فزاعية للامام موسى الكاظم عليه السلام

اليـوم تشييـع النـعش   وين اليخبر الساده

بالنعش راحو شيعتة 
مافاد طب الچبـدتـة 
كلمـن يصيح بدمعتة
باسم ابن جعفر نـاده
اليوم تشييع النعش  وين اليخبر الساده

لهلـة ننـادي  باالدمع
شوفو الكاظم ياوضع
هذا الغريب المنفجع
چبـدة دووه ما فـــاده
اليوم تشييع النعش وين اليخبر الساده

شالـوه نعشه بالـحزن 
لا غسل ضل ولا چفن
خلــونة لمصــابة تـون
صــار التــراب وسـاده
اليوم تشييع النعش وين اليخبر الساده

راحـوو يحـفرولـة گبـر
عالجسر موسى منشمر
چاوين عمتة ام الخــدر
تحـضر تشـد ضمـــــاده
اليوم تشييع النعش وين اليخبر الساده

ضـمـاده. تشـدة مااجت
لا صـرخة للميــت علت
معصومـة ليش تا خرت
مـــادروو بيـــــه اوولاده
اليوم تشييع النعش وين اليخبر الساده

مـادرو بيه اهـل الشيم
مـولاي شالـووة الخـدم
ونعــم منــــك. والنعـم
كلــــــمن. بايده مـــراده
اليوم تشييع النعش وين اليخبر الساده

تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

هوسات للامام موسى الكاظم عليه السلام

ابـو طلبة تـــــوسد ويلي التراب
الحد.موتة الچبد ينزف ولا طاب
فجعها گلوبنة يا موسى المصاب
بالمجلس تنوح علـيك الاحبـاب

وين معصومة  وين معصومة
تجـي تبــــــچي على ابوها

اچينة الخاطرچ كلنة  يمعصومة
ترة ندري الابوو ما ينحمل يومـة
ننصب فاتـحة والشيعة ملمـومة
يالكاظم نصيح الچبدة مسمومة

تفجع الحالة   تفجع الحالة
ما ننسة مصابة

ما ننسة مصابة الطمة شديها
ونعازي البقه مطروح واليـها
زينب والزچية احنة نواسيها
مشي جدتة بالحاجة يگضيها

يگضي الحاجه  يگضي، الحاجه
عليه الزهرة خلووو

ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

ابوذية ونعي لمرور سنة على رحيل والدتي اهدي ثوابها الى مولاتنا الزهراء  عليها السلام

دليلي بـروحــة امــي   ون گضاهـا
سنة الفـرگــتهه  شتضن  ون گضاها           
روحي الحـزن فتــــهه     وانگضاهـا
مـاكوو حيل يل رحتي  مـــن اديــــة

خلصان حيلي وعمية العيون
ليلــي اخلصه شلـــون بشلون
دارت سنتــهه اسمع يگـولـون

ام الـهله غطاهـــــا التــــراب
هاي، العزيزة  وكل الاحباب
شيفيد  گلبي الوون والاعتاب

شلـونة الگـبر ويـه النــــودهه
خـــــربان مـن الترب خــدهه
يتـــراب ردهه عليــــــة ردهه

دارت سنىة الـموتتچ شبساع
چا هيج يمه يصير. الـــوداع
خذيني بمكان المشت ياگاع

يا گــاع. هاي الوالده هـــاي
لولت عليــة وحمـلت ارباي
ماي، وتبدة من ايدي الماي

الدمع مـا ينشف بساعات الغـــــروب
احسب للـمشت ليلــــة عـــلى ليـــلة

حسبت صارت سنــة وبعيـدة الدروب
بعــد. مـاتــرد فــــرگتهه  طـــــويلــــة

ابـچي عليــچ يمة بگــــلب متــــعوب
تــدرين اليتـــــم ونتـــــة ثـــگيــــــلـة

بيتـچ مـــن اشــوفة مســـددة البـوب
وهـم الفارگـــچ ياهــــــوو  اليشيلـــة

زينـب كـــل عمـــرها اسوود الثـــوب
مات الكــافـــل وصــــارت كـفيــــــلة

وبعـد امهه المشت والضلـع مصيوب
ومـــا ينشف دمــــــــعهه مــن مسيلة

تمت بقلم. خادمة اهل البيت عليهم السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي
https://www.tgoop.com/Alalwya

