،🎶 راهب للعشك
🎤 ملا أحمد الزيادي
🎤الذاكر احمد وليد
✍🏻 الشاعر : علي خيري العبادي
🚩 هيئة عزاء أم البنين (عليها السلام)
✔ الليالي الكاظميه

• مولانا الصادق مع مولانا سيد الشهداء (صلوات الله عليهما) ؛


يـَفتّاح، للجْراح، حُسين
اويلاه، يجداه، حُسين
•••
نغّص عيشتيْ إسمك،رغم لذّة جماله
ولو ضگت العَذِب يصبح،أُجاج أشعر زُلاله
ويّ الماي ويّ الزاد،عيوني تعيش حاله
دِليلي ارتبط وي جرحك،وفلا يغفل وصاله

يل ذكرك ذكر ألله يمولاه
اطْمئناني امن اصرخلك اويلاه

اويلاه، يمولاه، حُسين
اويلاه، يجداه، حُسين
•••
شكو ناعي يجي لبيتي،أگلّه انعى اعله جدّي
وسِتَارة احط للنسوان، وبالآهات نبدي
آه يحسين ومصابه، آه يل مرد چبدي
آه يل واجع الزهره،وضلعها دمه يندّي

هلبت نسعد أُمنا بالدْموع
ايواسيها اليبچيلك واليْلوع

تره اتلوع، الدموع ابحُسين
اويلاه، يجداه، حُسين
•••
انچان البدَن ولساني،ما جاوبو بالطف
باسْتنصارك اسماعي،وگلبي اجابك و رف
وتمنيت چنت وياك،واقاتل وي أحن صف
واستشهد ابّين ايديك،يماكو مثلك ارأف

افديك إبأمي و والدي الروح
يا ليت اتبضّعلك يمذبوح

يمذبوح، يبو الروح، حُسين
اويلاه، يجداه، حُسين
•••
يل إمبچّيِ الْمخلوقات،واجب ابچي لجلك
يل ضحيّت لجلي خيام،وسِبو إعزاز أهلك
عليّه ايعز يمر بالبال،الجره من بعد قتلك
ولوني يذبل اعله أطفال،بسوط أنذال تهلك

طشروهم بالبر عترة الآل
واعيالك قيدوهم بالأغلال

بالأغلال، سِبو آل، حُسين
اويلاه، يجداه، حُسين
•••
قتيل العَبرة وايْ مؤمن،لو يذْكِرك يبچيك
واضل مخنوگ حد مانام،لو ذَكروني بالبيك
الجزع مكروه إلا وياك،واجزع ويّه طاريك
صلى الله عالباكين،وسِيُوف الصلّت عليك

[صَلَّتْ على جِسْمِ الْحُسَيْنِ سُُيُوْفُهُمْ
فَغَدَا لِسَاجِدَةِ الظُّبَا مِحْرَابَا
لَهْفِيْ لِجِسْمِكَ في الصَّعِيْدِ مُجَرَّدَا
عُرْيَانَ تَكْسُوْهُ الدِّمَاءُ ثِيَابَا]

يمسلّب وامعذّب بالخيول
والصاير ما صار اوي مقتول

يمقتول، بالخيول، حُسين
اويلاه، يجداه، حُسين

#الخادم_علي_خيري_العبادي

الثلاثاء 15 شوال 1443

https://www.tgoop.com/AliAliAlabady

بالعنب سَمُّوك ، والسّم أليم
ليش ما رحموك ، وانتَ الرحيم
دخيلك يا أبا عبدِ الله الصادق
••
الناس شلون بيهم
ما راعو علو شآنك
رغم حقّك عليهم
وينكرون إحسانك
يل ماخذ باديهم
وچف الصافحك خانك

واللي علمته الرماية صابك
والمصيبة فُرح يوم امصابك
ويحچي بالقرآن واهوَ كتابك

جوهرك قرآن ، بس ما قروك
وسيد الأكوان ، وما قدّروك
دخيلك يا ابا عبد الله الصادق
••
تضل تضوي أنوارك
رغم رادو يحجبوهن
عليك احرگو دارك
والــ بالبيت رعبوهن
و ألك ما فزع جارك
وأديك بنار تعبوهن

وباقي بالأرواح ويشع نورك
و عِلم تُسقى بالقلوب ابذورك
وطن للحب حچيك ودستورك

للعقل نفّاع ، و هَمْ للنفوس
وبالسماء انذاع ، صيت الدروس
دخيلك يا ابا عبد الله الصادق
••
لحد الآن مظلوم
من لبعيد والمِنّه
ٱسْتشهادك أجل يوم
يا مَن باسمه مذهبنا
وقليل الألك مهضوم
واكو بيهم ولا چَنّه

سيدي احْرگنا لأجل غربتكم
و زيِّد التسليم عد شيعتكم
حتى نتحمّل ألم جمرتكم

ونسجر التّنور ، و ندخل حُفاة
حُصِّلَت اْلصدور ، ارزقنا الثبات
دخيلك يا ابا عبد الله الصادق
••
هضيمه الذِبَح عُمرك
إلَه تمثال يترمم
وجرح بالروح گبرك
وما يتضمّد إلّا بدم
هدمُوُ لچن فِكرك
صرح شامخ ولا يُهدم

