ابو ذيات للإمام الكاظم //ع//
على لسان الزهراء //ع//


أنــه الـزهره وزمــاني ويــاي  .. عاده
وصفتلي اويه الحزن والنوح ..  عاده
فــگــد مــوسـى عليــه الباب .. عاده
لــچــم ضلعي وســرت نيران بــيــه

بقضاء الـبــاري اسلّم  دوم ..  ورضه
وبچه الحالي سمه المعبود ..  ورضه
الــربط سـاگ الغريب بگيد ..  ورضه
عــاد امصيبة المــحــسـن عــلــيــه

اشوكت تظهر يمهدي امك ..  يسرها
روحــي الــفــرح ما لحظه ..  يسرها
الــرصــافـــه يجرح بگلبي ..  يسرها

العلّي خلوا نــعــش موسى رمــيــه

✍ بقلم خادم الحسين ع
     الشاعر رعد الچريخي

https://www.tgoop.com/Alhos77com

نعي


ويـنـه الـيـروح ويـگـطـع الـبـيـد
ويطـوي الفيافي ودرب الـبـعـيـد
ايحشّم هـلـه وكـومـه الاجـاويـد
ايگلهم  طـريـح الكاظـم اوحـيـد

بـالــچـن فـرد فـزعـه يـفـزعــون
ويَـمـه الاهـل كـلـهـم يحـضـرون
هـذا الـعـلـيـه اتــهــل الــعـيــون
وذاك الـيـشـيـلـه فـوگ الـمـتـون

الـيـمـه عـويـل الـنـعـش ينهـاب
وعازتهه عـازه ادمـوع الاحبـاب
نـنـصب عـزانـه بـهـذا الـمصـاب
لــمـــن يـجـي لــلــثـــار طَـلّاب

✍خادم موسى ابن جعفر
الشاعر رعد الجريخي


https://www.tgoop.com/Alhos77com

ابوذيات لاستشهاد الامام
موسى بن جعفر الكاظم عليه السلام

لزم باب السجن ظالم وسدها
هدم سور الشريعه يضن وسدها
بغداد انته راعيها. وسدها
صفت يابوالرضا بدونك خليه

يروح الباري قدسها وجلها
بسلاسل معتني الظالم وجلها
گاصد موتها يگرب. وجلها
روح الكاظم الفوگ الثريه

يلكاظم مقامك نور ولطاف
فاز بحظرتك من زار ولطاف
عزمك من عزم عاشور ولطاف
ذليت الوجوه الناصبيه

وحگ للخير من ربك رسلهم
بظماير. شيعتك تدري رسلهم
وسفه اربعه. الظالم رسلهم
بنعشك للجسر يبن الزچيه

الشاعر حسن لعيبي الحريشاوي

https://www.tgoop.com/Alhos77com

نعي عن لسان علي بن سويد أحد اصحاب الامام الكاظم عليه السلام  مخاطبا الامام  وجنازته بعد وفاته مسموما

يبو ابراهيم روحي الصبر ذَوَّبها
عليك الشيعه من تنشد شجاوبها
ينشدون الفرج يايوم  گلتلهم
الجمعة وهلأجت چاوين صاحبها
اجنازه وللجسر گدامي وَدوَّها 
صرت مهظوم متحَيَّرٌ واراقبها 
على امتون الزلم بعيوني اشوفنها
چن روج الحزن علروح جايبها
عمال اربعة على الجسر حطوها
بعالي الصوت اشوف الشامت يسبها
يبو إبراهيم ياهو اليحضر الساعه
ويطالب گوم غداره ويحاسبها
ميت والسلاسل حزت اچفوفك
يروح  شگد حليم على الخلگ ربها
جنازه بلا اهل يمها العده تفتر
اسف موحال هذا ولايناسبها
موكافي الطفوف وكافي عملتها
عليهم دنيا ماتخلص نوايبها
ياهو للمدينه يعتني ويروح
وابطال الهواشم كون يندبها
العشيرة المادرت لامن خبر سمعت
بالسم گضه نحبه ومات راهبها

