زۆری زانیاری
زۆری بینراو و بیستراو
زۆری بیرکردنەوەی بێ سوود
زۆری خەم و قەلەقی داهاتوو

وای کردووە ئارامی و خۆشیمان لەدەستداوە!

زۆرێک قەلەقە بەدەست داهاتوویەکی نەهاتوو
ماندووە و نائارامە
وا ئەزانێت لەدەستی چووە تازە ژیان
وا ئەزانێت تازە ناگات بەم هەموو پلە بەرزە
بەم هەموو زانست و ژیانە ڕاقییە کە دەبوو پێی بگەشتایە


باوەڕناکەم هیچ شتێک هەبێت بەقەد هاوسەنگی و ئارامی
لەگەڵ خۆ و خوا و خەڵک ژیان بە سانایی و سادەیی!

چیمان داوە لەوەی ئەم و ئەو چۆن بیرمان لێ ئەکەنەوە؟
ئەم و ئەو گەشتن بەچی و منیش گەشتم بەچی
ئەم و ئەو چییان هەیە و چی ئەزانن و منیش چیم و چی نیم!


ئەم هەموو داتا و بەراوردکار و شێتییە تووشی خۆمان کردووە، فیلێک هەڵی ناگرێت چی جای مرۆڤێک!

براء دوانزە ساڵە، لەماوەی ئەم دوو ساڵەی جەنگدا بە هەتیوی و برسێتی و ئاوارەیی و نەبوونی و دژواری ژیان هەموو قورئانی لەبەر کردووە، باوکی ساڵی پار شەهیدبوو، بەڵێنی بە باوکی دابوو کە قورئان لەبەر بکات، بەڵێنەکەی بردە سەر، براء لەگەل ئەحمەدی خاڵۆزای کێبرکێیان بوو لەسەر لەبەرکردنی قورئان بەڵام ئەحمەد شەهید بوو، لە ڤیدیۆکەدا براء دوای ئەوەی هەموو قورئان لەبەردەکات لەنیو فرمیسک و پێکەنین و دەنگی بۆردوماندا باوەش بە دایک و خاڵۆژنیدا دەکات و ئەو سەرکەوتنەمان نیشان دەدات کە لای زۆربەمان وێنەیەکی شێواو و جیاوازی هەیە..

پێشەوا شافعی بە هاوڕێکەی وت: بێ ئاگا مەبە لێم، من دڵتەنگ و ناڕەحەتم😞


جارێکیان خزمێکم تووشی بەڵایەکی زۆر ناخۆش و گەورەبوو، هەموو کەسەکانی پشتیان لێ کرد سەڕای ناڕەحەتی و بارە سەختەکەش کە بەسەری هاتبوو...
ئەوکات من تازە پێ ئەگەشتم زۆر ئاگایی و هەندێک شتم نەئەزانی، بەس دایمە پێم قبوڵ نەبووە یەکێ ستەمی لێ بکرێ و گشتی بێ زانینی حەقیقەتی شتەکە

ئیتر شەوانە درەنگێ ئەچوومەوە و لەوێ ئەمامەوە لای ئەو، بۆخۆمان سەیری تەلەفزیۆن و شتمان ئەکرد، یان هەر بۆ خۆم دائەنیشتم و لەوێ ئەبووم...
هەرجارێ تۆزێ درەنگ بڕۆیشتمایەتەوە تەلەفۆنی ئەکرد، ئەیوت ئەمشەو دێیت؟
ئەیوت: زۆر پێویستم پێتە لێرەبیت زۆر بێتاقەتم کە بەتەنیام... زۆر بیر لەو ڕووداوە ئەکەمەوە..
تۆ لەیرە ئەبیت زۆر مورتاحم و بارم سوک ئەبێت..!

ڕۆژ هات و چوو، بەڵاکان لاچوون، خەمەکان ڕەوینەوە و کەس و کاریش ڕوویان تێ کردنەوە... بەڵام ئەوەی مایەوە لە یادەوەری من، بوونی من چەندێک کەم تەمەن و نەبوون و هیچیش بووم، کەچی لە باری ئەسپيک زێڕ گرنگتر و دڵخۆشتربوو لام کە ئێستا بیرم ئەکەوێتەوە!


چەند خۆشە دڵنەوایی دۆستێک و بوونی هاوڕێیەک خزمێک مامۆستایەک کەسێک، لە کاتە سەخت و ناڕەحەتەکانی ژیانت...


زۆر دۆستم هەبوو کە لە ناڕەحەتییە ناخۆشەکان دەرگای دڵ و ماڵیان بۆ واڵاکردووم، ئێستا کە زۆر جیاوازی فکر و هەست و عەقیدە و ڕێبازیشین، بەس کە بیریانم ئەکەوێتەوە لە ناخەوە دوعایان بۆ ئەکەم و دڵم پڕ ئەبێت بۆیان...


زۆر خۆشە مرۆڤ تەنها لەبەر بەرژەوەندی ماددی و دەستکەوی کاتی بە شان و فش و باڵی خەڵک هەڵنەدات، بەڵکو ماوەدرێژ و پڕ بەها و جوان بێت پەیوەندییەکان..

ئەزیزان... ئەم شتانە ئەرکن، بەرپرسیارێتین، نەک سەرپشکبین بە کردن یان نەکردن!

- باش بوون
- تاوان و گوناهـ نەکردن
- خێزان درووستکردن و پارێزگاری
- ئیش کردن و بژێوی تا ئاستی ئەوەی زەکات بدەین
- مامەڵەی جوان و خۆشەویستانە
- فەزیلەتی ئازایەتی و دڵسۆزی


ئەبێ بزانین، کە ئەم شتانە واجب و ئەرکن، وە بەرپرسیارین...

٥٠٠ منداڵی بێ دایک و باوک هەموو قورئانیان لەبەرکردووە لە غەززە!