الـمـوت لاسـر!ئيـل ورؤوس المـلاعـين اينعت
واعـصـار طـوفـان اليمن وصـال لاسـتئـصـالها

اليوم تتـجــرع فلول الـصـهـيـنه ما اتـجـرعت
احـرار غــــــــــــزه واهلها ونسـائها واطفـــالها

اليوم تذهـل مرضـعـات الأمــركه عما ارضعت
اليوم توضــــــع حـامـلات الطـائـرات احمـالها

مهما الـنـصـارى والـيـهـود اتمـهـلت واتمـتـعت
شعـب الـيـمن داعـس على زنـــــارها واذيـالها

وكلـمـا اتـمــادت في الـعـدوان عانت واوجعت
في الشرق الاوسط سائت الغربان سوء اعمالها

ان ضيــقوا ضاقت بهم وان وسعوها اتوسعت
زوالهم محتــــــــــوم والأرض اخرجت زلزالها

الـنـار في الأعـمـاق شـبـت والـقـواعـد ولـعـت
والرعب خـيـم فوق عـرش الـيـهـوده وارتـالها

وفـوق ما تتــــوقع امـريـكـا وذي ما اتـوقـعت
في البـحـر الاحمـر با تـرى ويـلاتـها واهـــوالها

واقســم بربي لو عرفتـوا ويش صنعاء صنعت
لا تـنـحـنـــوا لشـمـوخها وتـسـلـمـــــوا لرجالها

على خطى الفتح المـقدس ماضيه مااتراجعت
مـشـــروعـهـا حـريـة الـبـلــدان واســــتـقـلالها

عاقل بن صبر ...✍️

اقسم برب الفلق وسهيل والشعرى
يمين من منطلق فـطـره يمـــــانيه

بمن نصب ركنـها في الكـعبه الغرى
وارســى مـوازيـنـهــــا والإتـزانـيـه

ومن رفع ذكرها في محكم الذكرى
وامنن عليــــــــها بالاحكام البيانيه

من نصها في سبأ والنصر والشورى
من اليمن خير امــــــــــــه برلمانيه

واسرى بها في ظلام الليل للمسرى
بالفرط صـوتي والاسراب الدرونيه

ايد فـلـسـطـيـن بخيــاراتنا الكـبرى
واخـتــار منا قـيـادة حـرب كـونيه

سليل حـيـــدر.. نسلم له.. ونتحرى
صدق الولاء والعمل والقول والنيه

ما يعتـرينـا الوهن.. لا العالم اتعرى
ترفـع صـواريخنـا الصـرخه علانيه

في بحرنا ينجرف من جار واتجرى
لاهـوال خـازن جـهـنـم والـزبـانيـّه

وجيــوشنا البـريـه تزحـف وتتـبرى
من الـيـهـود الـحـقــيـره والأنـانيـه

من كل فجـا نفجـرها حمـم سعـرى
بـقــوة ايـمـان واقـوى عـنـفـوانـيه

كما اتينا بـعـرش القيصـر وكـسـرى
نكسـر قـرون الـفـلاني والـفـــلانيه

نحــرر الأمـه ونـفـرج عن الأســرى
من سـطـوة الهـيـمـنـه والإرتـهـانيه

وبالفـتـوحـات والآيـات والـبـشـرى
تـعـانق الـقـدس رآيـتـنـا الـيـمـانيه

عاقل بن صبر ...✍️

وعز القـاهر الجـبـار عـزوة من بغى العـزه
لغـيره ما انحنينـا يا عبيـد اللات والـعـزى

بمـوقفنا من الـغـازي ~ ووقفتنـا مع غـزه
رسمنا للشعوب اهـدافها والقصد والمغزى

لوانا في مـسـار الـقـدس يتقـدس ويتنزه
وما للمـعتـدي من بأسنـا مخرج ولا موزى

اسـود اللـه لا اشـتـد الـوغـى بهزاتها بهزه
صقور الباز ما تصطادها الغربان والعجزاء