شدة لمولانا امير المؤمنين عليه السلام ليلة الجرح

يابوية لو صار الفجر   ننـطي الـوجه ويـن
نسمع منادي  بالسمه  مصيوب ابو حسين

صوت المنادي بصرختة يهز السموات
هليله اخر ليله الك  ويــــانـــة اتبــــات
عينك بعيني شابحة  وتهمل الدمعات
يوميـة گلبي وداع اله  ايودع الغـــالين

يومية گلبي ينكسر    واهــلة يرحلـون
بالسيف راسك ينطبر  وتشـوفه العيون
مصباح  فگدك لو اجه يابـويـة شلــون
گربت منيته وودعت راعي الدواوين

گربت منيتة وايست  هاذا اخــر وداع
صعبة نشوف عمامتك باچرعلى الگـاع
مكسور گلبي وناشدت ضاع العمر ضاع
من ترحل ويبقه النزل بس الحياطيـن

من ترحل نضل بالحزن   بويــــة يكرار
معقولة. نتفارگ صدگ  ياحامي الجار
خالي،مچانك ونظرة  ياوحشة الــــــدار
رااعي المنابر ينطبر  والهامـة نصيـن

رااعي، المنابر ينطبر   نادت الحـــــرة
حضرو الچفن گال الولي فلت العشـرة
بانت علامات الفجر  گـربت الطبـــرة
الله يعيـــن ام الخــدر المـــن تونيـــن

المن تــون الياجرح  شـــال الصميــدة
دمعاتي تجري  بكل حرف من القصــيدة
ابنادم  عگب خير العمل  محد يفـيدة
تنذخر باچر بالحشر بس دمعة العيـن

تمت بقلم خادمة اهل البيت عليهم السلام ام وليد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

الشيعة خلاف ابو الحملة  بلا اذان
صرخة أمن السمة  تدوي   بلا اذان
طـب محـرابة ابـن ملجم   بلا اذان
بـــسـجدة وطـــبــر حماي  الحمية

خلـي  الدمـوع تسيل وتسيل
اليلة علـي مـن بيـته يشيـــل
والدهر عگب الوالي يمـــيل

اليلة علـي، شـداها الضــعون
حسين وحسن گامـو ينــادون
يصبرون زينب ساعـة يبچـون

هـليـلة زينـب لازمـة البــــاب
تنظـر على فراشك يبـو تراب
بالعيد حضري سـوود الثـياب

لسان حال السيدة زينب ع

ياعيـد  مــــانحـچي بطاريك
زينب  تصيج  وچلبت بيـــك
اوگـف يبويـة خـــل احاچـيك

ياعــلي، ويــــن تـــريد عـني
ونينك. شلـع گلــبي وكتـلني
حـزني  بعـــد مايفل حــــزني

يحـرم عليـه البيــت يحـــرم
ماطب وشوفه بعــدك اظـلم
بروحـــتك هـــايــه لا متسلـم

هـناه يالمشيت شگـال گلـبك
خاف العدوو براسك يضـربك
مـاي العذب منـهو اليشـــربك

عجل واشـرب ماي الــــوداع
باچر حسين يضل على الگاع
تشاهد. عيوني چفوف الاسباع

تمت بقلم خادمة اهل البيت عليهم السلام  ام وليـــ✍ـد الموسوي لا اجيز حذف الاسم الفاتحة إلى روح والدي ووالدتي
https://www.tgoop.com/Alalwya

نعي لمولاتي الزهراء عليها السلام لقرب العيد.