الشاعر حسن لعيبي الحريشاوي

https://www.tgoop.com/Alhos77com

نعي  للكاظم ع عن  لسان  معصومه ع

هلي  يموتون   بالغربه  وعدهم
افز  بليل    اذكرنهم    وعدهم
اعزازي  شالو   بسكته  وعدهم
بنات  بدارهم  تنتضر  جيه
...........
تناطر  باهلها   ومالفوها
بيوم المشو    ماودعوها
وشلون حال الشال ابوها
............
اليلة  عله  ابوها  كابلنها
موته  وصلها وزاد  ونها
الحسرات والونه كضنها
.........
ياريت لا مرني  علمهم
ولاودو  البتهم  خبرهم
اعزاز  مالي افراك منهم
.........
الجاب لي علمه  نشدته
من  شافني صبت دمعته
علم الابو صعبه  عله بته
.........
من  جابو علومه  شكالت
لطمت راسها والعين سالت
يضعون  اهلنه  وين شالت
.........
عسا  يومهم  لامر  عليه
ماخله روح وحيل بيه
وعليك  غلبتني  المنيه
..........
جاني العلم والحيل هداه
وتمنيت  وكت الموت وياه
اسمع الونه  واكعد  احذاه
..........
كالولها   ميت   بالاسجون
ومحد حاضر من سد العيون
السم  كطع  جبده  يكولون
..........

✍أم زينب كربلاء غير مبري الذمه من يأخذ الكلام اويحذف الاسم

https://www.tgoop.com/Alhos77com

الشاعر سيد زيد الفحام,
( ابوذيات + نعي ..... في رثاء الإمام موسى بن جعفر عليه السلام )

جنازه عله الجسر ضلت.       يهلها
نشيّعـها بحـزن گومـوا          يهلها
اليحب الكاظم الدمعه.         يهلها
يذكره ويذكر الزهره الزچيه


آه عليــك يالمسـمــوم         منّاه
حديد الگيد دمك سال.       منّاه
منّا انحـــب وانعـــاك          منّاه
عله جدك ابچي ذاك الضل رميه


مو بس دمعي دم عيني.      لهاليك
السمّك بالحشــر خاسر.        لهاليك
شكثر حنيــت يالكاظـم.       لهاليك
ولا شفت الأهل حد المنيه


جرح گلب الرضا المسموم      بعداه
عله الكاظـم نجيــم الآه.        بعداه
الدنيـــه تغيــرت والكون        بعداه
بسجن هارون مات ابن الزچيه




نعـــي
موسى بن جعفر مات مسموم
گضّه العمر مسجون مظلــوم
واجب نهـل دمــوع ودمــوم
نواسي الزچيه بنوح هاليوم
---------------------------
مات بسجن هارون حملوه
نعشه بجســر بغــداد خلوه
والسندي يصرخ لا تشيعوه
رافضي بلا تشييع عوفــوه
--------------------
الشيعه بحزن تبچي وتسمعه
تنـاخت علـه الكاظــم تشيّعه
شالت وليـها وتجــري دمـعه
عله الروس للمــدفـن تودعه
-------------------
الكاظم غريب ومات وحده
لكـن تـواره ونــزل لحــده
بس الغريب حسيـن جـده
مطـروح محد حضر عنده
-----------------
حسين الشهيد ابن الزچيــه
عالغبره ضل عــاري ورميـه
سحگت عليه خيل آل اميه
وبلا دفــن ضـل عالوطيـــه

خادم الإمام الكاظم عليه السلام
سيد زيد الفحام

https://www.tgoop.com/Alhos77com

(ابوذیه )

عن لسان فاطمه العلیله (س)
____
جفنی من البواچی خلص مایه
عله الخلّه ابدلیلی اجروح مایه
گضه عمری و ابوی حسین مایه
و اظل انعه  لمن  تدنه  المنیّه

