نعي

خويه من ركض يحسين تعبانه وادري متغير مو انه
خويه الضيم اجه وصار ذيج المسيه وادري حيل ذبلانه
خويه يا ابو علي أخ أخ
لو اكلك شيسوون بيه ضرب جنت اميره وهسه سبيه
والله مدلله خويه والله مدلله صارت بين الناس وليه
تعبانه يحسين وعلي الخيل هاده
لا واحد يفزع النه واجيتك شارده
أخ أخ
هنا زينب تعاتب الحسين وتكله
خويه شو وينك شو وينك خويه الف جرح والخيل ساحكينك
عمت عيني عمت عين حتى ما وادعيتك
شلون تقبلها اختى يسيرها

كلمات الشاعر علي لفته خضير الدريساوي

كونك تاشر اشر يحسين
اكلبك يا خوي وي المطاعين
لو بيك حيل افزع علينه
صار مصدر الشامت وعين
وفزعونه اليله هاي الخيل اجت


وصلانه ولكن يجر بل اسم كوه
وحده تكول هوه وحده مو هوه
على جسد حسين تخلف الراي
وعد راسه بجت زينب البجي يسوه
وصاحت تكلوله وهاي الخيل اجت

مدري شلون وهيج صار يحسين
زينب اخذتها وطبت الديون
زينب وينها وين الدواوين
هسه تفزع نريدك
حركوها الخيمه صاحت من طحت


وين تروح لماعدها خوان
وهيه تدري يحسين تعبان
انه اجيت ولازم تكوم
من الشمس ليش ذبلان
عل ترابه اخوي حسين نايم


شكد كالو حسين لجن ما فاد
ذيج ازلامجن طاحو قاد
يصيحت وبدوره على الماي
وكلن خويه ارجع وما راد
من فوك ميمونه جرته الزلم


ازلامته ما تشبه ازلامكم اهواي
صح عطشان بس ما شرب ماي
زينب يستحي يجي بهل ناس
اخوج تعبان وما تكدرين بلياي
بس هايله اشبعي موادع

تلاكو حسين وي بنته يبجون
و هوه يكل شو تعبانه ام عون
خويه مدري شلون عفتك وهيج صار
خويه لا شايفتك ولا شايفه النوم
صاحت الحكولي وين أولاد هاشم


كلمات الشاعر علي لفته خضير الدريساوي

اكعدي وياي يعمه اسولف شنهي حلمه
حلم ما ينحمل

اتذكر بحمله يعمه موقف كلش صعب
من طلع من الخيم كلبي يلجم وينثرب
ادري هاي اخر صبح وباجر مساء حرب
يرجع وياي كون اراوي ضرب الامتون
ياعمه


على الحلم والكطع عمي جفينه
طايح عل ترب عمه الله يعينه
وعلى عينه السهم يا عمه ضاربينه
اصيحنه وما يفز عمي العزيز
يا عمه


الله يستر لو باجر كلهم عني مشم
كلمه تجرح كلبي اذا ابوي وعمي حجم
باجر يسافرون ومن السفر ما الهم ردت عليه
سفرهم ما منه جيه وانه شنهي بديه
يا عمه



باجر من يجي الطف اشلون اكله
بويه كل عمي كون قراره يبدله
احنه شكم عباس بويه عدنه
ارجع وياي وعوف الماي
عمه


اكعدي يا عمه وشوفي شصار بيه
اكعد قبل انام وما منعا يعمه جيه
هذا الضرب وبعد ضرب كلهن عليه
شلون بلياج وين احمي روحي
يا عمه

كلمات الشاعر علي لفته خضير الدريساوي

زينب تنادي اخوهه عيوني عباس
*****

ليوم طف الطفوف ورايه
هوه لزينب منطي حجايه
ويخيرو بين هيه وهايه
بل طف ينزل ونص المعركه اقرايه
صاحت بل حرب نوماس زينب تنادي اخوهه عيوني عباس
_____
لو علم بيده جان فراها
والكلمات بنصهم عليها اقرأها
وتوسط العسكر بيها ناداها
زينب ليوم اسوي فيايها
صاحت هلا يخوي رفعت راس زينب تنادي اخوهه عيوني عباس

