★•• لطمية لـ المشاية في زيارة الأربعين ••★
#عگيلي

تعنت لحسين المشاية
وترفرف بيديها الراية
-------------------------------

باللهفة تعنت أحبابك
متشوقة اتشم عطر ترابك
وتقبل عتبات ابوابك
متجهين الكل عناية

✍🏻#ولائـية_وافتـخر (دعاء العامري)
─────※ ·❆· ※─────

لبيك تناديك انصارك
رايتهه ترفرف زوارك
حتماً يحضر صاحب ثارك
لليمشون ولايه ولايه

✍🏻#أم_محمد_الحجاج
─────※ ·❆· ※─────

نزحف عالموت ومنبالي
لحسين ويرخصله الغالي
خلي الرايه اترف بالعالي
يابو الأحرار انت الغايه

✍🏻#أم_محمد_الحجاج
─────※ ·❆· ※─────

كلها تنادي يابو اليمه
والكل متعنيه ومتحزمه
يم صحنك كلها ملتمه
جتك هالشيعه وفايـه

✍🏻#ام_عباس_الحسيني
─────※ ·❆· ※─────

لحبك يحسين تعنينه
لگلوب توالیک وجینه
البیعه انجددها الوالینه
بالعالی رفتلک رایه

✍🏻#رافضیه_وافتخر
─────※ ·❆· ※─────

عهد اتوقع نمشي بدربك
ولهانة الناس اللي تحبك
يالحاوينة بطيبة گلبك
وبخطك دگينة الثايه

✍🏻#ولائـية_وافتـخر (دعاء العامري)
─────※ ·❆· ※─────
https://www.tgoop.com/DoaaAIamry11

(( لطمية لرجوع الضعن الحسيني إلى كربلاء ))
★•• السلام عليكِ ياجبل الصبر ••★

ردت من يسرها .. وابحيرة آمرها
ردت بس حزينه .. لحسين وبنينه
ولكافل خدرها -- ردت من يسرها
..................................................

هاي ام الخدر جت و تنادي
لخواني النشامى اعلن حدادي
وآنة اعلة الهزل ألبس سوادي
تعبني السبي ودرب البوادي

أجت من المسيره .. وجهها المن تديره
ردت من يسرها .. وابحيرة آمرها
✹✹✹....✹✹✹....✹✹✹....✹✹✹

لحسين الدمع هلت و ناحت
ويلي يالرحت من ايدي صاحت
أختك للغرب يا خوية راحت
ومن فوگ الهزل طفلتك طاحت

شحچي ع الجرالي .. من عگبك يوالي
ردت من يسرها .. وابحيرة آمرها
✹✹✹....✹✹✹....✹✹✹....✹✹✹

زينب آنه من الشام اجيتك
والمدمع يهل من اعتنيتك
جيت بصايتك خوية بحميتك
غصب عني يخوية فارگيتك

بفراگ الغوالي .. مشيت بلايه والي
ردت من يسرها .. ردت من يسرها
✹✹✹....✹✹✹....✹✹✹....✹✹✹

يخوية اتحيرت يا خوية تدري
ورغم الصارلي حافظته خدري
دولبني الزمن شيطفي جمري
ريت وياك انة خلصته عمري

ولاشفت المصايب .. ولا ظل گلبي ذايب
ردت من يسرها .. ردت من يسرها
✹✹✹....✹✹✹....✹✹✹....✹✹✹

مسبيه ورحت مگيوده اديه
تمنيت آنة ساعتها المنيه
وجثت كافلي ظلت رميه
واشوف حسين نايم عالوطيه

غصب عفت الحبايب .. لأن كثره النوايب
ردت من يسرها .. ردت من يسرها
✹✹✹....✹✹✹....✹✹✹....✹✹✹

أجت من اليسر تنصب عزاكم
تقبل ترابكم تشتم هواكم
وتعتب ع الزمان الفارگاكم
تگلهم للوطن رجعتي وياكم

شلون ارجع وطنّة .. وحدي امشي بضعنّة
ردت من يسرها .. وابحيرة آمرها

تــمــت بــعــون الله

بــ✍🏻ــأقــ✍🏻ــلام خدام أهل البيت
✍🏻#ملا_سجاد_البهادلي
✍🏻#ولائـية_وافتـخر (دعـاء العـامـري)
❌لانجيـــز حــذف الأســماء❌
✹✹✹....✹✹✹....✹✹✹....✹✹✹
https://www.tgoop.com/DoaaAIamry11

((قصيده العشق الحسيني))
{{ فزاعية لـ أربعين الإمام الحسين }}

جينه للحسين اليوم
خنســوي اربــعينــيه
<><><><><><><><>

جينه بلــهفه مشــتاكين
نـــذرفها دمــوع الــعين
انعلي الصرخه اه يحسين
بــحبـنه وخـالص النــيه

✍🏻#خـادمـة الزهـراءام احمد العبوديه زبير
❁•━━❁━━❁━━❁━━•❁

جيــنه نــعازي الــزهـره
نلطــم نبــچي بــعــبره
انصــيح بــآه وبــحسره
وانگابــل المســبيــه

✍🏻#الخادمه ام زيد الشمري
❁•━━❁━━❁━━❁━━•❁

اجينه وياهه شيب اشباب
نخدم    وبگلب     لهّاب
نوزع  للضيوف   اثواب
حتلو  شربه اميه.....

