-
بێزارئەبم و تێکئەچم بەو قسە و باسانەی ئافرەتان لەکاتی کۆبوونەوەکاندا کە ڕووبەڕووم ئەکەنەوە و ئەڵێن:

"ئەوە ناخنکێی بەم پێچەیەوە، بە تایبەت لەم گەرمایەدا؟!"
"تۆ هێشتا زۆر گەنجی بۆ ئەوە!"
"چۆن هاوسەرگیری دەکەیت کە بەم شێوەیەیت؟"
"بۆوا دینت بە قورسی گرتووە، خۆت خنکانووە"

بەڵام ئەوان تێناگەن کە ئەم پارچە قوماشە بووەتە پارچەیەک لە من و بەشێکی دانەبڕاو لە زاتم، ڕەنگە ئەگەر دایبکەنم بخنکێم، نەک بە پۆشینی...!!!📔
چیتر ناتوانم خەیاڵی خۆم بکەم بەبێ ئەو نیقابە، ترسم هەیە ڕوخسارم دەربکەوێت کاتێک بایەک هەڵئەکات، بۆیە بە توندی نیقابەکەم ئەگرم و ئەڵێم ئەی پەروەردگار لە دونیا و ئاخیرەتدا دامپۆشە، ئەوان لەو ترسەی من تێناگەن کە ئەگەر ئەم نیعمەتەم لێبسەنرێتەوە یان لە دەستی بدەم، کە الله دوای حەسرەتێکی درێژ بە منی بەخشیوە🩷.

وەڵامێک بۆ ئەو ئافرەتانە و هاوشێوەکانیان: "پێویستم بە بەزەیی پێداهاتنەوەی ئێوە نییە لەبەرئەوەی ئەو نیقابەم پۆشیوە و خۆم پێچاوەتەوە، من لە نیعمەت و ئاسوودەیەکدام ئەگەر پێتان بزانیایە، پێشبڕکێتان دەکرد لەسەری لەگەڵم!!.🧕"