القاصي والداني اعترف بافكارك
والحقيقة انظلمت بإنكارك
ويرجع الحگ يوم يُؤخذ ثارك

يبو عبدِ الله ، وسادس أمير
يابن ثارِ الله ، ثارك چبير
دخيلك يا ابا عبد الله الصادق


#الخادم_علي_خيري_العبادي

السبت 19 شوال 1443

https://www.tgoop.com/AliAliAlabady

اين بقيةُ اللهِ التي لا تخلو من العترةِ الهادية 🙏

يا عيدنا بلياك مو عيد
وياك بس تحلى المواعيد
واللي يحبك بيمن يهيد
وكل عام نار فراگك تزيد •
كل عام وانت بيدك الخير
شِل چفي لو مديته للغير
من سوء حالي ردت تغيير
وبحالك اشعر، كافي تقصير •
قوّي علاقة روحي وياك
عبدك ضعيف يريد رُحماك
يا غوث ادرك شخص حبّاك
باذيالك اِتشبّث وناداك •
يا بن مليكة مُلكك الروح
ترحمها ؟ إتعذبها مسموح
تاخذها ليك ويمك تروح
أو تبقى لجلك تبچي وتنوح •
إلغربتك ما تكفي الدموع
موضوعك أكبر واهم موضوع
والحامله ما بين الضلوع
يتأوّه ابذكراك ويلوع •
جرحك غميج ويشلع گلوب
والخوش زلمه يلچمه ويلوب
ولخطارك تلگاه متعوب
يا من فقط بس هوَّ محبوب •
ما فاهمينك عدل مولاي
وانت اقرب امن الراح والجاي
بعدتني عنك دنيتي هواي
چا يمتى اصير اوياك وفّاي •
چا يمتى اعجّل گلب ولسان
واطلب سرورك وين ما چان
امن اشتاگلك افتح القرآن
يا ليت بيك الفِكر ولهان •
ويا ريت ثارك ولا انساه
متحزّم ويحرگني طرواه
العبد يفرح ويّه مولاه
المغصوب حگّه عيده بس آه •

اللهم عجل لوليك الفرج 🤲

1443 الأحد 10 ذو الحجة _ عيد الأضحى

#الخادم_علي_خيري_العبادي

https://www.tgoop.com/AliAliAlabady

[ يا صاحب الزمان مدد ]


قبل آدم بدهور
عالعرش انت نور
يمدبّر الأمور
يا سيد العصور ، ما اقدمك
يا صاحب الزمان
يا باعث الحنان
بس وجهك الأمان
وكلُّ شيءِ فان ، ما ادومك
بيك الفلك يُدار
وانت بلايه دار
وفضلك علينا دار
يا آية النهار ، ما اعظمك
يمنوّر القلوب
يا كاشف الكروب
يا ساتر العيوب
يا غافر الذنوب ، ما ارحمك
يا رحمةَ الحسين
يا تاسع الحسين
يا نبع كلِّ عين
يا واسع اليدين ، ما أكرمك
يا من هو الودود
و عم لطفه عالوجود
يا من اذا يجود
ينعم بلا حدود ، ما انعمك
يا سيدي الأخير
بيك الگلب أسير
يا واحدي المُجير
يل تدري بالضمير ، ما أعلمك
يامن بك الختام
والحبّ والهيام
يا مُلهم الغرام
يا سيد السلام ، ما أسلمك

#الخادم_علي_خيري_العبادي

https://www.tgoop.com/AliAliAlabady

• مولاتنا السيدة زينب (ع) تخاطب مولانا علي الأكبر (ع) ؛


يبن روحي خذت روحي
واجيتك شايطة واعثر
نويت ابچي دمه وشفتك
وكبّر جرحي يلأكبر

اللهُ اكبر عالمصاب
إمطّشر يبني عالتراب
حگّه حسينك ظهره انكسر
ليشوفك ايشوف العذاب

اجه بدموعه غضبان وعليك العدو داير
وصلك وانتهى وطاح وشهگ وضل بيك حاير
وصل للموت لمن شاف جسمك وصل صاير

وا مهجةَ قلباه، وا ولداه، آهٍ آه علي
••
راح يضل غريب حسين
ترضاها الغرب توليه
راح ايموّته افراگك
يموت لوحده لتخليه

لتخلي بجروحه يحير
ويضطر يبچي وهو الأمير
عالدنيا بعدك العفاا
هل چلمة خلته كسير

انه ام الخدر بس طلعتي تسوه لجروحك
وخفت لا روح اخوي حسين تطلع وي روحك
يشبه المصطفى وضل حتى جدنا هم ينوحك

وا مهجة قلباه، وا ولداه، آهٍ آه علي
•••
نَظَر امك عِطَش طولك
وگلبها ناره مشعوله
عفتها تون عليك وخاف
نرد نلگاها مقتوله

شلون يرجعونك للخيام
وتشاهد جسمك بي سهام
شيصبّر ليلى لا تموت
لِم روحك وارجع لا تنام

رقية بانتظارك تبچي وسكينة تريدك
عطشانات آمان وماي من ينبوع ايدك
وعلي السجاد حن لخوّتك ارحم عضيدك