____
وصولات علي المعركه وخيالها
يلوي لوي وشردو رجالها
مشه بل خيل وطاحت خيالها
من الحرب للحرب اخوي احسين كالها
بنص المعركه يواس زينب تنادي اخوهه عيوني عباس

كلمات الشاعر علي لفته خضير الدريساوي

من صعدت اميره على الهزل وتون

وحشه صارت دونك خويه الاهل

من الوكت صاحت زينب يخوي

اشوفك هسه ازراك المتن

زينب زينب اه يزينب

_

بجي اطفال وخيم ماخذتها نار

عود افترت علي ضرب الصغار

ماكو بعد أسلمت بوحشه دار


خويه حسين خويه حسين اخيام نار


من صعدت اميره على الهزل وتون

وحشه صارت دونك خويه الاهل

من الوكت صاحت زينب يخوي

اشوفك هسه ازراك المتن

زينب زينب اه يزينب

____


خويه صرنه كل ما نمشي نعثر بحبل

خويه والسوط ينزل ضرب المتن

خويه بين الغرب تنزل دمع الجفن

وهناك خليت السمه ترفع ونين

خويه حسين خويه حسين والجفن

من صعدت اميره على الهزل وتون

وحشه صارت دونك خويه الاهل

من الوكت صاحت زينب يخوي

اشوفك هسه ازراك المتن

زينب زينب اه يزينب
___

اسمع بجي نسوى وذيج بناتك

شبت نار وحركو عليها خيامك

اسمع شمر يصيح احسين اخر ايامك

وهيج الكول سبيه اهلك جدامك

اخوي حسين اخوي حسين حركو خيمنه

من صعدت اميره على الهزل وتون

وحشه صارت دونك خويه الاهل

من الوكت صاحت زينب يخوي

اشوفك هسه ازراك المتن

زينب زينب اه يزينب

_

هذا عبدالله نفطر كلبي من سهم

الله يساعد احسين من ذاك الالم

لا أخو عنده هسه ولا عون ولا عم

وتشوف كربلاء تأخذ بأخوي ندم

اخوي حسين اخوي حسين شلون بنيني


من صعدت اميره على الهزل وتون

وحشه صارت دونك خويه الاهل

من الوكت صاحت زينب يخوي

اشوفك هسه ازراك المتن

زينب زينب اه يزينب

__
كلمات الشاعر علي لفته خضير الدريساوي

يا سهم بكلبك ما راعوه
ودمك على الكافر طبكو
عمك العباس ما خذ شمره البوه
وانته شمره حيدر وصولته

عيني ما غمضت ويوجهني الدليل
شلون اخوي حسين طايح جوه الخيل
نار خيمتي ما طفت مثل نار الخليل
كوم أخذ زينب وثاراتها

زينب يحسين شالها الونين
طاحت على الكاع مطكوك الجبين
طلعت على التله تصيح يا حسين
زينب تحترك بمجمراتها

امشينه يا خيمنه يم راعي علمه
يطيح ليله كافلها يطيح

من هذا الوكت رد الضعن من ذاك المكان يتراكضن
بيك شكد دورن من كثر الجثث ما لكن
جسمك عل ترب طايح ويدورن بكل حيل الهن
جانن يتراكضن وي الخيل هسه ينطكن ممتن
ذاك راعي خيمنه امشونه يم علمنه
كفيل زين طايح كفيل زينب

_

اسمع زينب تبجي وتنوح . تون على كافلها
وتكله السبي راح اروح . وانته ميت الها
لا والي ولا عون . تون تريد الهه
من طحت يا عباس . كلب يلجم ونهه
من طاح والخيل يمنه امشينه يم كافلنه
كفيل زينب طاح كفيل زينب