يمانيـون حزنا الصف الاول ساعة الحوزه
في ايدينا النجاز وما لحد من نعمةٍ تجزى

مـع المـختـار والكـرار والعبـاس والحـمزه
تقاسمنا المراتب والتحالف قسمته ضيزى

قولوا لترمـب راسي مثلما عـطان ما هزه
ولا الضـربات هـزتنا كما يُضـرَب ويتـهزى

ولو يقفز وراه الكوكب الأرضي مية قفزه
جهوزية رجال الله فاقت منكب الجـوزاء

يجيب الإنجليزي والفرنسي خلف مارنزه
قوى الباطل بكل الأصعده تصعيدها جرزا

من اتجاوز حدوده في الهوا واليم نجتزه
وفي الميـــدان نتبارز لحتى كل حد يرزى

لبنيـامـين في حـرب اليمن صولات تبتزه
اتاه الخزي في الدنيا ويوم الآخـره يخزى

وما دام الخبر و المبتداء موصول بالهمزه
فلس طين الإباء منا وفينا جزء ما اتجزى

عليه العـار من طبع مع الـغـازيـن يا غـزه
ويلعن والدَي ذي ما فهم بالقصد والمغزى

عاقل بن صبر ...✍️

. 🕳️ مدري 🕳️

منظومة الصبر منـصـوبه على مدري
ترند يتصـــدر الإعـــــــــلام واخباره

سلاح ذاتي من انتاج الذكاء الفطري
ما يرصـــــد اهدافه المجرم وراداره

مدري ›››››› وذيما درى لابد ما يدري
ومن تردى يجيـــــــــه الرد الى داره

عـلـى مـدار الفلك والـكـوكـب الدري
دوائـر المـكــر بـاهــل الـمـكـر دواره

مدري وطوفاني المكنون في صدري
يـهـدم كـيـان الـيـهـودي فوق زنـاره

بدري على الصـهـيـنـه واذنابها بدري
عاد الصـــــــواريخ بالأهوال مدراره

مدري ولي في مقادير السماء قدري
يفوق قدرات الامـريـكـي ومـقـداره

سلطني الله لسحق اسطوله البحري
وحاملات الطـــوائر والف طيـــــاره

مدري ولي في فنون الحرب تدبيري
قــوه ترد الـعـدو ناكـص على ادباره

يا فينسون احذري من مدي وجزري
هـور وهــاري على الأطـلال منـهـاره

مدري والاسـنـاد جـوي والـمـدد بري
والبـدر شعشع وهلت بالـهـدى انواره

الى فلسـطين طـوفـان اليمن يسـري
واعصار غز٥ وصنعاء ما انطفت ناره

مدري ››››››› وامر الغالب على امري
ويل الإمــارات وآل سـعـود من ثاره

الـمـعـركه حاسـمـه تغيـيـرها جـذري
وبالـمـغـيـرات جـنـــد الـلـه مـغـواره

مدري والاعـداد جاري والزمن يجري
يا من تجرى؟ ويا من عاب في جاره

لا عاصم اليوم لـ اعـرابي ولا عـبـري
من ذو الـفـقـار المجـنـح عـابر القاره

عاقل بن صبر ...✍️

نصـر اللـه الـمـوعـود قـرب واليـمـاني مسـتـعـد
يـواجـه الـعـدوان حتى الـحـق لاصحـابه يعـود

بالمـوقـف الثـابت مع غـزه‍ مـجـاهـد مـجـتـهـد
يعد للـمـسرى المـقـدس من مسـيرات الصـمـود

مهـما تـمـادى المـعـتـدي في حـربنـا مهـمـا يعـد
بـأس اليمن مشـدود واصـرار اهلها ما له حدود

لا الـغـرب يـثـنـيـنـا ولا عن نـصـر غـزه نبـتـعـد
دام الـعـقـيـده راسـخـه فينـا على مـر الـعـقـود

يا روح نـابـض بالـحـيـاه ودم ثـائـر في الـكـبـد
عـلـى الـثـقـه بالـلـه رسـخنـا مـواثيـق الـعـهـود

شـعـب اليـمـن قـادم ومتـقـدم على كل الصـعد
مـع قـيــاده حـيـــدريـه حـطـمـت كـل الـقـيـود

قـضـيـة الأمـــه تـفـــــــــرقـنـا وفـيـهـا نـتـحـد
قل للـمـحـايد والـمـكـايد والـمـنـافق والحـقـود

مـنـادي الأقـصـى يـنـاديـنـا والاعـداء تحـتـشـد
واحـنـا جـنـود الله وانـصـاره على النـد اللـدود

احنـا العـواصـف ذي لهـيبـتها الشـوامـخ ترتـعد
واحنـا اعـاصـير القيـامه والصـواعـق والرعـود

لا جـدنا شــيـد علـى الياجـوج و الماجـوج سـد
فـعـاد با نبني على !سـر!ئـيـل و!مـريـكـا سـدود

بقـوة الـلـه نـسـتعـيـن ومن يـد الـلـه نـسـتـمـد
نصـره وتأيـيـده على جمـع النـصـارى واليـهـود

وحسـبـنـا الـواعـد بـتـدمـير الكـيـان المـسـتـبد
القـاهـر المعـبـود والفـرد المـهـيمن في الوجـود

لا حسـبـمـا يحـسـب نتـنـيـــاهـو ولا ما يعتـقـد
ترمـب واعـوانـه من احـفـاد الخـنـازيـر القـرود

زوالـهـم حـتـمـي بأمــر الـلـه ومن بـه يـعـتـمـد
وفي سـبـيـله جـل شـانـه تنـجـلي كل الـوعـود

عاقل بن صبر ...✍️

حاملات الطــــــــوائر ريوست
معـلـنـه يـاســهـا وافلاســــــها

لا هـــورهــا ولا هــــاري رست
ما الحوايـم تـلـهـجـم راســــها

مـثـلـمـا الروزفلت اتـقـاعـست
في اداهـــا وفي مقيــــاســـها

فينسون في اليمن ما اتنفست
بالـهــزيـمـه تـجـر انفـــاســــها

والسـفـن والـبــــوارج نـكـست
بـعـد ما جــرعــوها كـاســــــها

كل صاروخ يطوي خمس ست
ينـسـف الأمـركـه من ساســـها

افلست زمــرة ابـليـس افلست
خاسـيه خـاسـره وسـواســــها

واليـمـن ما تنـاسـت وانـتـست
ثـار غــزه وثــورة نـاســـــــــها

في السماء والبحـور اتمترست
تسـقـي الـغـرب من ترباســــها

في سبـيـل الجـهـاد اتـقـدست
مـعـركـتـهـا وشــدة بـأســــــها

عاقل بن صبر ...✍️

اقـتـرب مـوعـد الـســاعـه وحـق الـوعـيـد
شــبـوا الـنـار حـتـى الـحــق لاهـلـه يـعـود

طبـلـة الحـرب ضـد الـغـرب تـرعـد رعـيـد
لـعـن ذيـمـا عـلـى ديـنـه وعـرضـــه يــذود

يـا مـطـايـا الـمـطـايـا يـا عـبـيــد الـعـبـيـد
يـا بـيـــــادق بـيــد الأمـــــركـه والـيـهــود

لن تنـالـوا من الشـعـب العـظـيـم المـجـيـد
دام مـعـنـا كـريـم الـجـود فـوق الـوجـــود