وا مهجة قلباه، وا ولداه، آهٍ آه علي
•••
عَزيزٌ علَي ماسمعك
يَعز من عون يا غالي
بعد ساعه اريدك عون
اذا هجمو على اعيالي

احتاجك وي زين العباد
بساعات الحيره والشِداد
منها بصعدتنا اعلى النياگ
ومن نمشي من بلدة لبلاد

منو للنسوه يا حيد بغيابك لو سبوها
اريدن غيرتك لو ايد عمتك گيدوها
اريدنك عمود لخيمتي لو طيحوها

وا مهجة قلباه، وا ولداه، آهٍ آه علي

#الخادم_علي_خيري_العبادي

الاثنين 25 ذو الحجة 1443

https://www.tgoop.com/AliAliAlabady

• مولاتنا السيدة سكينة تخاطب المولى ابا عبد الله عن سيدنا الرضيع (عليهم صلوات الله) ؛


بابا حُسين
بابا حُسين
من سمع عبد الله چلمة هل من مُعين
فَل الْگماط
ومن غيظه شاط
رمى روحه امن المهد ضل يصرخ حُسين

صح ظامي بس كِل هَمّه ينصرك يريد
واتحجج بالماي وحَب يصبح شهيد
متعلّمها الغيره من عمّه الكفيل
واَتمناه يكفلني ويبقالي عضيد

ويتكفّل بالعايله
وا ويلاه من كربله
•••
بابا حسين
بابا حسين
هاك روحي و ردني لاصلي ماي وتراب
واسگيهْ يبوي
عبد الله اخوي
فدوه اروحلّه المهم ليضوگ العذاب

إليعطش بالعاشر تتفطّر شفاه
وما ضلّت كل حِيله ولا گطرة مياه
ومن گد ما عطشانه جَف باُمنا الحليب
والعمره ست اشهر مو هيّن ضماه

وما يگدر يتحمّله
وا ويلاه من كربله
•••
بابا حسين
بابا حسين
خلّه يمي انا احبّه هواي الرضيع
لمّن يروح
روحي تروح
خاف اخسره والمهد من بعده يضيع

شمحلاها لمّتنا وبحضني ينام
ٱلمدلل ما يحمل آلآم السهام
چم عبد الله عدنا خاطر ننطي بيه
والدنيا ما ترحم برّات الخيام

عذبتنا هاي الفله
وا ويلاه من كربله
•••
بابا حسين
بابا حسين
هذا اخوي اللي رجع لو واحد غريب
تْغيرت صفاه
وذبلت حلاه
لونه رايح وشحصل لابن امي الحبيب

تْمنيته يرد مروي بس مو بالدماء
وما رد من دمه گطره و روّه السماء
يا ريته ما رايح وانا اللي اموت
وسهم امثلثهم يذبحني بكربلاء

آه يا نبلة حرمله
وا ويلاه من كربله
•••
بابا حسين
بابا حسين
نبله وحده ماحمل وشحال الخيول
حافرها صار
يدور الزغار
لا تدفنه يطلّعنّه الخيل التصول

ما شالته الگاع ويُدفن مرتين
ما يتوسد إلا على صدرك حُسين
راد يخفف من ضيم الصدر الهشيم
يدري باوجاعك بس هوّه الهن مُعين

راح اللي يئنس هله
وا ويلاه من كربله

#مشترك
#الخادم_مصطفى_عبد_الحسين
#الخادم_علي_خيري_العبادي

4 من ذي الحجة 1443

https://www.tgoop.com/AliAliAlabady

يارقية ريحانة الحسين
•••
قصّة يتيمه كلها حُب
محبوب مذبوح عدها
ما تگدر إتوضح العشگ
بالغربه كلها ضدها
مخنوگه و ابداخلها آه
وتكشف الحسرات ودها
والخنگه اكثر ، بالحبل
ذبّاح ابوها يشدها

رقية، مالت دلال وصعبه تتحمل حبل
رقية، بس على چتف حسين تصعد مو هزل
رقية، ترفه وزغيره وجاسها ابسوطه النذل

ذبلت من الضرب
شوغتها ما تنوصف
ما تَعرف الهضم
متعلمّه اعله اللطف
بيها صدمه ورعب
سكتت ومات الحرف
و ماتن إيديها من
كثر اللطم والشگف
••
اه يا هضيمة فاطمة
بت فاطمة تتيسر
مشوها بالصحره الظهر
بين الغرب والعسكر
وين الهواشم والزلم
وجه البراءة تقشّر
بتكم تراها امدلله
وما تحمل اسموم البر

رقية، رجليها ورمن من وره ركض الفله
رقية، عاشت رزايا شيبت گلوب المله
رقية، چم مرّه طلعت روحها من كربله

وعذباها السبي
وليل الخرايب اشد
وگعدت اعله الترب
وما شافت الراحة ابد
تبچي وتون للصبح
يا گمر هاشم مدد
شافت القسوة چي
ما عدها والد بعد
••
بعيونها صورة رمح
وفوگ الرمح راس ينزف
سولفت ويّا بالدمع
والگلب والصوت يرجف
سكتت جرح لكن اكو
شهگه و الاحساس يهتف
آه يا حبيبي يا حسين
وغمضت والدموع تذرف