☘✍🏻#ام_فراس الساعدي ☘
❁•━━❁━━❁━━❁━━•❁

جينه بهالجمع كلنه
ورايات الحزن شلنه
شيخ انصاره سجلنه
والنه حقق امنيه

✍🏻#ولائـية_وافتـخر (دعاء العامري)
❁•━━❁━━❁━━❁━━•❁

اليـوم الكـربـله ثــوار
يسجـلنه من الزوار
يفرح كل گلب محتار
نحلفه بسكنه ورقيـه

✍🏻#خـادمـة الزهـراءام احمد العبوديه زبير
❁•━━❁━━❁━━❁━━•❁

_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_
https://www.tgoop.com/DoaaAIamry11

★•• رجوع الضعن إلى كربلاء ••★
#لطمية_ثقيلة
#لحن { ملا عون العاشوري }
قصيدة ( آه.. من وصلت اخواني )

جيت.. من اليسر بضعوني
جيت.. تجري دمع عيوني
جيت.. للوطن رجعوني
ياخوتي .. ياخوتي ..الميامين
............................................

جيت أندب بأنين..ياحبيبي ياحسين||گوم انهض ياولينه
اخذوني منكم بالغصب..عيني ليكم بس تصب||واندبك بس ماتجينه
تمرمرت شفت المِحَن..مصايب اعلية الجرن||من فگدكم انولينه
الچانت ابعز ودلال..شافت الدم وقتال||انة وايتام انسبينه

جيت.. هذا يوم الملگه
جيت.. من بعد هالفرگه
جيت.. بالدليل الحرگه
ياخوتي .. ياخوتي ..الميامين
★★--------------★★-------------★★

بگلبي نار التلتهب..وياها سالوفة عتب||للگمر راعي الشهامة
خوية گوم انهض الي..يل گلت لي ادللي||صرت بين اهل الظلامة
بينا جارت هالعده..مارعونة اهل الرده||گيدهم بيدي علامة
شوف متني من الظرب..اعلية تنظر هالغرب||عشت ياخوية بملامة

جيت.. اگعد وحاچيني
جيت.. جرحك يأذيني
جيت.. خوية لتجافيني
ياخوتي .. ياخوتي ..الميامين
★★--------------★★-------------★★

شحچي من درب اليسر..بالگلب تسعر جمر||وابد ما بطل ونيني
اتحيرت أنة ابنات..روعو المدللات||لو شمر ساعة يجيني
اعلية صوته يعتلي..شتموا بحيدر علي||حسرة ظلت تحتويني
من عگب ذاك النزل..ركبوني اعلة الهزل||للغرب هل ماخذيني

جيت.. اشكي هم احزاني
جيت.. هالزمن آذاني
جيت.. گعدوا يا خواني
ياخوتي .. ياخوتي ..الميامين
★★--------------★★-------------★★

لكربلة لمن أجيت..كل گبر يمه نعيت||وانحب بعبرة عليهم
رحت للأكبر علي..ومرة يم گبر الولي||ردت بس اسمع حچيهم
خذت رملة والتجيت..اگعدت يم جاسم بچيت||صحت گعدوا وارتجيهم
بهيمة ناموا بالغرب..وصاروا بحدر الترب||شلون لو ردت انة اجيهم

جيت.. من اليسر عناية
جيت.. أشكي هم دنياية
جيت.. شفت ضيم هواية
ياخوتي .. ياخوتي ..الميامين
★★--------------★★-------------★★

لاخوتي اليوم اربعين..جيت وگليبي حزين||اليوم هل جاهم ضعنهم
جيت جبت العايلة..هل وصلت لكربلة||جيت جددته حزنهم
شفت أمي اوية الجموع..تلطم بحسرة ودموع||وياهم اتون اعلة ونهم
دموعنة وياهم جرت..صحت يمة تمرمرت||وأيست يايمة منهم

جيت.. يا هلي ويا ناسي
جيت.. مني شايب راسي
جيت.. من زماني القاسي
ياخوتي .. ياخوتي ..الميامين

تــمــت بــعــون الله
✍🏻#ولائـية_وافتـخر (دعـاء العـامـري)
    ❌لاأجيـــز حــذف الأســم❌
★★--------------★★-------------★★
https://www.tgoop.com/DoaaAIamry11
🏴#لحن القصيدة 👇👇
مشاهدة "آه من وصلت اخواني(ملا عون العاشوري)" على YouTube
https://youtu.be/pWCQz50zmgk