✍️الشاعر ملا جهاد الصوفی


https://www.tgoop.com/Alhos77com

قصيده لمناسبة مولد علي الاكبر عليه وعلى آبائه التحية والسلام


يوم اهدعش شعبان      فــرحانــه دنيــانـه
فرحــان ابو السجاد      والشيعــه فرحانــه
بمولد الأكبــر علــي        بمولد الأكبر علـي

*

لحسين أشــرق يـا بــدر يشبـه بــدر جــده
نفـس المعـانــي والشـبــه والنـــور البخـده
ما مات ابو الزهره ابـد چـي لن علي عنـده
نفس المعاني والخُلـق يعنــي النبـي بعــده

نفس النبي المختار         رب العــلا انطانه
فرحــان ابو السجاد        والشيعه فرحانـه 
بمولد الأكبــر علــي         بمولد الأكبر علـي

* 

أمـلاك ربنــا گصدتـه طشـت أريـج ويـاس 
صـوره لمحمد بالمهد مـن كـل كتـر تنبـاس
هنت ابــو اليمه بعلي نثــرت ورد عالـراس
بچفوفه هز مهده بفرح عمه الگمر العباس

عمه الگمر فرحــان        والحـــره ويانـــه  
فرحــان ابو السجاد       والشيعه فرحانه
بمولد الأكبــر علــي       بمولد الأكبر علـي

*

بشعبان هـل وجهه البهي يوم اهدعش منه 
ومـــن حنّــة الجنـــه المهــد  أمــلاك حنّـنه 
والجنه گصـدت للمهــد مشتاگــه الـه الجنه
و شمــت بمهده يا عطــر عطـر النبي چنــه

عطــر النبوه أهنــاك          مــوجود بركانه
فرحــان ابو السجاد        والشيعه فـرحانه
بمولد الأكبــر علي          بمولد الأكبر علي

*

حگنــه نصفگ بالفــرح ونهنــي ابـو اليمــه 
ونعلگ لهل الفــرحه شمـع ونجـدد البسمه
الحسين نعمــه ونشكــره بارينـه عالنعمــه
الضيع حسين بدنيته صدگني هــذا أعمـه

بي احنــه متمسكين         بحسين مولانــه
فرحــان ابو السجاد         والشيعه فرحانه
بمولد الأكبــر علـي         بمولد الأكبر علـي 

*
الشاعر
موسى البديري

https://www.tgoop.com/Alhos77com

أشرقت شمسُ الالهِ ….. بارئُ الخلقِ يُباهي
هذا نوري قد تجلى…… بارئُ الخلقِ يُباهي
***
(١)
اتمخض الكون بجمالة وانجب التحفة البهية
وانكسف نور السماء واشرقت شمس الزجية
وانة بجناح الخيال مفرفح العالي الثرية
مبتشر مولد امامي وشاكر الله ونبية
أيُها الاملاكِ هنّو….. وآطلبو ما قد تمنّو
كرمةً اللهُ أعطى …… بارئُ الخلقِ يُباهي
***
(٢)
سيد الكون بوجودة عاشت الدنيا بسعادة
الله خلاه الذخيرة حتى يستنقذ عبادة
لا تكتمون المسرة وعطرو هاي الولادة
بالصلاة اعلة الرسول بلا سكون ولا هوادة
أبرقَ النورُ تناهى…هنئَ المختارَ طه
عندَ عرشِ اللهِ صلى…… بارئُ الخلقِ يُباهي
***
(٣)
اخر اليمة وختمها وجامع اثار الأمامة
شرف الكون بقدومة استشعر العز والكرامة
غرد الطير ايتبارك رفرف جناح اليمامة
ورايح يهني الرسول وبلغ المرسل سلامة
ذاكَ نورُ الانبياءِ ….. عمَ ارجاءَ السماءِ
دانِ منها أو تدلى…… بارئُ الخلقِ يُباهي
***
(٤)
جاء أمر الله نازل بارض سامرة الشريفة
اتغير الريح بهبوبة وحمل نسماتة اللطيفة
هنأ العسكري كلة مبارك اعليك الخليفة
والدة العسكري وامة نرجس الطهر العفيفة
ارضُ سامراءُ ترقى…. للعلى فيمن تبقى
للزعامة قد تولى …… بارئُ الخلقِ يُباهي
***
محسن علي العتابي
23/2/2024