رقية، ام العشگ رجليها داسن عالجمر
رقية، اتگوم وتطيح وتلتفت يمها شمر
رقية، مثل الزچيه بس گلبها المنعصر

صاحت الحگ علي
بويه الگلب ما سلم
وشحبت امن العطش
والدنيا تمطر ألم
حمه رادت لچن
يم الشريعة العلم
و يولي بيها العدو
چي ضلت بلايه عم
••
للشام وصلت بس گظت
من كثر السياط والهم
ونامت وبيها شگد حچي
ورادت بابوها تحلم
وشافته بس ظنها صدگ
وفزت ورادته بلسم
وظلّت تصيح (أبي حُسين)
وجابولها راسه بي دم

رقية، رفعت غطاء الطشت بس طاح الگلب
رقية، موّتها حُبها وشوگها لخالق الحُب
رقية، گلتله اخذها العيش من دونك صعب

بلا حسين العمر
ما بي نفع لا اُنس
يبست اعله الطشت
حركوها بس ماكو حس
ولأبوها ارحلت
وردة اذبلت بالشمس
تضحيتها وفه
وهانت عليها النفس

(يا نفسُ من بعدِ الحسين هوني
وبعدهُ لا كنتِ أن تكوني )

الخميس
28 من ذي الحجة 1443

#الخادم_علي_خيري_العبادي

https://www.tgoop.com/AliAliAlabady

فعلىٰ مثلِ الحُسينِ فليبكِ الباكون وليصرخ الصارخون ...

نوحوا على الحسين ..
وضُجّوا في مأتمة
يابن شبيب اقرح جفون أُمنا فاطمة
نوحوا على الغريب ..
بلا ناصر ومُعين
واتحوّط إبألوف وهضيمة انوله الحِنين
نوحوا على الحِنين ..
كسر گلب الأنبياء
وكل الخلق بچتله ومن دم تبچي السماء
نوحوا على الحبيب ..
وإن كُنتَ باكيًا
فابكِ اللي من جواده اعله وجها خَر هاويًا
نوحوا على الوحيد ..
كسير الظهر لگوه
واستضعفو لان ضل بلا عباس اخوه
نوحوا على العطشان ..
على اللي ذبلت شفاه
فطّرهن الضمه وضل حبيبي محّد رواه
نوحوا على العزيز ..
أُذِلَ في كربلاء
يا ليتني انصره بأرضِ الطف والبلاء
نوحوا على الجريح ..
بكأسات الرماح
ضل ينزف وتغسّل بِدم گلبه والجراح
نوحوا على الطريح ..
ينازع شافه الرسول
وشمْر الجثه اعله صدره وذبح مهجة البتول
نوحوا على الذبيح ..
كما يُذبح الكبش
لمصيبته اقشعرّت اظلّة ساق العرش
نوحوا على القتيل ..
قتيلاً للأدعياء
سيوف وحجر تولّو اخير اصحاب الكساء
نوحوا على السليب ..
رداءه انشگ بسهام
سلبو لچن اوسلبو عمامة سيد الأنام
نوحوا على الجَمال ..
تغطّه بـ حَر التراب
واحمر صبح مشيبه السيد على الشباب
نوحوا على الخضيب ..
وقار الله لحيته
إنجاست بحوافر خيول اللي سحگته
نوحوا على الطعين ..
وعلى صدره الهشيم
طعنه اعله طعنه جسمه ولا ضل شبر سليم
نوحوا على الصريع ..
على الغبرة نومته
واهل القرى التدفنه وحصيره اللي لمته
نوحوا على التريب ..
ثلث تيام انچوه
بشمس الصحاري عاري ويلچمه حتى الهوه
نوحوا على الغيور ..
حده بضعنه أجنبي
بشهر الحرام احلّو سبي وقتل أهل النبي
نوحوا على الأمير ..
سبو اهله كالعبيد
مغلولةٌ ايديهن وصُفدوا في الحديد
نوحوا على الخدور ..
تِهَتّك ستر الجليل
دخلو قصر امية وعدوهم بيهم يعيل
نوحوا على العيال ..
بلا راية ولا كفيل
گعدوهم بخرابة و تقشّر وجه العليل
نوحوا على الخيام ..
هُوَن واتحوْلن رماد
طاحو زلمهن وحَنْنَن لأيام الوداد
نوحوا على الرؤوس ..
يراموهن ابحجار
وايطيحن ويبيّن عليهن الإنكسار
نوحوا على الإمام ..
خذو رأسه الشريف
فوگ الرماح وأهله يشوفونه بي نزيف
نوحوا على المصاب ..
مصاب وثار الإله
جلّت على العوالم رزيته وحط بينا آه
نوحوا على الرحيم ..
رغم هذا العذاب
يا شيعتي ينادي اذكروني بالشراب

شيعتي مهما شربتم عذبَ ماءٍ فاذكروني
أو سـمعـتـم بغـريـبٍ او شهـيـدٍ فاندبــونِ
فأنـا السبطُ الذي من غـيرِ جـُرمٍ قتلوني
و بجُردِ الخيلِ بعد القتلِ عَمدًا سحقـوني
ليتكم في يومِ عاشــورا جميعًا تنظروني
كيف استسقي لطفلي فأبوا ان يرحموني