عيــدچ  گـرب يـــــم المــووده
ياجـرح فگــدچ بيش، اضــمده
همومي صفن وحده عله وحده

مشكـور اگـل للمــــوت مشكور
خـلانــه نسكــــن بيـن الگبـــور
والله برحيلــــچ گلبي  مـكسور

  مريض الگلب متعوب مو زين
وحشه المـنازل بس حـــــياطين
والبيت خنگــــه ويعـمي العــين

حگ  انشيل  يمـــه ويـاچ كلـنة
طـــافي النـــزل من المــــــحنة
شـيردها يـا گعـــــــدات  اهلـنة

لا خـبر منــها ومــاكو مـــرسال
بالعيـــــن دمعه وتشرح الحـال
همـي ثگــيل يـــــريد شــــــيال

هـمي ثگــيل وحيـلي. متـعوب
انـطــر وتانـي دگـــت البــــوب
ماكـو هلـــه والگـــلب مصيوب

كلمــة هلـه باالعيـــد  تـــذكـار
امسيرة الصورهم  تارسه الدار
نبچي وننوح الحـامي الجــــار

نبچي، ويـه زينب ليلــة العــيد
وثياب، سوود الحيدر، الحيـد
مـــن العقيـله الدهــــر شيـريد

تمت بقلم خادمة اهل البيت عليهم السلام ام وليد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

نعي اللامام علي عليه السلام ليلة الووداع

زينب بياحال  بطيحت علي  زينب بياحال

صابوو الدلال  ويه الفجر  صابوو الدلال

وصوابه چتال  راسه انطبر وصوابه چتال

ماشاهد الحال   مات الگلب ماشاهد الحال

شيعدلة.لو مال  حمل الاهل شيعدلة لو مال

گدامي، ينشال  باچر علي،  گدامي ينشال

لا لا متنگال  جيبوو الچفن  لا لا متنگال

وترابة ينهال  يضمه الگبر وترابة  ينهال

يتمت العيال  بوية شعجب  يتمت العيال

وبجيت الهلال  طشنه الدهر  وبجيت الهلال

تمت بقلم خادمة اهل البيت عليهم السلام ام وليد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

شدة وزن الفائزي لوفاة مولانا امير المؤمنين عليه السلام

طلعت وره ضعون المشة  تجذب  العبرة
لا تحـدي يالحـادي بعـجل  نادت الحـرة

فل الچفن عن الـولي   گــامت تنادية
ريض يحادي بحيدرة خليني حاچـية  
يازينب بعيد. الفطر     منهو التعيديـة
غـالي الابـو شيعوضه    گلبــچ يفـطرة

غالي الابو شيعوضة    لو طب للحـود
انة العقيلة ويه الحزن  ياگلبي موعود
سار النعش من النــزل  شيـرده اردود
ضلت تشم بعمامتة  وتـجذب الحسرة

ضلت تشـم بعمامتـة  وتبـچي العقيـلة
وين الذي  يقيم العزة  ودمـعة يسيـــلة
هاليــوم جنـازة مشـه.  تـــــرابة يهيلــة
صارت صدگ ياابو الحسن نايم بحفرة

صارت صدگ لا مايرد  ياداحي البوب
يـاوحشة الـدار وطـفة بيتك يمـهيوب 
هامات منه تصوبت مو علي المصيوب
ياجرحك يضل للابد  نبچي ونـذكــــرة

نبچي وننوح الهامتة  ونواسي  الحسين
عازو الحسن وام الخدر هلوها العـيـن
تابوت الوداع  انرفع  راحوو   مشيعين
والمـات ميـــردة البـچي  لا لا تنطــــرة

لا تنـطر المـات وغفـه بـتراب الگـبور
نريد الشفاعة  ياعلي  من ندخل نزور
بيوم القيامة وبالحشر وبنفخة الصـور
يحضرنه. دنيا واخرة  وتحضر الزهرة

تمت بقلم خادمة اهل البيت عليهم السلام ام وليــــ✍ـد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

فزاغيه سريعه لجرح امير المؤمنين عليه السلام

مطبور راسك ياعلي  طايح على السجادة

وية الصلاة وكت الفجر
راس الصميـدة منطبـر
لا شرب مـاي ولا فــطر
مايشفي جرح اضماده  مطبور راسك ياعلي

بالراس كلفه طبرتـة
جبريل علـه صرختـة
گـربت ولينـة مـوتتة
وين اليعازي اوولادة  مطبور راسك ياعلي

تنزف. طبرته ما شفت
حــتى الجـوامع كبـرت
وين الذي الحيدر بچت
وضعـة كـلف وتــــرادة   مطبور راسك ياعلي

وضعة صعب ماله دووه
محرابة طافي من الضوة
حسين وحسن صاحوو سووه
جيبـوو لبــوي، وســاده  مطبور راسك ياعلي