https://www.tgoop.com/Alhos77com

ولادة الإمام المهدي عجل الله فرجه الشريف

ليلة الافراح هاي الليله
للأمام المنتظر ندعيله
٠٠٠٠٠٠٠٠٠
الليله كل شيعة علي فرحانه
بكربله من كل بلد تلگانه
بمولد المهدي انجمعنه هنانه .
وردة وي جاري النهر نهديله
٠٠٠٠٠٠٠٠٠
بكربله ألتمينه محله اللمّه
بصحن ابواليمه ونصيح بأسمه
هلا يا مهدينه يابو الرحمه
هَمّه عن گلبه الحزين انزيله
٠٠٠٠٠٠٠٠٠٠
حفل بين الحرمين انقيمه
بين ابوالأكبر وراعي الشيمه
للأمام المهدي يارب ديمه
يا إلهي بقوّتك شد حيله
٠٠٠٠٠٠٠٠٠٠
حلوه هاي الليله يا محلاها
وجه ابو صالح يشع ضوّاها
بالامام المهدي حگ نتباها
بيرغ العباس بسمه انشيله
٠٠٠٠٠٠٠٠٠٠
لصحن ابوالغيره بوفاضل جينه
نفرح الليله بوجه مهدينه
وبوفاضل حاضر يحيّينه
بحضرة العباس تحله الهيله
٠٠٠٠٠٠٠٠٠٠٠٠
الليله نسهر للصبح منعوفه
وبضريح حسين وجهه انشوفه
للفرج ارواحنه الملهوفه
ندعي للمهدي يرب تعجيله
٠٠٠٠٠٠٠٠٠٠٠٠٠٠
ياحلاته وياجمال عيونه
قل اعوذُ نقره ليحسدونه
المهدي نفس المصطفه يوصفونه
واليضد المنتظر ياويله

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://www.tgoop.com/Alhos77com

يمن اسمك سهم چتال… بعداك
شوكت ترجع مرار الريگ.. بعداك
اذا تنتظر امر باريك.. بعدك
المحب مل الصبر يبن الزچية

مو منه بمصالح.. باع دينه
وكلمن شاذ نهجه.. باعدينه
والك يالمهدي بيعه.. باع ادينه
رفعناها يبن حامي الحمية

محمد العبودي

https://www.tgoop.com/Alhos77com

شكثر يومك أنه احسبله...وعدلا
وي الأمه هل غايب....وعدلا
يمليها الارض قصطآ...وعدلا
ويحكم بلعدل ابن الزچي
................................................

خبر مولدك هليله....وردنه
وبدينه انشيل يلغايب...وردنه
تدري احنه اشتمنينه...وردنه
طلعتك سيدي الحلوه البهيه
...........................................

سلام البهادلي

https://www.tgoop.com/Alhos77com

للسيده رقيه في ولادتها ابوذيتين + مقطوعه



روح الخدم بس ألها مدينه
وچفوف العوز بالمحفل مدينه
الليله تنولد بشرف مدينه
رقيه ونورها ايشع عالبريه

على حوض الفرح كلنه وردنه
نبوس اعتاب كل محفل وردنه
نشيل بحب رقيه احنه وردنه
لبو السجاد وانقدمه هديه