الأحد 8 محرم الحرام
#الخادم_علي_خيري_العبادي

https://www.tgoop.com/AliAliAlabady

يا فرجَ الله .. العَجل
•••
يا خاتم أهل الحلم
يا مَن هو المنتقم
حقّك صبح عد غربة
وما ظن يرد ابسلم

وياك يحلى العرك
وبيدك تفل الشَرك
اذبح ابناء المنكر
واهدم بناء الشِرك

هادم اللذّات
كاسر وجابر
ايها القادر
منتصر ناصر
واسمك المنصور
وما يحدّك سُور
سرمديُّ النور
اول و آخر
••
يا فاتقَ كُلِّ رِتْق
يا ماحقَ كُلِّ فِسْق
العالم عبيد الدنيا
يا عاتقَ كُلِّ رِقّ

أگلبها قسط وعدل
يا معز وابدي القتل
العزة لله و الكم
والظلم بيدك يذل

عالم الإمكان
درهم بچفك
وياهو اليوصفك
ومحد يعرفك
وچم إمام ايريد
يخدمك يا حيد
يهنياله العاش
وقاتل بصفّك
••
دينك ايعيش ابمحن
واتزورت بي سنن
يا حبل الله الصادق
اقطع حبال الفتن

احيي البشر و الشرع
ورد للأصول الفرع
يا وجه الله وحاشه
يوگف بوجهك سبع

صاحب الكرات
جدّك القسوَر
أمّن المضطر
حاصد اهل الشر
قاطع الأصلاب
قاهر الأحزاب
مَثل للقهّار
يا مثل حيدر
••
اچبيرهم مدده
والعبد وي سيده
بظهورك انت اعدلها
واقصم ظهور العده

فقّاركم والصبر
من گبل عِشرة عُمِر
من سمع اقسى حچايه
چلمة و أن من جَسَر

اذبح الشيطان
ظالم العترة
طلعه من گبره
صلبه عالشجرة
احرگ الجبتين
واخذ ثار حسين
واكسر الها ضلوع
لخاطر الزهرة

#اللهم_عجل_لوليك_الفرج

29 ربيع الآخر 1444 هـ
يوم الجمعة المبارك

#الخادم_علي_خيري_العبادي

https://www.tgoop.com/AliAliAlabady

• أمير المؤمنين مع سيدة نساء العالمين صلوات ربي عليهما •

يا فاطِمُ، الصَّبرُ انْتهى هل يا تُرىٰ

في شَهقةٍ او زَفرةٍ ألقىٰ الثرىٰ

فمتى اُلآقي الموتَ حتى نلتقي

يا ليتها خرجت إليكِ فتُقبرا

يا روحَ طٰهَ أهَلْ عَلِمْتِ عَلْيُّكِ

يهطِلُ عليكِ فكم بكى وتَحسَّرَا

يا مَنْ جَعلْتِ الْعَيشَ مُرَّاً بَعدَكِ

بَعدَ البُكى، لا لم تُذِقْ عَيني الكَرى

كرارُكِ الْجبَّارُ في سُوحِ الوغى

وهوَ الذي سَمَّتهُ أُمُّهُ حيدرا

فغدا على سَحِّ المدامعِ مُجبَرا

تُعمى بلا رؤياكِ عينٌ ليتَها

واللبُّ حقَّاً، حقُّهُ أنْ يُفطَرَا

بَهَرَ الفؤادَ مُصابُكم، وتَفتَّحَ

جُرحُ الأسىٰ، والحُزنُ سَدَّ الأبهرَا

وكمِ انْحنيتُ لأجلِكم يا زهرتي

حتى شَعَرتُ بأنَّ عُوديَ كُسِّرَا

كُنتُ المُيَسِّرُ والأمورُ تغيَّرت

فحبيبُكم ضَعُفَ وأمرُهُ عُسِّرَا

إنِّي لأدريَ أنَّكم ليَ تَسمَعوا

لِمَ لمْ تُصَبِّروا جازِعاً مُتحيّراً؟

وإلى متى للْبِئرِ أشكو حالتي

أن يدروا أولى الاقربونَ بما جرىٰ

مالي وقفتُ على القُبورِ مُسلِّماً

وكأنَّ ردَّ تُرابَكم وتطايرَا

لٰكِنَّني اِشْتَقتُ لبلْسَمِ صَوتِكم

وضجيجُ صدري لا يُطيقوهُ الورىٰ

يا أُمَّ نفسي إنَّ نفسيَ يُتِّمَتْ

وازداد بعدَ أبيكِ يُتمي اكثرَا

#الخادم_علي_خيري_العبادي

https://www.tgoop.com/AliAliAlabady

مولاي علي الاكبر
••
هلَك مولاي
جمال الله
{وانّكَ على} جلالة حيدر
ولد هل يوم
رسول الله
(انا من الحسينِ) يعني الأكبر

صورة علي ونورك محمدي
يا بدر ليلى وجوهرك منير
ليشوفك اول مرة سيدي
انت محمد لو علي يحير