وسادت الموت الحيدرة
تنـوح  العقيـلـة مكـدرة
هـامـة وليـــهة مطبــرة
علنوو  لبوهــــه حــداده مطبور راسك ياعلي

برمضان ننصبله العزة
نعشه على زينب جزة
يحضرنه ساعات الوزة 
ايه وحق جد السادة   مطبور راسك ياعلي

تمت بقلم خادمة اهل البيت عليهم السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي
https://www.tgoop.com/Alalwya

نعي لبداية محرم للخروج من المدينة

مـــن طلعت الحرة روحهه طلعت
ويدموع المـوادع ابـــد  مانشفت

ويـن يريـد بيـها دهـر الفـــــراگ
محمله ضعونهم للموت ما وگفت

بعد يا ضيم گلـي زينب تشـــوف
وهيه من زغرهه الفرح  ما عرفت

تدري  تفـكد العبـــاس وحسيـن
وعيــون العقيـلة للحـــزن رفـت

شلـون بلايـة اخـوها باچـر تعيش
بذبـح ابن الزچية بعـد لـو سمعت

گـلبـج ينلـــــچم بهـلال عـــــاشور
وعليچ  بكـل كتر هالنــــايبه التمت

ايـدچ  تحترگ من نــار الخــيام
ينار ام الخدر وسط الگلب شبت

يبـت حاضـر الشدة  الــــنة تحضرين
بحق هامت علي وعباس الانهشمت

تمت  بقلم خادمه اهل البيت عليهم السلام ام وليد النوسوي لا اجيز حذف الاسم الفاتحة الى روح والدي ووالدتي

https://www.tgoop.com/Alalwya

قصيدة إلى اربعين الامام علي "عليه السلام"

بين الگبور يبويه  بين الگبور 
گلبي ناطور يبويه گلبي ناطور

بالترب نام وغفه //نوره بالبيت انطفه
وحشة الدور عمتني وحشة الدور
بين الگبور يبوية بين الگبور
❥━──➸➽❥❂❥━──➸➽❥❂
گلبي  يمك والدمع ضل  تارس العين
شلون صارت هامتك گلي يبو حسين
ليش هيــــچ المگبـرة  تتـــخير الزين
تبچي اجت روحي  وبعد بالهم تـردين

  روحي، ردت تنتحب نار بضلوعي تشب
صارت شهور يحيدر  صار شهور
بين الگبـور يبويـة بيـن الگـبور
❥━──➸➽❥❂❥━──➸➽❥❂
صـارت اشهور اوصـل يـوم اربعينــك
بكل وكت ضليت اووون يالدافنينك
بعـد شيفيد العتب  يـل غفت عينـك
منبرك خالي، الفـجر نادينـه وينـــك

والعمامة مسفطه // وين راعيهه بطه
طافي النور  بغيابك  طافي النور
بيـن الگبـور يبويـه بيـن الگبــــور
❥━──➸➽❥❂❥━──➸➽❥❂
طافي، نورك والنـزل حـل بظلامه
يگسـر المـابي رحـم  بچـي اليتامـه
شـرد أگلـهم  فترة ويـرد ابسلامـــــة.
هاي سفرة مـوت  ويطـــــول منامة

بعد شيردة المشة // الدار ضلت موحشة
اليبچي معذور  اعله فگده اليبچي معذور
بين الگبور يبوية بين الگبور
❥━──➸➽❥❂❥━──➸➽❥❂
والله معذور المشوو عن وجه الاحباب
صـدگ وجهـك ياعلـي غاطيـه التــراب
جـرح فگـده بالگلب ليهسة ماطــاب
شلون اوصف المغربية  وسدت البــاب

يخنگ غروب العصر// يلي نايم بالگبر
الحزن ناطور اعله  بابي الحزن ناطور
بين الگبور يبوية بين الگبور
❥━──➸➽❥❂❥━──➸➽❥❂
حزني ناطور اعله بابي وأبچي كل يوم
ااه يـا ذاك الفـرح حسبالــــــي يدووم
تالي، هامة حيدره وضلـع امــي مهشوم
جرح فگد الي مشوو بالـوجه مــرسوم