جـنـده اقـرب الـيـكـم مـن حـبـال الـوريـد
واولـيـــائـه عـلـى حـوض الـمـنـيـــه ورود

ويـلـه الـويـل من عـادى يـمـنــا الـسـعـيـد
مـا يـفـيــده ولــد زايــد ولا بــن ســعـــود

وعـد تـطـهـيـركـم قـرب وصـنـعـاء بـعـيـد
يحـرم النـوم من يحـلـم بصنـعـاء الصـمود

نــار صـعـــده مـع غــزه بــذات الـصـعـيـد
ترهـق الصـهيـنه والبيـت الابيـض صـعـود

عن فـلسـطـيـن لا يمـكن نـمـيـل او نحـيـد
دام فـيــنـا إبــاء واصـــرار مـا لـه حـــدود

والـمـواثـيـــق مـرســـومـه بـدم الـشـهـيـد
مـا نـســاوم بـهـا والـلـه وجـنــــده شـهـود

خـلـف قـائـد من آل البـيـت نـهـجـه سديد
انـطـلـقـنـا وحـطـمـنـــا جـمـيـــع الـقـيــود

الـخـطـى حـيــــدريـه والـعـزايـم حـديـــد
مـوج فـوق المـواج حـيــود فـوق الحيـود

شـعبنـا في الطـوارف قـدم اعـظـم رصيـد
حـيـث كـمـن اسـد حـامـي عـريـن الإسـود

فـي رضـى الـلـه نـبـذل كـل غـالـي زهـيـد
مـا نـبـالـي بـصـفـقـات الـطـمـع والـنـقــود

شعب مؤمـن شـديد البـأس بطـشه شـديد
يـوم نـزع الـحـنـــــاجـر وانـتـزاع الـكـبـود

الـعـدد فـي تـزايــد والأعـــــــــادي شـريـد
يـا رجـال الـعـــــوايـد صـادقـيـن الـوعــود

صنعاء الامجاد تصنع شرق اوسـط جديـد
يـلـقـي الـعـالــم الـغـربـي بــذات الـوقــود

كيـد صـهيـون في خـسـران مـهـمـا يكـيـد
والـمـريـكـي بـمـكـره والـغـبـاء لـن يـسـود

بـشـــروهــم بـمـيـعـــــاد الــزوال الأكــيـد
مـثـلـمـا حـل بـالأيـكـــــه وعـــاد وثــمــود

حـسـبـنـا الـلـه قـاهـر كـل مـجــرم عـنـيـد
نقـضـي بـمـا امـر حسـب الوفـاء بالـعـهـود

عاقل بن صبر ...✍️

يا طـائـره بـعـد الـسـقـوط الـمـدوي
لا تـسـألـي عـن حـامـلات الـطـوائـر

الـمـوت الاحـمـر بــر مـائـي وجـوي
يـبـاشـر اعـمـالـه.. بـرفـع الـبـشـائـر

علـى مـسـار الـبـدر مـسـراي علـوي
واللـه نـصـيري يـوم تبـلى السـرائـر

نـور السـماء يشـهد لحضرة سمـوي
واهـل الضـلالـه بـين تـايـه وحـائـر

يا مـن تـمــادى بـالـحـمـاقـات تـوي
اتــاك خـطـاف الـبـصـر والـبـصـائـر

اسطولكم من جور الاهـوال يضوي
ويـجـر ذيـلـه بـالـنـدم والـخـسـائـر

والإف تـعـوي مـن هـجـوم البـعـوي
ذي سـلـطـه ربــي عـلـى كـل جـائـر

وهـيمـنتـكـم تحـت الاقـدام تـهـوي
بـلا حـيـــــاه لـمـيـتـيـن الـضـمـائـر

وش عـاد مـكـر الأمـركـه با يـسـوي
مـن بـعـد مـا دارت عليـهـا الـدوائـر

قـواتها العـظـمـى علـى اخـر مقـوي
والـكـبــــريـاء لـلــه يـا ام الـكـبـائـر

عاقل بن صبر ...✍️

عـلـى مـسـارات الـتـحـرر تـستـمـر المـعـركه
والـلـه محـيـي اصـلـكـم يا حامـلين اثـقـالها

يا من كسـرتوا شوكة الصـهيـونيه والأمـركه
سلـطـكم الـبـاري علـى اسـطـولاتـها وارتـالها

سـخـر لـكـم من قـوة الإيـمـان ما لا تـمـلـكه
شـر القوى العظمى وخس احـلافها واذيـالها

من غيركم حطـم قـواعـد زيفـهم والـفـبركه
واتكـفـلوا بـنـهـايـة اسـرائـيل واسـتئـصـالها

ادركـتـوا النـصـر الذي ما اثنين مليـار ادركه
على النـصـارى واليـهـود اعـداء النـبوه وآلها

تمـادت اسـرائـيـل والـقـت نـفسـها للتـهـلكه
وزجـت امـريـكـا لكي تلـقـى جـزاء اعـمـالها

قولوا لذي ما قصـف غـزه والحـديده حـركه
ولا تـأثـر مـن حــــــداد نـسـائـهـا واطـفــالها

لا قــوة الـعــــالـم ولا قــواتـه الـمـسـتـهـلكه
تنجيه من ضـربات طـوفـان اليمن واهـوالها

عاقل بن صبر ...✍️

حسب العـوايد والاسـلاف القضـاء بالسلف
والـبـادئ اكــرم ومـكـيــال الـكـرامـه وفي

والـوقـت دوار يـا مـن دار حــــــولـه و لف
مـهـمـا تـمــادى الـعـدو لابــد مـا نـلــتـــفي

يا مـونتـي في مجـازيـن الجـعب والقـفف
صـبـي دمـوع الـيـهـودي من دمـه واذرفي

ما تخـرج الـشـعب والأمـه من المـنـعـطف
الا قـواعــد مـحــمــــــد نـاصـر الـعـاطـفي