اسمك، عاشگه حسين
رسمك، نبي چنّه
جسمك، قالب النور 
مولاي نورتنا
••
شجاعة ودين
عزم ويقين
اهوى ثباتك وجهادك اهواه
قيم ودروس
بتعبيرك
عالحق السنا يا ابا عبد الله

يا قدوتي ومنك خذت عبر
ليحب يضحي من اول الطريق
الموت عندك والحيا سفر
وتبقى الأعمال الصالحة رفيق

علمك، نوّر اعقول
دمك، كله غيرة
عمّك، وانت انصار
للدين بالبصيرة


#الخادم_علي_خيري_العبادي

https://www.tgoop.com/AliAliAlabady

#يا_صاحب_الزمان

يا شمس الحقيقة نريدك فياي
البشر محتاجه رحمانيتك هواي
قست لگلوب لمّن غبت مولاي
ظلام ابليس بيّض حقد بيها

يـَمنوّر النور، الخلق عميان
معتمده عليك الانس والجان
يخاتمها ٱظهر بْخاتم اسليمان
و ريح العاصفة بامرك اجريها

يا منهج طموح وشمعة آمال
تُحارَب من قِبل اهواء ضُلّال
رادوا يطفه آخر نور للآل
والله يريد نورك يتم ليها

يـَـ آية امن الجمال بلون قرآن
يطاووس الجِنان واجمل انسان
اسم الله الجميل ابمظهرك بان
يا مظهر عجائبها وعليها

شحلاته اليستغيثك ساعة الضيج
شحلاته الصبّح ابذكرك على الريج
يمَن باسمك يصير الهمنا تفريج
وسكينة للنفس غصبن عليها

تحب شيعتك واهمه ذاك من ذاك
اليحبّك واليشكرك واحيا ذكراك
رازقها وجود وكلشي لولاك
يتلاشى يمَن انتَ مُبقيها

يناموس الدهر يا محور الكون
طريد تريد ناس تصيرلك عون
مولاي امنيتنا نصيرلك جون
(والا مِن ناصرٍ) انتَ تحچيها

يا مطلوبها وطلّاب ثارات
تلاحَگ للعدل والحگ لان مات
غريم وكعبة اهلك بيد آفات
اگطع روسها و ناسك احييها

يقسه العافك وذل روحه للغير
يا واهب احساس وترف للطير
الِتْفائَل بخيرك شاهد الخير
بقيّت الله يا خيرة نبيها

بغيظه خل يموت الشافك بعيد
قريبًا شوفتك يا فرحة وابعيد
صلاة الجمعة والعيدين إنريد
تتوجّب وخلفك نصلّيها

مو بالجمعة بس المفترض كون
يوميه اندبك واذرف عيون
يا مَن مستمر دمعه ولا يهون
وي فاطمه ومو هيّن بچيها

يا رَوحَ الحُسين و رُوح الحْسين
يا ريحت محمد والميامين
يريحانة الزهره و راحة العين
مِته تتكحل بنظرة وليها

#الخادم_علي_خيري_العبادي

https://www.tgoop.com/AliAliAlabady

تعب اجيال وصبر يتعب
حِنه ظهر الضوه والدنيا ليل ونار
ونترقب شعاع آمال
تعب اجيال
يستاهل نزيف ارواح 
واعيون ونعي ونياح
عيون الحب نحرها الماي
رسالينا نحرها الماي
نريد الماي ليطفّي لهب لگلوب
نريد نعيش للمحبوب
نريد نموت للمحبوب
يمتى انحقق الاحلام
يمتى نشوف حبنا الغاب
يمتى نتوب
وجوه مضيّعة والطين ينطي الوان
والمراية تجمال صورة الشيطان
الزمن موحش يريد انسان
الزمن بينا يعت للموت
وايدينا النطته احبال
ليش جروحنا بلا راي
خل نندل حقيقتنا
خ نعيش الصدگ لحظه
قبل لا نندفن واحنه بعدنا احياء
بعدنا احياء
بعدنا ابحيلنا وبينا الم عاشور
وما ناسين ثار الله ونريد نثور
نذل هيهات
عانقنا السمه بتاريخ يخضعله اليجي والفات
ضحينا بشرف والشرف ضل ما مات
ما مات اليعيش بروحه حب احسين
والثگلت موازينه بدموع العين
ما مات اليضحي بروحه لأجل الدين
عزيزة الروح،
بس ترخص اذا مرجعها لاهل الروح
عزيز الدم ..
بس يصير مثل ماي
لو شحت الگطرة والحيا مذبوح
يهل وادم ..
ذبحونا اعله قبلتنا
بغضاً بالولد بيها
مذبوحين لكن ابد ما متنا
حيّرنا العدو بحبنا وبغيرتنا
صمدنا، وجمر درب الحگ
صمود ايعلّم الدنيا صبر ماخوذ من الآل
تعب اجيال

