tgoop.com/Batool1998Batool/5222
Last Update:
هوسات الئ العلويه شريفة
لشفاء المريض
•❥───❁🌻❁───❥•
ميخيب اليدك بابج يعلويه
امشي عليج ابو چفين مدميه
تشافين ابني يم حاجةالمكضيه
تشفينه //اوليدي. دخيلج
الشاعره العلويه بتول الهاشمي
•❥───❁🌻❁───❥•
تشافين الولد وانه كصدت بابج
اجيج الحضرتج وقبل اعتابج
بكل غالي عليچ ارد اهز شباجج
انريد الفزعه تشافيه
ام ✍️ حيدر العباديه عماره
•❥───❁🌻❁───❥•
يعلويه نخيتج وانت اهل الها
تطيبين المريض ودمعته يهلها
كريم اهل العبه بيده يسهلها
والحاجه// ابابج مگضيه
✍🏻#نبضي_حسين
•❥───❁🌻❁───❥•
ارد انخاچ یابنت الحسن نخوه
بحگ اچفوف ابو فاضل حلو الخوه
ردت الولد من هل عله يتگوه
او تحمینه// یلیدخل عندچ
خادمة اهل البيت عليهم السلام العلويه ام سيد مهدي الموسوي
•❥───❁🌻❁───❥•
شما نطلب يعلويه انتي تنطينه
يم الكرم واليمرض تشافينه
نريد مراد من ايدج تفرحينه
وبابج للحاجه / ينحتونه
✍️ خادمة الزهراء أم أحمد الدريعي
•❥───❁🌻❁───❥•
يسموها الكريمه الحاجه تكضيها
يالعندج مريض الحره اكصديها
قبلي اعتابها وبحسره اندبيها
تعنيها // يالضاع دواج
*ام عـــــــــراق الشمرية(( بغداد*♦️ )
•❥───❁🌻❁───❥•
لعد بنت الكريم اليوم ندبيها
يمچ حاجتي مولاتي خلصيها
تعنيتچ واريد الحاجتي تگظيها
المهظومه// يم بابچ تبچي
العلويه ام علي
•❥───❁🌻❁───❥•
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tgoop.com/Batool1998Batool
BY قناة احزان الزهراء الشاعره العلويه بتول الهاشمي
Share with your friend now:
tgoop.com/Batool1998Batool/5222