لا وجـه الـفـرط صـوتيـات صـوب الـهـدف
رمـى نصف في نصف طـوفان ما ينـطـفي

العنـف بالعنـف الاعنـف والصـلف بالصـلف
والـكـف بـالـكـف لامـا المـعـتـدي يـكـتـفي

تـرمـب في لـجـة المـوج الأجـاج انـجـرف
يا ارض رجـي كـيـان الغـطـرسـه وارجـفي

عواصـف اليم تعصـفـهم وقـاصـف قصـف
وشـعـبـنـا حتـف انـف الـيـهـوده يـحـتـفي

عهد الشرف يا سـرايا القـدس عهد الشرف
لو يوقف الـكـون ضـدي ما اختلف موقفي

مع فـلـسـطـيـن رصـينـا الـقـوى صف صف
واللـه مـع صـف مـن يخـتـاره ويـصـطـفي

الحـرب في مبتـداها واللـقـاء في الـطـرف
يـوم الـطـوارف تـنـــــادي كـمـن الـطـارفي

داعـي نـكـف يا جـنـود الـلـه داعـي نـكـف
واعـلان صـوت النـفـير الـعـام ما يخـتـفي

نـطـوي ملـفـات واشـنـطـن ونفـتـح مـلـف
الـضـربـه الـقـاضـيـه يـا رايـتـــي رفـرفـي

عاقل بن صبر …✍️

النـصـر موعـود وانصـارك علـى الميـعاد
يا رب... وانت الـذي ما يخـتـلف وعـدك

حـررت عبـدک من اقصاءآت الاستـعباد
ومـن تـجــاوز حـــدودك مـا بـلـغ حـدك

تخسى قوى الهيـمنه والشـرك والإلحـاد
وانت العـزيز المـهيـمن في العلا وحدك

نـشـهد بأن لا الـه الا انـت في الأشـهـاد
تـأيـيـدنـا من يدک والنـصـر من عـنـدك

حـيـاتـنـا لك ومـرجـعـنـا والاستـشـهـاد
يا حـــي قــيـــوم لا قـبــلـك ولا بـعـدك

احيـيـتـنـا بـالــهــدى ولـكـل قـومٍ هــاد
واحنـا مع قـايـم اعـلام الـهـدى جـنـدك

عـلـى اتــم الـجـهــوزيـه والاســتـعـداد
نـواجـه اعـداك ونجـاهـد عـلـى عـهـدك

موج البحار التـهـم فرعـون ذى الأوتـاد
واحنا في البحـر الاحمـر جـزرك ومـدك

احنـا عـلـى كل متـمـادي غـضـب وقـاد
واحنا عصا من عصاك ومن خرج ضدك

احنا حبـال المـسـد ذي هانت المـوسـاد
واحنا يدك ذي تدك البـيـت الابيـض دك

واحنا السـند والمـدد والدعـم والإسـناد
لـقـطـاع غـزه والاقـصـى وفـدنا وفـدك

نقـطع يـدا المـعتـدي ونبيـد الاسـتبـداد
ولنـا فـي الـكـون تـمـكـيـنـك وتـأيـيـدك

عـلـى نـداك انطـلـقـنـا تضـحيه وجـهـاد
وانـت الـذي مـا الخــــلايـق كـلـهـا نـدك

لبـيـك والـمـوت لاســرائـيـل بالمـرصـاد
والأمـر لـك فـوق الامـريـكـي ولـك ردك

نـبـشــر اعــداك بـنــهـايـة ثـمــود وعـاد
عـلـى كـنـف مسـجـدك ونسبـح بحـمدك

عاقل بن صبر …✍️

على امـريكا وإسـرائيل دقينا طبول الحرب
فلا يمـكن يقـف مسـلم مع الكـفـار ويحارب

طرحنا الجمع للقسمه وحددنا مسار الضرب
وسلطنا على اسطولاتهم سيف الله الضارب

سفنـهـم ولت الأدبـار والمـدبـور ضل الدرب
وغــزه تنعت الأحرار في صنعاء وفي مارب

غريبه يا بيـادق حايره ما بين شرق و غرب
تحالفها نكث عهده وفك الحبل على الغارب

ويا غبنـي عليكم كلما اشتد الوغـى والكرب
الا يا نجدة الملهوف !؟ من ذا ينجي الهارب

عاقل بن صبر …✍️

عـقـارب الـصـفـر 0 دقـت سـاعـة الإنـذار
والـصـهـيـنـه تحـت صـفـارات الانــذارات

والـحـرب دارت رحــاهـــــا والـزمـن دوار
يـا سـاقــي الـمــر با تـتـجـــرعـه مــــرات

عـاد الـبـراكـيـن بـا تـجــتــــاح ابـو زنـــار
ويـطـوف بكيـانهـم طـوفـان واعـصـارات

نصـلـي تـرمـب ونـتـنـياهـو جحيـم الـنـار
وعـلـى نـهـايـة اثـرهـم نـحـسـم الـثـارات

الم تـروا كيـف صـارو!؟ يا اولـي الأبـصـار
احـلامــهـم واهـيـه واعـمـالـهـم حسـرات

الـنـجـم الازرق تـهــاوى والـكـيــان انـهـار
واتـرقـبـوا عن قـريـب وعيـدوا النـظـرات

بإطاحـة الهـيـمـنـه وسـقـوط الاستـعـمـار
صغنـا البشـارات في مـشـروع وشـعـارات

سـلاحـنـــا الـلـه اكـبـر فـوق الاسـتـكـبـار
واصـرارنا في المـعـارك فاق الاسـطـورات