#الخادم_علي_خيري_العبادي

https://www.tgoop.com/AliAliAlabady

#نعي

هدّو علينا وانسلبنا
واتسابگ الجيش بنهبنا
وماكو غيور اللي يحبنا
يفزع يردهم عن الخيام
•
من الخيم گوّه طلعنا
لصوب النهر نصرخ فزعنا
عباس وينك يا سبعنا
استسبعو عگبك يضرغام
•
حرگوا گلبنا يا ولينا
وحرگوهن اخيمنه علينا
وتستحي ما تطلع اسكينه
واللي اطلعت غصبن متنلام 
•
يبن امي ترضى يروعونا
وحفّاي نركض طلّعونا
تچوي البراري وضيّعونا
نسوان هجّت ويّه أيتام
•
لميتهم والعگل مذهول
خايفة اعليهم من الخيول
شي ما لگيته وشي المچتول
وشي ينچتل وياي بالشام
•
شدّوّنا بحبال واغلال
و رچبونا اعله النوگ الهزال
حدر الشمس ذرية الآل
بالغربة وي الغرب ايام
•
گلنالهم مرّو اعلى الاجساد
واتگربينا والوجع زاد
وصحنا ولطمنا اوجوه وافّاد
ومن الهزل طحنا اعلى الاجسام
•
وضلينا ننعى بصوت مبحوح
يا جدنا هذا حسين مذبوح
عاري وعلى التربان مطروح
وما نگدر انشبگه امن السهام
•
كل عدو بچيناه وصديج
وخلّص دمعنا وناشف الريج
ياهو المثلنا طايح بضيج
ويصبر على كل هاي الآلآم
•
جرونا ما خلونا انوح
وغصبن علينا وياهم نروح
بس روس نمشي وياها مسموح
وينزل دمعنا ابرفعت الهام
•
ذبحوا القربى وما بگه اعضيد
ابنايبة احنه واهمهْ أبــ عيد
بروس أهلي يتگربون ليزيد
وباهلي انعرف وانرفع الاسلام
•
ضلت زلمنا عالترايب
وطبينا كوفتنا غرايب
راوونا انواع المصايب
تموّت اعيون وحتى أحلام
•
ما چنّ ابوي وجدي معصوم
يسبونه وچنّه يهل گوم
اولاد ترك وكابُل و روم
ويدرونه سادة الأگوام


#الخادم_علي_خيري_العبادي

https://www.tgoop.com/AliAliAlabady

يا ابا عبد الله ..
اناديلك
بلسان ذنوب
الذنب هيمن على جهلي
وهفت جمر الوصال وتيّهت الدروب
وحِدَه بيه الهوى واتغافلت نسماتك البيّه
وادريبهْ هوى الدنيا
بلا رايتك حبل اعدام
لكن آنه ابن آدم
والشيطان وازاني مع الأيام
الزمن عابر
والبي خير هسه يزرع لباچر
يزرع (يا حُسين) وينحصد ناصر
يا مولاي
گصّر عمري لو يزداد تقصيري 
رحت زايد وبس لطفك يرجّعني
اعذرني اذا يستفحل الوهواس اعذرني
اعذرني على اللي راح
ألْيَل وجهي خل يشرق مثل جونك
وبصخام الجدر بيّضه يا مصباح
يهاديني
وشجم دوب اخلّصها الك اعذار
غبت عنّك ورديت بفشل حرّين
وعذري وياي
وانت والد الأحرار
مو حيّال گلبي لكن تسامحني يعرف بيك
الغِلط وياك خل يگظي العمر يبچيك
اضل ابچيك
واحس حتى الدمع يحتار
المن ينزل وصارن عليه اكثار !
جزاتك بيش ؟
اختصرت السالفة بطفّك
وإحسانك غزه الأكوان
اعترف غلطان
براقش ما جنت نفسي
وعلى نفسك كتبت الرحمة للنفسي
رضاتك بيش ؟ يمرثي الجآن
عبراتي صدى المقتل قتلها بس نوت ترثيك
احير ارثيك
ابعثلك ندم حاير
بلسان الخادم النادم المو شاعر
الما يعرف وزن روحه وبحر حبك
وتدري بالحچي قاصر
ميوصّل بُعد الاحساس
يرب احساسي وادموعي
ربّيني على دربك
واشريني عبد بعيوبي واصلحني
ودلّيني على حزنك
وفهّمني اله لذّه الوجع منّك
اليحب يتعوّد اعلى الضيم
اي يَحسين
اناديلك
شكُر مو حاجه واطلبها
اناديلك
نعي والروح اقربّها
اقربّها بألم يندل
لذيذة النشغة لو باسمك ولا تنمل
يما تنمل
رغم اسمك يلوّعني
رغم عينك البصورة تدمّعني
اناديلك نبع وعيون
حياة الماي
وحلات الماي
بين الحاء بين النون
اناديلك
نداء ادموع وحروفك تطهّرني
اشوّه فطرتي والگاك تسترني
خجل بيه الك ماله نهاية وحد
يبعد امي
عزيزة جروحك بروحي ولا تبرد
جروحك غير
يل فاديلي عبد الله
يل محّد يشبهك بس رُسُل الله
جمالك غير
مو بس ايده تتگطّع
يگطّع روحه ليشاهد رمش عينك
لحد ما تعمه سچّينه
جلالك غير
خيامك طاحن ورفعن منايرنا يبو سكينه
اشوفك عايش بنفسي حزن للموت
واذا ما يحتوي ذكرك نشاز الصوت
محطاتك سفر للـ آه
للحگ، للضوه، للدين
ثورتك دين وجسر لِله
وتربتك تخرق السبعة يَسرِّ الله
وتحت گبْتك بريد الله
اناديلك
يَمن طاريك عنواني
يَمن بس انتَ تستاهل اناديلك
لان سويتني انسان وبشر ثاني
خَذت منّي ظلامي
ونفحة من نورك
حِيَت افكاري واستهدفت وجداني
شَد اعيوني شيطاني وبله تْلمّس اندليتك
جبال الوهم غرتني
وعزائك من يطگني الروج
يفزعلي سفينة نوح
انه اشتالك
ومطر حبك ينث رحمة اعله گاع الروح
يل مذبوح يل ذابحلي شيطاني
اناديلك
گبر ويريد حفنة نور
اناديلك
نداء التايه المكسور
واستشعر غربتك، ضعنك المكسور
عفت وادم دربها الطيش لعيونك
انظرني ..
شوكت احظه مثل شاعركم المنظور
و واعيتك توعيني جرح منحور
اناديلك
وطن لاهل السمه ابلا سور
ينور النور يثار النور
مصابك غالي عند الرب
لذا فاتحتك ابعرشه
وكل عاشور الك تُنصب
نحب نبچيك
نحن نبچيك
اليُرى والما يُرى يبچيك
يمن تبچيك حتى النار
اضل ابچيك
واهيجن ثار
واناديلك
دخيلك يا ريحانة علي والزهرة والمختار