شرد اسولف يا ألم //حزني ابوجهي نرسم
بعد عاشور يروحي بعد عاشور
بين الگبور يبوية بين الگبور
❥━──➸➽❥❂❥━──➸➽❥❂
بعد عاشور وذبح اهل الحميــه
مسجلينة اليلطم وينصب عزيـة
الف هنياله الذي يواسي الزچية
الدمع مذخور ويحضـــرون المنية

تحضر الزهرة وعلي// بليلة الوحشه الي
بنفخة الصور يجوني بنفخة الصور
بين الگبور يبوية بين الگبور
❥━──➸➽❥❂❥━──➸➽❥❂
✍🏻تمت بعون الله وتوفيقه بقلم خادمة ال البيت عليهم السلام العلوية ام وليد الموسوي لا أجيز حذف الإسم نسألكم الدعاء وقراءة سورة الفاتحة إلى روح والدي ووالدتي

https://www.tgoop.com/Alalwya

ابوذية ونعي،  لبداية  محرم

شهر عاشور شب نارة   يجرها
گلبي بحسرته  ولوعة   يجرها
عيوني تشاهد الظالم   يجـرها
جثت حسين  برض الغاضـرية

هلـوو الدمـع ويـــاي سچـــاب
باچـر حسين يضـل عالتـــراب
ياشيعـة عينوني علـه المصاب

مصـاب الشهر گـلبي، مينساه
عنـدي عتـب وحچــــية  ويـاه
عـزيز الاخـوو ماريـــد فــرگـاه

احنـان خـوتي كلهــم عزيزين
عــاشور اجه هالرايـد حسيـن
ابچي، بهظم والدمعة بالعـين

ابچي، بهظم ونعة على الخوان
الهــلال ريـــتة لا اجـه وبـــــــان
ويه شوفته شمـيـــت تربـــــــــان

وي شوفتــــة  دمعـت عينـــــاي
وحسين يبقه بحسرت المـــــاي
كــــون اخوتي يگعــدون ويـــاي

كــون تعـــــود گـعدتهم سويـــة 
ويـن الــــــذي ينصب عزيـــــــة
يصيـــح حسين مـاشارب اميـــة

عازوو الزاچية اليــــوم عله ابنهه
بالمـــــجلس  تسمعــــون ونـــهه
حـاجـات عـــــــــدنه وندبنــــــهه

تمت بقلم خادمة اهل البيت عليهم السلام العلوية ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

نعي بحق مولاتي، العليلة عليها السلام لسان حالها

عليلة وعلية چلچل اليل
وياهوو اليداريهه العليلة

وين الاهـل تتلافت العين
راحـــوو وغيبتــهم  طويلة

شوو مامتت من حان الوداع
وردتهــم اعــــرف مستحيـلة

يـــاگـلـب ايس  مـــايـــردون
الفــــارگ هله ينعــاب حيلـة

مبحوح صوتي  ودمعي يسيل
انهـد الدمــــع وجـره بمسيلــة

ويـن اليوصل الصــوت وـيروح
مـال الحـــمل منهـــو اليشيلــة

وحشة على وحشه وكت الغروب
ثگيــلة يهـــل گلبـــي  ثگيـــــلـة

ثگل الفـراگ وثگــــل الهمـــــوم
احسب وعـد. ليلـــــة علة ليلــــة

يا فاطمـة اكتب هاي، الحروف
سجليهه بحق خـــدر العقيلـــة

تمت بقلم خادمة اهل البيت عليهم السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

ابوذية ونعي لبداية محرم لسان حال مولاتي، زينب عليها السلام

شعندك. ياهـلال الشوم   مريت
اضوگ الماي مر بالريج   مريت
عليه احباب گلبي تعود  من ريت
ويرد  حسيـــن والعبــاس  اخيـــة

يـرد حسين ويعـــود البناتـــــة
وذاك الچفـــوفــة معـطلاتـــة
مــاكـو  حـــوافـر ساحــاگاتـــة

ماكـــو حـــوافر كــون يهـــلال
ولا تنچتف ايــدي  بالاحـــــبال
ولا شوف يمشي گبالي چــــتال

ومــــاكو ووداع وباچــر نشيـــل
ومشي بطريق الشـــام بليـــــل
وتــــوگع اطفـالي من المـهازيـل