وبكـل مسـئـوليه واحـسـاس واسـتـشـعار
جـيـنـــاك يا قـبـــلــة الـثــوار والـثــورات

اتـاك شـعـب الـيـمـن فـي سـيـلـه الـجـرار
يـرتـل الـفـتـــح والأنـفـــال والـحـجــرات

فـي كـل سـاحـه تجـلـجـل رايـة الأنـصـار
والجـيـل فـي كـل ديـره يخـتـم الـدورات

الـكـل فـي حـالـة اسـتـعــداد واسـتـنـفـار
عـلـى اتـم الـجــ&ـــــوزيـات والـقـــدرات

خـضـنـا غـمـار الـمـنـايـا والجـهـاد اغـمـار
مـا غـيـرت عـزمـنـا الضـربـات والـغـارات

من سـورة الـصـف رتـبـنـا صـفـوف الـثـار
بانجـاز نـوعـي من التصـنـيع والـخـبـرات

واسـأل عـلـيـنـا سـلـيـل الـحـيـدر الـكـرار
وذو الـفـقـار الـمـجـنــح عـابـــر الـقــارات

الحـاطـم الفـرط صـوتي قـاصـم الـكـفـار
مــا تــرصـــده اي مـنــظــومـــه ورادارت

يـجـتـاح بن غـوريـون ويـجـرف الفـجـار
ومـع رجـال الـثـغـور يـســــدد الـثـغـرات

اسـتـــأنـف الـعـالـمـيــه يـا عـلـمـنـا الـبـار
واكسـر انـوف العـداء يا كاسـر الشـفـرات

دک الـمـطـــــارات يا قـاصــف بـلا طـيـار
وطـائــرات الـشــبــح والإف مـنـــــهارات

الجـــو والبـحــــر يـلـفـظ حـامــل الأوزار
وسـيـوفـنـا طـالـت اسـطـولات و وزارات

مـع فـلسـطـيـن بـا نـسـتـكـمـل الـمـشـوار
لـن نـنـثـنـي لـو تـحــــــــولـنـا الــى ذرات

وفـي رضـى الـلـه مـهـمـا كـانـت الأخـطار
نعـيـد مـسـرى النـبـي ونـجـدد الـهـجـرات

بـالـقـاهــر الـمـنـتـقـم والـقـاصـم الـجـبـار
ندحر قـوى المجـرمـين ونرمـي الجمـرات

لا امـن بـا يـشـمـل الـعـالـم ولا اسـتـقــرار
ولا تـفـاوض وتـفــــــويـضـات وحــوارات

حـتـى نـرى الـمـعـتــــديـن يـولــوا الأدبـار
والأرض تشـرب نجـيـع الـدم عـذب فـرات

عاقل بن صبر ...✍️

بـولايـــة الـبـــــــاري هــزمــنــــا الــولايـات
وبــقــــوة الـمـــــولــى تــهــــاوت قــــواهـا

ولـنـــا مـع غــــزه مــواقــف وغـــــــــايـات
مـا غـيــــــرتـهــا الـمـغــريــات وغـــــــواهـا

بـازكــى دمـــانــــا والــنــفــوس الـزكــيـات
نــفـــدي حـمــــــاس ونـرتـــــوي من رواهـا

قـضـيــــة الـــقـــــــدس اول الأولــــويــات
مــع ابــن بـــدر الــديــن رافـــــع لــــــواهـا

مـن ســورة الإســـراء حـشــدنـا الـســريـات
وطــور ســيـــنــاء مـا نــســيــنـــا طـــواهـا

مـن فـصـلـت ضـربــاتـــنـــا المـفـصــلــيـات
بـا تـلــوي اســـرائــيــل فـي مــلـتـــــــواهـا

عـلـى نـهـايـتـــــهــا رســمــنــا البـــــدايـات
فـي بـرهــــا فــي بـحـــرهـــا فـي هــــواهـا

فـي كـل مـحــور مـحـكـمـه لـلـجـنـــــايـات
وكـل عـلــــــه عــنــــد شــعــبـــــــي دواهـا

عــاد الـيـمــن بـا يـرغـمـــــــوهـا الـمـنـيـات
ويـسـمــــع الـعـالــم نــــــوايـــــح عــــواها

تـصـلـى جـحـيـم الـمـوت الاحمـر صـلـيـات
والـنـــــار تـطـــويــهــا وتـشـــوي شــــواهـا

يـا شـعـــب لـك فـي ذروة الـعــــز رايـــــات
عــــزز عـلـى درب الأبــــاء مـسـتــــــــواهـا

الـلـه رفـــع قــــــدرک وذكـــــــرک بـ آيــات
عـالــم نــوايــــا الـعـبـــــــد فـيــمــا نــواهـا

رعـــايـتـة مـن فــــوق كــــل الـرعــــــايـات
وعـنــــــايـتـه تـكـفــيـك عــمــن ســـــواهـا

بـالـعــزم والإصــــــــــــرار والـمـعــنـــويـات
مـن سـاحـة الـسـبـعـيـن الـى نـيـنـــــــواهـا

لـلـمـســـجــد الأقـصـــى نــزف الـتـحــيـات
والـنـصـــر للإســــلام فـــي مـحــتــــــواهـا