آه من وصلت اخواني
🎤#بصوت/ملا عون العاشوري

جيت.. من اليسر بضعوني
🎤#اداء:-ملا عون العاشوري
✍🏻#بقلم:-ولائــية وافتــخر (دعاء العامري)

جيت ..من اليسر بضعوني

بسم الله الرحمن الرحيم

{لاَ إِكْرَاهَ فِي الدِّينِ قَد تَّبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِن بِاللَّهِ فَقَدِ اسْتَمْسَكَ بِالْعُرْوَةِ الْوُثْقَىَ لاَ انفِصَامَ لَهَا وَاللَّهُ سَمِيعٌ عَلِيمٌ اللَّهُ وَلِيُّ الَّذِينَ آمَنُواْ يُخْرِجُهُم مِّنَ الظُّلُمَاتِ إِلَى النُّورِ وَالَّذِينَ كَفَرُواْ أَوْلِيَاؤُهُمُ الطَّاغُوتُ يُخْرِجُونَهُم مِّنَ النُّورِ إِلَى الظُّلُمَاتِ أُوْلَئِكَ أَصْحَابُ النَّارِ هُمْ فِيهَا خَالِدُون }

{قَدْ جَآءَكُمْ مِّنَ اللَّهِ نُورٌ وَكِتَابٌ مُّبِينٌ يَهْدِي بِهِ اللَّهُ مَنِ اتَّبَعَ رِضْوَانَهُ سُبُلَ السَّلامِ وَيُخْرِجُهُمْ مِّنِ الظُّلُمَاتِ إِلَى النُّورِ بِإِذْنِهِ وَيَهْدِيهِمْ إِلَى صِراطٍ مُّسْتَقِيم }

{ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُواْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ وَإِذَا سَمِعُواْ مَا أُنزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُواْ مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ }

{ يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }

{ لَّعَنَهُ اللَّهُ وَقَالَ لأتَّخِذَنَّ مِنْ عِبَادِكَ نَصِيباً مَّفْرُوضاً وَلأضِلَّنَّهُمْ وَلأُمَنِّيَنَّهُمْ وَلآمُرَنَّهُمْ فَلَيُبَتِّكُنَّ ءَاذَانَ الاَْنْعَامِ ولآمُرَنَّهُمْ فَلَيُغَيِّرُنَّ خَلْقَ اللَّهِ وَمَن يَتَّخِذِ الشَّيْطَانَ وَلِيّاً مِّن دُونِ اللَّهِ فَقَدْ خَسِرَ خُسْرَاناً مُّبِيناً }

▪️يوم الأربعين ▪️

قُمْ جَدِّدِ الحُزْنَ فِي العِشْرِينَ مِنْ صَفَرِ فَفِيهِ رُدَّتْ رُؤوسُ الآلِ لِلْحُفَرِ.

السَّلَامُ عَلَى الْمُغَسَّلِ بِدَمِ الْجِرَاحِ، السَّلَامُ عَلَى الْمُجَـرَّعِ بِكَأْساتِ الرِّمَاحِ، السَّلَامُ عَلَى الْمُضَامِ الْمُسْتَبَاحِ، السَّلَامُ عَلَى الْمَنْحُورِ فِى الْوَرَى، السَّلَامُ عَلَى مَنْ دَفَنَهُ أَهْـلُ الْقُرَى، السَّلامُ عَلَى الْمَقْطُوعِ الْوَتِينِ .

عظم اللّه أجورنا وأجوركم 💔

// نعي في وداع زائر الحسين للأماكن المقدسة بكربلاء //
#طلب_خاص /* وزن الهجري */

كربلا حان الوداع وبدت دمعاتي تسيل
أتممت عندچ زيارة وهالنويت اعلة الرحيل
يم نحر الحسين اودعه واندب بحسرة وعويل
وداعت الله أنة رايح خايف غيابي طويل

رحت اودع النشامى ذوله أنصار الحسين
الوفوا بدين الرسالة وگطعوها هالأيدين
ودارت انظاري تودع الاكبر وتجري له عين
شاب ويلي ياشبابه صحت والطمت الأيدين

توجهت صوب الكفيل وزايد بگلبي الجمر
گتله يابدر الهواشم رايح وگلبي اعتصر
حاجتي يمك واجيتك بجاهك ارجع مبتشر
واول الحاجات هي بخدمتك ردت العمر

جيت عالتل انة اودعه واذكرت حرمة اوچبت
الحرمة هاي الهاشمية نادت حسين وبچت
قبلت هذا المكان بحسرة والدمعة جرت
ريت حاضر من نخيتي آه يازينب گلت

وادخلت باب المخيم تستعر نار الگلب
تذكرت حيرة الحرة وبيها نيران التشب
ورحت ماشي للچفوف او ودعتهن وانتحب
البيهن الزهرة تناشد بالحشر عدها عتب

تــمــت بــعــون الله

✍🏻#ولائـية_وافتـخر (دعـاء العـامـري)
    ❌لاأجيـــز حــذف الأســم❌
——————★★★★——————
https://www.tgoop.com/DoaaAIamry11