..... .
اسمع ونين وحوافر . تلجم ضلوع ابوفاضل
وهي من بعيد ونهه . وتشوف شجره وتناضر
تسمع سحك اضلوعه . وتسمع حافر يطك حافر
ذاك المكان يتراكضن . بكلب زينب ما ادري شصاير
امشون هيم راعي يمينه كلوله طاح ولينه
كفيل زينب طايح كفيل زينب
____

تكله ارجع وعوف الماي . يمي اريدك يا وفاي
بين الغرب محد وياي . وانه زينب رايده فياي
لوحدي ضيم الشام جاي . ارجع فتح لعيونك
ترد يضم القهر وياي . ارجع وعوف الماي
تكله يا زلمتنه شلون تروح منه
كفيل زينب طايح كفيل زينب
............
كلمات الشاعر علي لفته خضير

يا عباس وين جفوفك طايح عل نهر ما تخلف وعودك
حركو اخيامي تمنيتك جدامي
يا عباس


يا عباس زينب بين الغرب شارده
يا عباس رايده اختك للحرب عايده
يا عباس سهم عينك الكلبي إسهام فالته
خويه بل شام ياخذوني وبل أخو يسبوني
وبلا عون وبلا حامي

يا عباس وين جفوفك يا عباس نهر وعودك
حركو اخيامي تمنيتك جدامي
يا عباس
____
خويه كلها غرب وعليه هاده
خويه ورقيه تريدك لابده
خويه وترجيه والملاحمه خايفه
محد منهم فزعه اليه من شافوني ميكده اديه
خويه بين الغرب وليه لا يمه اخوه وحامي

يا عباس وين جفوفك يا عباس نهر وعودك
حركو اخيامي تمنيتك جدامي
يا عباس
___
يا عباس جفينك على نهر
يا عباس طايح خدك على رمل
ياعباس اشلع سهم يبجيني
كل ما اذكر الوفه وذيج المحنه والدفه
هسه بين الغرب خويه وانته على نهر وجفينك
بل شام يسريه مو جنت اميره يحامي

يا عباس وين جفوفك يا عباس نهر وعودك
حركو اخيامي تمنيتك جدامي
يا عباس

كلمات الشاعر علي لفته خضير

يا حادي النوك ريض واتوانه

بعدها الغريبه عطشانه
.......

يا حادي مرمي على راعي الرايه

خلي اعاتب للعتاب شرايه

ودي العقيله تكول احجايه

شفته بل معركه وي اخوانه

يا حادي النوك ريض واتوانه

بعدها الغريبه عطشانه

___
مرلي على ابو السجاد نور عيوني

خلي يشوف دك سوط متوني

ودي سوط من بجي اعيوني

كله العقيله تريدك عونها

يا حادي النوك ريض واتوانه

بعدها الغريبه عطشانه
......
يا حادي مر بيه على اخوي الغالي

كله العقيله تكول ناضر حالي

الى اخلي الجربه بالي

يا حادي رد يل ضعن رضيته

يا حادي النوك ريض واتوانه

بعدها الغريبه عطشانه
.........

جفه بقه عل شريعه محد شاله

اريدك تناضر لبو السجاد حاله

مذبوح كلك لو بس متانه

دمعي تشاهد ونته

يا حادي النوك ريض واتوانه

بعدها الغريبه عطشانه
.......

تعبان خويه بل غرب وين

الكاك ادور على اخوي حسين

كالو يزينب شنه اصبعه من جفين

خليت روحي مجانك حيرته

يا حادي النوك ريض واتوانه

بعدها الغريبه عطشانه


✍ كلمات٠ الشاعر علي لفته خضير الدريساوي.