#يمن_الواثقين_بالله
#عاقل_بن_صبر ...✍️

. بيـــــــــان 🗞️ عاجـــــــل

بسـم الله اضرب واسدد واستمع واقراء
بـيـان عـاجـل ســـريـع الـبـث الاخـبـاري

والحمد والشكر في السراء وفي الضراء
لـمـن بـيــديه نـصـر الشـعـب الانـصـاري

تسـبـحه في السـماء واليـم والصـحـراء
بـروجـه الـسـابـحـات ونـجـمـه الـسـاري

به امتطينا الضـحـى واللـيـل والفجـراء
وما طـريـنـا لـغـيـره في الـوغـى طـاري

عواصـف البحـر الاحمـر قـارعه حـمـراء
تـرمب فيها انجـرف وخـروجه اجـبـاري

هـزيمتـه سـاحـقـه ★ ونهـايـتـه غـبـراء
من ارتـمـى في لظاي وعـاصـر اعصـاري

والـجـويـه ما يـغـيـر مـوجـهـا الإغـــراء
طـوفـانـهـا يشتـعل واعـصـارها الـنـاري

الـفـرط صـوتي يـرتـل ســـورة الإسـراء
والنـجـم الازرق ورى الأنقـاض مـتـواري

والـبـريه من وفـــود الحـشـر والنـشـراء
تـشـد ازري عـلـى اسـتـكـمـال مـشـواري

نـبـرى الى الـلـه فـي المـيـدان والأوبراء
من كل قول او عمـل قد يغضب الـبـاري

يا قـــارة آســيــا والــقـــاره الـســمــراء
خـوضي بـروفـات جـولاتـي ومـضـماري

واتـأهـبــي يا ربـى الـجـــولان والبـتـراء
لـمـرحـلــه حـاسـمـه شـمـسـي وقـمـاري

تطـهـير الاجـرام قيـد المسـح والإجـراء
والـمـعـركه مـسـتـمــره والـعـمـل جـاري

بن غـوريـون احتـرق والقـادمـات احراء
بـنـهـايـة الـصـهـيـنـه وكـيـانـهـا الـهـاري

عاقل بن صبر ...✍️

. خارج ⛴️ السيطره

مـن وعــــد ولـيـنـصـرن الـلـه مـن يـنـصـره
سـلـط جـنـوده عـلـى امـريـكا واسـاطـيلـهـا

اسـطـورة البيـت الابـيـض خارج السـيـطره
جـائـت بـطـــولاتـنــا تـدحـض أبــاطــيـلـهـا

تـرمـب فـي حـربنـا اتـربـى علـى الـقـهـقـره
وحـامـــــلات الـطــــــوائـر قـرحـت ذيـلـهـا

هــاري تـرومـان بـ اســوئ حـال مـتـدهـوره
مـا حـيـلـهـا تـردع الأنـصــــــار مـا حـيـلـهـا

وذو الـفــقـار الـمـجـنـح فـي يـد الـحـيـدره
يا ويـل ويـل اولـيـاء الـطـاغـوت يا ويـلـهـا

عـاد الـجـحـافل عـلـى اسـر!ئـيل مسـتـنفره
مـن وحــي الانـفـــال والإسـراء وتـرتـيـلـهـا

بـمـجـنـحـه فــرط صــوتــيـات ومـسـيـــره
وطــيـور ابــابـيـل تـرمـيــهـم بـسـجــيـلـهـا

نـكـيـــل الارتــال كـيـل الـصـاع والـسـنـدره
فـي كـل سـاحـه ونـتـمـتــــــع بـتـنـكـيـلـهـا

اقـسـم بـمـن ثـبـت اقـدامـي عـلـى محـوره
ماتوقف اعـداء اليمن ساعـه على ارجيـلـهـا

احـنـا اولـي الـبـأس والـقـــوات والـمـقـدره
ذيـمـا نـبـــــــــالـي بـواشـنـطـن وتـأويـلـهـا

مـهـمـا تمـادت قـوى الإرهــــاب والـعـنـتـره
ســوط الـعـــذاب الإلـهـي فــوق تـهـويـلـهـا

وتـيـرة الـحـرب فـوق اوضـــــاع مـتـوتـره
وكـل رآيــــــــــه جـلـيـه تـخـتــبـر جـيـلـهـا

لا اخـوان يوسـف نـجـو بالـعـفو والـمـغـفره
فـثـأر هـابـيــــل بـاقــي عـنـد قـابـيــــــلـهـا

مـا هـمـنـا فـي ســبـيـل الـلـه مـا نـخـســره
صـنـعـاء مـع ابـطـال غـزه حركـت سـيـلـهـا

رووح الـهــــويـه فـي الأعـمـاق مـتـجــذره
يـوم الـمـــراجـل تـخـبـِـر عـن رجـاجـيـلـهـا

والـحــريـه فـي دمــاء الأحــرار مـتـسـعـره
فـاقـت مـعـايـيـر ديـمــــــونـه وتـفـعـيـلـهـا

مـن انـت حـتـى تخـيـف الشـعب وتـحـذره
تـخـسـى قـنـاة الـنـتـن يـاهـو وتـحـلـيـلـهـا

هيـهـات نـهـدئ وعاد الـقـدس مـسـتـعـمره
حـتــى زواال الــيـهــود وبـعــد تـرحـيـلـهـا

وعـد الـجـلاء يـا بـنـي صـهـيـون والآخــره
آيـــــه جـلـيـــه فـي الـقــرآن وانـجـــيـلـهـا

والأمـــــر لـلـه والـتــــــــــــدبـيـر مـا دبــره
وسـنـتـه فـي الـخـلايـق صـعـب تـبـديـلـهـا

عاقل بن صبر ...✍️

غابت امجــاد الـعـرب في قـصـور الأغبياء
واحـذيات البـيت الابيـض تدنـس كل بيت

والثراء الـفـاحـش يوطـي رؤوس الأثـرياء
من جـمـعـهـا كـيـت سـلـم ابـوهـا كمـبليت

يـا ولــي الـعـهـر في بيـت مــال الأغـنـيـاء
باعك الله يـوم بعت الـقـضـيـه واشـتـريت