كــون اليكــون يصيـــر يـــحسين
وما فــــاگـــده زينـب السبعيـــــن
ولا شاهــدت حـــرگ الصواويــــن

وطفـــال تسحــگ جمـــر حفـــاي
ومحــد علينـــة يمـــــنع المـــــاي
مـن عفت خــوتي، نطيت مگفاي

تيوجـعني خويــة وهـاي، كلفــة
عفت الــــــولي  ماگطــــــع نزفة
ريت  بحــــلم وـيروح  وغفــــــة

ريت بحـــلم عاشــــــور ماصـــار
انخاچ يابــــــت علـــي الكـــــــرار
بليلـة الوحشــــة روحــــي تحتار

تمت بقلم خادمة اهل البيت عليهم السلام العلوية ام وليـــ✍ـد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

مقطوعه شعرية بحق الشهيد السيد ابراهيم رئيسي  طيب الله ثراه

اليوم. ننعه احنه شهيد. الطائرة
وهـاي خطه مــن اليهود. مدبرة

حسبنـا الله عليهــــم هاليــهود
هنـــاك يلتضـون نار المســعرة

مو جـديدة الهم بعد زمرة يــزيد 
بكــــربلة دم الحسين ومنحرة

احنـة متعـودين يومية بمـصاب
والمهنــــدس والرئيسي نخسرة

سلسلة جبناها من حـزب البــعث
من الشهيد الصدر واختة الطاهرة

والشهيد الثاني  ميت بالچـــــفن
وعلى اولاو الموت ضل لازم سرة

محـــــمد. الباقر بعد وال الحكيـم
شگاال گلبه بالاميـــر يفجــــــــرة

زمــرة ال سعــــود الهـــــم محكمة 
خـــل تفيـــده الدنيا ابـن الفاجــرة

خطــــة اسرائيل  احــفاد. الشمـــر
والعمايــــم عالشجـــــــر مطشرة

اليوم كل الشيعة تبچي عله الرئييس
ضــل حـزين اليــــوم خالـــــي منبرة

صوت عالمنبـر هتـــف حق وجهـــاد
يضــل عايــــش بالضمايـــــر نذكـــرة

اليوم  اهل بيت الرسالــــة. والبــتول
بليـلة الوحشــــة  تجيـــة وتحضــــرة

تمت بقلم خادمة اهل البيت عليهم السلام   ام وليد الموسوي،  لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

نعي ليوم الودااع لمولاتي السيدة زينب عليها السلام مع الحسيين عليه السلام لسان حالها

صعب يووم الودااع  اوياك يحسين
وباچـــر خــاف اسمع چلمت المات

گـرب ليل المــوادع خـــلّص الليــل
وبدت روحي تعد ساعات ساعات

مـامـــقسومة  عشره  اوياكـم اتدووم
على الخوان اصيحن يا حــرامات

جبـت عمـــري نوايب يــوم اثر يوم
وبعد متفيد لووو مـــاتوو الدمعات

يبو اليمة اعله وجهك تربي العيــون
اخـــر ساعـــة الك ويانـــــــه تبــات

ياچـــف البــخت باچــــر يگطعــوه
ويضـل راسك تهـوس بي الشمات

وعطشانه الشـفاه ورايـــده المـــاي
شوصف حــــالهن خوية المضيعات

افــكر بالخيـــم وبلـهبــــت النــــــار
رجليـــه احسهــــن هســـــه ميـتات

چا بيمــن تلــــوذ الفاگـده اخـــــوان
تاخـذني وتجـــيني هـــواي حسبات

يبـــن امــي صــحت وتوسلت بيــه
يگلي ام عــون عينـــچ ع اليتيمات

عـــلى سكنة ورقيــة وباقي العيــال
باچـــر نسمــــع حچـــاية غريبــــات

ادموعي الكتبت اعله الضعن من شال
وحــــروف القلــــم الكـــم معـــــزيات

بحـق نهر الفــــرات وعطش الاطـفال
بالحفــــــــرة تحضرولي الــــوحشات

..........
تمت بقلم. خاددمة اهل البيت عليهم السلام ام وليــــ✍ـد الموسوي لا اجيز حذف الاسم الفاتحة إلى روح والدي ووالدتي


https://www.tgoop.com/Alalwya

شدة وزن لفائزي  للخروج من المدينة وللهلال "لسان حال السيدة زينب عليها السلام والفواطم"