الاثنين 6 شهر رمضان 1444 هـ

#الخادم_علي_خيري_العبادي

https://www.tgoop.com/AliAliAlabady

نهج البلاغة نزف
وحروفه تبچي وهتف
اويلاه علياه
••
بذكرى رحيل ابو اتراب
خطبة تعزّي خطبة
يستذكرن بالجروح
وچم كلمة بيهن صعبة
هاي العبارة بالذات
(ارى تراثي نهبا)

اول إمام انظلم
اول أمير انهضم، اويلاه علياه
•••
اتعذّبن وصاياه
يردن وصي محمد
اليقراهن يشوف الــ آه
ماتن ولبسن اسود
يردن يعيشن بگلوب
بيهن علي مــَ استشهَد

والدنيا دارُ ممر
وحُب جرحه المستقر، اويلاه علياه
•••
باب المدينة مطبور
والعلم گوّه يصبر
والحكمة مثل الزهراء 
خانگها باب اليستر  
فگدت صدر بي بسمار 
وفقد الاحبة يكسر

حُب علي خير العمل
ومصابه حزن الأزل، اويلاه علياه
•••
القرآن راح يدفنوه
وآياته اليتيتمن
والكتب خرسة هل يوم
مبحوحة من كثر الـ وَن
والقلم ينعى وي اللوح
وجبريل جنحا لطمن

في العينِ كم من قذى
في الحلقِ كم من شجا، اويلاه علياه

الأحد 18 شهر رمضان 1444 هـ

#الخادم_علي_خيري_العبادي

https://www.tgoop.com/AliAliAlabady

#الغدير

لان ما عدهم نظيره حاربوه
وحاربوا افضاله من عدّة جهات
النقلهن لو اتكفّر لو نفوه
لو يعذبونه ويسلبوله الحياة
والجريمة الأكبر اتحز بالضمير
حوّلوا منّه لاعدائه المنقبات
ورادوا بنيرانهم طمس الأنوار 
بغضاً بحيدر احترقن مكتبات
وكتموا الحق بسبب دين الملوك
وباعوا الآخرة بدنيا المغريات
علي افضاله غزت حتى الصحاح
لكن ايضعّفهن اللي گلبه مات
القاصي والداني روه يوم الغدير
وعن طريق آلآف مروي وانتشر
ماكو مسلم ما ثبت عنده الحديث
وهمّه ليگولون لينكره كفر
الخلاف الصار في اصل الكلام
منهم (اللهم من والاه) نكر
لكن الــ (من كنت مولاه فعلي ..)
لفظاً ومعنى تواتر هل خبر
گالوا بمعنى الولاية حب علي
لچن ما عدهم دليل ولا اثر
حب علي ثابت بآية من زمان
بعد المن النبي ايبلغ البشر
والقرائن واضحة من الخطاب
بدا بالثقلين وحسّان الأقر 
{فقالَ له: قُم يا عليُّ فَإنَّني
رضيتُكَ من بعدي إماماً وهاديا}
قوم حرفوه الكلم عن موضعه
وكسروا حچاية نبي و محد جبر
هل رسالة تبقى للعنده ضمير
خل يرد ايراجع احداث الدهر
لان كل عاقل يحكّم عقله زين
للحقيقة يوصل بلاية سفر
عيد يتمنونه عدهم اليهود
والبخاري روه ذلك الخبر
واليجحده ماله دافع للعذاب
الحارث الفهري مثالاً للنكر


[الحمد لله الذي جعلنا من المتمسكين بولاية امير المؤمنين والائمة عليهم السلام]

الأربعاء 16 من ذي الحجة 1444 هــ

#الخادم_علي_خيري_العبادي

https://www.tgoop.com/AliAliAlabady

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tgoop.com/ahmed_alziwar1