بـعـد خـذلان الأشـقــاء ودعـــم الأشــقـياء
لا حمـايـه لك من الله بـمـن فيـه احتـميت

هـكــــذا كـمـن ذنـب يـنـفـق امـوالـه ريـاء
والـمـنـافـق في جـهـنـم دريت او ما دريت

رحب الـعــــاهـر بحـضـره زعيـم المـافـياء
في حضـور مـمـثلين الـمـنـامـه والـكـويت

والأمـارات و قـطر في المـطارات احـفـياء
بالـغُـنـى والـرقـص والـطـائـرات تـرانـزيت

لا حـمـيــة لا شــرف لا رجــــولـه لا حـيـاء
والله اني شـفـت قلت حـيـاهم واستحيت

يا اليـمـن والضـاحيـه والـعـراق وسـوريـاء
اهـدمـوا بنـيـان مـن جاء يـهـدم ما بـنـيت

لا مـكــانـــــه لـلـــولايـات عـنـد الأولــيــاء
والـكـيـان انـهـــار يـا ذي مـع غـزه غـزيـت

دام حـسـبـــان الـوفـاء راسـمـال الأوفـيـاء
حسـبـنـا الله وكـفـى به وبـرضـاه اكتـفيت

عـــــــــــزنـا بـالـلـه والـعـاقـبـه لـلأتـقـيـاء
جل شـانه مالغـيره خـضـعت ولا انحـنـيت

عاقل بن صبر ...✍️

.. تحت السيطره

قال اليمـــاني ما بقي ما نخسره
يا زمرة امريكا وحلـف المنكرات

موقف رجـــال الله ما شي غيره
على مدى الأحداث و المتغيرات

ولا خـضـعـنـا للـكـيان وجـوكـره
لو تمطر الدنيـا حمـم متفـجرات

عرواتنا الوثقـىٰ بـمـولى المقدره
تغلب موازين القـوى والمقدرات

نوقف ونتصــــــدى لكل مؤامره
ونواجـه التـطـوير بالمتـطـورات

نحذر اللي ما وجــــــوب نحذره
اول بروفات الحـروب منـاورات

ما دام غــــزه جاوعه ومحاصره
تبقى مطارات الكيان محاصرات

والرد ساحق والنباء من مصدره
على خطوط الوارده والصادرات

اما يـفـك الـحضـر والا نحـضـره
من بحـرنا المالح والانهار الفرات

عقـارب الصـفـر الأخيـره تـنـذره
والنفخه الإولى تشب الصافرات

من ينقذ العـبـراني ومن ينـصره
من ذوالـفـقـاري عابرات القارات

واشنطن اختارت طريق القهقره
مستبدله حرب اليمن بمحاورات

واسطورة الفجار تحت السيطره
بالطائـرات وحامـلات الطائـرات

ومـدمِــرات وبـارجــات مـدمـره
تبخرت جنب السفن والباخـرات

ولى زمان الـهـيـمـنـه والعـنـتـره
ومخططات الـصـهـينه متعثرات

والسيف ذو حدين بيـد الحيدره
يبيد الاستـعـمار والمـستـعمرات

فارد جنـاح الميـمـنه والمـيـسره
بمجنـحه باليـستـيه ومـسـيرات

واحنا معه فوق الكيان ومنحره
كالسابحات السـابقات الزاجرات

المـوج زاخـر والنجـوم مسـخره
والسـيل عـارم والرياح مبشرات

شعب المدد هيهات يهدأ محوره
الا وقد كل الـشـعـوب محـررات

عاقل بن صبر …✍️

نـصـرة فـلـسـطـيـن قال الـشـعـب الانـصـاري
واجـب عـلـيـنـــا ~ ولا شـكـراً عـلـى واجـب

وحـمــــــــــدنــا والـثـنـاء والـشـكـر لـلـبــاري
مـا خـاب وعـــده لـنـا،، والـمـعـتــدي خـايـب

الـبـيـت الابــيـض يـجـــر اذيـــالـه اجـبـــاري
هـارب مـن الـمــوت ذي مـا يـرحــم الـهــارب

والـنـجـــم الازرق عـلـى الأعـقـاب مـتـــواري
يوم اعـتـليـنـا الـسـحـاب بـنـجـمـنـا الـثـاقـب

الـيـوم لا ايـزن هـــــور تـنـجــي ولا هـــــاري
فـي بحـر لـجـي جـرفـهـا مـوجـنـا الـغـاضـب

ولا الـدفـاعــــات تـدفــــع عـنـهـم اعـصــاري
قـبـابـهـم قـاب قـوســــــيـن الـغـسـق واقـب

والـمـعـــركـه مـســتـــمـره والـمــــدد جــاري
لا عـاصــم الـيــوم لـلـمـسـتــعـمـر الـغـاصـب

عـاد الـمـســـــــيـر عـلـى تـنـكـيـلـهـم ســاري
والأرت في الـنـار والـمـوجـب علـى السـالـب

وعــــــاد ذيـمـــا طـــرى لــه قـبـلـنـا طـــاري
مـن الـصـــــواريـخ فـي تـطـويـر مـتـنـاسـب

دفــاع وهـجــوم بـرمـجـتــه عـلـى اذكـــاري
مـفـاجـئــــــه لـلـعــدو واكـــرام لـلـصــاحـب

قـولـوا لـذي مـا احـتــــرم قـدري ومـقــداري
انــا الـيـمـن نـجـــدة الـمـلـهـوف والـحــانـب

ضــمــاري الـحــــريــه والـقـدس مـضـمــاري
والـفـتــح مـوعــــود والتـصـعـيد مـتـواكـب

يـا صــفــقــة الـقــــرن لا بــايــع ولا شـــاري
من سـمـم الكـاس من كـاس الـفـنـاء شـارب

