Oʻzbekiston Respublikasi xalq shoiri, sheʼrlari orqali yurakni titratgan ijodkor Muhammad Yusuf. Soddadil va kamtarligini oʻz sheʼrlarida ifoda etgan Muhammad Yusuf garchi hayot bo‘lmasada, boy ijodini qoldirib ketgan. Goʻyoki u sheʼrlari bilan tirikdek. Andijon qishloq xoʻjaligi va agrotexnologiyalar instituti talabalari ijodni yaxshi koʻruvchi yoshlardan. Shoir tavalludiga bagʻishlab adabiyot kechasi oʻtkazildi. Unda Oʻzbekistonda xizmat koʻrsatgan madaniyat xodimi, "Saodat" jurnali bosh muharriri Munavvara Usmonova, "Yoshlik" jurnali bosh muharriri, yozuvchi Nurillo Chori ishtirok etishdi. Unda notiqlar
Qovunchi qishlogʻining soddadil oʻgʻloni ijodidan namunalar oʻqilib, uning eng insoniy fazilatlarini yod olishdi.

Shoirning qizi N.Yusupova ham tadbirga mehmon sifatida taklif etildi. Otasining bugungacha xalq tilidan aslo tushmasligi, sheʼrlari kitobsevarlar qalbini haligacha oʻzgacha mehr ila chulgʻab olishini faxr bilan soʻzladi.

♻️AQXAI matbuot xizmati