حضرن عبيچن و الضعن  گرّب مسيره
بعيونچن دمعت يتـــم  بانت أوحيــــرة
""""""""""""""""""🏴 """""""""""""""""
بعيونچـن دمعت يتم  ضلت بالعيـون
يردون اخوتي الكـربله يا عمـة يردون
مكسور خاطرچن بقه   وهمه يحملون
راحوا اخوتي وحملوو  عافــــوو الـديـرة
""""""""""""""""""🏴 """""""""""""""""
چاوين اهلنة حملوو صاحن فرد صوت
گعدن على باب النزل والونة بسكـوت
بوجوهن غيّم حـزن چن ساعة الموت
متعنـي ابونـه الكـربلة  شنهي مصـيره
""""""""""""""""""🏴 """""""""""""""""
شنهي مصيرك يالولي وتگـــلي تمشين
مايصلح اعليه البچي   يرقيــــة تبچيــن
هيهات مانـرجع الــــچ   يا دار الحسين
لزمت اچفوفه وتنـتحب  بتـه الزغيـــرة
""""""""""""""""""🏴 """""""""""""""""
لزمت حسين وتنتحب  تكسر الخاطر
عيون البنات اتصـد الي ضليت اكـــابر
يكتل بچيـهـن ياخلگ  يعـمي النــواظر
امن انطينه للدار الگفه  هواية چبيـــره
""""""""""""""""""🏴 """""""""""""""""
امن نطينه للدار الگفه ونسدت الباب
ضلينة نمشي ونلتفت نعثــر بالتـراب
ياگلبي چم حسرة التجر والدمع سچاب
هيبــة بناتـــه بكربلــة تلـفه الحصيـرة
""""""""""""""""""🏴 """""""""""""""""
هيبة بناته بكربلة  يضل دمه بالگــاع
وشلون لو طش، الضعن يانار الوداع
اكتب لهل بيت الرسل والاجر ماضاع
ينذخر يوم الموزمة ابچـــف الاميــــره
""""""""""""""""""🏴 """""""""""""""""
تمت بقلم خادمة اهل البيت عليهم السلام ام وليـــ✍ـد الموسوي لا اجيز حذف الاسم الفاتحة إلى روح والدي ووالدتي

https://www.tgoop.com/Alalwya

قصيدة  لبداية محرم تقرة بعدت اطوار
                        
ابشهر المصيبة هلــوو العين
سمعـونه يا مظلـوم يحسين

صيحوو بحـزن يامـولاي
محروم من شرب الماي

ونصيح يامظلوم يحسين
                         """"""""""""""""'"'''''''''''''''''""""""""''''
كلمن يعلگ رايتـة ماننسه احنه المنحور
كل يوم عدنه كربله ويوميه عدنه عاشور
تحضر اويانه فاطمة تبچي اعله ضلع المكسور
بالمجلس اتنادي ابحزن هذا عزاكم مذخور

نووحـــــو يشيعة ويـّاي
محروم من شرب الماي

ونصيح يا مظلوم يحسين
                         """"""""""""""""'①'''''''''''''''''""""""""''''
نوحوا يشيعه الذبحته  چا شنهي حالچ يم عون
سمعت كلام امن العده مات الحسين يگولون
مجنونه كلها شيعته مو فرد عابس مجنون
لو ماتو بدرب العشگ برواحهم مايدرون

نمشي للمجلس حفاي
محروم من شرب الماي

ونصيح يا مظلوم يحسين
                         """"""""""""""""''②'''''''''''''''''""""""""''''
نمشي ونواسي ام الخدر كل بيت ماتم موجود
انجدد سوادك ياشهر  ماننزع اهدوم السود
ماخلص من ذبح الشمر حتى الرضيع المولود
ياخـذ بثــاره ننتــظر يظهر الحجة الموعود

بالبيــــرغ ايســوي فياي
محروم من شرب الماي

ونصيح يا مظلوم يحسين
                         """"""""""""""""''③'''''''''''''''''""""""""''''
يسوي الفياي وينتحب يبچي المصاب  العطشان
والله مصابه بكل وكت ما ننسه ذبح الرضعان
ابيرغ ابو فاضل تجي امحزمه وتبچي النسوان
تطلب امراد امن الكفل  تنخا ابگطع
الذرعان