ومـن تـــبـــذخ بـبـتـــــرولــي وديــنـــــــاري
عـلـى سـراب الـمـنـــايـــا يـصـبـح يـســارب

دارت عـلـى مـن يـجــــر الـنــــــار الـى داري
والأمـر مـحـسـوم فـي صـنـعـاء وفي مـأرب

عــــدونـــا الــكــــل ذي كــلــيـــن بـــه داري
وعـــزنـا فـي الـجـهـاد ونــهــجــه الـصـايـب

عــز الـلـه ان ثــــار غـــــزه واهــلـهـا ثـــاري
مـطـالـبـيـن الـنـقــاء يـا شــبـل ابـي طـالـب

مـشـاعــري نـحـوهــــم تـجـسـيـد لـشـعـاري
فـي مـلـحـمــه تـبــهــر الـقــاريـن والـكـاتـب

لـبـيـك يـا سـيـــــدي كـمـن اســــد ضــــاري
مـا يـنـثـنـي لـو عـلـيــــه الـكـون مـتـكـالـب

طـوفـان شـعـب الـيـمـن واعـصــاره الـنـاري
جـحـيــــم وقـــاد فــوق الـيـهــــوده لاهــب

يـا ذ9 الـفـقـــار الـمـجـنـــــح خـلـف راداري
اضـرب في الاعـمـاق يا سـيف الله الضـارب

تـخـطّـف اقـمــــــارهـــم بــدري وقــمـّـــاري
ما يحـجب الـبـدر في كبـد السـمـاء حاجـب

انـهـــارت الـصــهــيـنـه وكـيــــانـهـا الـهـاري
وتـحـالـف الـغـرب فـك الـحـبــل عـالـغــارب

الـمـســتـتـر بـالـمـريـكـي فـي الـعـراء عـاري
والـمـلـك لـلــه وحـــــده امـــــره الـغـــالــب

قـلـنـــا حـذاري ومـن يـتـجـــاهــل انـــذاري
لا عـــذر لــه يــوم يـلـقـى الـلـه ويـحـاسـب

عاقل بن صبر 25/5/2025 ...✍️

. #زوال_الكيان

زوال الـكـيـان المـرتـمـي في مـرامينا
علـى احمـى شـراره عالـمـيه وكـونيه

وحـنـا لـوعـد الله الاقـوى اسـتـعـدينا
بـقـوات نـوعــيـه وفـزعــات عـــونيه

اذا جـاء وعــد الآخـره بالـنـقـاء جـينا
كما الفـرط صـوتيه بـسـرعه جـنـونيه

يجـوب العـواصم والمـطارات والمينا
عجـاج اليمـن والـراجفـات المـيـونيه

بدأنـا بـعـــون الله نـبـــــاشـر اعـادينا
بـضــــــرباتنا الباليـسـتـيه والـدرونيه

وعـاد المـخـبـاء للـوغـى في مخـابينا
مـن الـتـكـنـولـوجـيـات والإكـتـرونيه

يـفـوق الحـسـابـات ويـخـل المـوازينا
ويقـضـي على الإرهـاب والراهـبـونيه

كما عـذب الله التـحـالـف على ايـدينا
رمـيـنـا الـنـتـن يـاهـو وزدنـا مــرونيه

ثبتنــا مع غــــزه بـرغــم انـف غـازينا
نـمـــرغ انــوف الإف والـتـــايـفــونيه

وثـقـنـا بـقـوة مـن وضـع قـوتـه فينا
بعيـداً عن اوهـام الضـلال الـظـنـونيه

فلا الجـمـع يردعنا ولا القصـف يثنينا
ولا الإنـشـــطـاريـه ولا الـنــيـتــرونيه

ولا يمكن الـمـجــرم بـكيـفـه يمـشـينا
ولو يجني اموال العرب وسط جونيه

بـمـا يرضــي الـلـّٰه ويـشـرف اراضـينا
فرضنـا على امـريـكا عـقـوبات هونيه

طـوينا قـرون الـهـيـمـنـه قبل تطـوينا
ودسنـا على تكـسـاس والسـاكسـونيه

حـزمـنــا لـوانــا واحـتـزمـنـا مـبـادينا
والاِسِنـاد مطـراوي على اطوار بـونيه

لنا في الفضاء طـوفـان ماشي يطفينا
بمـوجـات كهـروضـوئيـه كـهـرمـونيه

نـهـايـة بني صـهــيـون غـايــة امـانينا
وصرف الـمنـايا اسرع من اليونـيونيه

صـدقنـا مـع مـولـى الـجـلالـه تـولـينا
بـمـسـلـول ذوحـديـن واســلام ذونيه

فـلا تـربـشـونـا دون من جـاء يـبـارينا
بـرونـالـدو واهـــدافـــه الـبـرشـلـونيه

ولا تِـنـسِــوا الأيـام حـرقـة مـئـآسـينا
بنـفي الحقـايـق وانفـتـاح الـفـنـونيه

نداء المسـجدالاقـصـى وغـزه ينادينا
ويـنـظـر الـى الأمــه بنـظـرات دونيه

الا يـا امـــة الإثـنـيـن مـلـيـــار مـلـينا
والالـوان شـكـلـيـه والاشـكـال لـونيه

كفاكم خضـوع.. وحسـبنـا الله يكفينا
نـفــذنـا بـأمـــره والـسـبـب والإذونيه

لنـصـرة فـلـسـطـيـن استجـبنا ولبـينا
نـصـيــغ الـبـيـان انـبـاء تـلـفـازيـونيه

نـصـفـي كـيــان الـشـر والا يـصـفـينا
وتـصـبـح بلاطـات الـردى بـالـطـونيه

عاقل بن صبر ...✍️