واويلاه بين امي واويلاه

بهل الأرض خيل اعادي جسم اخي داسته
وطاحو كلهم بهل ارض والخيل سحكت اخوته
واويلاه بين امي واويلاه

بهل ارض عباس طاح وطيحو العلم
ما شايفه يخويه عباس يطلع كلبه بسهم
وتنادي الأطفال وين راعي الشئمه وين راعي الخيم
وتناضر تعور وانته
واويلاه بين امي واويلاه


لاح سهم حسين ليها واذهلم من هل سهم
شلون نزول الغاضريه حسين مرمي دم
لو ردت اوصفلك ياخويه وين شيال العلم
وليله اعتازكم ومحد يم عازتنه
واويلا يبن امي واويلاه

يحسين هدو علينه بسيوف ورمح
وذيج المصيبه هشمت ضلوع الجرح
الضعن راد واحد مو الذبح
جا زينب تريد اعياله
واويلا يبن امي واويلاه
✍كلمات الشاعر علي لفته خضير الدريساوي

هيه بس هليله

ادعيلي مدري ادعيله

اختك يحسين بنص الغرب

حاجيني حاجيني
..............


ماخليت مجان ما ناديت

بل بجي ليلي انهار ونيت

اصيحن بسمك ما جيت

ادري تعبان

بس انه اصيحن لازم تكوم

هسه اجت عليه الكوم

لا أخو عندي ولا عون

لازم تكوم

هيه بس هليله

ادعيلي مدري ادعيله

اختك يحسين بنص الغرب

حاجيني حاجيني
___
تصيحك زينب مو غريبه

شعجب ما عرفت الحبيبه

هيج تصير من عفتني

كوم وياي

خويه جيتك بل ركض شارده

بين الخيل اختك لابده

اذا ما تجي اني عايده

مو اصيحك

هيه بس هليله

ادعيلي مدري ادعيله

اختك يحسين بنص الغرب

حاجيني حاجيني
...........

خويه اجيتك وانته تعرف

طلعتي معناها

بين الخيل والنار

رقيه وياها

تعال يله

كلهم عاد كافي

ولاخوه غافي

ما عندك مكان دافي

كوم وياي


هيه بس هليله

ادعيلي مدري ادعيله

اختك يحسين بنص الغرب

حاجيني حاجيني
.........
كلمات الشاعر علي لفته خضير الدريساوي

راحت زينب سبيه وكربلاء شمسوي بيها
هذا مني الاميره وصرت هسه يسيره

يا الاخون والله عازتكم عازه
يا الإخوان يله شيلو الجنازه
يا الإخوان زينب بل سبيه مهضومه

باجر شلون اذا غبتو عني باجر شلون
من المساء واليل ابجي باحر شلون

خويه باجر فراك والمن اشتكي اذا اشتاك
بهل مسيه

. .. . . . . .
لا تطولون ادري كربله هاي
لا تطولون راح اروح ورجعو وياي
لا تطولون تره جروح بكربله اهواي
لا تتأخرون ارجع وكون وبنحرك نشمك لا تتأخرون
وترجع بل حلم البجي كون لا تتأخرون
خويه شدعوه هيج مطولين عليه
ترجع وياي هاي المسيه
. . . . . . .. .
ليش هيج ما تردون عليه
ليش هيج اصيحن وليه
ليش هيج وتكولون ما بديه
يل الاغروب طول بعد كون يل الاغروب
بهاي شويه ويرجعون يل الاغروب
ورجعو يكولون عليه زينب مشت اسيره
وداعا اخويه بهل مسيه
. . .. . . . . . . ..
صعبه فركه ليش هيج ابعاد
صعبه فركه لا ترحون قاد
صعبه فركه مالي بعد صبر
لا تروحون ورجعو يا ناس اعيوني
لا تروحون خويه تقبلها يطكوني لا تروحون
ارجع مصاب زينب والشماته بأميره
ارجع وتطول عليه وزينب باجر سبيه
. .. .. . . . . . .
كلمات الشاعر علي لفته خضير الدريساوي

اوداع الحسين


صعبه اني ادري صعبه
احجايتي شبعت كلبه
من اكله بغربه
ضلت اخيتك ام عون
..........
شلون اكله بهل غربه تضل اخيتك

واشلون اجيب إلى رقيه وتريدك بنيتك

انه اعرف من الحجي يلجم

وذيج الاحلم تحترك والخيم

صعبه اكله ام عون بينه كانوم يشمتون

صعبه

صعبه اني ادري صعبه

احجايتي شبعت كلبه

من اكله بغربه

ضلت اخيتك ام عون

.........