الكل الحـوائـــج گضاي
محروم من شرب الماي

ونصيح يا مظلوم يحسين
                         """"""""""""""""''④'''''''''''''''''""""""""''''
كل الحوائج  تنگضي شدي اللطم شدي الحيل
سمعونه صرخه امن الگلب للداست
اضلوعه الخيل
من مشت زينب تنتحب تتعثر بتالي اليل
شافت فجيعه وناييبه أمچاتيل فوگ أمچاتيل

گلولي  چاشنهي الراي
محروم من شرب الماي

ونصيح يا مظلوم يحسين
                         """"""""""""""""''⑤'''''''''''''''''""""""""''''
گلولي  شنهي  ضلتي موقف صعب
شرد احچيه
من امي والحيدر علي  والحسن چبده مگطعيه
الواساني اوينصب عزه بليلة الوحشة نواسيه
تسمعينه وبوكت الدفن يم حسن گومي اتلگيه

وتنـــــادي اهلا بالجاي
محروم من شرب الماي

ونصيح يا مظلوم يحسين
"""""""""""""""''⑥'''''''''''''""""""""''''
تمت بقلم خادمة اهل البيت عليهم السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي
https://www.tgoop.com/Alalwya

شدة وزن الفائزي لبداية محرم لسان حال مولاتي زينب عليها السلام

تمطر دمع طول الدرب عيني عموها
عالسفر ماهي امعلمة  زينب يخـوها
ـــــــــــــــــــ💔ـــــــــــــــــــــ
عاللسفر ماني معلمة بس ابچي ضليت
ون الثـگالى الفاگــده.  ياخـويه ونيــت
شيگضي الطريق الكربله يالعايف البيت
ضلت حزينة امكدرة    دار الجفوها
ـــــــــــــــــــ💔ـــــــــــــــــــــ
ضلت حزينة امكدرة وتهدم الحيل
سهرانه ليلي يالولـي  مــــانامن اليـل
خافن تطيح بكربلة وتسحگك الخيل
چن الحـوافر چثتك  شفت اسحگوها
ـــــــــــــــــــ💔ـــــــــــــــــــــ
چن الحـوافر شاهدت چن طبت السوگ
محروگ گلبي بالهظم يبني امي محروگ
تفصال ياثوب الحـزن  والزينب يلـــوگ
مـــن هسة اسود لابـسه وروحي خذوها
ـــــــــــــــــــ💔ـــــــــــــــــــــ
من هسة روحي موجلة  يهل المحنة
ماضن يجـي يوم ويــرد  يلتم شملنـه
من حملوو لرض الكدر  شالوو ضعنة
وشلـون لو صاحو اختنـة ونـــزلوها
ـــــــــــــــــــ💔ـــــــــــــــــــــ
وشلـون نوصـل كربلة مـوقف مينـعاش
وحسين يبقى بلا دفن لا وصلت قماش
مگلوب اخيي عالگفة وترابه الفـراش
خطوات صعبة ومؤلمة اخواني خطـوها
ـــــــــــــــــــ💔ـــــــــــــــــــــ
خطوات نحسب بالـدرب وابچي على حالي
للـــزهرة ناديت بحـــزن يمـة تعالي
باچـــر اشوفـــن ينذبح ابنـــچ أگبالي
رفعوها رايات العـزة لختة أرفعـوها
ـــــــــــــــــــ💔ـــــــــــــــــــــ
تمت بقلم خادمة اهل البيت عليهم السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي
https://www.tgoop.com/Alalwya

هله بالملايات بعد لتحتارون تعالن وياي ادليكم قناة تنشر قصائد اول بأول
تخليكم تشعرون بالحزن وهاي جبتلكم قناة الشاعرة ام علي البابلي صاحبة الشعر الموزون وداعتكم شعرها راقي جدا من ناحية الوزن والقافيه والحزن

لتنسوون من هنا اشتركو

👇🏻👇🏻👇🏻👇🏻👇🏻


https://www.tgoop.com/DmoaaAlhwraa

https://www.tgoop.com/DmoaaAlhwraa