مقطوعه لولادة رقيه



على اجفوف الفرح تنولد هاليوم
لحسين بشرف اعظم هديه
جابوها ونظرها الوالد وصاح
شكرا يا آلهي عل عطيه
دقق بالنظر والنور  غطاه
وسرح فكره وتخيلها سبيه
ورجع دقق حسين وسرح محتار
وگام يشوف بيها الغاضريه
اختلط بالفرح دمعه وهاجت الروح
تأملها بشكلها الفاطميه
ورجع دقق وعاين بالتفاصيل
رقيه والملامح زينبيه
غمض عينه أبوها وعاش لحظات
فرح مدري حزن هاي المسيه
تخيلها أميره وباگو التاج
وعليها الناس صاحو خارجيه
الولاده مو فرح دمعات بالعين
ومجبورين نحييها سويه
نوصيها رقيه بجاه عباس
وماتحتاج من عدنه وصيه
تعرفنه خدمها ونحضر اليوم
ماتبخل وتنطينه رقيه

لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

https://www.tgoop.com/Alhos77com

بعد شيريد والعندة      ولي حسين
الك هالدنيا والبيهه      والي حسين
اعوف حسين ما اگدر   والحسين
اموت بغير  ابو اسكينه اورقيه

للشاعر
ابو عبدالله الشمري


https://www.tgoop.com/Alhos77com

نعي


يهــــل الگبور شلون الاوضاع
مامش نفس طمّـــــتكم الگاع
اتطشر شملنه بساع وبســــاع
وضاع الفرح من يومكم ضاع


هـينه المرض وادموع عيناي
لاچن صوركم توجــــع هواي
گلت انه اشبع شــوف بهداي
بس الدهر شد حــــيله وياي


يهلي المگــــــابر موش حلوه
للـــبيت ردو گـــــــومو فـدوه
فرگتــكم اعله الگلب علـــــوه
منطي النجف وين اللي يسوه


ايدي اعله عيني وداگ الشوف
وملهوف اشوف الاهل ملهوف
نشـدو عليـه ادروب واكهــوف
بونيني والله هواي مــــعروف


المگــــبره منطيــــــها الاعزاز
من الـــــزغر للشــــــيب جناز
أمـــــهدل ودمعـــاتي للـــچاز
معــــتاز اشمهم حيل معـــتاز


يابعد العيـــون ونضــــــرهن
المغــــربيات شـــأمـــرهــــن
رجعولي و چــــفوني شرهن
كل المـــرض والنـــوح منهن


ماعايز الون شـــــوف عايز
من الشلـــتهم بالجــــــنايز
تتگـــابل وياي العجــــــايز
ونشوف ياهو بونه فايــــز

            عبد العليلـه
✍حيدر ابو كيان الفاطمي

https://www.tgoop.com/Alhos77com

قصيده للأب.  وحشة رمضان



الك وحشه. بشهر. رمضان ردناك
يبو. كلب. الحنين. شلون ننساك



يبويه. الدار. وحشه. وانت. مابيها
يبويه. ألمه. جنت. انت. محليها
دارك. نختنك. كلما. نطب ليها
ياريته.يرد.  بويه. الوكت. ذاك



بشهر رمضان. جانت. حلوه لمتنه
نشبع. من حنانك. قبل.   سفرتنه
هسه. عليك. بويه.  تهل.  مدامعنه
من نلتم. سوه.  ويانه.    نتمناك



عله ذيج. الايام. المضت. نتحسر
ماننساك. بويه. لا. وحق. حيدر
جمر. فركاك بالدلال ضل. يسعر
يالخالي.  مجانك. ريتنه.  نفداك



نحن لشوفتك. كل. وكت. تدرينه
حيل الفركه صعبه. بويه. تاذينه
بدموع. الحزن. نسولف  ضلينه
ماي. عيونه يوشل. من. طرواك


تدري. ارواحنه يابويه الك. حنت
عمت عين الدنيه بحالنه سوت
سكوف الدار فوك  الرووس هدت
بعد. من ريدها. الدنيه. بلياك



لدارك ماترد بويه بعد. هيهات
ولايرجع. بعد. بينه. زمان الفات
عليك نون بقينه. ونصفك الراحات
     بحسره. والم. ضلينه.  ننعاك



بقلم العلويه ام رائد زوين

https://www.tgoop.com/Alhos77com