اني ادري اخوي احسين طايح

وضليت بحيره ترجعه لو رايح

خويه بين هل مره اكعد وعديها ليه

ليله وراهه ضرب وشتم وسبيه

شلون اكله اخت احسين تايهت ما تندل وين

صعبه

صعبه اني ادري صعبه

احجايتي شبعت كلبه

من اكله بغربه

ضلت اخيتك ام عون

..........
اسولفلك عل خيمه مدري عليه

حركوها وجتفو يخوي اديه

مدري اسكت اجيت اونن

مدري اروح مدري اضلنن

موقف وي الرمح عطشان ورايه منذبح

صعبه

صعبه اني ادري صعبه

احجايتي شبعت كلبه

من اكله بغربه

ضلت اخيتك ام عون
..........
كلمات الشاعر علي لفته خضير الدريساوي

تردون لو وحدي اضلن احجو لا تحيرن المن
لو حجي انفهم لو بس اشاره اكعد وحاموني ولا تخلوني حايره

الحسين
ليش ما ترد لو كلت يحسين
اخيتك حايره وي الميادين
اصيحن للدفاع هاك الجفين
البت يكعد ويشبكني الحسين
كالولي مات كلتلهم نام كالولي ذبحو كلتلهم حرام
اخوي احسين وحدي اضلن
وحدي اضلن
تردون لو وحدي اضلن احجو لا تحيرن المن
لو حجي انفهم لو بس اشاره اكعد وحاموني ولا تخلوني حايره
................
العباس
انشد عليمن لو صحت خويه عباس
شيسكت كل هاي الأطفال والناس
صحت الك مو عاده تسكت ينبراس
اصيحن وصوتي مبحوح عباس
كالولي جفين كلتلهم يم حسين
رمح بيد الناس راس اخوي عباس
اخوي عباس حيرتني
اخوي عباس حيرتني
تردون لو وحدي اضلن احجو لا تحيرن المن
لو حجي انفهم لو بس اشاره اكعد وحاموني ولا تخلوني حايره
.....
كلمات الشاعر علي لفته خضير الدريساوي

تحير طيحتك هاي واني ما عندي ولي وياي
لو تفزع او تنام رايده هسه كلام
حسين حسين يا حسين
............
هل جيتك بل شموس ومحد يسئل عليه
اطيحن واكوم حتى لو ومحد كال الله ليه
شلون انه بين الغرب و باجر شلون بيه
مو بس انه حيرتني يحسين حيره كل النساوين
كون طايح ياهو يفزع ليه لا عباس عدنه وانته نايم
تحير طيحتك هاي واني ما عندي ولي وياي
لو تفزع او تنام رايده هسه كلام
حسين حسين يا حسين
........
هل جيتك بهل وكت وانته تدري بحالتي
تعبانه اخيتك تره ومحد يقدر وحدتي
اجيت بسيرة دمع لا دمعه تكفي دمعتي
اجيك وتعثر بل مشي امشي يشتمون بخوتي
صاحو لا يمج أحد اليله سبي وضرب
كل اخوتي راحو ما ضل عدل بل حرب

تحير طيحتك هاي واني ما عندي ولي وياي
لو تفزع او تنام رايده هسه كلام
حسين حسين يا حسين
............
وتعثر من كثر المشي اوكع عل كاع وارتجي
لا يمي أخو ولا عون حتى من اصيحه ما يجي
كلو علي من كثر الضرب يله اصعد يا بت النبي
الله الله من الحجي لا اكدر اكعد وارتجي
صاحو عليه غريبه واصيح انه الحنينه
كل اهلي راحو بل حرب احسين وحبيبه
تحير طيحتك هاي واني ما عندي ولي وياي
لو تفزع او تنام رايده هسه كلام
حسين حسين يا حسين
............
كلمات الشاعر علي لفته خضير الدريساوي