩▩▩▩●▩▩▩▩
نندب يمهدينة العجل بالگلب النار
والدك سَموه بحقدهم ذولة الاشرار
يالمهدي رفرف بالعلم ياصاحب الثار
*اشفي غليل الطاهرة المكسورة اظلوع*

تــمــت بــعــون اللــہ
✍🏻 #ولائــية_وافتــخر (دعـاء العامـري)
▃▃▃▃▃▃▃▃▃▃▃▃▃▃▃▃▃▃▃▃
https://www.tgoop.com/DoaaAIamry11

★•• استشهاد الإمام الحسن العسكري ••★

عظم الله اجرك يمهدي بهالرزية
بوالدك هالليلة تنعاك البرية
-------------------------------------

والدك راح وبقيت بگلب مجروح
ايعينك الله سيدي من شفته مطروح
بالسم يلوج من الألم •• هالزمرة منهم ما سلم

گابليته وذايبة من عندك الروح
تنظره بعينك لچن ماتگدر تنوح
وبصدرك العبرة بقت •• ياوالدي شفافك حچت

روحه فاضت الربها المسية
عظم الله اجرك يمهدي بهالرزية
✦✦•━•━••━•✦✦•━•━•━•✦✦

حضرت الزهرة تنادي بصوت مفجوع
جيت اشيعه الوالدك وي هايه لجموع
يالمنتظر يبني أجيت •• أمك أنه ليك اعتنيت

يمك الليلة احضرت ومكسرة لضلوع
من وجنتَّك يبني يبني امسحها لدموع
حملك ثگيل بغيبته •• بيدك توَّفي اوصيته

من عگب عين الولي تحمل أذية
عظم الله اجرك يمهدي بهالرزية
✦✦•━•━••━•✦✦•━•━•━•✦✦

يا حقد أهل الظلالة بغدر سموه
ظل يلوج من الألم ولچبده وذروه
عاصرهم وعاش المِحَن •• ويلاه مولانا الحسن

يا مصابك بالأبو وبنعشه شالوه
وياك سامرا افزعت للجسد واروه
يمكلف بأمر الولي •• يالمهدي ذرية علي

يالأمان انته التحل اعله البرية
عظم الله اجرك يمهدي بهالرزية
✦✦•━•━••━•✦✦•━•━•━•✦✦

بهالمصاب تذكريت المات منحور
التمت بعينك صور ظل دمك ايفور
وتهل دموع من الفگد •• تتذكر الطف وتصد

چم جرح خله الأثر بالگلب محفور
تكتم وتحمل ألم عالوضع مجبور
تنتظرك الأمة بأمل •• ياصاحب الثار العجل

دارك الليلة اصبحت ظلمة وخلية
عظم الله اجرك يمهدي بهالرزية

✍🏻#ولائـية_وافتـخر (دعـاء العـامـري)
     ❌لاأجيــز حــذف الأســم❌
✦✦•━•━••━•✦✦•━•━•━•✦✦
https://www.tgoop.com/DoaaAIamry11